دبئی/منیلا : فلپائن کے 121 ویں قومی دن کے موقع پر اماراتی حکام نے دنیا کی بلند ترین عمارت برج خلیفہ کو فلپائن کے پرچم سے سجا دیا۔
تفصیلات کے مطابق متحدہ عرب امارات کے وزیر داخلہ انور قرقاش نے فلپائن کے قومی دن کے حوالے سے فلپائنی شہریوں کو ہدیہ تبریک و تہنیت پیش کرتے ہوئے کہا ہے کہ فلپائنی عوام کی کامیابی ہماری کامیابی ہے۔
عربی خبر رساں ادارے کا کہنا تھا کہ وزیر داخلہ انور قرشاش نے سماجی رابطے کی ویب سائٹ پیغام دیا کہ ’فلپائن کی عوام نگینے کی طرح ہماری زمین، ہمارے دل اور ہماری تاریخ سے جڑے ہوئے ہیں‘۔
اماراتی حکام کا کہنا تھا کہ اماراتی اور فلپائنی عوام و حکام مل کر کام کریں گے تاکہ ساتھ کامرانی حاصل کریں اور مشترکا طور پر ترقی کی سیڑھیاں چڑھیں۔
اماراتی خبر رساں ادارے کا کہنا تھا کہ متحدہ عرب امارات میں تقریباً ساڑھے سات لاکھ سے دس لاکھ کے قریب فلپائنی شہری آباد ہیں۔
عرب میڈیا کا کہنا تھا کہ اماراتی حکام کی جانب سے فلپائن کے 121 ویں قومی دن کے موقع پر دنیا کی بلند ترین عمارت برج خلفیہ پر روشنیوں کی مدد سے فلپائنی پرچم بنایا گیا تھا۔
ابوظبی: دبئی کے ولی عہد شیخ حمدان بن محمد بن راشد المکتوم نے برج خلیفہ سے متعلق حیران کن ویڈیو شیئر کردی۔
غیرملکی خبررساں ادارے کے مطابق دبئی کے ولی عہد شیخ حمدان بن محمد بن راشد المکتوم نے سماجی رابطے کی ویب سائٹ انسٹاگرام پر ایک ویڈیو شیئر کی ہے جس میں آسمانی بجلی کے برج خلیفہ کی چوٹی سے ٹکرانے کا منظر دیکھا جاسکتا ہے۔
واضح رہے کہ دنیا کے بلند ترین ٹاور برج خلیفہ کی اونچائی 828 میٹر ہے۔
گزشتہ روز متحدہ عرب امارات میں طوفانی بارشوں نے تباہی مچادی، کئی علاقوں میں معمولات زندگی درہم برہم ہوگئے تھے، بارشوں کے باعث متعدد اسکول بھی بند کردیے گئے تھے۔
یاد رہے کہ کئی علاقوں میں ٹریفک حادثات بھی پیش آئے، جبکہ جبل جیس میں سیلابی ریلوں کی وجہ سے سڑک ٹوٹنے سے ایک ٹرک پھنس گیا اور تین سو کاریں بھی پھنس گئیں۔
کئی علاقوں میں بارش کے باعث پانی سڑکوں پر جمع ہوگیا جس کے باعث ٹریفک کی روانی میں متاثر ہے، فجیرہ اور دیگر علاقوں میں طوفانی بارش کے باعث حد نگاہ کم ہوگئی تھی۔
دبئی : یوم پاکستان کے رنگ دنیا بھر میں دکھائی دیئے، دنیا کی بلند ترین عمارت برج خلیفہ میں قومی پرچم کی بہار آگئی، امریکا، برطانیہ اور چیک ریبلک میں تئیس مارچ پر شاندار تقاریب منعقد کی گئیں۔
