ARYNews.tv | Urdu – Har Lamha Bakhabar

Tag: برازیل

  • کرونا وائرس: فرانس میں 4 ہزار نئے کیسز، نیدر لینڈز میں عوام کے باہر نکلنے پر دوبارہ پابندی

    کرونا وائرس: فرانس میں 4 ہزار نئے کیسز، نیدر لینڈز میں عوام کے باہر نکلنے پر دوبارہ پابندی

    واشنگٹن / نئی دہلی / برازیلیا / پیرس: دنیا بھر میں کرونا وائرس کی تباہ کاریاں جاری ہیں، فرانس میں ایک دن میں کرونا وائرس کے 4 ہزار سے زائد نئے کیسز رپورٹ کیے گئے، نیدر لینڈز کے 3 بڑے شہروں میں عوام کے باہر نکلنے پر دوبارہ پابندی عائد کردی گئی۔

    تفصیلات کے مطابق دنیا بھر میں کرونا وائرس سے متاثرہ افراد کی تعداد 3 کروڑ 35 لاکھ 58 ہزار 131 ہوگئی جبکہ کرونا وائرس سے ہلاک افراد کی تعداد 10 لاکھ 6 ہزار 471 ہوگئی۔

    دنیا بھر میں کرونا وائرس کے فعال کیسز کی تعداد 76 لاکھ 69 ہزار 381 ہے، ان میں سے 65 ہزار 325 کیسز تشویشناک ہیں جبکہ دنیا بھر میں اب تک 2 کروڑ 48 لاکھ 82 ہزار 279 کرونا مریض صحتیاب ہو چکے ہیں۔

    بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحتیاب ہوچکے ہیں جبکہ ہلاک ہونے والوں کی شرح 4 فیصد ہے۔

    اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

    کرونا وائرس کیسز کے لحاظ سے امریکا دنیا بھر میں پہلے نمبر پر ہے۔

    امریکا میں رپورٹ ہونے والے کرونا وائرس کیسز کی مجموعی تعداد 73 لاکھ 61 ہزار سے زائد اور فعال کیسز کی تعداد 25 لاکھ 42 ہزار 189 ہوچکی ہے۔

    ملک میں ہلاکتوں کی تعداد 2 لاکھ 9 ہزار 808 جبکہ صحت یاب مریضوں کی تعداد 46 لاکھ 9 ہزار 636 ہوچکی ہے، 25 لاکھ سے زائد فعال کیسز میں سے زیر علاج 14 ہزار 65 مریضوں کی حالت تشویشناک ہے۔

    بھارت کرونا وائرس کیسز کے حوالے سے دوسرے نمبر پر ہے۔

    بھارت میں رپورٹ ہونے والے کرونا وائرس کیسز کی مجموعی تعداد 61 لاکھ 45 ہزار سے زائد اور فعال کیسز کی تعداد 9 لاکھ 47 ہزار 543 ہوچکی ہے۔

    ملک میں ہلاکتوں کی تعداد 96 ہزار 351 جبکہ صحت یاب مریضوں کی تعداد 51 لاکھ 1 ہزار 397 ہوچکی ہے۔

    برازیل میں بھی کرونا وائرس کی تباہ کاریاں جاری ہیں۔

    برازیل میں رپورٹ ہونے والے کرونا وائرس کیسز کی مجموعی تعداد 47 لاکھ 48 ہزار سے زائد اور فعال کیسز کی تعداد 5 لاکھ 21 ہزار 984 ہوچکی ہے۔

    ملک میں ہلاکتوں کی تعداد 1 لاکھ 42 ہزار 161 جبکہ صحت یاب مریضوں کی تعداد 40 لاکھ 84 ہزار 182 ہوچکی ہے۔

    ادھر فرانس میں گزشتہ 24 گھنٹوں کے دوران 4 ہزار 70 نئے کرونا کیسز رپورٹ کیے گئے جبکہ ایک دن میں 81 مریض ہلاک ہوگئے۔

    نیدر لینڈز میں بھی کرونا وائرس کے پھیلاؤ میں تشویشناک اضافہ ہورہا ہے، وائرس کے پھلاؤ کے پیش نظر فٹبال اسٹیڈیم میں تماشائیوں کے داخلے پر پھر سے پابندی عائد کردی گئی۔

    حکومت نے نائٹ کلبز رات 10 بجے بند کرنے کے احکامات جاری کردیے، ایمسٹر ڈیم، دی ہیگ اور روٹر ڈیم میں عوام کے باہر نکلنے پر پابندی عائد کردی گئی، تینوں شہروں میں انتہائی ضرورت کے تحت باہر نکلنے کی اجازت دی گئی ہے۔

