عام طور پر نیوز کاسٹر یا براڈ کاسٹر دنیا بھر کی خبریں پیش کرتی ہیں مگر سی این این کی ایک براڈ کاسٹر نے اپنی ہی بیماری کا آن ایئراعلان کرکے ناظرین کو حیران کردیا۔
ایک دُکھی آن ایئر پیغام کے ساتھ ’سی این این‘ کی اینکر سارہ سڈنر نے اعلان کیا کہ انہیں تیسرے درجے کا چھاتی کا کینسر ہے۔ انہوں نے آن ائیر اپنی بیماری کا بتاتے ہوئے خواتین سے سالانہ میموگرام کروانے پر زور دیا۔
View this post on Instagram
فوٹو اینڈ شیئرنگ ایپ انسٹاگرام پر براڈکاسٹر سارہ سڈنر نے اپنی ایک ویڈیو شیئر کی جس میں انہوں نے کہاکہ اپنے وقت کا ایک سیکنڈ نکال کر صرف ان 8 خواتین کو یاد کریں جن سے آپ محبت کرتے ہیں۔
انہوں نے کہا کہ آپ کو بس انہیں اپنی انگلیوں پر گننا ہے، اگر ان میں سے کسی کو چھاتی کا کینسر ہو جائے تو آپ کیا سوچیں گے، درحقیقت میں اپنے دوستوں کے آٹھ رکنی گروپ میں ہوں۔ میرے دوستوں اور چاہنے والوں کے لیے یہ بُری خبر ہے۔
پر براڈکاسٹر سارہ نے کہا کہمیں کبھی بیمار نہیں رہی، میں سگریٹ نہیں پیتی اور میں شاذ و نادر ہی شراب پیتی ہوں، میرے خاندان میں بریسٹ کینسر کا کوئی واقعہ نہیں تاہم میں اس بیماری کے تیسرے اسٹیج میں ہوں۔
آنسوؤں کے ساتھ انہوں نے بات جاری رکھتے ہوئے کہا کہ ’میری تمام بہنوں کے لیے پیغام ہے کہ آپ کی جلد کا رنگ کچھ بھی ہو براہ کرم ہر سال ایک میموگرام کروائیں، ہم نے خود بھی معائنہ کیا، آپ بھی بیماری کا جلد پتہ لگانے کی کوشش کریں‘۔
