ARYNews.tv | Urdu – Har Lamha Bakhabar

Tag: بحرین

  • بحرین: باحجاب خاتون کو داخلے سے روکنے پر بھارتی ریستوران سیل کردیا گیا

    بحرین: باحجاب خاتون کو داخلے سے روکنے پر بھارتی ریستوران سیل کردیا گیا

    مناما: بحرین میں ایک بھارتی ریستوران نے ایک باحجاب خاتون کو داخلے سے روک دیا جس کے بعد حکام نے فوری کارروائی کرتے ہوئے ریستوران کو سیل کردیا، واقعے کی تحقیقات کی جارہی ہیں اور ذمہ داران کو 10 سال قید کی سزا ہوسکتی ہے۔

    بین الاقوامی ویب سائٹ کے مطابق بحرین میں بھارتی ریستوران میں ہندو مینیجر نے حجاب پہنی خاتون کو اندر داخل ہونے سے روک دیا، نسل پرستانہ اقدام پر انتظامیہ نے فوری طور پر ریستوران سیل کردیا۔

    واقعے کی ویڈیو سوشل میڈیا پر بھی وائرل ہورہی ہے جس میں ریستوران میں ایک شخص ایک باحجاب خاتون کا راستہ روکے ہوئے ہے۔

    بھارتی ریستوران کی انتظامیہ نے سماجی رابطوں کی ویب سائٹس پر اپنا پیغام پوسٹ کیا ہے جس میں انہوں نے معافی مانگی ہے۔

     

    View this post on Instagram

     

    A post shared by LanternsBahrain (@lanternsbahrain)

    پیغام میں کہا گیا ہے کہ مینیجر سے غلطی ہوئی ہے جس کے بعد اسے نوکری سے برخاست کردیا گیا ہے، وہ ہماری نمائندگی نہیں کرتا۔

    ریستوان کی جانب سے خیر سگالی کے طور پر 29 مارچ کو مفت کھانے کا بھی اعلان کیا گیا ہے جس میں کسی شخص سے کوئی قیمت وصول نہیں کی جائے گی۔

    رپورٹس کے مطابق انتظامیہ نے مینیجر کا ویزا پرمٹ بھی منسوخ کردیا ہے۔

    بحرین کی ٹورازم اینڈ ایگزیبیشن اتھارٹی نے واقعے کی تحقیقات کا آغاز کردیا ہے، بحرینی قانون کے مطابق نسل پرستانہ اقدام ثابت ہونے پر ذمہ داران کو 10 سال قید کی سزا دی جائے گی۔

    حکام نے مملکت میں موجود تمام سیاحتی مقامات کو ایسی پالیسیز بنانے سے بھی متنبہ کیا ہے جو مملکت کے قوانین سے متصادم ہو۔

  • کراچی سے بحرین جانے والی پرواز 3 گھنٹے سے زائد تاخیر کا شکار

    کراچی سے بحرین جانے والی پرواز 3 گھنٹے سے زائد تاخیر کا شکار

    کراچی: صوبہ سندھ کے دارالحکومت کراچی سے بحرین جانے والی پرواز 3 گھنٹے سے زائد تاخیر کا شکار ہوگئی جس پر مسافروں نے شدید احتجاج کیا ہے۔

    تفصیلات کے مطابق کراچی سے بحرین جانے والی غیر ملکی ایئر لائن کی پرواز میں فنی خرابی ہوگئی جس کے باعث گلف ایئر کی پرواز جی ایف 751 تین گھنٹے سے زائد تاخیر کا شکار ہوگئی۔

    فنی خرابی دور نہ ہونے پر 2 گھنٹے سے طیارے میں بیٹھے مسافروں نے شدید احتجاج کیا، احتجاج کے باعث تمام مسافروں کو طیارے سے اتار کر لاؤنج منتقل کردیا گیا۔

    ایئرپورٹ ذرائع کا کہنا ہے کہ فنی خرابی دور ہوتے ہی پرواز کو بحرین روانہ کیا جائے گا۔

  • کنگ فہد پل سے بحرین جانے والے مسافروں کے لیے اہم خبر

    کنگ فہد پل سے بحرین جانے والے مسافروں کے لیے اہم خبر

    ریاض: سعودی عرب کے کنگ فہد پل کے راستے بحرین جانے والے مسافروں کے لیے پی سی آر ٹیسٹ کی شرط کا خاتمہ کردیا گیا ہے۔

    سعودی ویب سائٹ کے مطابق سعودی عرب سے شاہ فہد پل کے راستے بحرین جانے والے مسافروں کے لیے پی سی آر ٹیسٹ کی شرط ختم کردی گئی ہے۔