  • چین نے تین ممالک کو کرونا ویکسین فراہم کرنے کی یقین دہانی کرا دی

    چین نے تین ممالک کو کرونا ویکسین فراہم کرنے کی یقین دہانی کرا دی

    بیجنگ: سنو ویک ڈیولپر کے سی ای او بین ویئی دونگ کا کہنا ہے کہ چینی ویکسین پہلے پانے والے ممالک میں برازیل، انڈونیشیا اور ترکی ہوگا۔

    تفصیلات کے مطابق کرونا وائرس کی چین میں تیار ویکسین کو پہلے حاصل کرنے والے ممالک میں برازیل، انڈونیشیا اور ترکی شامل ہیں جہاں اس ویکسین کے تیسرے مرحلے کے کلینکل تجربے جاری ہیں۔

    سنو ویک ڈیولپر کے سی ای او بین ویئی دونگ نے صحافیوں سے گفتگو کرتے ہوئے کہا کہ چینی ویکسین پہلے پانے والے ممالک میں برازیل، انڈونیشیا اور ترکی ہوگا۔

    انہوں نےکہا کہ ہم نے برازیل میں 21 جولائی، انڈونیشیا میں یکم اگست کو اور ترکی میں 16 ستمبر کو کلینیکل تجربے کا تیسرا مرحلہ شروع کیا ہے، ہمیں بنگلہ دیش میں بھی اس کی منظوری مل گئی ہے۔بین ویئی دونگ کا کہنا تھا کہ ترجیحی بنیاد پر ویکسین کا پہلا لاٹ چین کے ساتھ ہی برازیل، انڈونیشیا اور ترکی میں تقسیم کیا جائے گا۔

    سنو ویک ڈیولپر کے سی ای او نے کہا کہ کمپنی پہلے سی ہی ویکسین کی تیاری کی صلاحیت میں اضافہ کرنے کے لیے ایک پروڈکشن پلانٹ تیار کر رہی ہے۔

    بین ویئی دونگ نے ویکسین کے تخمینہ لاگت کے بارے میں معلومات دینے سے انکار کرتے ہوئے کہا کہ اس کی قیمت بہت سے عوامل پر منحصر ہے انہوں نے سنوویک ویکسین کے سال کے آخر تک بازار میں آنے کی امید ظاہر کی ہے۔

    واضح رہے کہ امریکا، برطانیہ سمیت متعدد ممالک کی طرح چین میں بھی کرونا ویکسین تیار کی گئی ہے اور اس کے کلینکل ٹرائل کا تیسرا مرحلہ جاری ہے، اگر ٹرائل کا تیسرا مرحلہ کامیاب رہا تو چین اس ویکسین کو کس کو برآمد کرے گا اس کی ترجیحات واضح ہوگئی ہیں۔

  • ڈینگی اور کرونا وائرس کے درمیان حیران کن تعلق نے ماہرین کو دنگ کردیا

    ڈینگی اور کرونا وائرس کے درمیان حیران کن تعلق نے ماہرین کو دنگ کردیا

    کرونا وائرس کے حوالے سے دنیا بھر میں مختلف تحقیقات جاری ہیں، حال ہی میں حادثاتی طور پر ہونے والی ایک دریافت نے ماہرین کو خوشگوار حیرت میں مبتلا کردیا۔

    امریکا کی ڈیوک یونیورسٹی کے ماہرین نے برازیل میں ہونے والی ایک تحقیق میں دریافت کیا کہ ڈینگی بخار سے صحت یاب افراد میں کرونا وائرس کے خلاف مزاحمت پیدا ہوجاتی ہے۔

    مذکورہ ماہرین برازیل میں ایک تحقیق کر رہے تھے جس میں انہیں حادثاتی طور پر کرونا وائرس کے پھیلاؤ اور ڈینگی بخار کے درمیان تعلق کا علم ہوا۔ ماہرین نے دیکھا کہ گزشتہ ایک سال کے اندر جن علاقوں میں ڈینگی بخار کے سب سے زیادہ کیسز دیکھے گئے، وہاں کرونا وائرس کا پھیلاؤ نہایت کم رہا۔

    ماہرین کا خیال ہے کہ ڈینگی بخار کی اینٹی باڈیز کسی حد تک کرونا وائرس سے تحفظ فراہم کرتی ہیں یا اسے بے اثر کردیتی ہیں۔ تحقیق میں کہا گیا کہ بظاہر یوں معلوم ہو رہا ہے کہ ڈینگی اور سارس کوویڈ 2 کے وائرسز کے درمیان ایک نوعیت کی کراس ری ایکٹوٹی ہوئی۔

