اسلام آباد : رمضان میں عوام کیلئے خوشی کی خبر آگئی، نیپرا نے بجلی کی قیمت میں باسٹھ پیسے کی کمی کردی تاہم کراچی کے صارفین اس سے محروم رہیں گے۔
تفصیلات کے مطابق نیپرا کی جانب سے بجلی کی قیمت میں باسٹھ پیسے کی کمی کی منظوری دے دی گئی، کمی ماہانہ فیول ایدجسٹمنٹ کی مد میں کی گئی ہے ۔
فیول ایڈجسٹمنٹ اپریل کی مہینے کیلئے ہے۔
نیپرا کے مطابق اپریل میں بجلی کی پیداواری لاگت چھ روپے دس پیسے فی یونٹ رہی، صارفین سے اپریل میں چھ روپے بہتر پیسے فی یونٹ وصول کئے گئے۔
کمی کا اطلاق کے الیکٹرک اور تین سو یونٹ تک استعمال کرنے والوں پر نہیں ہوگا۔
خیال رہے سینٹرل پاورپرچیزنگ ایجنسی نے نیپرا کو درخواست دی تھی کہ ایک ماہ کیلئے بجلی پینتالیس پیسے فی یونٹ سستی کی جائے۔ جبکہ اس سے قبل فروری میں بھی بجلی 2 روپے 97 پیسے کمی کی سفارش کی گئی تھی۔
