کراچی : گورنر ہاؤس کراچی میں ہونے والی پاکستان اسپورٹس ایوارڈ کی تقریب وی وی آئی پی سیکیورٹی کے باعث بد نظمی کا شکار ہوگئی، ایوارڈ میں نامزد افراد اور صحافیوں نے بائیکاٹ کردیا۔
تفصیلات کے مطابق پہلے سالانہ اسپورٹس ایوارڈز میں منتخب ہونے والے افراد اور کھیلوں سے وابستہ صحافیوں نے گورنر ہاؤس کراچی میں ہونے والی تقریب کا بائیکاٹ کردیا جس کی وجہ بد نظمی بتائی جارہی ہے۔
گورنر ہاؤس میں ہونے والی تقریب میں صدر پاکستان ڈاکٹر عارف علوی نے بحیثیت مہمان خصوصی شرکت کی، اس موقع پر مہمانوں اور میڈیا نمائندوں کو اس وقت پریشانی کا سامنا کرنا پڑا جب وی وی آئی پی پروٹوکول کے باعث انہیں گورنر ہاؤس جانے سے روک دیا گیا۔
تقریب میں مختلف کھیلوں کی معروف شخصیات، صحافی اور ان کے ساتھ آنے والی فیملیز کو ایک گھنٹے تک باہر روکے رکھا گیا، سیکیورٹی اہلکاروں کو مہمانوں کی مکمل فہرست بھی فراہم نہیں کی گئی تھی۔
Respect is more important than any award #sportsawards
— Rasheed shakoor (@rasheedshakoor) March 16, 2019
پاکستان کے نامور اسپورٹس جرنلسٹ رشید شکور جن کا نام اس سال ایوارڈ جیتنے والوں کی فہرست میں ہے وہ بھی اس تقریب میں شرکت سے محروم رہے، سیکیورٹی اہلکاروں نے ان کو بھی اندر جانے سے روک دیا،۔
A good initiative of Sports awards by Shoaib Malik was spoiled in a Purana Pakistan style at governor house .. unnecessary protocols at the main gate.,misbehaviour of security staff with journalists, nominees who walked out… insult of PM Imran khan’s vision of Naya Pakistan !
— Shahid Hashmi (@hashmi_shahid) March 16, 2019
اس حوالے سے نمائندہ اے آر وائی نیوز شاہد ہاشمی جو اس ایونٹ میں جیوری کے ممبر بھی ہیں انہیں بھی اسی مشکل کا سامنا کرنا پڑا، ان کا کہنا ہے کہ انتطامیہ کا یہ اقدام وزیر اعظم عمران خان اور ان کے نئے پاکستان کے ویژن کی توہین ہے۔