    ان کے مطابق اگر یہ مفروضہ درست ثابت ہوا تو تو ڈینگی وائرس کی ویکسین کسی حد تک کرونا وائرس سے بھی تحفظ فراہم کرسکتی ہے۔

    ماہرین کا کہنا ہے کہ یہ تحقیق دلچسپ ہے کیونکہ اس سے قبل یہ دیکھا گیا تھا کہ جن افراد کے خون میں ڈینگی وائرس کی اینٹی باڈیز موجود ہیں، ان کا کرونا وائرس ٹیسٹ گمراہ کن طور پر مثبت آیا باجود اس کے، کہ وہ کرونا وائرس سے متاثر نہیں ہوئے تھے۔

    تحقیق میں کہا گیا کہ ڈینگی وائرس اور کرونا وائرس بالکل الگ نوع سے تعلق رکھتے ہیں لہٰذا ان کے درمیان کسی قسم کا امیونولوجیکل تعلق موجود ہو سکتا ہے، تاہم اس تعلق کو ثابت کرنے کے لیے مزید تحقیق کی ضرورت ہے۔

    خیال رہے کہ برازیل اس وقت کرونا وائرس کے کیسز اور اموات کے حوالے سے تیسرا بدترین ملک ہے، تاہم دیکھا گیا کہ گزشتہ برس ڈینگی وائرس سے متاثرہ علاقے کرونا وائرس سے بہت کم متاثر ہوئے۔

    ماہرین کے مطابق برازیل کے علاوہ ایشیا اور لاطینی امریکا کے بھی کچھ علاقوں میں ڈینگی اور کرونا وائرس کے درمیان ایسا ہی تعلق پایا گیا۔

    ماہرین کا کہنا ہے کہ ان کی یہ دریافت قطعی طور پر حادثاتی تھی، انہوں نے برازیل کے کرونا وائرس سے متاثرہ علاقوں کا نقشہ بنایا تو ان کے مشاہدے میں آیا کہ کچھ علاقوں میں وائرس کا پھیلاؤ غیر معمولی طور پر نہایت کم تھا۔

    جب انہوں نے اس کی وجوہات تلاش کیں تو ان کے علم میں یہ دریافت آئی۔

    ماہرین کا کہنا ہے کہ یہ نتائج نہایت غیر متوقع او حوصلہ افزا ہیں جنہوں نے کرونا وائرس کے علاج اور تحقیق کے حوالے سے نئے پہلو کی نشاندہی کی ہے۔

  • کرونا وائرس: بھارت میں متاثرہ افراد کی تعداد 55 لاکھ سے تجاوز کر گئی

    کرونا وائرس: بھارت میں متاثرہ افراد کی تعداد 55 لاکھ سے تجاوز کر گئی

    واشنگٹن / نئی دہلی / برازیلیا: دنیا بھر میں کرونا وائرس کی تباہ کاریاں جاری ہیں، بھارت میں کرونا وائرس کے متاثرین کی تعداد 55 لاکھ سے تجاوز کر گئی جبکہ ایک ہی روز میں 1 لاکھ کے قریب مریض صحت یاب ہوگئے۔

    تفصیلات کے مطابق دنیا بھر میں کرونا وائرس سے متاثرہ افراد کی تعداد 3 کروڑ 15 لاکھ 5 ہزار 63 ہوگئی جبکہ کرونا وائرس سے ہلاک افراد کی تعداد 9 لاکھ 69 ہزار 771 ہوگئی۔

    دنیا بھر میں کرونا وائرس کے فعال کیسز کی تعداد 74 لاکھ 2 ہزار 894 ہے، ان میں سے 61 ہزار 880 کیسز تشویشناک ہیں جبکہ دنیا بھر میں اب تک 2 کروڑ 31 لاکھ 32 ہزار 398 کرونا مریض صحتیاب ہو چکے ہیں۔

    بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحتیاب ہوچکے ہیں جبکہ ہلاک ہونے والوں کی شرح 4 فیصد ہے۔

    اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

    کرونا وائرس کیسز کے لحاظ سے امریکا دنیا بھر میں پہلے نمبر پر ہے۔ امریکا میں رپورٹ ہونے والے کرونا وائرس کیسز کی مجموعی تعداد 70 لاکھ 46 ہزار سے زائد ہوچکی ہے جن میں سے فعال کیسز کی تعداد 25 لاکھ 42 ہزار 185 ہے۔

    اب تک ملک میں 2 لاکھ 4 ہزار 506 مریض ہلاک ہوچکے ہیں، زیر علاج 14 ہزار 41 مریضوں کی حالت تشویشناک ہے جبکہ 42 لاکھ 99 ہزار 525 مریض صحتیاب ہو چکے ہیں۔

