اسلام آباد: بجلی تین روپے چوبیس پپیسےفی یونٹ سستی کرنے کا نوٹیفکیشن جاری کردیا ہے، پچاس یونٹ تک بجلی استعمال کرنے والے اور کراچی کےصارفین ریلیف سے محروم رہیں گے۔
نیپرا نے ملک بھر کے صارفین کیلئے بجلی کی قیمت میں 3 روپے 24 پیسے فی یونٹ کمی کا نوٹی فکیشن جاری کردیا ہے، نوٹیفکیشن کے مطابق دسمبر 2014 کے مہینےکیلئے بجلی کی قیمت کم کی گئی ہے۔
بجلی کی قیمت میں کمی ماہانہ فیول ایڈجسٹمنٹ کی مد میں کی گئی ہے، اس کمی سے ملک بھر کے بجلی صارفین کو 21 ارب روپے ریلیف مارچ کے بلز میں ملےگا، 50یونٹ تک بجلی استعمال کرنے والے اور کے الیکٹرک کے صارفین اس ریلیف سے محروم رہیں گے۔
نیپرا کی جانب سے تاخیر سے سماعت کے باعث صارفین کو یہ ریلیف دو ماہ کی تاخیر سے ملے گا۔
