Tag: بجلی کی لوڈشیڈنگ

کراچی : سندھ کے وزیر اطلاعات شرجیل میمن نے کراچی والوں سے سوال کیا بجلی کی لوڈشیڈنگ پر احتجاج سے سڑک بند کرنے سے کیا بجلی بحال ہوجائے گی؟

تفصیلات کے مطابق سندھ کے وزیر اطلاعات شرجیل میمن نے بیان میں کہا کہ سندھ میں سیلاب متاثرین کے ابتک ساڑھے 8 لاکھ گھر بنا چکے ، سندھ حکومت کی جانب سے 21 لاکھ گھر بنائےجارہے ہیں۔

صوبائی وزیر کا کہنا تھا کہ دو ہفتے کے بعد شاہراہ بھٹو قائدآباد تک مکمل ہوجائےگی، حساس ہے کہ یونیورسٹی روڈ کھدا ہوا ہے ،لوگوں کو تکلیف ہے لیکن کچھ اداروں کے مسائل کی وجہ سے کام میں کچھ تاخیر آرہی ہے۔

شرجیل میمن نے کہا کہ سندھ میں سب سے کم لوڈشیڈنگ کراچی میں ہے، سیاست اور پرامن احتجاج کا حق سب کو ہے ، گراؤنڈ اور پارکس میں احتجاج کرنا ہے کرلیں ،سڑک بند کرنے کی اجازت نہیں۔

انھوں نے سوال کیا کہ بجلی کی لوڈشیڈنگ پر احتجاج سے سڑک بند کرنے سے کیا بجلی بحال ہوجائے گی۔

انھوں نے بتایا کہ صوبے سے باہر کی ہیوی گاڑیوں کی رجسٹریشن لازمی کردی ہے گاڑیوں کےلئے فٹنس سینٹر کو لانچ کردیا ہے، محکمہ ٹرانسپورٹ ہیوی گاڑیوں کی فٹنس چیک کررہا ہے۔

صوبائی وزیر کا مزید کہنا تھا کہ کوشش ہے ہیوی ٹریفک رات 10 بجے سےصبح 11بجےتک لیاری ایکسپریس وے پر لیکر جائیں۔

نصیرآباد : ماہ رمضان میں کتنے گھٹنے بجلی کی لوڈشیڈنگ ہوگی ، اس حوالے سے شیڈول جاری کردیا گیا ہے۔

تفصیلات کے مطابق ماہ رمضان کے لیے بجلی کی لوڈشیڈنگ کا شیڈول جاری کردیا گیا۔

ایکسیئن گرڈاسٹیشن نے بتایا کہ شہری بجلی فیڈرز سے ساڑھے 13 گھنٹے بجلی فراہم ہوگی، جن میں ڈیرہ، ایکسپریس فیڈر،سٹی فیڈر، نیومیرحسن فیڈر شامل ہیں۔

تینوں فیڈرز سے افطار اور تراویح کیلئے 6:30 سے رات 12:00 تک بجلی فراہم ہوگی جبکہ سحری کیلئے 3:30 سے صبح 6:00 بجے تک بجلی فراہم ہوگی۔

صبح10 بجے سے سہ پہر 3 بجے تک بجلی فراہم کی جائے گی اور رمضان میں عوام کو2  گھنٹے بجلی کی بندش میں ریلیف دیا جائے گا۔

شہری فیڈروں پر رمضان میں ساڑھے 10گھنٹے بجلی کی بندش  جاری رہے گی۔

خیال رہے رمضان کے مقدس مہینہ میں سحری اور افطاری کے اوقات میں بجلی اورسوئی گیس کی لوڈشیڈنگ سے گریز کرنے کی ہدایت کی گئی ہے۔

کراچی : کے الیکٹرک نے شدید گرمی کے دوران بجلی کی لوڈشیڈنگ کیخلاف درخواست پر جواب جمع کرادیا ، جس میں کہا ہے کہ جس فیڈر پر نقصان ہوگا وہاں لوڈ شیڈنگ کی جائے گی۔

تفصیلات کے مطابق سندھ ہائی کورٹ میں شدید گرمی کے دوران بجلی کی لوڈشیڈنگ کیخلاف درخواست پر سماعت ہوئی۔

