Tag: بجٹ  26- 2025

اسلام آباد : بجٹ 26-2025 میں سرکاری ملازمین کی تنخواہیں اورپنشن بڑھانے چار تجاویز سامنے آگئیں تاہم اضافے کیلئے حتمی فیصلہ بجٹ سے قبل کابینہ اجلاس میں کیا جائے۔

تفصیلات کے مطابق بجٹ 26-2025 میں سرکاری ملازمین کی تنخواہیں اورپنشن بڑھانے چار تجاویز تیار کرلی گئیں۔

ذرائع وزارت خزانہ نے بتایا کہ گریڈ ایک سے سولہ تک ملازمین کیلئے تیس فیصد ڈسپیرٹی الاؤنس تجویز کیا گیا ہے۔

ذرائع کا کہنا تھا کہ مہنگائی کے تناسب سے تنخواہ اور پنشن میں 10 فیصد اضافے کی تجویزہے۔

مزید پڑھیں : بجٹ میں تنخواہوں اور پنشن میں اضافے سے متعلق اہم خبر

ذرائع نے کہا کہ گذشتہ دو ایڈہاک تنخواہوں میں سے ایک ایڈہاک تنخواہ کو ضم کرنے کی بھی تجویز ہے جبکہ گریڈ ایک سے 16 ہ ڈسپیرٹی الاؤنس اور گریڈ 17 سے 22 تک 15 فیصد اضافے کی تجویز ہے۔

وزارت خزانہ کے مطابق آرمڈ فورسز کو کنٹری بیوٹری پنشن اسکیم سےمستثنی رکھنے کی تجویز ہے۔

ذرائع کا کہنا تھا کہ تنخواہوں میں اضافے پر پی پی، ایم کیوایم اور دیگر اتحادیوں سے مشاورت کی گئی ہے تاہم تنخواہوں میں اضافے کیلئے حتمی فیصلہ بجٹ سے قبل کابینہ اجلاس میں کیا جائے۔

اسلام آباد : آئندہ بجٹ میں میک اپ کے سامان کے حوالے سے خواتین کو بڑا ریلیف ملنے کا امکان ہے۔

تفصیلات کے مطابق آئندہ بجٹ میں میک اپ کے سامان پر ٹیکس میں کمی کا امکان ہے، ذرائع نے بتایا کہ آئندہ مالی سال 7000سے زائد امپورٹڈ اشیا پر ڈیوٹی اورٹیکس میں کمی ہوسکتی ہے۔

آئی ایم ایف نے امپورٹڈ اشیا کی ریگولیٹری ڈیوٹی میں کمی کا مطالبہ کردیا، امپورٹڈ7000سے زائدآئٹمزمیں پرزہ جات،خام مال،ضروری آلات بھی شامل ہیں۔

آئندہ بجٹ میں میک اپ کےسامان پربھی ڈیوٹی اورٹیکس کم ہوسکتا ہے, امپورٹڈ سرخی اور پاؤڈر ، امپورٹڈ آئی لائنر اور مسکارے ، امپورٹڈ میک اپ کٹ ، امپورٹڈ فیس پاؤڈر کی ڈیوٹی میں 2 سے 5 فیصد تک کمی ہو سکتی ہے۔

امپورٹڈ میک اپ آلات ، امپورٹڈ اسٹیٹنر ، امپورٹڈ لپ گیلوس ،امپورٹڈ فیس شائنر ، امپورٹڈ میک اپ بیس کریم ، امپورٹڈ پرفیوم اور باڈی اسپرے، امپورٹڈ پرس اور سن گلاس ، امپورٹڈ لوشن اور کریمز پر ڈیوٹی میں 2 سے 5 فیصد تک کمی ہوسکتی ہے

مزید پڑھیں : بجٹ‌ 26 -2025 : گاڑی اور موٹر سائیکل مالکان کے لیے نئی پریشانی

امپورٹڈ نقلی زلفوں ، امپورٹڈ ہیئرکلرز ، امپورٹ ہیئر لوشن اور کریم پر بھی ڈیوٹی میں 2 سے 5 فیصد تک کمی کا امکان ہے۔

اس کے علاوہ امپورٹڈ برینڈڈ جوتے، کپڑے اور بیلٹس، شیونگ کے امپورٹڈ سامان، امپورٹڈ بریف کیس، سفری بیگ اور ہینڈ بیگ پر بھی ڈیوٹی میں 2 سے 5 فیصد تک کمی ہوسکتی ہے۔

اسلام آباد : آئندہ بجٹ 26- 2025 میں پراپرٹی کی خریداری پر فائلر اور نان فائلرز کو ریلیف ملنے کا امکان ہے۔

تفصیلات کے مطابق وزیراعظم شہباز شریف کی ہدایت پر تعمیراتی شعبے کو بجٹ 26- 2025 میں ریلیف ملنے کا امکان ہے۔

