ARYNews.tv | Urdu – Har Lamha Bakhabar

Tag: برآمدات

  • مختلف ممالک کو کی جانے والی پاکستانی برآمدات میں ریکارڈ اضافہ

    مختلف ممالک کو کی جانے والی پاکستانی برآمدات میں ریکارڈ اضافہ

    اسلام آباد: مشیر برائے تجارت عبد الرزاق داؤد کا کہنا ہے کہ مختلف ممالک کو کی جانے والی پاکستانی برآمدات میں 157 فیصد کا اضافہ ہوا ہے۔

    تفصیلات کے مطابق مشیر برائے تجارت عبد الرزاق داؤد کا کہنا ہے کہ ترکی، متحدہ عرب امارات، اٹلی، اسپین، جرمنی اور امریکا کو پاکستانی برآمدات میں اضافہ ہوا ہے۔

    برطانیہ، چین، بنگلہ دیش اور پولینڈ کو بھی برآمدات میں اضافہ ہوا ہے۔

    مشیر تجارت کا کہنا تھا کہ ترکی کو ایک سال میں پاکستانی برآمدات میں 157 فیصد کا اضافہ ہوا، امارات کو برآمدات میں 118 اور اٹلی کو 102 فیصد اضافہ ہوا۔

    انہوں نے کہا کہ گزشتہ فروری کی نسبت اسپین کو برآمدات میں 90 فیصد کا اضافہ ہوا، جرمنی کو 60 فیصد، امریکا کو 25 اور بنگلہ دیش کو 62 فیصد کا اضافہ ہوا۔

    اسی طرح برطانیہ کو 27 چین کو 17 اور نیدر لینڈز کو برآمدات میں 94 فیصد کا اضافہ ہوا۔

  • آئی ٹی برآمدات میں 47 فیصد اضافہ

    آئی ٹی برآمدات میں 47 فیصد اضافہ

    اسلام آباد: وزارت انفارمیشن ٹیکنالوجی کا کہنا ہے کہ گزشتہ 1 سال میں آئی ٹی برآمدات میں 47 فیصد اضافہ ہوا، 20 یونیورسٹیز کے ساتھ مل کر ایچ آر اسکلز پروگرام پر کام کر رہے ہیں۔

    تفصیلات کے مطابق سینیٹ کی قائمہ کمیٹی برائے انفارمیشن ٹیکنالوجی کا اجلاس منعقد ہوا جس میں وزارت انفارمیشن ٹیکنالوجی نے کمیٹی کو بریفنگ دی۔

    بریفنگ میں بتایا گیا کہ گزشتہ 1 سال میں آئی ٹی برآمدات میں 47 فیصد اضافہ ہوا، آئی ٹی ایکسپورٹ بڑھنے سے ایچ آر اسکلز کی ڈیمانڈ بڑھ گئی۔

    وزارت کا کہنا تھا کہ سیلری کی ڈیمانڈ بڑھنے سے کمپنیوں کو ایچ آر ہائرنگ میں مشکلات ہیں، 20 یونیورسٹیز کے ساتھ مل کر ایچ آر اسکلز پروگرام پر کام کر رہے ہیں۔

    بریفنگ کے مطابق 6 ہزار کے قریب آئی ٹی اسٹوڈنٹس کو تربیت دے رہے ہیں۔ پاکستان سافٹ ویئر ایکسپورٹ بورڈ نے ایک پورٹل تشکیل دیا ہے۔

    وزارت کا مزید کہنا تھا کہ اس وقت ملک میں 5 سے 6 لاکھ جانے پہچانے فری لانسرز ہیں، اسٹیٹ بینک ان فری لانسرز کو سہولت دے گا جو سافٹ ویئر رجسٹرڈ ہوں گے۔