    نئے کرونا ضوابط پر عمل درآمد اتوار 20 فروری سے کیا جائے گا۔

    بحرین کو سعودی عرب سے جوڑنے والے کنگ فہد پل کی انتظامیہ کا کہنا ہے کہ سعودی عرب آنے کے لیے پی سی آر کی شرط برقرار ہے تاہم بحرین کی جانب سے اس شرط کو ختم کر دیا گیا ہے۔

    واضح رہے کہ بحرینی سول ایوی ایشن کی جانب سے اس سے قبل فضائی مسافروں کے لیے پی سی آر اور قرنطینہ کی شرط ختم کرنے کا اعلان کیا گیا تھا جس پر اتوار 20 فروری سے عمل درآمد کیا جائے گا۔

    بحرینی حکومت نے طبی اداروں کی جانب سے حاصل شدہ رپورٹس کو مدنظر رکھتے ہوئے فضائی مسافروں پر پی سی آر اور قرنطینہ کی شرط کے خاتمے کا اعلان کیا تھا تاہم زمینی راستے سے بحرین آنے والے مسافروں کے لیے بھی مرحلہ وار اس کا اعلان کیا جارہا ہے۔

  • کنگ فہد پل کے راستے بحرین جانے کے لیے نئی ہدایات

    کنگ فہد پل کے راستے بحرین جانے کے لیے نئی ہدایات

    ریاض: سعودی عرب کے کنگ فہد پل سے بحرین جانے والے افراد کے لیے نئی شرائط کا اعلان کردیا گیا جن پر عمل درآمد 9 فروری 2022 سے شروع کیا جائے گا۔

    سعودی ویب سائٹ کے مطابق سعودی عرب اور بحرین کو سمندر کے راستے جوڑنے والے کنگ فہد پل کے ادارے نے مملکت آنے جانے والوں کے لیے نئے ضوابط جاری کیے ہیں۔

    فیصلے پر عمل درآمد 9 فروری 2022 سے شروع کیا جائے گا۔

    کنگ فہد پل کی انتظامیہ کا کہنا ہے کہ ان سعودیوں کو سفر کی اجازت ہوگی جو مکمل ویکسین یافتہ ہوں گے اور دوسری خوراک پر تین ماہ گزرنے پر بوسٹر ڈوز لے چکے ہوں گے۔

    اس پابندی سے 16 برس سے کم عمر اور توکلنا ایپ کے مستثنیٰ زمرے مستثنیٰ ہوں گے۔

    یاد رہے کہ وزارت داخلہ نے اس سے قبل بیان میں کہا تھا کہ سعودی شہریوں کو بیرون ملک کے لیے بوسٹر ڈوز لگوانا ہوگی جبکہ مملکت آنے والے تمام افراد کو سفر سے 48 گھ۔نٹے قبل لیے گئے کرونا ٹیسٹ کی نیگیٹو رپورٹ پیش کرنا ہوگی۔

  • بحرین میں ویلیو ایڈڈ ٹیکس میں اضافہ

    بحرین میں ویلیو ایڈڈ ٹیکس میں اضافہ

    مناما: بحرین بجٹ خسارے کو روکنے اور مملکت کی آمدنی بڑھانے کے لیے ویلیو ایڈڈ ٹیکس (ویٹ) کو10 فیصد تک بڑھانے کا ارادہ رکھتا ہے۔

    مقامی میڈیا رپورٹ کے مطابق معیشت کو تقویت دینے کے لیے قانون سازوں نے شہریوں کو دی جانے والی اجرت میں کمی اور اس کے علاوہ سماجی بہبود کی بابت اختیارات پر بھی تبادلہ خیال کیا ہے۔

    اس کےعلاوہ آئی ایم ایف کے تخمینوں کے مطابق بحرین کا بجٹ خسارہ تیل کی کم قیمتوں کے بعد رواں سال آدھا رہ جائے گا اور عالمی وبا کرونا وائرس نے اس خسارے کو 2020 میں ریکارڈ 18 فیصد معاشی پیداوار تک پہنچا دیا ہے۔

    واضح رہے کہ بحرین کی حکومت نے 5 فیصد ویلیو ایڈڈ ٹیکس کا نفاذ جنوری 2019 سے کیا تھا جسے اب دوگنا کر کے 10 فیصد کیے جانے کا ارادہ کیا جا رہا ہے۔