    بھارت کرونا وائرس کیسز کے حوالے سے دوسرے نمبر پر ہے، بھارت میں ایک دن میں مزید 75 ہزار نئے کیسز رپورٹ ہوئے جبکہ ایک ہی دن میں 1 لاکھ کرونا مریضوں کو صحت یاب ہونے کے بعد اسپتالوں سے ڈسچارج کردیا گیا۔

    ملک میں کرونا وائرس کے متاثرین کی تعداد 55 لاکھ سے تجاوز کر گئی ہے جبکہ اب تک ملک بھر میں 88 ہزار 965 افراد کرونا وائرس کے باعث جان سے ہاتھ دھو بیٹھے ہیں۔

    بھارت میں فعال کیسز کی تعداد 9 لاکھ 75 ہزار 831 ہے جبکہ صحت یاب مریضوں کی تعداد 44 لاکھ 97 ہزار 867 ہوچکی ہے۔

    برازیل میں بھی کرونا وائرس کی تباہ کاریاں جاری ہیں جہاں وائرس سے ہلاک مریضوں کی تعداد 1 لاکھ 37 ہزار 350 ہوچکی ہے، برازیل میں اب تک 45 لاکھ 60 ہزار 83 کرونا کیسز رپورٹ ہو چکے ہیں۔

    مذکورہ تینوں ممالک کے علاہ کرونا وائرس کیسز کے لحاظ سے روس، پیرو اور کولمبیا بالترتیب چوتھے، پانچویں اور چھٹے نمبر پر ہیں۔

    روس میں کرونا وائرس کے مجموعی کیسز کی تعداد 11 لاکھ اور اموات 19 ہزار، پیرو میں کیسز کی تعداد 7 لاکھ اور اموات 31 ہزار اور کولمبیا میں کیسز کی تعداد 7 لاکھ اور اموات 24 ہزار ہوچکی ہیں۔

  • امریکا میں کرونا وائرس کیسز کی تعداد 70 لاکھ سے تجاوز کر گئی

    امریکا میں کرونا وائرس کیسز کی تعداد 70 لاکھ سے تجاوز کر گئی

    واشنگٹن / نئی دہلی / برازیلیا: دنیا بھر میں کرونا وائرس کی تباہ کاریاں جاری ہیں، امریکا میں کرونا وائرس سے متاثرہ افراد کی تعداد 70 لاکھ سے تجاوز کر گئی۔

    تفصیلات کے مطابق دنیا بھر میں کرونا وائرس سے متاثرہ افراد کی تعداد 3 کروڑ 12 لاکھ 59 ہزار 32 ہوگئی جبکہ کرونا وائرس سے ہلاک افراد کی تعداد 9 لاکھ 65 ہزار 323 ہوگئی۔

    دنیا بھر میں کرونا وائرس کے فعال کیسز کی تعداد 74 لاکھ 51 ہزار 65 ہے، ان میں سے 61 ہزار 225 کیسز تشویشناک ہیں جبکہ دنیا بھر میں اب تک 2 کروڑ 28 لاکھ 42 ہزار 644 کرونا مریض صحتیاب ہو چکے ہیں۔

    بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحتیاب ہوچکے ہیں جبکہ ہلاک ہونے والوں کی شرح 4 فیصد ہے۔

    اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

    کرونا وائرس کیسز کے لحاظ سے امریکا دنیا بھر میں پہلے نمبر پر ہے۔ امریکا میں اب تک کرونا وائرس کیسز کی تعداد 70 لاکھ سے تجاوز کرچکی ہے۔

    امریکا میں رپورٹ ہونے والے کرونا وائرس کیسز کی مجموعی تعداد 70 لاکھ 4 ہزار سے زائد ہوچکی ہے جن میں سے فعال کیسز کی تعداد 25 لاکھ 50 ہزار 510 ہے۔

    اب تک ملک میں 2 لاکھ 4 ہزار 118 مریض ہلاک ہوچکے ہیں، زیر علاج 14 ہزار 20 مریضوں کی حالت تشویشناک ہے جبکہ 42 لاکھ 50 ہزار 140 مریض صحتیاب ہو چکے ہیں۔

    بھارت کرونا وائرس کیسز کے حوالے سے دوسرے نمبر پر ہے، ملک میں کرونا وائرس کے متاثرین کی تعداد 54 لاکھ سے تجاوز کر گئی ہے جبکہ اب تک ملک بھر میں 87 ہزار 909 افراد کرونا وائرس کے باعث جان سے ہاتھ دھو بیٹھے ہیں۔

    بھارت میں فعال کیسز کی تعداد 10 لاکھ 3 ہزار 272 ہے جبکہ صحتیاب مریضوں کی تعداد 43 لاکھ 96 ہزار 399 ہوچکی ہے۔