  • 6 ماہ کے دوران سب سے زیادہ آئی ٹی برآمدات کا سنگ میل عبور

    6 ماہ کے دوران سب سے زیادہ آئی ٹی برآمدات کا سنگ میل عبور

    اسلام آباد: سینیٹر فیصل جاوید کا کہنا ہے کہ پاکستان نے 6 ماہ کے عرصے میں سب سے زیادہ آئی ٹی برآمدات کا سنگ میل عبور کرلیا، 6 ماہ میں 1.302 ارب ڈالر کی برآمدات ہوئیں۔

    تفصیلات کے مطابق سینیٹر فیصل جاوید نے سماجی رابطے کی ویب سائٹ ٹویٹر پر اپنے ٹویٹ میں کہا کہ پاکستان نے 6 ماہ کے عرصے میں سب سے زیادہ آئی ٹی برآمدات کا سنگ میل عبور کرلیا۔

    فیصل جاوید کا کہنا تھا کہ مالی سال 22-21 کے دوران اب تک ہماری آئی ٹی برآمدات 1.302 ارب ڈالر کی ہوئیں۔ 21-2020 کی اسی مدت کے دوران 959 ملین ڈالر کی برآمدات ہوئی تھیں۔

    انہوں نے کہا کہ گزشتہ سال اسی عرصے کے مقابلے میں یہ 36 فیصد کا نمایاں اضافہ ہے، امید ہے کہ ہم اس مالی سال کے دوران 3.5 ارب ڈالر کا ہندسہ عبور کرنے میں کامیاب ہو جائیں گے۔

    فیصل جاوید کا کہنا تھا کہ وزیر اعظم عمران خان کی توجہ اقتصادی ترقی کو تیز کرنے کے لیے برآمدات بڑھانے پر ہے، 2 سال میں آئی ٹی انڈسٹری کو دوگنا کیا جائے گا۔

    انہوں نے مزید کہا کہ روزگار پیدا کرنے اور بین الاقوامی سرمایہ کاروں کو راغب کرنے کے لیے ٹیک زونز قائم کیے جا رہے ہیں، آج ہم دنیا کی تیسری بڑی گیگ اکانومی ہیں۔

  • درآمدات میں کمی، برآمدات میں اضافہ ہورہا ہے: مشیر تجارت

    درآمدات میں کمی، برآمدات میں اضافہ ہورہا ہے: مشیر تجارت

    اسلام آباد: مشیر برائے تجارت عبدالرزاق داؤد کا کہنا ہے کہ درآمدات میں اضافہ کم ہونا شروع ہو گیا ہے جبکہ جولائی دسمبر کی پہلی ششماہی میں برآمدات 25 فیصد بڑھیں۔

    تفصیلات کے مطابق مشیر برائے تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ٹویٹ میں کہا کہ درآمدات میں اضافہ کم ہونا شروع ہو گیا ہے، دسمبر کے دوران 6.9 ارب ڈالر کی درآمدات ہوئیں۔

    مشیر تجارت کا کہنا تھا کہ نومبر میں درآمدت کا حجم 7.9 ارب ڈالر تھا، ایک ماہ میں درآمدات میں ایک ارب ڈالر کی کمی آئی۔ دسمبر 2021 کے لیے درآمدی تخمینہ 6.2 ارب ڈالر تھا۔

    انہوں نے کہا کہ جولائی دسمبر کی پہلی ششماہی میں برآمدات 25 فیصد بڑھیں، جولائی دسمبر کی پہلی ششماہی برآمدات بڑھ کر 15.125 ارب ڈالر ہوگئیں، جولائی تا دسمبر 2020 کے دوران برآمدات 12.110 ارب ڈالر تھیں۔

    مشیر تجارت کا مزید کہنا تھا کہ مالی سال کی پہلی ششماہی کے لیے برآمدات کا ہدف 15 ارب ڈالر تھا۔

    انہوں نے اپنے ٹویٹ میں مزید کہا کہ دسمبر 2021 کے دوران برآمدات اور درآمدات کی تفصیل جلد شیئر کی جائیں گی۔

