Tag: بجٹ تجاویز

آل پاکستان انجمن تاجران کی جانب سے بجٹ تجاویز میں کہا گیا ہے کہ صدر، وزیراعظم ہاؤس سمیت تمام بڑے ہاؤسز میں کھانوں پر پابندی لگائی جائے.

صدر آل پاکستان انجمن تاجران اجمل بلوچ کا کہنا تھا کہ سینیٹ اور قومی اسمبلی سمیت تمام صوبائی اسمبلیوں میں بھی کھانوں پر پابندی عائد کی جائے، حکومت اس بجٹ میں اپنے ہر طرح کے اخراجات ختم کرے۔

صدر آل پاکستان انجمن تاجران کا کہنا تھا کہ اس بجٹ میں تمام قسم کی مراعات واپس لی جائیں، حکومت اس بجٹ میں تمام سرکاری دفاتر پر سولر سسٹم لگائے۔

اجمل بلوچ نے کہا کہ بجلی بنانے والی کمپنیوں کے ایگریمنٹ ری شیڈول کیے جائیں، بجٹ میں مفت پٹرول، بجلی اور گیس کا چیپٹر بند کیا جائے۔ سرکاری افسران سے ایک چھوٹی گاڑی کے علاوہ تمام گاڑیاں واپس لی جائیں۔

انھوں نے کہا کہ وہ ملک کیسے چل سکتا ہے جس کے اخراجات کی بھرمار ہو اور آمدن ہوہی نہیں، تاجر کو چور نہ کہا جائے وہ ڈائریکٹ بھی اور ان ڈایریکٹ بھی ٹیکس ادا کررہا ہے۔

اسلام آباد : گاڑی خریدنے کے خواہشمند افراد کیلئے اہم خبر آگئی، ملک میں امپورٹڈ استعمال شدہ گاڑیاں مزید مہنگی ہونے کا خدشہ ہے۔

تفصیلات کے مطابق آئندہ مالی سال کا وفاقی بجٹ 12 جون کو پیش کیا جائے گا، وزارت خزانہ سمیت دیگر اداروں کی جانب سے بجٹ تجاویز کو حتمی شکل دی جارہی ہے۔

ریئل اسٹیٹ کے بعد آٹو موبائل انڈسٹری کے ٹیکس نیٹ کو بڑھانے کےلیے بھی اقدامات اٹھائے جارہے ہیں۔

حکومت نے استعمال شدہ گاڑیوں پر ریگولیٹری ڈیوٹی بڑھانے کی تجویز پر غورشروع کردیا ہے، جس سے ملک میں امپورٹڈ استعمال شدہ گاڑیاں مزید مہنگی ہونے کاخدشہ پیدا ہوگیا ہے۔

اٹھارہ سوسی سی سے بڑی گاڑیوں پر ریگولیٹری ڈیوٹی میں تیس فیصد، جبکہ بڑی گاڑیوں پرڈیوٹی سترسےبڑھ کر سو فیصد تک کرنےکا امکان ہے۔

اٹھارہ سو سی سی تک کی گاڑیوں پر پندرہ فیصد ڈیوٹی لگانے کی تجویز بھی زیر غور ہے ، تاہم اٹھارہ سو سی سی تک نئی اور پرانی ہائی برڈ گاڑیوں پر زیرو ڈیوٹی برقرار رہے گی۔