کابل: افغان صوبے بدخشاں میں ایک مسافر طیارہ گر کر تباہ ہو گیا۔
افغان میڈیا رپورٹس کے مطابق افغانستان کے شمال مشرقی صوبے بدخشاں میں ایک مسافر طیارہ اپنے روٹ سے ہٹنے کے باعث توپ خانہ کے پہاڑوں پر جا گرا ہے، صوبائی محکمہ اطلاعات و ثقافت کے سربراہ انجینئر ذبیح اللہ امیری نے حادثے کی تصدیق کر دی، اور بتایا کہ حادثے کی جگہ پر امدادی ٹیمیں روانہ کر دی گئی ہیں۔
روسی میڈیا نے کہا ہے کہ افغان صوبے میں گرنے والا طیارہ روس کا تھا، چھوٹے طیارے میں 2 مسافر اور عملے کے 4 ارکان سوار تھے، گزشتہ روز طیارہ ریڈار سے غائب ہو گیا تھا، طیارہ ماسکو جا رہا تھا۔
صوبائی پولیس حکام نے بتایا کہ ہفتہ کی رات طیارہ ریڈار سے غائب ہو کر زیباک ضلع کے توپخانہ علاقے میں اونچے پہاڑوں سے ٹکرا گیا تھا۔