تفصیلات کے مطابق تئیس مارچ پر متحدہ عرب امارات کی جانب سے پاکستان کے لیے تحفہ کے طور پر دنیا کی بلند ترین عمارت برج خلیفہ پر پاکستانی پرچم کے رنگ چھا گئے۔
عمارت کے درمیان میں پاکستانی پرچم میں موجود چاند ستارہ بھی بنا نظر آرہا تھا جس نے دیکھنے والوں کے دل موہ لیے۔ وہاں موجود پاکستانیوں نے پاکستان زندہ باد کے فلک شگاف نعرے بلند کیے۔
دوسری جانب امریکا کے پاکستانی سفارت خانے میں پرچم کشائی کی تقریب منعقد کی گئی، پاکستانی سفیر ڈاکٹر اسد مجید خان نے شرکاء کو صدر عارف علوی اور وزیر اعظم عمران خان کا پیغام پڑھ کر سنایا۔ تقریب میں پاکستانی کمیونٹی اور میری لینڈ کے سیکریٹری نے بھی شرکت کی۔
برطانیہ کے تاریخی چرچ ویسٹ منسٹر میں دعائیہ نغمات پیش کئے گئے، ہزار سالہ تاریخ کےحامل چرچ پر پاکستانی پرچم بھی لہرایا گیا، اس موقع پر پاکستانی ہائی کمشنرنفیس ذکریا اور اعلیٰ افسران بھی موجود تھے، اس کے علاوہ چیک ریپبلک کے پاکستانی سفارت خانے میں یوم پاکستان کے ،موقع پر پرچم کشائی کی تقریب منعقد کی گئی۔
دبئی : مسلمانوں سے اظہار یکجہتی پر اماراتی حکام نے کیوی وزیر اعظم کو خراج تحسین پیش کرتے ہوئے برج خلیفہ کو جیسنڈا آرڈرن کی تصویر سے مزین کردیا۔
تفصیلات کے مطابق متحدہ عرب امارات کے نائب صدر و وزیر اعظم اور ریااست دبئی کے حاکم شیخ محمد بن راشد المکتوم نے جیسنڈا آرڈرن کو خراج تحسین پیش کرتے ہوئے کہا کہ جیسنڈا نے ہمدردی، اور رحم دلی کی اعلیٰ مثال کردی۔
شیخ محمد بن راشد المکتوم نے کرائسٹ چرچ میں واقع مساجد پر دہشت گردانہ حملوں کے بعد مسلمانوں کی حمایت پر جیسنڈا آرڈرن کی تعریف کرتے کہا کہ نیوزی لینڈ کی مضبوط قیادت کی دنیا بھر میں دھوم ہے، کیوی وزیر اعظم نے مسلمانوں کے دل جیت لیے۔
اماراتی حکام اور عوام نے جیسنڈا آرڈرن کو مسلمانوں کی بھرپور حمایت کرنے پر منفرد انداز میں خراج تحسین پیش کیا اور دنیا کی بلند ترین عمارت برج خلیفہ پر وزیر اعظم جیسنڈا کی تصویر سے مزین کرکے سلام پیش کیا۔
اماراتی خبر رساں ادارے کا کہنا ہے کہ جیسنڈا آرڈرن کی کرائسٹ چرچ حملے کے متاثرین کو گلے لگاکر دلاسہ دیتے ہوئے تصویر برج خلیفہ پر مزین ہوئی دیکھنے والوں سلام پیش کیا۔
New Zealand today fell silent in honour of the mosque attacks' martyrs. Thank you PM @jacindaardern and New Zealand for your sincere empathy and support that has won the respect of 1.5 billion Muslims after the terrorist attack that shook the Muslim community around the world. pic.twitter.com/9LDvH0ybhD