  • نومبر میں ٹیکسٹائل برآمدات میں ریکارڈ اضافہ

    نومبر میں ٹیکسٹائل برآمدات میں ریکارڈ اضافہ

    اسلام آباد: ادارہ شماریات کا کہنا ہے کہ نومبر 2021 میں ٹیکسٹائل برآمدات میں 1.74 ارب ڈالر کا ریکارڈ اضافہ ہوا، امریکا اور یورپی ممالک میں لاک ڈاؤن نہ لگا تو برآمدات 18 ارب ڈالر تک پہنچنے کا امکان ہے۔

    تفصیلات کے مطابق ادارہ شماریات کا کہنا ہے کہ نومبر 2021 میں ٹیکسٹائل برآمدات میں 1.74 ارب ڈالر کا ریکارڈ اضافہ ہوا، رواں مالی سال کے 5 ماہ میں ٹیکسٹائل برآمدات میں 28 فیصد اضافے سے 7.8 بلین ڈالر کا زر مبادلہ حاصل ہوا۔

    ادارہ شماریات کا کہنا ہے کہ ٹیکسٹائل برآمدات گزشتہ ماہ اکتوبر کے مقابلے میں 8 فیصد زیادہ رہیں، ویلیو ایڈڈ ٹیکسٹائل اور ریڈی میڈ گارمنٹس میں اکتوبر کی نسبت 11 فیصد اضافہ ہوا، بیڈ ویئر کی 9 فیصد اور تولیے کی برآمدات میں 28 فیصد کا اضافہ ریکارڈ کیا گیا۔

    گزشتہ سال کی نسبت نومبرکی ٹیکسٹائل کی برآمدات میں 35 فیصد اضافہ ہوا۔

    ادارہ شماریات کا کہنا ہے کہ ویلیو ایڈڈ سیکٹر میں نمایاں ریکوری ریکارڈ کی گئی، گزشتہ سال کی نسبت بیڈ ویئر میں 32 اور ریڈی میڈ گارمنٹس کی برآمدات میں 27 فیصد اضافہ دیکھا گیا۔

    ادارہ شماریات کے مطابق امریکا اور یورپی ممالک میں لاک ڈاؤن نہ لگا تو برآمدات 18 ارب ڈالر تک پہنچنے کا امکان ہے۔

  • اکتوبر 2021 میں ملکی برآمدات میں اضافہ

    اکتوبر 2021 میں ملکی برآمدات میں اضافہ

    اسلام آباد: مشیر تجارت عبد الرزاق داؤد کا کہنا ہے کہ اکتوبر 2021 میں مختلف ممالک کو کی جانے والی برآمدات میں 23 فیصد اضافہ ہوا ہے۔

    تفصیلات کے مطابق مشیر تجارت عبد الرزاق داؤد کا کہنا ہے کہ پاکستان کی گھریلو ٹیکسٹائل، گارمنٹس، جرسی، چمڑا ملبوسات، پھل، سبزیاں، سیمنٹ، پلاسٹک، آلات جراحی اور گوشت کی برآمدات میں اضافہ ہوا ہے۔

    مشیر تجارت کا کہنا تھا کہ تمباکو، سگریٹ اور لکڑی کے فرنیچر کی برآمدات میں کمی آئی۔

    انہوں نے کہا کہ امریکا، چین، متحدہ عرب امارات، ہالینڈ، بنگلہ دیش، جرمنی، سری لنکا، بیلجیئم، ملائیشیا اور اٹلی کو کی جانے والی برآمدات میں اضافہ ہوا جبکہ افغانستان، انڈونیشیا، ویت نام اور یوکرین کو کی جانے والی برآمدات میں کمی ہوئی۔

    مشیر تجارت کا کہنا تھا کہ اکتوبر 2021 کے دوران خدمات کی برآمدات میں 23 فیصد اضافہ ہوا، گزشتہ سال اس عرصے میں یعنی اکتوبر 2020 کے دوران 432 ملین ڈالر کی برآمدات کی گئی تھیں۔

