دبئی : خاتونِ اوّل آصفہ بھٹو کی سالگرہ پر بڑی بہن بختاور بھٹو نے خوبصورت انداز میں مبارکباد دیتے ہوئے کہا ہمیں آپ کی تمام کامیابیوں اور میرے تین بچوں کی سب سے پیاری آنٹی ہونے پر فخر ہے۔
تفصیلات کے مطابق سابق وزیرِ اعظم محترمہ بینظیر بھٹو اور صدرِ مملکت آصف علی زرداری کی صاحبزادی خاتون اول آصفہ بھٹو آج اپنی 32 ویں سالگرہ منا رہی ہیں۔
آصفہ بھٹو کی بڑی بہن بختاور بھٹو کی جانب سے انہیں دلچسپ انداز میں مبارک باد دی گئی۔
بختاور بھٹو نے سماجی رابطے کی سائٹ انسٹاگرام پر ایک کیک کی تصویر شیئر کی ہے اور آصفہ کو ٹیگ کرتے ہوئے لکھا ہے کہ ‘آصفہ بھٹو زرداری کو سالگرہ بہت مبارک ہو!’
View this post on Instagram
بڑی بہن نے لکھا ‘ہمیں آپ کی تمام کامیابیوں پر بے حد فخر ہے اور ہمیں ان تمام چیزوں پر فخر ہے جو آپ نے بطور ایک منتخب رکنِ قومی اسمبلی اور بطور پاکستان کی خاتونِ اوّل حاصل کی ہیں۔
انہوں نے مزید لکھا ہے کہ ‘آپ کے میرے تین بچوں کی سب سے پیاری آنٹی ہونے پر بھی ہمیں فخر ہے۔’