حکام دبئی شیخ محمد نے جمعے کے روز ٹویٹر پر برج خلیفہ کی جیسنڈا آرڈرن کی تصویر سے مزین تصویر شیئر کرتے ہوئے لکھا کہ ’آج نیوزی لینڈ نے کرائسٹ چرچ شہداء کے احترام میں دومنٹ کی خاموشی کی‘۔
شیخ محمد نے لکھا کہ کرائسٹ چرچ میں مساجد پر حملے کے بعد جب مسلمان صدمے میں تھے اس وقت نیوزی لینڈ کی حکومت اور وزیر اعظم جیسنڈا آرڈرن کے خلوص، ہمدردی اور معاونت نے ڈیڑھ ارب مسلمانوں کے دل جیت لیے ہیں’ شکریہ جیسنڈا آرڈرنا ور شکریہ نیوزی لینڈ‘۔
دبئی : برج خلفیہ پر بنائی گئی ویڈیو شیئر کرنے کے بعد ہالی ووڈ اداکار ول اسمتھ کی سوشل میڈیا پر مقبولیت میں بے پناہ اضافہ ہوگیا۔
سوشل میڈیا کا استعمال بہت عام ہوچکا ہے، کسی کو ٹویٹڑ زیادہ پسند ہے کسی کو فیس بک تو کسی کو انسٹاگرام، ہم اپنے دوستوں سے باتیں، تصاویر شیئر کرنے کیلئے سوشل میڈیا کا استعمال کرتے ہیں اسی طرح ہالی ووڈ کی مشہور و معروف شخصیات بھی اپنے مداحوں سے رائے، تصاویر اور خبریں شیئر کرنے کیلئے سوشل میڈیا کا سہارا لیتے ہیں۔
اماراتی خبر رساں ادارے کا کہنا ہے کہ ہالی ووڈ اسٹار ول اسمتھ نے متحدہ عرب امارات کی ریاست دبئی میں واقع دنیا کی بلند ترین عمارت برج خلیفہ پر بنائی گئی اپنی ویڈیو سوشل میڈیا پر شیئر کی ان کی مقبولیت میں بے پناہ اضافہ ہوگیا ہے۔
خبر رساں ادارے کا کہنا ہے کہ شوخ مزاج اسٹار ول اسمتھ دنیا کی بلند ترین عمارت پر بنائی گئی اپنی ویڈیو سوشل میڈیا پر اپلوڈ کرنے کے بعد دس ویں نمبر سے تیسرے نمبر پر آگئے ہیں۔
ول اسمتھ نے سماجی رابطے کی ویب سائٹس پر وائرل ہونے والی ویڈیو میں خود کو ’دبئی کا روحانی جانور‘ کہہ کر مخاطب کررہے ہیں اور عجیب و غریب آوازیں بھی نکال رہے ہیں۔
غیر ملکی خبر رساں ادارے کا کہنا تھا کہ ول اسمتھ کی ویڈیو کو اب تک صرف انسٹا گرام پر 78 لاکھ صارفین دیکھ چکے ہیں۔
دبئی/کویت: کویت کے 58 ویں قومی دن کے موقع پر اماراتی حکام نے برج خلیفہ کو کویتی پرچم سے سجا دیا، اس موقع اماراتی صدر شیخ خلیفہ بن زید نے امیر کویت شیخ صبح الاحمد کو مبارک باد پیش کی۔
تفصیلات کے مطابق متحدہ عرب امارات کے صدر اور حاکم ابو ظبی نے کویت کے قومی دن کے حوالے سے کویتی شہریوں کو ہدیہ تبریک و تہنیت پیش کرتے ہوئے کہا ہے کہ ’کویت کی عوام نگینے کی طرح ہماری زمین، ہمارے دل اور ہماری تاریخ سے جڑے ہوئے ہیں‘۔
اماراتی خبر رساں ادارے کا کہنا تھا کہ یو اے ای کے وزیر اعظم و حاکم دبئی شیخ محمد بن راشد المکتوم نے کویت کے قومی دن 25 فروری کے حوالے سے نیک تمناؤں کا اظہار کرتے ہوئے کویت عوام اور ریاست کے دائمی استحکام اور ترقی کی دعا کی۔