  • جنوبی ایشیا کے دیگر ممالک کے مقابلے میں پاکستانی برآمدات میں اضافہ

    جنوبی ایشیا کے دیگر ممالک کے مقابلے میں پاکستانی برآمدات میں اضافہ

    اسلام آباد: مشیر تجارت عبدالرزاق داؤد کا کہنا ہے کہ نومبر میں جنوبی ایشیا کے دیگر ممالک کے مقابلے میں پاکستانی برآمدات میں اضافہ ہوا، برآمدات میں اضافہ ہمارے برآمد کنندگان کی سخت محنت کا نتیجہ ہے۔

    تفصیلات کے مطابق مشیر تجارت عبدالرزاق داؤد کا کہنا ہے کہ نومبر میں جنوبی ایشیا کے دیگر ممالک کے مقابلے میں پاکستانی برآمدات میں اضافہ ہوا۔

    مشیر تجارت کا کہنا ہے کہ جنوبی ایشیائی ممالک میں سے پاکستان کی برآمدات میں 33.5 فیصد اضافہ ہوا، بنگلہ دیش کی برآمدات میں 31.3 اور بھارت کی برآمدات میں 26.5 فیصد اضافہ ہوا۔

    انہوں نے کہا کہ برآمدات میں اضافہ ہمارے برآمد کنندگان کی سخت محنت کا نتیجہ ہے، برآمد کنندگان کی کارکردگی کو سراہا جانا ضروری ہے۔

  • ملکی برآمدات میں 13.5 فیصد اضافہ ہوا: فرخ حبیب

    ملکی برآمدات میں 13.5 فیصد اضافہ ہوا: فرخ حبیب

    اسلام آباد: وزیر مملکت برائے اطلاعات و نشریات فرخ حبیب کا کہنا ہے کہ ملکی برآمدات میں 13.5 فیصد اضافہ ہوا، مجموعی ذخائر 23 ارب ڈالر کی سطح پر پہنچ چکے ہیں۔

    تفصیلات کے مطابق وزیر مملکت برائے اطلاعات و نشریات فرخ حبیب کا کہنا ہے کہ ملکی برآمدات میں 13.5 فیصد اضافہ ہوا، بڑے پیمانے کی صنعتیں 9 فیصد کی شرح سے ترقی کررہی ہیں۔

    وزیر مملکت کا کہنا تھا کہ زرمبادلہ کے مجموعی ذخائر 23 ارب ڈالر کی سطح پر پہنچ چکے ہیں، چاول کی پیداوار میں 13، مکئی کی 7، اور گندم کی پیداوار میں 8.1 فیصد اضافہ ہوا۔

    انہوں نے کہا کہ مسلم لیگ ن کے اسحٰق ڈار معیشت میں بارودی سرنگیں بچھا کر گئے، اسحٰق ڈار 15 دنوں کے فارن ریزرو چھوڑ کر گئے تھے۔

    فرخ حبیب کا مزید کہنا تھا کہ اسحٰق ڈار کے جانے کے وقت ایکسپورٹس کم ہورہی تھیں، تجارتی خسارہ 40 ارب تھا اور ترسیلات زر رک گئی تھیں۔

  • امریکی پابندیوں کے باوجود ایران نے پیٹرولیم مصنوعات کی ریکارڈ برآمدات کرلیں

    امریکی پابندیوں کے باوجود ایران نے پیٹرولیم مصنوعات کی ریکارڈ برآمدات کرلیں

    تہران: ایران کا کہنا ہے کہ اس نے امریکی پابندیوں کے باوجود پیٹرولیم مصنوعات کی ریکارڈ برآمدات حاصل کر لی ہیں، ڈونلڈ ٹرمپ چاہتے تھے کہ ہم ہلاک ہوجائیں اور ہماری برآمدات صفر تک پہنچ جائیں۔