    برازیل میں بھی کرونا وائرس کی تباہ کاریاں جاری ہیں جہاں وائرس سے ہلاک مریضوں کی تعداد 1 لاکھ 36 ہزار 895 ہوچکی ہے، برازیل میں اب تک 45 لاکھ 44 ہزار 629 کرونا کیسز رپورٹ ہو چکے ہیں۔

    مذکورہ تینوں ممالک کے علاہ کرونا وائرس کیسز کے لحاظ سے روس، پیرو اور کولمبیا بالترتیب چوتھے، پانچویں اور چھٹے نمبر پر ہیں۔

    روس میں کرونا وائرس کے مجموعی کیسز کی تعداد 11 لاکھ اور اموات 19 ہزار، پیرو میں کیسز کی تعداد 7 لاکھ اور اموات 31 ہزار اور کولمبیا میں کیسز کی تعداد 7 لاکھ اور اموات 24 ہزار ہوچکی ہیں۔

  • دنیا بھر میں کرونا وائرس سے متاثر افراد کی تعداد 3 کروڑ سے تجاوز کر گئی

    دنیا بھر میں کرونا وائرس سے متاثر افراد کی تعداد 3 کروڑ سے تجاوز کر گئی

    واشنگٹن / نئی دہلی / برازیلیا: دنیا بھر میں کرونا وائرس کی تباہ کاریاں جاری ہیں، کرونا وائرس سے متاثر افراد کی تعداد 3 کروڑ سے تجاوز کر گئی، بھارت میں فعال کیسز 10 لاکھ اور امریکا میں کرونا وائرس سے ہونے والی اموات 2 لاکھ کا ہندسہ پار کر گئی۔

    تفصیلات کے مطابق دنیا بھر میں کرونا وائرس سے متاثرہ افراد کی تعداد 3 کروڑ 69 ہزار 586 ہوگئی جبکہ کرونا وائرس سے ہلاک افراد کی تعداد 9 لاکھ 45 ہزار 781 ہوگئی۔

    دنیا بھر میں کرونا وائرس کے فعال کیسز کی تعداد 73 لاکھ 206 ہے، ان میں سے 61 ہزار 250 کیسز تشویشناک ہیں جبکہ دنیا بھر میں اب تک 2 کروڑ 18 لاکھ 23 ہزار 599 کرونا مریض صحتیاب ہو چکے ہیں۔

    بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحتیاب ہوچکے ہیں جبکہ ہلاک ہونے والوں کی شرح 4 فیصد ہے۔

    اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

    کرونا وائرس کیسز کے لحاظ سے امریکا بدستور پہلے نمبر پر ہے۔ امریکا میں اب تک کرونا وائرس سے ہونے والی اموات 2 لاکھ سے تجاوز کر گئیں۔

    اب تک امریکا میں کرونا وائرس کے 68 لاکھ 28 ہزار سے زائد کیسز رپورٹ ہوچکے ہیں جن میں سے فعال کیسز کی تعداد 25 لاکھ 7 ہزار 795 ہے۔ ملک میں زیر علاج 14 ہزار 157 مریضوں کی حالت تشویشناک ہے جبکہ ملک میں 41 لاکھ 19 ہزار 158 مریض صحتیاب ہو چکے ہیں۔

    بھارت کرونا وائرس کیسز کے حوالے سے دوسرے نمبر پر ہے، گزشتہ 24 گھنٹوں کے دوران بھارت میں کرونا وائرس کے 97 ہزار سے زائد کیسز رپورٹ اور 11 سو سے زائد اموات ہوئیں۔

    ملک میں کرونا وائرس کے متاثرین کی تعداد 51 لاکھ سے تجاوز کر گئی ہے جبکہ اب تک ملک بھر میں 83 ہزار 257 افراد کرونا وائرس کے باعث جان سے ہاتھ دھو بیٹھے ہیں۔

    بھارت میں فعال کیسز کی تعداد 10 لاکھ 14 ہزار 510 ہے جبکہ صحتیاب مریضوں کی تعداد 40 لاکھ 25 ہزار 79 ہوچکی ہے۔

    برازیل میں بھی کرونا وائرس کی تباہ کاریاں جاری ہیں جہاں وائرس سے ہلاک مریضوں کی تعداد 1 لاکھ 34 ہزار 174 ہوچکی ہے، برازیل میں اب تک 44 لاکھ 21 ہزار 686 کرونا کیسز رپورٹ ہو چکے ہیں۔