سمندر پار پاکستانیوں کے لیے تعمیرات کے شعبے میں سرمایہ کاری کے لیے سہولیات دینے کا فیصلہ کیاگیاہے۔ سمندر پار پاکستانیوں کے لیے پراپرٹی دینے پر فیڈرل ایکسائز ڈیوٹی یکسر ختم ہوگی۔

ذرائع ایف بی آر کا کہنا تھا کہ سمندرپار پاکستانیوں کے لیے پراپرٹی کی خریداری میں ٹیکس چھوٹ پر آر ٹی او سے این او سی کی پابندی بھی ختم ہوگی۔

ریئل اسٹیٹ پر فیڈرل ایکسائز ڈیوٹی ختم کرنے کی تجویز تیار ہے، یکم جولائی سے پراپرٹی کی خریداری پر ایف ای ڈی ختم ہوسکتی ہے۔

پراپرٹی کی خریداری پر فائلر کیلئے عائد 3 فیصد فیڈرل ایکسائز ڈیوٹی ختم کرنے کی تجویز ہے جبکہ لیٹ فائلر کیلئے 5 فیصد فیڈرل ایکسائز ڈیوٹی بھی ختم کرنے کی تجویز ہے اور نان فائلر پر عائد 7 فیصد فیڈرل ایکسائز ڈیوٹی ختم ہونے کا امکان ہے۔

وزیراعظم نے تعمیراتی شعبے کے مسائل حل کرنے میں ذاتی دلچسپی لی ہے، فیڈرل ایکسائز ڈیوٹی کے خاتمے سے تعمیراتی شعبے ترقی کرے گا اور زیادہ ٹیکس جمع ہوگا۔

وزیراعظم کی ہدایت کی روشنی میں تعمیراتی صنعت کو خام مال میں ریلیف دینے کی تیاریاں کی ہیں۔

بجٹ میں تعمیراتی شعبے خام مال پر ودہولڈنگ ٹیکس میں کمی ہوسکتی ہے اور صنعتوں کے خام مال سستے کرنے کے لیے ودہولڈنگ ٹیکس کم یا ختم ہوسکتا ہے۔

بجٹ میں پراپرٹی کے لین دین پر بھی ودہولڈنگ ٹیکس کم یا ختم کرنے کی تجویز دی گئی ہے۔

یکم جولائی سے ریئل اسٹیٹ سے وابستہ بلڈرز اور ڈویلپرز کو رجسٹرڈ کیا جائے، ریئل اسٹیٹ سیکٹر میں بے نامی کا 100 فیصد خاتمہ یقینی بنایا جائے گا۔

آئندہ ماہ مالی سال 26-2025 کے لیے وفاقی بجٹ پیش کیا جانا ہے جس کے لیے تاجر دوست اسکیم ختم کرنے کی تجویز دی گئی ہے۔

اے آر وائی نیوز کے مطابق نجی ٹیکس فرم تولہ ایسوسی ایٹس نے وفاقی حکومت کو آئندہ مالی سال کے بجٹ کے لیے تجاویز پیش کی ہیں۔ ان تجاویز میں تاجر دوست اسکیم ختم کرنے، تمام تاجروں پر ایک فیصد انکم ٹیکس عائد کرنے اور کیش ٹرانزیکشن کی حد 10 ہزار روپے کرنے کی سفارش کی گئی ہے۔

نجی ٹیکس فرم تولہ ایسوسی ایٹس نے اپنی تجاویز پیش کرتے ہوئے کہا ہے کہ تاجر دوست اسکیم کے ذریعہ صرف 30 لاکھ روپے ٹیکس وصولی ہوئی جب کہ تنخواہ دار طبقہ نے اب تک 437 ارب روپے ٹیکس ادا کیا ہے۔

مذکورہ فرم نے حکومت کو تاجروں سے متعلق نیا لائحہ عمل اپنانے کا مشورہ دیتے ہوئے نئے مالی سال میں تاجر دوست اسکیم ختم کر کے تمام تاجروں پر ایک فیصد انکم ٹیکس عائد کرے اور کیش ٹرانزیکشن کی حد 10 ہزار روپے کرنے کی سفارش کی گئی ہے۔

فرم نے پالیسی ریٹ 11 فیصد کو صنعتی سرمایہ کاری میں بڑی رکاوٹ قرار دیتے ہوئے صنعتوں کے لیے زیر مارک اپ قرضے، برآمدات اور روزگار میں اضافے کی تجاویز دی ہیں۔

نجی فرم نے کہا ہے کہ روپے کی قدر میں کمی سے مہنگائی میں تین فیصد اضافے کا خدشہ ہے، اس لیے کرنسی کی قدر میں مزید کمی سے گریز کیا جائے۔

فرم نے موجودہ مالی سال میں ایف بی آر کی ٹیکس آمدن ہدف سے ایک ہزار ارب روپےکم رہنےکا خدشہ ظاہر کرتے ہوئے یہ بھی تجویز دی ہے کہ نفع نہ دینے والی کمپنیوں پر 5 سے 7.5 فیصد ایڈوانس ٹیکس لگانےکی تجویز دی گئی ہے۔

https://urdu.arynews.tv/federal-development-budget-apcc-meeting/