درخواست گزار نے بتایا کہ ہیٹ ویو کی وجہ سے 3افراد انتقال کرچکے،درخواست گزار بروقت بلز ادا کرتے ہیں پھر بھی 12،12 گھنٹے کی لوڈشیڈنگ ہے۔

سندھ ہائیکورٹ میں کراچی الیکٹرک سپلائی نے درخواست پر جواب داخل کرادیا ، جس میں کہا ہے کہ سپریم کورٹ براہ راست عدالت سے رجوع کرنے کیخلاف فیصلہ دے چکی، جس فیڈر پر نقصان ہوگا وہاں لوڈ شیڈنگ کی جائے گی۔

جس پر محمد واوڈا ایڈووکیٹ نے کہا کہ کراچی الیکٹرک سپلائی کا جواب غیر متعلقہ ہے اسکی کوئی اہمیت نہیں ،درخواست گزاروں نے پہلے ہی نیپرا سے شکایت درج کر رکھی ہے، نیپرا نے شکایت پر تاحال کوئی فیصلہ نہیں کیا۔

وکیل درخواست گزار کا کہنا تھا کہ کراچی الیکٹرک سپلائی کے مطابق متعلقہ فیڈر نو لاسزمیں آتا ہے، جب فیڈر نو لاسز میں ہے تو پھرلو ڈ شیڈنگ کیوں ہورہی ہے، کے الیکٹرک پالیسی کی خلاف ورزی کررہی ہے اور نیپرا کارروائی نہیں کررہی۔

درخواست گزار نے کہا کہ نیپرا اور کراچی الیکٹرک سپلائی کے گٹھ جوڑ کی وجہ سے شہری مشکلات کا شکار ہیں ، مکین بروقت بل ادا کرتے ہیں مگر طویل لوڈشیڈنگ سے اذیت میں ہیں۔

عدالت نے کراچی الیکٹرک سپلائی کے جواب پر مؤقف کیلئے سماعت5 اگست تک ملتوی کردی اور نیپرا کو بھی آئندہ سماعت پر جواب داخل کرنے کی ہدایت کی۔

کراچی میں ان دنوں شدید گرمی پڑرہی ہے، تاہم شہر کے مختلف علاقوں میں پانی نہ ہونے اور بجلی کی لوڈشیڈنگ کے باعث لوگ شدید پریشانی کا شکار ہیں۔

امیرجماعت اسلامی کراچی منعم ظفر کا احتجاجی مظاہرے سے خطاب کرتے ہوئے کہنا تھا کہ بل بم بن کر کراچی والوں پر برس رہے ہیں، لوگ بجلی کے بل دیکھ کرپریشان ہورہے ہیں، فیول ایڈجسٹمنٹ کے نام پر لوگوں پر ظلم جاری ہے۔

منعم ظفر خان نے کہا کہ شہر میں 12، 12 گھنٹے کی لوڈشیڈنگ کی جارہی ہے، رات کو لوگ گھروں کو جائیں تو بجلی اور پانی نہیں ہوتا۔

انھوں نے کہا کہ پیپلز پارٹی اور ایم کیو ایم نے سوائے کرپشن کے کچھ نہیں کیا، 19 سال ہوگئے کے فور پراجیکٹ نہیں بن کر دے رہا، کراچی ملک کا معاشی انجن ہے، کراچی کو وفاق اور صوبائی حکومت دونوں نے نظرانداز کیا۔

منعم ظفر نے کہا کہ پیپلز پارٹی کی حکومت 16 سال سے براجمان ہے، سندھ حکومت شہر سے وصولنا جانتی ہے، لگانا نہیں۔

امیرجماعت اسلامی کراچی نے کہا کہ کراچی میں کےالیکٹرک قاتل بنی ہوئی ہے، سینکڑوں لوگ ہیٹ ویو کی نذر ہورہے ہیں۔

دریں اثنا جماعت اسلامی کے دھرنے کے شرکا نے شارع فیصل کو بند کرنے کی کوشش کی، پولیس نےجماعت اسلامی کے کارکنان کو شارع فیصل پرجانےسےروک دیا۔

