Tag: بجٹ اجلاس

لاہور : ایوان اقبال میں بجٹ اجلاس کرانے پر گورنر پنجاب کو قانونی نوٹس بھجوا دیا گیا، نوٹس کی کاپی صدر مملکت کو بھی ارسال کرتے ہوئے گورنر کو عہدے سے ہٹانے کی استدعا کردی۔

تفصیلات کے مطابق گورنرپنجاب بلیغ الرحمان کے ایوان اقبال میں اسمبلی اجلاس کرانے کے معاملے پر تحریک انصاف ایم پی اے زنیب عمیر نے اظہرصدیق کی وساطت سے گورنرپنجاب کو قانونی نوٹس بھجوادیا۔

پی ٹی آئی ایم پی اے نے موقف اختیار کیا کہ پنجاب اسمبلی کااجلاس غیرقانونی طورپراورغیرآئینی طورپربلایاگیا، گورنرکےاس اقدام سےاسمبلی 2حصوں میں تقسیم ہوئی۔

نوٹس میں کہا گیا کہ گورنر نے آرڈینس جاری کرتےہوئےاپنےاختیارات کاتجاوز کرکےیہ احکامات جاری کیے، سپریم کورٹ کےفیصلے کےمطابق ایسےاحکام کی قانونی حیثیت نہیں تھی۔

گورنر کی انتظامی اختیارات اورامورمیں مداخلت بھی غیرقانونی ہیں، گورنراپنےغیرآئینی احکامات واپس لیں۔

صدر پاکستان عارف علوی کو نوٹس کی کاپی بھجوادی گئی ، جس میں صدرپاکستان سےگزارش کی گئی کہ گورنرپنجاب کو عہدے سے ہٹایا جائے۔

لاہور : پنجاب حکومت اوراپوزیشن میں ڈیڈلاک کے بعد صوبائی وزرا نے بجٹ اجلاس آئندہ ماہ تک ملتوی کرنے کی تجویز دے دی۔

تفصیلات کے مطابق حکومت اور اپوزیشن کے درمیان پنجاب اسمبلی بجٹ اجلاس پر ڈیڈ لاک برقرار ہے ، صوبائی وزرا اور بیشتر لیگی رہنماؤں نے بجٹ اجلاس آئندہ ماہ تک ملتوی کرنے کی تجویز دے دی ہے۔

ذرائع نے بتایا کہ وزرا اور لیگی ارکان نے بجٹ 20خالی نشستوں کےانتخاب کے بعد کرانے کی تجویز دی۔

ذرائع کا کہنا ہے کہ وزیراعلیٰ سے مشاورت میں آئی جی اور چیف سیکرٹری کوکسی صورت ایوان میں پیش نہ کرنےکا فیصلہ کیا گیا۔

ذرائع کے مطابق پی ٹی آئی رہنماؤں کے خلاف مقدمات خارج کرنے کے لیے تحقیقات پر کام بند کردیا گیا ہے ، ایڈووکیٹ جنرل ،ایڈیشنل چیف سیکریٹری داخلہ نے تحقیقات پر کام بند کیا۔

ذرائع نے کہا ہے کہ اسپیکر افسران کا معاملہ استحقاق یا خصوصی کمیٹی میں لے جاناچاہیں تو حکومت حمایت کرے گی،حکومت کے پاس جولائی تک محکموں کو چلانے کےلیےوسائل موجود ہیں۔

گذشتہ روز پنجاب کا بجٹ پیش کرنے سے پہلے حکومت اور اپوزیشن کے درمیان پنجاب اسملبی میں بزنس ایڈوائزری کمیٹی کا اجلاس ہوا تھا۔

تحریک انصاف نے مطالبہ کیا تھا کہ پی ٹی آئی کے کارکنوں اور رہنماؤں پر درج مقدمات واپس لیے جائیں جبکہ بجٹ سے قبل آئی جی پنجاب ایڈوائزری کمیٹی کے سامنے پیش ہو کر معافی مانگیں اور اسمبلی اسٹاف پر درج مقدمات بھی واپس لیے جائیں۔

تاہم وزیر اعلیٰ آفس نے اپوزیشن مطالبات کو مسترد کردیا تھا اور حکومتی ٹیم نے وزیراعلیٰ سے مشاورت کے بعد اپنی شرائط پیش کی تھیں۔

حکومت کا کہنا تھا کہ ارکان اسمبلی پر درج ہونے والے مقدمات کی مکمل تحقیقات کی جائیں گی، تحقیقات ہونگی کہ وزیراعلیٰ کے انتخاب کے دوران کیا کچھ ہوا، تحقیقات کے بغیر کسی قسم کا معاہدہ قبول نہیں ہو گا۔

لاہور : پنجاب اسمبلی کے بجٹ اجلاس میں حکومت کو ٹف ٹائم دینے کے لیے اپوزیشن لیڈر کے نام منظوری کے لیے چیئرمین پی ٹی آئی کو بھجوادیئے گئے۔

تفصیلات کے مطابق پنجاب اسمبلی کے بجٹ اجلاس میں اپوزیشن لیڈر کی نامزدگی پر رات گئے تک مشاورت جاری رہی ، اپوزیشن کی جانب سے طاقتوراپوزیشن لیڈر سامنے لانے پر مختلف ناموں پرغور کیا گیا۔

اپوزیشن لیڈر کےلئےمیاں محمودالرشید،راجہ بشارت ، سبطین خان،میاں اسلم اقبال اورراجہ یاسرہمایوں کے ناموں پرغور ہوا، جس کے بعد ق لیگ کی جانب سے راجہ بشارت اور میاں محمودالرشید کے ناموں پر حمایت کی گئی۔