  • کورونا پابندی : بحرین کا پاکستان کو ریڈ لسٹ سے نکالنے کا اعلان

    کورونا پابندی : بحرین کا پاکستان کو ریڈ لسٹ سے نکالنے کا اعلان

    اسلام آباد : بحرین نے پاکستان کو ریڈ لسٹ سے نکال دیا، ریڈ لسٹ سے نکالنے کا اطلاق 3 ستمبر ہوگا، مسافروں کو ایئرپورٹ پر پی سی آرٹیسٹ دکھانا لازمی ہوگا۔

    تفصیلات کے مطابق کورونا کی صورتحال میں بہتری کے پیش نظر بحرین نے پاکستان کو ریڈ لسٹ سے نکال دیا ،عرب میڈیا کا کہنا ہے کہ بحرین آنے والے مسافروں کو ایئرپورٹ پر پی سی آرٹیسٹ دکھانا ہوگا ،بحرین آنے کے 5ویں اور 10 ویں روز بعد بھی ٹیسٹ کراناہوگا، بحرین کا پاکستان کو ریڈ لسٹ سے نکالنے کا اطلاق 3 ستمبر ہوگا۔

    یاد رہے رواں سال جولائی میں بحرینی حکومت نےپاکستان ، میکسیکو اور ملائیشیا سمیت 16 ممالک کے مسافروں پر ریاست میں داخلے کی پابندی عائد کی تھی اور کہا تھا کہ مذکورہ ممالک سے صرف بحرین کے رہائشی اور جی سی سی کی شہریت رکھنے والے شہریوں کو سفر کی اجازت ہوگی۔

    بعد ازاں بحرین نے ریڈ لسٹ میں تین ممالک کا مزید اضافہ کرتے ہوئے وہاں موجود اپنے شہریوں کو واپس آنے کی اجازت دی تھی۔

    سول ایویشن کی جانب سے جاری ہونے والے اعلامیے میں بتایا گیا تھا کہ بحرین کی جانب سے جیورجیا، یوکرین، مالاوائی کو بھی ریڈ لسٹ فہرست میں شامل کرلیا گیا، ان ممالک کو ریڈ لسٹ میں شامل کرنے کا فیصلہ نیشنل میڈیکل ٹاسٹ فورس کی جانب سے کیا گیا، جس کی حکومت نے بھی توثیق کی۔

  • افغانستان سے انخلا، گلف ایئر کا کارنامہ

    افغانستان سے انخلا، گلف ایئر کا کارنامہ

    دبئی: گلف ایئر افغانستان سے انخلا کرنے والوں کو لے کر امریکا پہنچنے والی پہلی کمپنی بن گئی۔

    تفصیلات کے مطابق بحرین نیوز ایجنسی نے پیر کو بتایا ہے کہ گلف ایئر کی ایک پرواز امریکا میں اتر گئی ہے، جس میں افغانستان سے انخلا کرنے والے سوار تھے۔

    بحرینی قومی کیریئر کی ملکیت والا یہ طیارہ 15 اگست کو طالبان کے کابل پر قبضے کے بعد سے افغانستان میں بڑے پیمانے پر جاری انخلا میں حصہ لے رہا ہے۔

    رپورٹ میں مزید کہا گیا ہے کہ گلف ایئر دنیا کی پہلی تجارتی کمپنی ہے جو افغانستان سے انخلا کے حصے کے طور پر سب سے پہلے امریکا پہنچی ہے۔

    انخلا میں توسیع، طالبان کی جانب سے مغرب کو سنگین نتائج کی تنبیہ

    خیال رہے کہ امریکا نے افغانستان سے اپنے فوجیوں کے انخلا کے لیے رواں برس 31 اگست کی ڈیڈ لائن دے رکھی ہے، لیکن امریکی صدر جو بائیڈن نے کہا ہے کہ اس تاریخ میں توسیع بھی کی جا سکتی ہے۔

    واضح رہے کہ امریکا نے افغانستان سے امریکیوں اور خطرے سے دوچار افغانوں کو نکالنے کے لیے 6 کمرشل ایئر لائنز کی مدد حاصل کی ہے، تاکہ انخلا کا عمل تیز تر کیا جا سکے۔

    کابل ایئرپورٹ پر فائرنگ، سیکیورٹی اہلکار ہلاک، پنجشیر میں جھڑپ، 300 طالبان ہلاک

    پینٹاگون نے اتوار کو کہا تھا کہ اس نے یونائیٹڈ ایئر لائنز، امریکن ایئر لائنز، ڈیلٹا ایئر اور دیگر فضائی کمپنیوں سے 18 شہری طیارے طلب کیے ہیں، تاکہ افغانستان سے آنے والی پروازوں سے انھیں عارضی مقامات سے لے جایا جا سکے۔