جماعت اسلامی کے رہنماؤں نے کارکنوں کو فٹ پاتھ پر دھرنا دینے کی ہدایت کی، انتظامیہ نے پولیس کی بھاری نفری کو شارع فیصل پر طلب کرلیا ہے۔

ڈنڈا بردار پولیس اور واٹر کینن بھی دھرنے کے مقام پر پہنچ گئی، پولیس کے دھرنے کے قریب پہنچنے پر کارکنان مشتعل ہوگے اور نعرے بازی کی، کشیدگی کے باعث شارع فیصل پر ٹریفک کی روانی بھی متاثر ہوئی۔

لاہور : گرمی کی شدت بڑھتے ہی بجلی کی لوڈشیڈنگ میں مزید اضافہ کردیا گیا، جس کی وجہ سے شہری پریشان ہیں۔

تفصیلات کے مطابق صوبائی دارلحکومت لاہور میں گرمی کی شدت میں اضافے کے بعد لوڈشیڈنگ بھی بڑھ گئی۔

دیہی علاقوں میں4 سے5 گھنٹے اور شہروں میں 2 سے 3 گھنٹے کی لوڈشیڈنگ کی جارہی ہے۔

ذرائع نے بتایا ہے کہ بجلی کی طلب 4500 میگاواٹ سےتجاوزکرگئی ، لیسکو کےپاس کوٹےمیں 600 میگاواٹ کمی ہو گئی۔

لیسکوحکام کا کہنا ہے کہ بجلی کی قلت نہیں سسٹم کا ایشو آرہا ہے، لوڈشیڈنگ کاشیڈول آئندہ دنوں میں جاری کیاجائے گا۔

خیال رہے نیشنل ڈیزاسٹر مینجمنٹ اتھارٹی نے صوبہ سندھ اور پنجاب میں گرمی کی لہر کا خدشہ ظاہر کرتے ہوئے شہریوں کو احتیاط برتنے کی ہدایت کی تھی۔

این ڈی ایم کا کہنا تھا کہ 15 سے 30 مئی کے درمیان درجہ حرارت 40 سینٹی گریڈ تک جا سکتا ہے جبکہ جون میں 45 سینٹی گریڈ تک بڑھ سکتا ہے۔

اسلام آباد : وفاقی سیکرٹری پاور ڈویژن نے ملک بھر میں بڑھتی ہوئی غیر اعلانیہ لوڈ شیڈنگ کا نوٹس لے لیا اور فوری طور لوڈ شیڈنگ کم کرنے کا حکم دے دیا۔

تفصیلات کے مطابق وفاقی سیکرٹری پاور کا بجلی کی لوڈشیڈنگ کا نوٹس لیتے ہوئے لیسکو این ٹی ڈی سی اوردیگر پاور ڈسٹری بیوشن کمپنیوں کی سرزنش کی۔

بجلی کی پیداوار بڑھانے کے لئے کئی گھنٹے خصوصی اجلاس ہوا ، جس میں بتایا گیا کہ 50 روپے میں یونٹس تیار کرنے لے بند پاور پلانٹس ہنگامی بنیادوں پر چلا دئے گئے ہیں اور گڈو سے متاثرہ ٹرانسمیشن لائن بھی سسٹم میں واپس آگئیں۔

بریفنگ میں کہنا تھا کہ تمام ڈسکوز کو کوٹہ آج سے بڑھا دیا گیا، لسیکو فیسکو میپکو گیسو کو 40 فی صد بجلی کی رسد بڑھا دی گئی ہے ، آج سسٹم بہتر ہونے کی توقع ہے۔

اجلاس میں کہا گیا کہ لیسکو میں لوڈ شیڈنگ واپس دو گھنٹے شیڈول پر آنےکا امکان ہے ، ضرورت پڑنے پر ڈیزل والے پاور پلانٹس چلائے جا ئیں گے ، اضافی لوڈشیڈنگ کسی کمپنی میں قابل قبول نہیں ہے ، تمام کمپنیاں لوڈ شیڈنگ کا شیڈول جاری کر کے تشہیر بھی کریں۔

وفاقی سیکرٹری پاور نے فوری طور پر بجلی کی پیداوار بڑھانے اور لوڈ شیڈنگ کم کرنے کا حکم دے دیا۔