    ایرانی میڈیا رپورٹ کے مطابق ایران نے کہا ہے کہ اس نے امریکی پابندیوں کے باوجود پیٹرولیم مصنوعات کی ریکارڈ برآمدات حاصل کر لی ہیں، ایران کے وزیر برائے تیل بيژن نامدار نے یہ دعویٰ اپنے ایک انٹرویو میں کیا۔

    ایرانی وزیر تیل کا کہنا تھا کہ سابق امریکی صدر ڈونلڈ ٹرمپ اور ان کے سیکریٹری خارجہ مائیک پومپیو تاریخ کے کوڑے دان میں شامل ہو گئے تھے لیکن ہم زندہ ہیں اور ملک کی تعمیر کے لیے مزید امید کے ساتھ کام کر رہے ہیں۔

    انہوں نے مزید کہا کہ دشمن اور ڈونلڈ ٹرمپ چاہتے تھے کہ ہم ہلاک ہوجائیں اور ہماری برآمدات صفر تک پہنچ جائیں، ہم نے پابندی کے عرصے کے دوران تیل کی صنعت کی تاریخ میں برآمدات کا سب سے زیادہ ریکارڈ قائم کیا۔

    ایک اندازے کے مطابق ایران 2018 میں 2.8 ملین یومیہ بیرل کے مقابلے میں 3 لاکھ یومیہ بیرل سے بھی کم تیل برآمد کرتا ہے۔

    ایران نے حالیہ برسوں میں پیٹرولیم مصنوعات کی برآمدات میں نمایاں اضافہ کیا ہے اگرچہ خام تیل کی طرح پیٹرولیم مصنوعات بھی امریکی پابندیوں میں آتی ہیں۔

  • برآمدات میں اضافے پر وزیر اعظم عمران خان کی مبارکباد

    برآمدات میں اضافے پر وزیر اعظم عمران خان کی مبارکباد

    اسلام آباد: وزیر اعظم عمران خان کا کہنا ہے کہ پاکستان میں نومبر میں برآمدات میں 8.3 اور دسمبر میں 18.3 فیصد اضافہ ہوا، برآمد کنندگان اور وزارت تجارت کو کامیابی پر مبارکباد پیش کرتا ہوں۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ خطے میں برآمدی رجحان کے بارے میں اعداد و شمار موصول ہوئے، نومبر دسمبر میں پاکستان کی نسبت بھارت، بنگلہ دیش کی برآمدات منفی رہیں۔

    وزیر اعظم کا کہنا تھا کہ برآمد کنندگان اور وزارت تجارت کو کامیابی پر مبارکباد پیش کرتا ہوں۔

    انہوں نے کہا کہ پاکستان میں نومبر میں برآمدات میں 8.3 اور دسمبر میں 18.3 فیصد اضافہ ہوا، نومبر 2020 میں بھارت کی برآمدات 9 فیصد سے زیادہ گریں جبکہ بنگلہ دیش دسمبر 2020 میں برآمدات میں 6 فیصد سے زائد کمی ہوئی۔

    یاد رہے کہ دو روز قبل اسٹیٹ بینک کی جاری کردہ رپورٹ کے مطابق مالی سال 2021 میں پاکستان کی معیشت کرونا وائرس سے پہلے کی راہ پر دوبارہ گامزن ہوئی، پاکستان کی برآمدی کارکردگی متعدد دیگر ابھرتی معیشتوں کے مقابلے میں بہتر رہی۔

    رپورٹ کے مطابق برآمدات نے اپنی کرونا سے پہلے ستمبر کی سطح کو چھو لیا، ٹیکسٹائل، سیمنٹ اور دوا سازی کی بلند برآمدی وصولیوں سے مدد ملی۔

    اسٹیٹ بینک کا کہنا تھا کہ ملک کے زرمبادلہ کے ذخائر میں مزید اضافہ ہوا، کرونا سے نمٹنے کی ری فنانس سہولت کی رقم بڑھ کر 8.4 ارب روپے تک پہنچ گئی۔