صدر ڈونلڈ ٹرمپ نے اب امریکی شہریت کی فروخت شروع کر دی ہے اور ایک خطیر رقم کے عوض گرین گارڈ حاصل کیا جا سکتا ہے۔
امریکی صدر ڈونلڈ ٹرمپ نے جب سے دوسری مدت کے لیے صدارت کا منصب سنبھالا ہے۔ تب سے ان کے فیصلے موضوع بحث اور کئی سابقہ امریکی روایت کے برخلاف ہیں، جن پر انہیں تنقید کا نشانہ بھی بنایا جا رہا ہے۔
غیر ملکی میڈیا کے مطابق امریکی صدر ڈونلڈ ٹرمپ نے ایک نیا امیگریشن اقدام ‘گولڈ کارڈ’ متعارف کرایا ہے، جس سے دولت مند غیر ملکی سرمایہ کاروں کو 5 ملین امریکی ڈالر (تقریباً ایک ارب 40 کروڑ پاکستانی روپے) میں امریکی شہریت خریدنے کا موقع ملے گا۔
رپورٹ کے مطابق یہ اعلان امریکی صدر کے دفتر اوول آفس کی جانب سے کیا گیا۔ اس تجویز کو گرین کارڈ کے ‘پریمیئم ورژن’ کے طور پر پیش کیا جا رہا ہے، جس میں طویل مدتی رہائش اور شہری بنانے کا راستہ پیش کیا جا رہا ہے۔
ڈونلڈ ٹرمپ نے اس حوالے سے اپنے بیان میں کہا ہے کہ ہم ایک گولڈ کارڈ فروخت کرنے جا رہے ہیں اور اس کارڈ کی قیمت لگ بھگ پانچ ملین ڈالر ہوگی۔
صدر کے مطابق اس نئے پروگرام کا مقصد حکومت کے لیے قابل قدر آمدنی پیدا کرتے ہوئے بھاری دولت کے حامل افراد کو ریاست ہائے متحدہ امریکا کی طرف راغب کرنا ہے۔
یہ گولڈ کارڈ امریکا کے موجودہ EB-5 امیگرنٹ انویسٹر ویزا پروگرام کی جگہ لے گا، جو ان غیر ملکی سرمایہ کاروں کو گرین کارڈ حاصل کرنے کی اجازت دیتا ہے کہ جو ٹارگیٹڈ ایمپلائمنٹ ایریاز (TEAs) کے پروجیکٹس میں کم از کم 8 لاکھ ڈالر (22 کروڑ پاکستانی روپے سے زائد) یا دیگر جگہوں پر 18 لاکھ ڈالر (50 کروڑ سے زائد) کی سرمایہ کاری کرتے ہیں اور کم از کم دس امریکی ملازمتیں بھی پیدا کرتے ہیں۔
https://urdu.arynews.tv/trump-also-put-the-us-cia-at-risk/