  • بحرین: بیرون ملک مسافروں کے لیے نئی ہدایات جاری

    بحرین: بیرون ملک مسافروں کے لیے نئی ہدایات جاری

    کرونا وبا کی تیسری لہر کے سلسلے میں بحرین حکومت نے ملک میں آنے والے مسافروں کے لیے نئی ہدایات جاری کی ہیں اور قرنطینہ کے سلسلے میں نئے اقدامات اٹھائے گئے ہیں۔

    تفصیلات کے مطابق بحرین کے محکمہ صحت نے بیرون ممالک سے آنے والے مسافروں کے لیے نئئ اقدامات کیے ہیں، بحرین کے کسی بھی ایئر پورٹ سے آنے والے مسافروں کے لیے مختلف اسٹیٹس میں 51 قرنطینہ سینٹرز قائم کر دیے گئے۔

    یہ قرنطینہ سینٹرز مقامی اور بڑے ہوٹلز میں قائم کیے گئے ہیں، بیرون ممالک سے بحرین آنے والے مسافروں کو 15 روز ہوٹلز میں قرنطینہ کیا جائے گا، ایئر پورٹس پر کرونا ٹیسٹ لیے جانے کے بعد محکمہ صحت کی نگرانی میں مسافروں کو ہوٹل منتقل کیا جائے گا۔

    ہوٹل منتقل کیے جانے کے بعد رہائش، کھانے اور پیرا میڈیکل کے اخراجات مسافروں کو خود برداشت کرنا ہوں گے، بحرین حکومت نے پاکستان سمیت دنیا بھر سے بحرین آنے والے مسافروں کے لیے 51 ہوٹلز کی مکمل فہرست بھی جاری کر دی ہے۔

    جاری کی جانے والی فہرست میں ڈاکٹرز اور کو آرڈینیٹرز کے مکمل رابطہ نمبرز بھی دیے گئے ہیں، 51 مختص کردہ ہوٹلز میں قرنطینہ سینٹرز کو مڈل ایسٹ اسپتال اور ال ہلال اسپتال براہ راست مانیٹر کریں گے۔

    بحرین حکومت کی جانب سے قرنطینہ سینٹرز میں مقرر کردہ اسپتالوں کا پیرا میڈیکل اسٹاف تعینات ہوگا، اور ان ہی اسپتالوں کی رپورٹس کو تسلیم کیا جائے گا۔

    بحرین حکومت نے قطر ایئر ویز سمیت تمام ملکی اور غیر ملکی ایئر لائنز کو مسافروں کی رہنمائی اور قرنطینہ سے متعلق آگاہ کر دیا۔

  • کرونا ویکسین کے حوالے سے متحدہ عرب امارات کا اہم فیصلہ

    کرونا ویکسین کے حوالے سے متحدہ عرب امارات کا اہم فیصلہ

    متحدہ عرب امارات میں کرونا وائرس کی بدلتی ہوئی ساخت کو مدنظر رکھتے ہوئے ان افراد کو ویکسین کی تیسری خوراک دینے پر غور کیا جارہا ہے جنہیں ویکسین کی 2 خوراکیں دی جاچکی ہیں۔

    بین الاقوامی ویب سائٹ کے مطابق متحدہ عرب امارات اور بحرین میں ایسے افراد کو سائنو فارم ویکسین کا بوسٹر شاٹ فراہم کرنے کا فیصلہ کیا گیا ہے جن کو پہلے ہی 2 خوراکیں استعمال کرائی جاچکی ہیں۔

    یہ اقدام ویکسین کی افادیت کے حوالے سے ابھرنے والے خدشات کی وجہ سے کیا جارہا ہے۔

    یو اے ای کے نیشنل ایمرجنسی کرائسس این ڈیزاسٹر منیجمنٹ اتھارٹی کی جانب سے جاری بیان کے مطابق سائنو فارم ویکسین کی ایک اضافی خوراک ان افراد کے لیے دستیاب ہوگی جن کو دوسرا ڈوز دیے 6 ماہ کا عرصہ مکمل ہوچکا ہے۔

    بحرین میں یہ بوسٹر شاٹ طبی عملے، 50 سال سے زائد عمر کے افراد اور ایسے لوگوں کو دیے جائیں گے جو پہلے سے مختلف بیماریوں کے شکار ہوں گے۔

    متحدہ عرب امارات اور بحرین میں سائنو فارم کی کووڈ ویکسین کے استعمال کی منظوری 2020 کے آخر میں دی گئی تھی اور یہ دنیا میں بوسٹر شاٹس فراہم کرنے والے اولین ممالک بھی ہیں۔

