Tag: بجٹ

اسلام آباد : وفاقی بجٹ میں نان فائلرز کے گرد گھیرا مزید تنگ کرنے کی تیاری کرلی گئی ، نوٹس کا جواب نہ دیے جانے پر ایکشن ہوگا۔

تفصیلات کے مطابق ملکی تاریخ کا عوام کیلئے سب سے مشکل بجٹ آج پیش کیا جائے گا۔

بجٹ میں نان فائلرز کے گرد گھیرا مزید تنگ کرنے اہم پلان تیار کرلیا گیا۔

ذرائع نے بتایا ہے کہ ٹیکس شوگوارے جمع نہ کرانے کو نوٹس بھیجے جائیں گے اور نوٹس کا جواب نہ دیے جانے کے بعد ان کی سم ، بجلی اور گیس کے کنکشن بند کردیئے جائیں گے۔

ذرائع کا کہنا تھا کہ ٹیکس شوگوارے جمع نہ کرانے والوں کی سم بلاک کرنے کا سلسلہ آئندہ مالی سال بھی جاری رہے گا۔

آئندہ مالی سال کے بجٹ میں ٹیکس وصولیاں بڑھانے کا حکومتی پلان تیار کر لیا گیا ہے۔

نئے مالی سال ایف بی آر انفور سمینٹ کے ذریعے ٹیکس آمدنی بڑھائےگا جبکہ سیلز ٹیکس، انکم ٹیکس اورکسٹمز ڈیوٹیز کی مد میں ٹیکس چھوٹ ختم کی جائے گی۔

پٹرولیم مصنوعات پر سیلز ٹیکس کے نفاذ سے ٹیکسز میں اضافہ کرنے کا پلان ہے، درآمدات میں اضافے سے ایف بی آر کی ٹیکس وصولیاں بڑھیں گی۔

نئےمالی سال کے بجٹ میں نان فائلرز پر اضافی ٹیکس لگانےکا منصوبہ ہے۔

اس کے علاوہ آئندہ مالی سال ریٹیل سیکٹر کو ٹیکس نیٹ میں لانے کے لیے اقدامات کئے گئے ہیں، ایف بی آرٹیکس نیٹ سے باہر شعبوں سے ٹیکس وصولیاں کرے گا، بجٹ میں ریئل اسٹیٹ سیکٹر پر اضافی ٹیکس لگانے کا منصوبہ ہے۔

ایف بی آر کو رواں مالی سال کےمقابلے میں ٹیکسز میں بڑا اضافہ کرناہوگا اور 4 ہزار ارب روپے کے قریب اضافی ٹیکس جمع کرنا ہوگا۔

ایف بی آرکواگلے مالی سال سب سےزیادہ ٹیکس اکھٹا کرنے کا ٹاسک دیا جائے گا۔

اسلام آباد : رہنماپی پی نیئر بخاری کا کہنا ہے کہ ابھی فیصلہ نہیں ہوا بجٹ کے حق میں ووٹ دیں گے یا مخالفت میں، یہ کہنا قبل ازوقت ہوگا۔

تفصیلات کے مطابق پیپلز پارٹی کے رہنما نیئر بخاری نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ پیپلزپارٹی حکومت کی بڑی اتحادی ہے لیکن ہم سے بجٹ کےمسئلے پرمشاورت نہیں کی گئی۔

نیّربخاری کا کہنا تھا کہ یقیناً ہمارے تحفظات ہیں، آج ہماری پارلیمانی پارٹی کا دوبارہ اجلاس ہوگا، ہم بجٹ کے حق میں ووٹ دیں گے یا مخالفت میں کہنا قبل از وقت ہوگا۔

انھوں نے کہا کہ بلاشبہ ٹیکس کے بغیر ملک نہیں چل سکتے لیکن حکومت زرعی شعبے کو ترقی دے تاکہ اشیا خورونوش درآمد نہ کرنی پڑیں۔

پی پی رہنما کا مزید کہنا تھا کہ 70 فیصد آبادی دیہات میں رہتی ہے ان کی ضروریات مدنظر رکھیں۔

ان کا کہنا تھا کہ جی ایس ٹی بڑھنے سے عام آدمی متاثر ہوگا، ادھار مانگ کر چیزیں امپورٹ کریں گے تو یہ دانشمندی نہیں۔

رہنما پی پی نے بتایا کہ اکنامک سروےکیمطابق برآمدات10 فیصد بڑھیں درآمدات میں کمی ہوئی، آپ کو اپنے وسائل پیداکرنے پڑیں گے۔

گذشتہ روز پیپلز پارٹی پارلیمانی پارٹی اجلاس بغیر نتیجہ ختم ہوگیا تھا اور بجٹ کی حمایت یا مخالفت میں فیصلہ نہ ہوسکا تھا۔

ذرائع نے بتایا تھا کہ اجلاس میں ارکان کی(ن)لیگ کیخلاف شکایات کے انبار لگا دیئے تھے اور کہا کہ پنجاب میں پیپلزپارٹی کا کوئی کام نہیں ہورہا، ارکان کو انتظامی مسائل کاسامنا ہے۔

اسلام آباد : آئندہ بجٹ میں ٹیکسوں کی بھرمار ہوگی اور پہلی بار نئے ریونیو اقدامات لیے جائیں گے، جس سے مہنگائی بڑھنے کا خدشہ ہے۔

تفصیلات کے مطابق آئندہ مالی سال کیلئے بجٹ میں 12 ہزار 970 ارب روپے ایف بی آر کا ہدف رکھا گیا ہے، 3720 ارب روپے زائد ریونیو اکٹھا کرنا ہو گا۔

ذرائع ایف بی آر نے بتایا کہ ڈائریکٹ ٹیکس 3452ارب اور کسٹمز ڈیوٹی 267 ارب روپے زائد کے ٹیکسز لگیں گے، رواں مالی سال کے اختتام تک 160 ارب روپے کا رویونیو شارٹ فال ہو گا.

نئے ریونیو اقدامات پہلی مرتبہ لیے جائیں گے، جس سے مہنگائی بڑھنے کا خدشہ ہے

بجٹ میں انکم ٹیکس، کیپیٹل ویلیو ٹیکس، سیلز ٹیکس گڈز اور سیلز ٹیکس سروسز اور ایف ای ڈی کیلئے نئے ٹیکسز عائد کرنے کی تجویز ہے۔

دستاویز میں بتایا گیا ہے کہ آئندہ مالی سال کیلئے ان لینڈریونیوکےٹیکسزکاحجم11 ہزار 379ارب روپے اور سیلز ٹیکس کی مد میں رواں مالی سال کی نسبت 1312ارب روپے کا اضافی ٹیکس ہدف مقررکیاگیا ہے۔

آئندہ مالی سال کے دوران سیلز ٹیکس کی مد میں 4919 ارب روپے اکٹھے کیے جائیں گے جبکہ رواں مالی کے دوران سیلز ٹیکس کی مد میں 3607 ارب روپے اکٹھے ہو سکیں گے۔

آئندہ مالی سال کیلئے کسٹمز ڈیوٹی کی مد میں 1591 ارب روپے کا ہدف مقرر کرنے کی تجویز ہے، کسٹمز ڈیوٹی کی مد میں 267 ارب روپے اضافی وصول کیے جائیں گے۔