  • بھارت اور امریکا میں کرونا وائرس کی تباہ کاریاں جاری

    بھارت اور امریکا میں کرونا وائرس کی تباہ کاریاں جاری

    واشنگٹن / نئی دہلی / برازیلیا: دنیا بھر میں کرونا وائرس کی تباہ کاریاں جاری ہیں، کرونا وائرس سے ہلاک افراد کی تعداد 9 لاکھ 32 ہزار سے تجاوز کر گئی جبکہ صحتیاب افراد کی تعداد بھی 2 کروڑ سے زائد ہوگئی۔

    تفصیلات کے مطابق دنیا بھر میں کرونا وائرس سے متاثرہ افراد کی تعداد 2 کروڑ 94 لاکھ 50 ہزار 193 ہوگئی جبکہ کرونا وائرس سے ہلاک افراد کی تعداد 9 لاکھ 32 ہزار 811 ہوگئی۔

    دنیا بھر میں کرونا وائرس کے فعال کیسز کی تعداد 72 لاکھ 36 ہزار 297 ہے، ان میں سے 60 ہزار 674 کیسز تشویشناک ہیں جبکہ دنیا بھر میں اب تک 2 کروڑ 12 لاکھ 81 ہزار 85 کرونا مریض صحتیاب ہو چکے ہیں۔

    بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحت یاب ہوچکے ہیں جبکہ ہلاک ہونے والوں کی شرح 4 فیصد ہے۔

    اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

    کرونا وائرس کیسز کے لحاظ سے امریکا بدستور پہلے نمبر پر ہے۔ امریکا میں اب تک کرونا وائرس سے 1 لاکھ 99 ہزار اموات ہوچکی ہیں۔

    اب تک امریکا میں کرونا وائرس کے 67 لاکھ 49 ہزار سے زائد کیسز رپورٹ ہوچکے ہیں جن میں سے فعال کیسز کی تعداد 25 لاکھ 22 ہزار 463 ہے۔ امریکا میں زیر علاج 14 ہزار 104 مریضوں کی حالت تشویشناک ہے جبکہ ملک میں 40 لاکھ 27 ہزار 826 مریض صحتیاب ہو چکے ہیں۔

    بھارت کرونا وائرس کیسز کے حوالے سے دوسرے نمبر پر ہے، بھارت میں گزشتہ 24 گھنٹے کے دوران کرونا وائرس کے 83 ہزار سے زائد کیسز رپورٹ اور 1 ہزار سے زائد اموات ہوئیں۔

    ملک میں کرونا وائرس کے متاثرین کی تعداد 49 لاکھ سے تجاوز کر گئی ہے جبکہ اب تک ملک بھر میں 80 ہزار 808 افراد کرونا وائرس کے باعث جان سے ہاتھ دھو بیٹھے ہیں۔ ملک میں فعال کیسز کی تعداد 9 لاکھ 90 ہزار 29 ہے جبکہ صحتیاب مریضوں کی تعداد 38 لاکھ 59 ہزار 399 ہوچکی ہے۔

    برازیل میں بھی کرونا وائرس کی تباہ کاریاں جاری ہیں جہاں وائرس سے ہلاک مریضوں کی تعداد 1 لاکھ 32 ہزار 117 ہوچکی ہے، برازیل میں اب تک 43 لاکھ 49 ہزار 544 کرونا کیسز رپورٹ ہو چکے ہیں۔

  • دنیا بھر میں کرونا وائرس سے صحتیاب مریضوں کی تعداد 2 کروڑ سے تجاوز کر گئی

    دنیا بھر میں کرونا وائرس سے صحتیاب مریضوں کی تعداد 2 کروڑ سے تجاوز کر گئی

    واشنگٹن / برازیلیا / نئی دہلی: دنیا بھر میں کرونا وائرس کی تباہ کاریاں جاری ہیں، کرونا وائرس سے ہلاک افراد کی تعداد 9 لاکھ 24 ہزار سے تجاوز کر گئی جبکہ صحتیاب افراد کی تعداد بھی 2 کروڑ سے زائد ہوگئی۔

    تفصیلات کے مطابق دنیا بھر میں کرونا وائرس سے متاثرہ افراد کی تعداد 2 کروڑ 89 لاکھ 44 ہزار 152 ہوگئی جبکہ کرونا وائرس سے ہلاک افراد کی تعداد 9 لاکھ 24 ہزار 577 ہوگئی۔

    دنیا بھر میں کرونا وائرس کے فعال کیسز کی تعداد 72 لاکھ 6 ہزار 983 ہے، ان میں سے 60 ہزار 885 کیسز تشویشناک ہیں جبکہ دنیا بھر میں اب تک 2 کروڑ 8 لاکھ 12 ہزار 592 کرونا مریض صحتیاب ہو چکے ہیں۔

    بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحت یاب ہوچکے ہیں جبکہ ہلاک ہونے والوں کی شرح 4 فیصد ہے۔

    اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

    کرونا وائرس کیسز کے لحاظ سے امریکا بدستور پہلے نمبر پر ہے۔ امریکا میں اب تک کرونا وائرس سے 1 لاکھ 98 ہزار 128 اموات ہوچکی ہیں۔

    اب تک امریکا میں کرونا وائرس کے 66 لاکھ 76 ہزار سے زائد کیسز رپورٹ ہوچکے ہیں جن میں سے فعال کیسز کی تعداد 25 لاکھ 28 ہزار 119 ہے۔ امریکا میں زیر علاج 14 ہزار 366 مریضوں کی حالت تشویشناک ہے جبکہ ملک میں 39 لاکھ 50 ہزار 354 مریض صحتیاب ہو چکے ہیں۔

    بھارت کرونا وائرس کیسز کے حوالے سے دوسرے نمبر پر ہے، بھارت میں گزشتہ 24 گھنٹے کے دوران کرونا وائرس کے 94 ہزار کیسز رپورٹ اور 11 سو سے زائد اموات ہوئیں۔

    ملک میں کرونا وائرس کے متاثرین کی تعداد 47 لاکھ سے تجاوز کر گئی ہے جبکہ اب تک ملک بھر میں 78 ہزار 614 افراد کرونا وائرس کے باعث جان سے ہاتھ دھو بیٹھے ہیں۔ ملک میں فعال کیسز کی تعداد 9 لاکھ 73 ہزار 147 ہے جبکہ صحتیاب مریضوں کی تعداد 37 لاکھ 2 ہزار 595 ہوچکی ہے۔

    برازیل میں بھی کرونا وائرس کی تباہ کاریاں جاری ہیں جہاں وائرس سے ہلاک مریضوں کی تعداد 1 لاکھ 31 ہزار 274 ہوچکی ہے، برازیل میں اب تک 43 لاکھ 15 ہزار 858 کرونا کیسز رپورٹ ہو چکے ہیں۔

  • قبائلیوں کے حقوق کا سرگرم کارکن قبائلی افراد کے تیروں سے ہلاک

    قبائلیوں کے حقوق کا سرگرم کارکن قبائلی افراد کے تیروں سے ہلاک

    برازیلیا: جنوبی امریکی ملک برازیل میں قبائلیوں کے حقوق اور حفاظت کے لیے سرگرم کارکن اور محقق کو قبائلیوں نے ہی زہریلے تیروں سے حملہ کر کے موت کے گھاٹ اتار دیا، محقق قبائلیوں کی حفاظت کے لیے جاری کام کے دوران وہاں معمول کی گشت پر تھے۔

    56 سالہ ماحولیاتی کارکن اور محقق ریلی فرانسسکاٹو قبائلیوں کی فلاح کے لیے کام کرنے والے حکومتی ادارے فیونائی سے بھی وابستہ تھے اور قدیم قبائل کی ثقافت اور طرز زندگی کی حفاظت کے لیے کام کر رہے تھے۔

    یہ قدیم قبائل ایمازون کے جنگلات میں آباد ہیں جن کی تعداد 100 کے قریب ہے، ان میں سے اکثر جدید دنیا سے ناواقف ہیں جبکہ بعض ایسے بھی ہیں جو جنگجو ہیں۔

    فرانسسکاٹو کو موت کے گھاٹ اتارنے والا قبیلہ بولیویا کی سرحد کے قریب گھنے جنگلاتی علاقے میں مقیم تھا۔

    حکومتی ترجمان کے مطابق فرانسسکاٹو دریائے کاٹاریو کے قریب نیم فوجی دستوں کے ایک قافلے کے ساتھ معمول کی گشت کے دوران اس نامعلوم قبیلے کے قریب سے گزرے تو قبائلی افراد نے ان پر زہر آلود تیر چلانے شروع کر دیے۔

    فوجی گاڑی پر سوار افراد نے چھلانگیں مار کر گاڑی کے پیچھے پناہ لی اور تب تک چھپے رہے جب تک تیر پھینکے جانے بند نہیں ہو گئے۔

    ایک فوجی اہلکار کے مطابق فرانسسکاٹو نے بھی جان بچانے کے لیے چھلانگ لگائی لیکن تب تک انہیں تیر لگ چکا تھا۔ انہوں نے اپنے سینے میں لگے تیر کو کھینچ کر نکالا اور اس کے بعد بھاگتے ہوئے تقریباً 50 میٹر تک کا فاصلہ طے کیا تھا کہ وہ گر گئے۔

    فوجی اہلکار کے مطابق گرتے ہی ان کی موت واقع ہوگئی۔

    فرانسسکاٹو قبائلی علاقوں اور ان کی مختلف زبانوں، ثقافتوں اور رسومات کے معتبر ماہر مانے جاتے تھے۔ وہ جنگجو قبائل کو پرامن زندگی بسر کرنے کی ترغیبات بھی دیتے تھے۔