متحدہ عرب امارات کی مسلح افواج کے ڈپٹی سپریم کمانڈر اور ابوظبی کے ولی عہد شیخ محمد بن زید النہیان نے کویتی امیر اور عوام کو قومی دن کے موقع پر مبارک باد دیتے ہوئے کہا کہ ’دونوں ملکوں کی عوام ملک کر کام کریں گے تاکہ مشترکا طور پر ترقی حاصل کریں‘۔
اماراتی خبر رساں ادارے کا کہنا ہے کہ امارتی حکام نے اتوار کے روز کویت کے 58 ویں قومی دن کے موقع پر کویتی پرچم کو دنیا کی بلند ترین عمارت برج خلیفہ کی زینت بناکر کویتی عوام سے اظہار یکجہتی کیا ہے۔
یاد رہے کہ ایک روز قبل حاکم دبئی شیخ محمد نے سماجی رابطے کی ویب سائٹ ٹویٹر پر کویت کے قومی دن 25 فروری کے حوالے امیر کویت کے بنائے گئے دنیا کا سب سے بڑے پورٹریٹ کی ویڈیو کی ویڈیو شیئر کی تھی۔
حب الكويت وأهل الكويت محفور في أرضنا .. ومحفور في قلوبنا .. ومحفور في تاريخنا… كل عام وكويت المحبة .. وأميرها أمير الإنسانية في عزة ورفعة وسلام pic.twitter.com/BeFLvjx6sI
اماراتی خبر رساں ادارے کا کہنا تھا کہ متحدہ عرب امارات کی مٹی پر 1 لاکھ 70 ہزار اسکوائر فٹ کے رقبے پر بنائی کی امیر کویت شیخ صبح ال احمد الجبیر الصبح کی تصویر دنیا کی سب سے بڑی تصویر ہے اور اس تصویر کے ساتھ ’امیر انسانیت‘ بھی تحریر ہے۔
اماراتی میڈیا کا کہنا ہے کہ شیخ صبح کی تصویر دبئی کے قدرا صحرا میں سرخ مٹی سے بنائی گئی ہے جسے تقربیاً 2400 گھنٹوں میں مکمل کیا گیا ہے۔
ابوظہبی/ریاض: سعودی عرب کے 88 ویں قومی دن کے موقع پر اماراتی حکام نے سعودی پرچم کو برج خلفیہ کی زینت بنا دیا، اماراتی وزیر داخلہ انور قرقاش نے کہا ہے کہ ہماری کامیابی کے لیے سعودی ریاست کی کامرانی ضروری ہے۔
تفصیلات کے مطابق متحدہ عرب امارات کے وزیر داخلہ انور قرقاش نے سعودی عرب کے قومی دن کے حوالے سے سعودی شہریوں کو ہدیہ تبریک و تہنیت پیش کرتے ہوئے کہا ہے کہ یو اے ای کی کامرانی کے لیے سعودی عرب کا کامیاب ہونا لازمی ہے۔
عربی خبر رساں ادارے کا کہنا تھا کہ وزیر داخلہ انور قرشاش نے سماجی رابطے کی ویب سائٹ ٹویٹر سعودی عرب کے قومی دن 23 ستمبر کے حوالے سے نیک تمناؤں کا اظہار کرتے ہوئے سعودی عوام اور ریاست کے دائمی استحکام اور ترقی کی دعا کی۔
أطيب التهانئ باليوم الوطني السعودي وتمنياتنا بدوام الإستقرار والإزدهار والريادة، نعمل معا وننجح معا ونرقى معا وندرك أن نجاح الرياض أساسي لنجاحنا.
