Tag: بجلی کی قیمت

کراچی : کے الیکٹرک نے بجلی کی قیمت میں  اضافے کے لئے نپیرا میں جمع کرائی جانے والی درخواست پر وضاحت جاری کردی۔

تفصیلات کے مطابق بجلی کے بنیادی ٹیرف میں اضافے کے حوالے سے ترجمان کے الیکٹرک نے وضاحت کرتے ہوئے کہا کہ نیپرا سے مانگے گئے اضافے کا کراچی کے شہریوں پرکوئی اثر نہیں ہوگا۔

ترجمان کا کہنا تھا کہ پورے ملک میں ٹیرف یکساں ہوتا ہے ،عوام پر بوجھ نہیں پڑے گا اور صارفین اپنے بلوں سے اضافےکو ادا نہیں کریں گے۔

انھوں نے مزید کہا کہ کراچی الیکٹرک سپلائی کمپنی نے اپنے 7 سالہ ملٹی ایئر ٹیرف کے سلسلے میں سپلائی ٹیرف پٹیشن جمع کروائی ہے، سپلائی ٹیرف کی مد میں درخواست کی گئی رقم کا صارفین کے بلوں میں وصول کئے جانے والے نرخوں سے تعلق نہیں-

کراچی الیکٹرک سپلائی کمپنی کے ترجمان کا کہنا تھا کہ صارفین کے بلوں کے نرخ ملک بھر میں نافذ یکساں ٹیرف پالیسی کے تحت جاری رہیں گے، نیپرا نے شراکت داروں سے اپنی رائے کے اظہار کیلئے نوٹس جاری کیا ہے۔

ترجمان کے مطابق ملک کی دیگر بجلی تقسیم کار کمپنیاں بھی اپنے ملٹی ایئر ٹیرف کے حساب سے اس عمل سے گذر چکی ہیں۔

خیال رہے کراچی الیکٹرک سپلائی کمپنی نے بجلی کےبنیادی ٹیرف میں 10روپے69پیسے فی یونٹ کا اضافہ مانگا ہے اور بجلی کا بنیادی ٹیرف 44 روپے 69 پیسے فی یونٹ مقرر کرنے کی استدعا کی ہے، موجودہ بنیادی اوسط ٹیرف34 روپے فی یونٹ بنتا ہے۔

کراچی الیکٹرک سپلائی کمپنی نے 7 سالہ ملٹی ایئرٹیرف کے تحت بنیادی ٹیرف میں اضافہ مانگا ہے، جس میں بجلی کی قیمت کا ای پی پی کمپوننٹ 18روپے 88 پیسے فی یونٹ اور بجلی کی قیمت کا سی پی پی کمپوننٹ 12 روپے 54 پیسے فی یونٹ مقرر کرنے کی درخواست دی۔

اسلام آباد : مہنگائی کے ستائے بجلی صارفین پر31 ارب 34 کروڑ 80 لاکھ روپے کا ایک اور اضافی بوجھ ڈالنے کی تیاری کرلی گئی ہے۔

تفصیلات کے مطابق بجلی کی قیمت میں اضافے کیلئے کمپنیوں نے درخواست دائر کردی ، درخواست رواں مالی سال کی تیسری سہ ماہی ایڈجسٹمنٹ کی مد میں دائر کی گئی۔

نیپرا اتھارٹی 17 مئی کو درخواست پر سماعت کرے گی ، قیمت میں اضافے کا اطلاق کے الیکٹرک صارفین پر بھی ہوگا۔

کیسپٹی چارجز کی مد میں 31 ارب 34 کروڑ 80 لاکھ روپے وصولی کی درخواست کی گئی،آپریشن اینڈ مینٹیننس کی مد میں 5 ارب 57 کروڑ روپے مانگے گئے ہیں۔

لاہور : جماعت اسلامی کے رہنما لیاقت بلوچ کا کہنا ہے کہ بجلی کی قیمت میں 7روپے فی یونٹ اضافہ عوام پر ڈرون حملہ ہے۔

تفصیلات کے مطابق جماعت اسلامی کے رہنما لیاقت بلوچ نے منصورہ میں مرکزی مشاورتی اجلاس سے خطاب کرتے ہوئے کہا کہ دھاندلی کیخلاف احتجاج متاثرین کا آئینی جمہوری حق ہے، اتحادی حکومت ایک دوسرے کو بلیک میل کریں گے۔

لیاقت بلوچ کا کہنا تھا کہ عوام اپنے مسائل کا حل چاہتے ہیں، بجلی کی قیمت میں 7روپے فی یونٹ اضافہ عوام پر ڈرون حملہ ہے۔

یاد رہے نیپرا نے بجلی کی قیمت میں 7 روپے 5 پیسے فی یونٹ مہنگی کرنے کا نوٹیفکیشن جاری کیا تھا ، قیمت میں اضافہ جنوری کی ماہانہ فیول ایڈجسٹمنٹ کی مد میں کیا گیا۔

اس اضافے سے بجلی صارفین پر 66 ارب روپے کا اضافی بوجھ پڑے گا۔ بجلی صارفین کو مارچ کے بلوں میں اضافی ادائیگیاں کرنا ہوں گی۔