بھارتی ریاست بہار میں دریا پر تعمیر کیا گیا برج افتتاح سے قبل زمین بوس ہوگیا، جس کی ویڈیو سوشل میڈیا پر وائرل ہوگئی۔
بین الاقوامی خبر رساں ادارے کی رپورٹ کے مطابق مقامی ایم ایل اے وجے کمار منڈل نے برج گرنے کے واقعے پر رد عمل دیتے ہوئے کہا ہے کہ یہ کرپشن کا تحفہ ہے۔ پل کی تعمیر پر 12کروڑ روپے کی لاگت آئی تھی۔
رپورٹس کے مطابق منگل کو پل کے دو سے تین ستون دریا میں دھنس گئے اور دیکھتے دیکھتے پورا پل دریا میں گر گیا، پل تعمیراتی ایجنسی کے لوگ اور انتظامیہ کی ٹیم بھی پہنچ گئی ہے۔
مقامی ایم ایل اے کے مطابق یہ پل بدعنوانی کے باعث گرا ہے، یہ پل دونوں بلاکس کو براہ راست جوڑنے کا ذریعہ ہوتا، لیکن افتتاح ہونے سے پہلے ہی یہ دریا میں گرگیا۔
ریل بنانے کا جنون، لڑکی 300 فٹ گہری کھائی میں گر گئی، ویڈیو وائرل
اس سے قبل بہار کے بھاگلپور میں بھی ایک پل گر گیا تھا۔ کھگڑیا کے اگوانی گھاٹ پر بنائے گئے پل کے ستون نمبر 10، 11 اور 12 اچانک گر کر دریا میں بہہ گئے تھے، چار لین والا پل 1710 کروڑ روپے کی لاگت سے تعمیر کیا جارہا تھا۔
