Tag: برائن لارا

قومی ٹیم کے اوپنر بیٹر صائم ایوب نے جنوبی افریقا کے خلاف سنچری اسکور کرکے ویسٹ انڈیز کے لیجنڈ کرکٹر برائن لارا کا 31 سال پرانا ریکارڈ توڑ دیا۔

پاکستان اور جنوبی افریقا کے درمیان کھیلے گئے پہلے ون ڈے میچ میں گرین شرٹس نے میزبان ٹیم کو سنسنی خیز مقابلے کے بعد 3 وکٹوں سے شکست دی، اوپنر بیٹر صائم ایوب نے 119 گیندوں پر 109 رنز کی شاندار اننگز کھیلی۔

سلمان علی آغا نے بھی 83 رنز کی ناقابل شکست اننگز کھیلی اور اپنا مین آف دی میچ کا ایوارڈ صائم ایوب کو دے دیا۔

تاہم 22 سالہ صائم ایوب نے سنچری اسکور کرتے ہی برائن لارا کا 31 سال قبل بنایا گیا ریکارڈ توڑا ہے، صائم ہدف کا تعاقب کرتے ہوئے سنچری اسکور کرنے والے دنیا کے کم عمر ترین کرکٹر بن گئے ہیں۔

برائن لارا نے 1993 میں 23 سال اور 297 دن کی عمر میں جنوبی افریقا کے خلاف ون ڈے میں ہدف کے تعاقب میں سنچری اسکور کی تھی۔

بابر اعظم کی فارم اور کچھ حقائق

صائم ایوب جنوبی افریقا میں سنچری اسکور کرنے والے کم عمر کھلاڑی بن گئے ہیں اس سے قبل 23 سال 48 دن کی عمر میں کوئنٹن ڈی کوک نے 2016 میں سنچری اسکور کی تھی۔

واضح رہے کہ پاکستان کو جنوبی افریقا کے خلاف تین میچوں کی سیریز میں 1-0 کی برتری حاصل ہوگئی ہے، دونوں ٹیموں کے درمیان دوسرا ون ڈے کل کھیلا جائے گا جو پاکستانی وقت کے مطابق شام 5 بجے شروع ہوگا۔

ویسٹ انڈیز ٹیم کے سابق کپتان برائن لارا نے بھارتی اوپنر بیٹر شبھمن گل سے متعلق پیش گوئی کردی۔

بھارتی میڈیا رپورٹس کے مطابق سابق بھارتی کپتان برائن لارا کا کہنا ہے کہ شبھمن گل نئی نسل کے سب سے باصلاحیت کھلاڑی ہیں اور وہ میرا 400 اور 501 ناٹ آؤٹ رنز کا ریکارڈ بھی توڑ سکتے ہیں۔

انہوں نے کہا کہ آنے والے سالوں میں شبھمن گل کی حکمرانی ہوگی، یقین ہے کہ وہ میرے بڑے ریکارڈز توڑ دیں گے۔

برائن لارا نے کہا کہ شبھمن گل شاندار انداز میں بیٹنگ کرتے ہیں ان کی ہٹنگ کرنے کا انداز ناقابل یقین ہے۔

شبھمن گل بھارت کے تینوں فارمیٹ میں سنچریز بنانے والے کم عمر ترین کرکٹر ہیں، اس کے علاوہ شبمن ون ڈے میں ڈبل سنچری بنانے والے دنیا کے کم عمر ترین بیٹر ہیں۔

واضح رہے کہ سابق کپتان برائن لارا نے انگلینڈ کیخلاف ٹیسٹ میں ریکارڈ 401 ناٹ آؤٹ رنز بنائے تھے ، انہوں نے  فرسٹ کلاس کرکٹ میں ریکارڈ 501 رنز ناٹ آؤٹ بھی بنائے تھے۔

قومی کرکٹ ٹیم کے سابق کپتان اور چیف سلیکٹر انضمام الحق نے اپنے ہم عصر کرکٹر ویسٹ انڈیز کے سابق کپتان برائن لارا سے متعلق بڑا انکشاف کیا ہے۔

قومی کرکٹ ٹیم کے سابق کپتان انضمام الحق اور ویسٹ انڈیز کے سابق کپتان برائن لارا ہم عصر کرکٹر اور 1990 کی دہائی کے بہترین بیٹرز میں شمار کیے جاتے ہیں۔ ان دنوں سوشل میڈیا پر انضمام الحق کا ویڈیو بیان وائرل ہو رہا ہے جس میں انہوں نے برائن لارا سے متعلق بڑا دعویٰ کرتے ہوئے کہا ہے کہ سابق کیریبئین کپتان کو اسلام لانے کی دعوت دی تھی اور وہ اسلامی تعلیمات سے متاثر ہوئے تھے۔

سماجی رابطوں کی ویب سائٹ ایکس پر وائرل اس ویڈیو میں انضمام الحق نے ویسٹ انڈیز کے دورہ کراچی کے حوالے سے گفتگو کی جس میں وہ کہتے ہیں کہ کراچی میں ویسٹ انڈیز کے خلاف ٹیسٹ میچ کے دوران محمد یوسف نے برائن لارا کو کھانے پر مدعو کیا تھا جہاں ان کا پروگرام تھا کہ لارا کو دین کی دعوت دیں گے۔

انضمام کے مطابق ہمارے کراچی کے ایک بزرگ ہیں شیخ ہاشم نے اس موقع پر برائن لارا کو دین کی دعوت دی اور بتایا کہ ہم کس طرح اپنے اللہ کی بات مانتے ہیں، کس طرح حضور ﷺ کے طریقے پر زندگی گزار رہے ہیں اور کس طرح ماں باپ کی خدمت اور بیوی کے ساتھ تعلقات، بچوں کی پرورش اور پڑوسیوں کے حقوق ادا کرتے ہیں۔

Inzamam Ul Haq further says @yousaf1788 invited @BrianLara to accept Islam during a Test match in Karachi. He reveals Lara became silent and then said 'life should be spent the way Muslims spend' #CWC23 pic.twitter.com/BWS0cjZKnD

— Farid Khan (@_FaridKhan) November 14, 2023

انضمام الحق نے کہا کہ برائن لارا یہ سُن کر خاموش ہوا اور ایسا متاثر ہوا کہ کہا واقعی زندگی اسی طرح سے گزارنی چاہیے اور ہماری زندگی اس طرح سے ہونی چاہیے۔