    چین کی کمپنی سائنو فارم کی تیار کردہ اس ویکسین کو مئی میں ہی عالمی ادارہ صحت نے ہنگامی استعمال کی منظوری دی تھی۔ عالمی ادارہ صحت کے مطابق یہ ویکسین ہر عمر کے گروپس میں علامات والی بیماری اور اسپتال میں داخلے سے بچانے میں 79 فیصد تک مؤثر ہے۔

    ویکسین تیار کرنے والی کمپنیوں کی جانب سے بھی بوسٹر شاٹس کی تیاری پر کام کیا جارہا ہے۔ ابھی تک یہ واضح نہیں کہ کب اور کیسے یہ تعین کیا جائے گا کہ لوگوں کو اس اضافی خوراک کی ضرورت ہوگی۔

    تاہم کمپنیوں کی جانب سے بوسٹر شاٹس کی تیاری یہ خیال رکھ کر کی جارہی ہے کہ وائرس مسلسل تبدیل ہورہا ہے اور ممکنہ طور پر نئی اقسام کے لیے اضافی ڈوز کی ضرورت ہوگی۔

    امارات کی آبادی ایک کروڑ ہے اور اب تک وہاں ایک کروڑ 15 لاکھ سے زیادہ خوراکیں استعمال کی جاچکی ہیں۔ جنوری 2021 کے بعد سے یو اے ای میں کووڈ کیسز کی شرح میں 65 فیصد تک کمی آچکی ہے اور حال ہی میں کیس کی تعداد میں معمولی اضافہ دیکھنے میں آیا۔

    یو اے ای میں فائزر / بائیو این ٹیک اور ایسٹرا زینیکا ویکسینز کے استعمال کی بھی منظوری دی جاچکی ہے تاہم زیادہ تر سائنو فارم ویکسین کا ہی استعمال ہورہا ہے، جو مقامی طور پر تیار ہورہی ہے۔

  • پی آئی اے نے بحرین کے لئے براہ راست پروازوں کا آغاز کردیا

    پی آئی اے نے بحرین کے لئے براہ راست پروازوں کا آغاز کردیا

    اسلام آباد :‌پی آئی اے نے پاکستان سے بحرین کے لئے براہ راست پروازوں کا آغاز کردیا، براہ راست پروازوں سےمسافرکم وقت میں اپنی منزل تک پہنچ سکیں گے، بحرین کے لیے ہفتہ وار 2پروازیں چلائی جائیں گی۔

    تفصیلات کے مطابق پی آئی اے نے پاکستان سے بحرین کے لئے فضائی آپریشن بحال کردیا ، پہلی پروازپی کے189آج لاہورسے156مسافروں کولیکرروانہ ہوئی ، پی آئی اےبحرین کے لیے ہفتہ وار2پروازیں چلا رہی ہے.

    جمعہ کولاہورسےاوراتوارکواسلام آباد سےبحرین کیلئےپروازیں روانہ ہونگی اور براہ راست پروازوں سےمسافرکم وقت میں اپنی منزل تک پہنچ سکیں گے، اس حوالے سے پی آئی اے سی ای او کا کہنا ہے کہ منافع بخش روٹس پرپروازیں بحال کرناپلان کاحصہ ہے، مزیدبین الاقوامی مقامات کیلئےبھی پروازیں شروع کی جائیں گی۔

    خیال رہے سول ایوی ایشن نے پی آئی اے کو بحرین آپریشن کی اجازت دے دی ہے۔ کورونا وائرس کےباعث ‏بحرین کیلئےفضائی آپریشن بند کیا گیا تھا۔

    یاد رہے فروری مین پاکستان انٹرنیشنل ایئرلائن پی آئی اے نے وسطی اشیاء ممالک کیلئے پروازوں ‏میں اضافہ کا فیصلہ کرتے ہوئے کہا تھا کہ افغانستان ، آذربائیجان اور ازبکستان کے لئے پروازوں ‏میں اضافہ کیا جائے گا۔

    پی آئی اے پہلے مرحلے میں افغانستان کابل کیلئے اپنی پروازوں میں اضافہ کرتے ہوئے ہفتہ ‏وار ‏‏5پروازیں اور دوسرے مرحلے میں افغانستان کیلئے ‏روزانہ کی بنیاد پر ہفتہ وار 7پروازیں آپریٹ ‏کرے گی۔ ‏

    پی آئی اے نے آذربائیجان کے شہر باکو کیلئے 14مارچ سے پروازوں کا اعلان کیا تھا جبکہ ازبکستان ‏کے شہر تاشقند کیلئے 28مارچ سے اپنا فضائی آپریشن شروع کریں گے۔