Tag: بجلی چوری

بجلی چوری کیخلاف الگ عدالتیں، تھانے قائم کرنے کی خبروں میں کتنی حقیقت ہے، پاور ڈویژن نے اس حوالے سے اعلامیہ جاری کردیا۔

پاورڈویژن کی جانب سے بجلی چوری کیخلاف الگ عدالتیں اور تھانے قائم کرنے کی خبروں کو مسترد کردیا گیا ہے، پاورڈویژن کے اعلامیے میں واضح کیا گیا کہ بجلی چوری کیخلاف الگ عدالتیں اور تھانے قائم کرنے کی خبروں میں حقیقت نہیں ہے۔

پاور ڈویژن کی طرف سے اس حوالے سے کوئی منصوبہ زیرغور نہیں ہے، وفاقی حکومت بجلی چوری کے خلاف مہم چلا رہی ہے۔

پاور ڈویژن کے اعلامیے میں مزید کہا گیا کہ بجلی چوروں کے خلاف مہم کیلئے قانون نافذ کرنے والوں اداروں کی خدمات بھی لی جارہی ہیں۔

اعلامیہ میں یہ بھی بتایا گیا ہے کہ چوری روکنے کی مہم پر اخراجات قطعی طور پر صارفین سے وصول نہیں کیے جاتے۔

پاکپتن‌: بجلی چوری کا مقدمہ درج ہونے پر نوجوان نے زہریلی گولیاں کھا زندگی کا خاتمہ کرلیا، ورثاء نے واپڈا ملازمین کے خلاف قتل کا مقدمہ درج کرنے کا مطالبہ کردیا۔

تفصیلات کے مطابق پاکپتن‌ میں بجلی چوری کا مقدمہ درج ہونے پر نوجوان نے انتہائی قدم اٹھاتے ہوئے زندگی کا خاتمہ کرلیا۔

محلہ چاہ دوپٹہ کے نوجوان چاند کلیا پر چند روز قبل واپڈہ حکام نے نوجوان پر مبینہ جھوٹا مقدمہ کیا تھا، بجلی کا مقدمہ درج ہونے پر نوجوان دل برداشتہ اور پریشان تھا، جس کے بعد اس نے یہ قدم اٹھایا۔

ورثاء نے کہا کہ بجلی کا مقدمہ جھوٹا اور بے بنیاد ہے، واپڈہ اہلکار رقم کا مطالبہ کرتے تھے، متوفی نوجوان کم عمر تھا اور واپڈہ اہکاروں کی دھمکیوں سے شدید پریشان تھا۔

ورثاء نے مطالبہ کیا ہے کہ جاں بحق نوجوان کے قتل کا مقدمہ واپڈہ ملازمین کے خلاف درج کیا جائے۔

اسلام آباد : حکومت نے بجلی چوری روکنے اوروصولیوں کیلئے عملے کو انعامات دینے کا اعلان کردیا، اس حوالے سے مختلف تجاویزپرمشتمل سمری تیارکرلی گئی ہے۔

تفصیلات کے مطابق پاور ڈویژن نے بجلی کی چوری روکنے اور بلنگ یقینی بنانے کےلیے متعلقہ محکموں، قانون نافذ کرنے والے اداروں کے افسران اور ضلعی انتظامیہ کے لیے پُرکشش پیکج تیار کرلیا۔

جس کی سمری کابینہ کمیٹی برائے توانائی کو ارسال کردی گئی ہے، جس کے مطابق دو سے تین سال کے نجی ڈیفالٹر سے وصولی پر قانون نافذ کرنے والے اداروں کے افسران اور ضلعی انتظامیہ کو پانچ فیصد انعام ملے گا جبکہ تین سال سے زائد کے نجی ڈیفالٹر سے وصولی پر سات فیصد انعام ملےگا۔

اسی طرح دو سے تین سال کے نجی منقطع نادہندہ سے وصولی پر پانچ فیصد جبکہ تین سال سے زائد کے نجی منقطع نادہندہ سے وصولی پر سات فیصد انعام ملے گا۔

سمری کے مطابق بجلی چوروں کا سراغ لگانے والوں کو وصولی کا دس فیصد انعام ملے گا جبکہ پیکیج کے تحت بجلی کی چوری روکنے میں ناکام تقسیم کار کمپنیوں کے افسران اور عملے کو بھی کروڑوں روپے ملیں گے۔

واضح رہے کہ تقسیم کار کمپنیوں نے نادہندہ صارفین سے 1700 ارب روپے وصول کرنے ہیں جبکہ افسران اور ضلعی انتظامیہ کے عملے میں انعامی رقم ڈپٹی کمشنر کے ذریعے بذریعہ چیک تقسیم کی جائے گے۔

اسلام آباد : وفاقی وزیر اویس لغاری نے بجلی چوری کے خاتمے کیلئے 23 اپریل تک کی ڈیڈ لائن دے دی اور کہا تمام متعلقہ افسران بجلی چوری کے تمام ذرائع کا سراغ لگا کر سدباب کریں۔

تفصیلات کے مطابق وفاقی وزیر برائے پاور نے بجلی چوری کیخلاف سخت کارروائی کی ہدایت کرتے ہوئے بجلی چوری کےخاتمے کیلئے 23 اپریل تک کی ڈیڈ لائن دے دی۔

وفاقی وزیر اویس لغاری نے تمام ڈسکوز کے چیئرمین اور سی ای اوز کو بجلی چوری کے خاتمہ کیلئے ہدایات کرتے ہوئے کہا کہ بجلی چوری کے خلاف کی جانے والی کوششیں ناکافی قراردے دی۔

اویس لغاری کا کہنا تھا کہ ڈیٹا بجلی چوری کے اصل نقصانات کےاعداد و شمار سے مطابقت نہیں رکھتا، تمام متعلقہ افسران بجلی چوری کے تمام ذرائع کا سراغ لگا کر سدباب کریں۔

وفاقی وزیر نے کہا کہ ایس ایز، ایکسنز، ایس ڈی اوز، متعلقہ فیلڈ اسٹاف کو اپنےعلاقوں میں چوری نہ ہونے کاسرٹیفکیٹ دینا ہوگا، تمام چیف ایگزیکٹو آفیسرز ان سرٹیفکیٹ کی جانچ پڑتال کر کے وزارت میں جمع کرائیں گے۔

ان کا کہنا تھا کہ ہفتہ وار کارکردگی کاجائزہ لیا جائے گا،کسی قسم کی کوتاہی برداشت نہیں ہوگی، عدم مطابقت یا متضاد شواہد پر محکمہ کےاہلکاروں کیخلاف کارروائیاں ہوں گی۔

وفاقی وزیر نے کہا کہ بجلی چوری میں ملوث اہلکاروں کو سخت سزا دینےکیلئے قوانین میں ترمیم کی جائیں گی، ملازمت سے برخاست کرنے میں رکاوٹ بننے والے قوانین میں ترامیم ہوں گی۔