کراچی: وفاقی بجٹ 24-2023 میں سندھ پولیس کے لیے 12 ارب روپے اضافی رکھنے کا مطالبہ کیا گیا ہے، پولیس کی جانب سے افسران و اہلکاروں کے ہیلتھ الاؤنس بڑھانے کا بھی مطالبہ کیا گیا ہے۔
تفصیلات کے مطابق رواں مالی سال کے بجٹ میں سندھ پولیس کے لیے 12 ارب روپے اضافی رکھنے کا مطالبہ کیا گیا ہے۔
سندھ پولیس نے انسداد محکمہ دہشت گردی (سی ٹی ڈی)، اسپیشل برانچ اور انویسٹی گیشن کے لیے اضافی بجٹ کا مطالبہ کیا ہے۔
سیلاب اور برساتوں میں تباہ ہونے والی پولیس لائنز کی تعمیر کے لیے بھی بجٹ رکھنے کا مطالبہ کیا گیا ہے، پولیس لائنز اور پولیس فیملی کوارٹرز کے لیے 6 ارب روپے کا تخمینہ لگایا گیا ہے۔
سندھ پولیس کی جانب سے کچے کے پولیس کے لیے بھی اضافی بجٹ کا مطالبہ کیا گیا، پولیس نے جدید اسلحہ کی خریداری اور افسران و اہلکاروں کے ہیلتھ الاؤنس بڑھانے کا بھی مطالبہ کیا ہے۔