    حکومتی ترجمان کا کہنا ہے کہ وہ ساری زندگی اس بات کا پرچار کرتے رہے کہ ہر انداز کے انسانوں کو اپنی مرضی کے مطابق جینے کا حق حاصل ہے، ان کی ساری زندگی جدید دنیا سے کٹے ہوئے قبائلیوں کے حقوق کی جدوجہد کرتے گزری۔ ان کی زندگی اس شعبے سے منسلک دوسرے افراد کے لیے قابل تقلید ہے۔

  • کرونا وائرس: نئی دہلی میں ایک روز کے اندر 40 ہزار سے زائد نئے کیسز رپورٹ

    کرونا وائرس: نئی دہلی میں ایک روز کے اندر 40 ہزار سے زائد نئے کیسز رپورٹ

    واشنگٹن / نئی دہلی / برازیلیا: دنیا بھر میں کرونا وائرس کی تباہ کاریاں جاری ہیں، کرونا وائرس سے ہلاک افراد کی تعداد 9 لاکھ سے تجاوز کر گئی جبکہ لاکھوں کی تعداد میں نئے کیسز بھی رپورٹ ہورہے ہیں۔

    تفصیلات کے مطابق دنیا بھر میں کرونا وائرس سے متاثرہ افراد کی تعداد 2 کروڑ 80 لاکھ 35 ہزار 685 ہوگئی جبکہ کرونا وائرس سے ہلاک افراد کی تعداد 9 لاکھ 8 ہزار 182 ہوگئی۔

    دنیا بھر میں کرونا وائرس کے فعال کیسز کی تعداد 70 لاکھ 14 ہزار 953 ہے، ان میں سے 60 ہزار 529 کیسز تشویشناک ہیں جبکہ دنیا بھر میں اب تک 2 کروڑ 1 لاکھ 12 ہزار 550 کرونا مریض صحتیاب ہو چکے ہیں۔

    بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحت یاب ہوچکے ہیں جبکہ ہلاک ہونے والوں کی شرح 4 فیصد ہے۔

    اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

    کرونا وائرس کیسز کے لحاظ سے امریکا بدستور پہلے نمبر پر ہے۔ امریکا میں اب تک کرونا وائرس سے 1 لاکھ 95 ہزار 239 اموات ہوچکی ہیں۔

    اب تک امریکا میں کرونا وائرس کے 65 لاکھ 49 ہزار سے زائد کیسز رپورٹ ہوچکے ہیں جن میں سے فعال کیسز کی تعداد 25 لاکھ 8 ہزار 141 ہے۔ امریکا میں زیر علاج 14 ہزار 578 مریضوں کی حالت تشویشناک ہے جبکہ ملک میں 38 لاکھ 46 ہزار 95 مریض صحت یاب ہو چکے ہیں۔

    بھارت کرونا وائرس کیسز کے حوالے سے دوسرے نمبر پر ہے جہاں گزشتہ 1 دن میں ریکارڈ 95 ہزار سے زائد نئے کیسز رپورٹ ہوئے۔ صرف دارالحکومت نئی دہلی میں گزشتہ 24 گھنٹوں کے دوران 40 ہزار سے زائد کیسز سامنے آئے۔

    بھارت میں کرونا وائرس کے متاثرین کی تعداد 44 لاکھ 65 ہزار سے تجاوز کر گئی جبکہ اب تک ملک بھر میں 75 ہزار 91 افراد کرونا وائرس کے باعث جان سے ہاتھ دھو بیٹھے ہیں، گزشتہ 24 گھنٹوں کے دوران 11 سو سے زائد اموات ہوئیں۔

    ملک میں فعال کیسز کی تعداد 9 لاکھ 18 ہزار 989 ہے جبکہ صحتیاب مریضوں کی تعداد 34 لاکھ 71 ہزار 783 ہوچکی ہے۔

    برازیل میں بھی کرونا وائرس کی تباہ کاریاں جاری ہیں جہاں وائرس سے ہلاک مریضوں کی تعداد 1 لاکھ 28 ہزار 653 ہوچکی ہے، برازیل میں اب تک 41 لاکھ 99 ہزار 332 کرونا کیسز رپورٹ ہو چکے ہیں۔

    دوسری جانب برطانیہ میں بھی کرونا وائرس کی دوسری لہر کے باعث پابندیاں سخت کی جارہی ہیں جبکہ انڈونیشیا کے دارالحکومت جکارتہ میں نئے کیسز کے باعث دوبارہ لاک ڈاؤن متوقع ہے۔