Tag: بجلی چوری

کراچی : سندھ میں بجلی چوری کیخلاف سخت کریک ڈاؤن کا فیصلہ کرتے ہوئے سندھ حکومت نے سیکرٹری داخلہ کی سربراہی میں ٹاسک فورس تشکیل دے دی۔

تفصیلات کے مطابق نگراں سندھ حکومت نے بجلی چوری کرنے والوں کے خلاف سخت کریک ڈاؤن کرنے کا فیصلہ کرلیا۔

اس سلسلے میں سیکریٹری داخلہ کی سربراہی میں صوبائی ٹاسک فورس کمیٹی تشکیل دے دی گئی ہے اور نوٹیفکیشن جاری کردیا گیا ہے۔

بجلی چوروں کے خلاف ایکشن کیلئے ڈویزنل، ضلعی سطح پر کمشنرز کی سربراہی میں کمیٹی تشکیل دی ، کمیٹی میں سیکریٹری انرجی، پاورڈویژن،کمشنرز،ڈی آئی جیز سمیت ایس ایس پیز حیسکو، سیپکو کے اعلیٰ افسران شامل ہیں۔

دوسری جانب آئی جی سندھ نے بجلی چوروں کی گرفتاری اور ان کے خلاف مقدمات درج کرنے کے احکامات جاری کر دیئے۔

آئی جی سندھ نے وزیر اعظم کی ہدایت پر سندہ کے تمام اضلاع کے ایس ایس پیز اور تمام ڈویژن کے ڈی آئی جیز کو ہدایت جاری کی ہے کہ صوبے بھر میں پاور سپلائی کرنے والی کمپنوں کے ساتھ بجلی چوروں کے خلاف آپریشن میں تعاون کیا جائے۔

آئی جی سندھ کا کہنا تھا کہ بجلی سپلائی کرنے والے کمپنوں کے ساتھ معاونت کرتے ہوئے بجلی چوروں کو گرفتار کیا جائے اور ان کے خلاف مقدمات کا اندراج کیا جائے۔

احکامات میں کہا گیا کہ جلی چوروں کے خلاف درج مقدمات اور گرفتاریوں کی ہفتہ وار رپورٹ آئی جی آفس میں قائم کنٹرول روم کو ہر جمع کو صبح دس بجے تک بھیج دی جائے ۔

کبیروالا: واپڈا ٹیم نے ن لیگ کے سابق ٹکٹ ہولڈر رانا عرفان کے گھر پر چھاپہ مار کر بجلی چوری کرنے پر 10 لاکھ روپے جرمانہ کردیا۔

تفصیلات کے مطابق ن لیگ کے سابق ٹکٹ ہولڈر رانا عرفان کے گھر پر واپڈا ٹیم نے چھاپہ مارا، چھاپے پر لیگی رہنما رانا عرفان اور اس کے بھائیوں نے واپڈا کی ٹیم کو مبینہ تشدد کا نشانہ بنایا۔

واپڈا ٹیم نے راناعرفان کو 10 لاکھ روپے جرمانہ کردیا، ایس ڈی او نے بتایا کہ رانا عرفان اور انکے بھائی عرصہ دراز سے بجلی چوری کررہے تھے۔

ایس ڈی او کا مزید کہنا تھا کہ رانا عرفان اور اسکے بھائی ٹیوب ویل کی بجلی چوری کررہے تھے، واپڈا ٹیم نے قانونی کاروائی کیلئے تھانہ صدر کبیروالا درخواست دے دی ہے۔

لاہور: پنجاب کی نگراں حکومت نے بجلی چوروں کیخلاف کریک ڈاؤن شروع کرنے کا فیصلہ کرلیا ہے۔

تفصیلات کے مطابق پنجاب کی نگراں حکومت نے بجلی چوروں کیخلاف کریک ڈاؤن شروع کرنے کا فیصلہ کیا ہے جس کے لیے چیف سیکرٹری پنجاب زاہد اختر زمان نے سول سیکرٹریٹ میں ویڈیو لنک کے ذریعے اجلس میں ڈویژنل کمشنرز، آرپی اوز کو سخت ہدایات جاری کی ہے۔