میاں محمودالرشیدپنجاب اسمبلی میں پی ٹی آئی کےاپوزیشن لیڈررہ چکےہیں جبکہ سبطین خان کو پی ٹی آئی کا پنجاب اسمبلی میں پارلیمانی لیڈرمقررکیا گیا ہے۔

راجہ بشارت تحریک انصاف اور ق لیگ کے لئے قابل قبول اپوزیشن لیڈرکی حیثیت رکھتے ہیں۔

پی ٹی آئی ارکان اسمبلی نے حکومت کو ٹف ٹائم دینے کے لیے مضبوط اپوزیشن لیڈر کا مطالبہ کیا ، اپوزیشن لیڈر کے لئے نام منظوری کے لیے چیئرمین پی ٹی آئی کو بھجوادیئے گئے ہیں۔

پارلیمانی لیڈر سبطین خان نے کہا کہ اپوزیشن لیڈر کا تعین بجٹ کے رواں اجلاس میں کرلیا جائے گا۔

لاہور : سی سی پی او بلال صدیق کمیانہ نے پنجاب اسمبلی سمیت شہر کی سیکیورٹی ہائی الرٹ کرنے کی ہدایت کردی۔

تفصیلات کے مطابق سی سی پی او بلال صدیق کمیانہ نے بجٹ اجلاس کے پیش نظر پنجاب اسمبلی عمارت اوراطراف سخت سیکیورٹی کی ہدایت کردی ہے۔

بلال صدیق کمیانہ نے پنجاب اسمبلی سمیت شہر کی سیکیورٹی ہائی الرٹ کر نے کی ہدایت کرتے ہوئے کہا کہ امن و امان برقرار رکھنا اور شہریوں کے جان و مال کی حفاظت اولین ترجیح ہے۔

سربراہ لاہور پولیس کا کہنا تھا کہ کسی کو شہر کا امن متاثر کرنے کی ہر گز اجازت نہیں دیں گے،کسی غیرمتعلقہ شخص یاگاڑی کوپنجاب اسمبلی کےاحاطے میں داخل نہ ہونے دیا جائے۔

خیال رہے پنجاب کانئےمالی سال کا بجٹ آج پیش کیا جائے گا، سرداراویس لغاری بجٹ پیش کریں گے، بجٹ کی منظوری کے لیے پنجاب کابینہ کا اجلاس کچھ دیر بعد ہوگا۔

بجٹ کا کل تخمینہ 2850 ارب روپے لگایا گیا ہے، پنجاب کے بجٹ میں کوئی نیا ٹیکس نہیں لگایا جایا جائے گا جبکہ سرکاری ملازمین کی تنخواہوں میں 15 اور پنشن میں 5 فی صد اضافے کا امکان ہے۔

بجٹ میں لیپ ٹاپ اسکیم دوبارہ شروع کرنے، اور کم آمدنی والوں کو سولر آلات دینے کی تجویز ہے، آٹا، گھی، چینی پر 200 ارب روپے سبسڈی دینے کا امکان ہے، بجٹ میں ترقیاتی کاموں کے لیے 683 ارب 50 کروڑ روپے مختص کیے جائیں گے۔

کراچی: بلدیہ عظمیٰ کراچی کا بجٹ اجلاس پیر کو طلب کرلیا گیا، اہم بیٹھک سے قبل کسی ممبر کا کروناٹیسٹ نہیں کرایا جاسکا، بلدیہ عظمیٰ کے کونسل اراکین کی تعداد309 ہے۔

ذرایع کے مطابق بجٹ اجلاس سے قبل کرونا ٹیسٹ نہ ہونے سے ممبرز میں تشویش کی لہر ہے، کونسل روم میں اتنی جگہ نہیں کہ ممبرز سماجی فاصلے سے بیٹھ سکیں، جس کے باعث کرونا کی موجودگی اور پھیلاؤں کے خدشات بڑھ چکے ہیں۔

میئرکراچی وسیم اختر کا کہنا ہے کہ کے ایم سی کے پاس پیسے نہیں وہ ممبرز کے کرونا ٹیسٹ کراسکے، کے ایم سی مالی بحران کا شکار ہے، کے ایم سی ملازمین کی تنخواہیں اور واجبات کی ادائیگی مشکل ہورہی ہے۔

مئیر نے بتایا کہ اوزیڈ ٹی کی مد میں فنڈز کو روک لیا گیا ہے، بجٹ بنانا مشکل ہے ٹیسٹ کہاں سے کراؤں؟ وفاقی اور صوبائی حکومت کو مسائل بتا کرتھک چکا ہوں کوئی ایکشن نہیں ہورہا۔

یاد رہے کہ اپنے حالیہ بیان میں میئر کراچی وسیم اختر کا کہنا تھا کہ بلدیہ عظمیٰ کراچی کا بجٹ برائے سال 2020-2021ء، 29 جون کو پیش کیا جائے گا اور کونسل سے اس کی باقاعدہ منظوری لی جائے گی، حکومت سندھ کی جانب سے سرکاری ملازمین کی تنخواہوں میں 10 فیصد اضافے کو بجٹ میں شامل کرلیا گیا ہے۔

انہوں نے مزید کہا تھا کہ یہ بات انتہائی افسوس کن ہے کہ حکومت سندھ نے کے ایم سی کی جانب سے بھیجی گئی کسی بھی ترقیاتی اسکیم کو منظور نہیں کیا اور کراچی میں اگلے سال ترقیاتی کام نہیں ہوسکیں گے۔