چیف سیکرٹری نے اجلاس میں کہا کہ بجلی چوری کی سرپرستی کرنے والے سرکاری ملازمین و افسران کیخلاف کارروائی کی جائے گی اور اِن کیخلاف ایف آئی آر درج کرکے پراسیکیوشن کے طریقہ کار کو بہتر بنایا جائے۔

چیف سیکرٹری نے کہا کہ بجلی چوروں کیخلاف آپریشن میں انتظامیہ اور پولیس مکمل معاونت فراہم کریگی، اس کارروئی کی مانیٹرنگ کیلئے صوبے کی سطح پر کمیٹی قائم کی جائے گی۔

اسلام آباد : کنڈے کے ذریعےایک برس میں 230ارب روپےکی بجلی چوری کا انکشاف سامنے آیا ، خرم دستگیر نے بتایا کہ دسمبر 2022تک گردشی قرضوں کا بوجھ 2536ارب روپے ہوگیا۔

تفصیلات کے مطابق وزارت توانائی نے گردشی قرضے کے اعداد و شمار قومی اسمبلی میں پیش کر دیے ، خرم دستگیر نے بتایا کہ دسمبر 2022تک گردشی قرضوں کا بوجھ 2536ارب روپے ہوگیا۔

وزارت توانائی نے کنڈے کے ذریعےایک برس میں 230ارب روپےکی بجلی چوری کا انکشاف کرتے ہوئے کہا پاکستان کا حالیہ برس میں گردشی قرضہ 343ارب روپے رہا اور بجلی کے لائن لاسز 113ارب روپے تک پہنچ گئے۔

تحریری جواب میں کہا گیا کہ بھاری نقصانات والےفیڈرزکی نجکاری کی جائےگی، حکومت نےبجلی چوری سےمتعلق قانون سازی کا منصوبہ بنا لیا ہے۔

وزارت توانائی کا کہنا تھا کہ بجلی چوری قابل سزاجرم قرار دی جائے گی، گردشی قرضہ کثیرالجہتی مسئلہ ہے۔

دوسری جانب قومی اسمبلی اجلاس میں وزارت توانائی نےصوبوں میں گیس منصوبوں کی تفصیلات ایوان میں پیش کی اور بتایا کہ 3 سالوں میں75 ارب90 کروڑ مالیت کے553 گیس منصوبے شروع کیے گئے۔

وزارت توانائی کا کہنا تھا کہ پنجاب میں43ارب22کروڑمالیت کی228گیس اسکیمیں دی گئیں، خیبرپختونخواکو29ارب49کروڑمالیت کی150گیس اسکیمیں دی گئیں۔

وزارت توانائی نے کہا کہ سندھ کو3 ارب18کروڑمالیت کی175 گیس اسکیمیں دی گئیں، گزشتہ 3سال کےدوران بلوچستان کوکوئی نیاگیس منصوبہ نہیں دیاگیا۔

لاہور : زمان پارک کے کیمپوں میں بجلی چوری کی اطلاع پرلاہور الیکٹرک سپلائی کمپنی (لیسکو) نے عمران خان کی رہائش گاہ کے ایڈمنسٹریٹر کو نوٹس بھیج دیا۔

تفصیلات کے مطابق لاہور الیکٹرک سپلائی کمپنی (لیسکو) نے بجلی چوری کی شکایت موصول ہونے کے بعد پی ٹی آئی کے سربراہ عمران خان کی رہائش گاہ زمان پارک انتظامیہ کو نوٹس بھیج دیا ہے۔

نوٹس میں کہا گیا زمان پارک میں قائم کیمپوں کے لیے بجلی چوری کی اطلاعات ہیں، لیسکوٹیم کو معائنے کیلئے زمان پارک داخل نہیں ہونے دیا گیا۔

نوٹس میں زمان پارک کے منتظم سے کہا گیا کہ ایڈمنسٹریٹر زمان پارک لیسکو ٹیم کو چیکنگ کے لیے رسائی دیں، عدم تعاون کی صورت میں لیسکوقانونی چارہ جوئی کاحق رکھتا ہے۔