اماراتی وزیر داخلہ کا کہنا تھا کہ اماراتی اور سعودی حکام مل کر کام کریں گے تاکہ ساتھ کامرانی حاصل کریں اور مشترکا طور پر ترقی کی سیڑھیاں چڑھیں کیوں ہم جانتے ہیں کہ ہماری کامیابی کی بنیاد سعودی عرب پر منحصر ہے۔
واضح رہے کہ اماراتی حکام کی جانب سے سعودی عرب کے 88 ویں قومی دن کے موقع پر خصوصی مہر تیار کی گئی ہے جو متحدہ عرب امارات آنے والے سعودی شہریوں کا استقبال کرنے کے لیے 23 ستمبر تک ان کے پاسپورٹ پر لگائی جائے گی۔
عرب میڈیا کا کہنا تھا کہ اماراتی حکام کی جانب سے سعودی عرب کے 88ویں قومی دن کے موقع پر دنیا کی بلند ترین عمارت برج خلفیہ پر روشنیوں کی مدد سے سعودی پرچم بنایا گیا تھا۔
دبئی : یومِ پاکستان کے موقع پر پاکستانیوں سے اظہارِ یکجہتی کے طور پر دنیا کی بلند ترین عمارت برج خلیفہ کو پاکستانی پرچم کے رنگوں سے روشن پوگئی اور یہ نظارہ پزاروں پاکستانیوں نے براہراست دیکھا۔
تفصیلات کے مطابق یوم پاکستان کے موقع پر جہاں پاکستان میں روایتی جوش و خروش کے ساتھ منایا گیا جس میں پاک فوج کے ساتھ چین، ترکی، سعودیہ عرب اور جنوبی افریقہ کے دستوں نے پریڈ میں حصہ لیا اور چاروں صوبوں میں مختلف مقامات پر ملی جذبے کے تحت یوم پاکستان منایا گیا۔
t>
وہیں دبئی میں ہزاروں پاکستانیوں کی موجودگی میں دنیا کی بلند ترین عمارت برج خلیفہ کو پاکستانی پرچم کے برقی قمقموں سے روشن کیا اور ایسا محسوس ہوا جیسے برج خلیفہ نے سبز ہلالی پرچم اوڑھ لیا ہو جس پر دبئی میں مقیم پاکستانیوں نے نہایت مسرت کا اظہار کیا اور پاکستان کے حق میں نعرے بازی کی۔
اسی طرح دنیا بھر سے خیر سگالی پیغامات کا سلسلہ بھی جا ری ہے تا ہم متحدہ عرب امارات نے یومِ پاکستان کے موقع پر پاکستانی قوم سے یکجہتی کے لیے انوکھی ترکیب نکالی ہے اور دبئی میں موجود دنیا کی سب سے بلند ترین عمارت برج خلیفہ کو پاکستانی پرچم کے رنگوں سے آراستہ کرنے کا فیصلہ کیا گیا ہے۔
دبئی میں پاکستان قونصل خانے کے قونصلر عاشق شیخ کے مطابق برج خلیفہ پر پاکستانی پرچم کی رونمائی متحدہ عرب امارات کے وقت کے مطابق سوا سات بجے اور دوسری مرتبہ سوا نو بجے تین تین منٹ کے دورنیے کے لیےکیگئی۔
ان اوقات کے دوران برج خلیفہ میں مزین برقی روشنیوں کی مدد سے پوری عمارت کو سبز ہلالی پرچم کی چادر سی اڑا دی جائے گی اور یہ دلفریب نظارہ پوری دنیا میں یو اے ای میڈیا کے ذریعے براہ راست بھی دیکھا جا سکے گا اور اس موقع پر پاکستانیوں کی بڑی تعداد بھی موجود ہوگی۔
ڈی جی آئی ایس پی آر میجر جنرل آصف غفور کا متحدی عرب امارات کی حکومت کا شکریہ
متحدہ عرب امارات کی جانب سے یوم پاکستان پر دبئی کی بلند ترین عمارت برج خلیفہ کو پاکستانی پرچم کے برقی قمقموں سے یوں سجایا گیا کہ جیسے برج خلیفہ نے پاکستانی پرچم کو اوڑھ لیا ہو
پاک فوج کے تعلاقات عامہ کے ادارے )آئی ایس پی آر کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر اپنے ایک پیغام میں متحدہ عرب امارات کی حکومت کا شکریہ ادا کرتے ہوئے کہا ہے کہ برج خلیفہ پر پرچم کی رونمائی نے یوم پاکستان کی خوشیوں میں چاند چار لگا دیئے۔
دبئی: برج خلیفہ کے قریب ہوٹل میں آگ لگ گئی جس نے دیکھتے ہی دیکھتے ہوٹل کی کئی منزلوں کو اپنی لپیٹ میں لے لیا۔
دبئی میں قائم دنیا کی سب سے اونچی عمارت برج خلیفہ کے قریب ایک ہوٹل کو آگ نے اپنی لپیٹ میں لے لیا جہاں بہت بڑے جانی ومالی نقصان کا خدشہ ہے۔
اماراتی میڈیا کےمطابق دبئی میں برج خلیفہ کے قریب 63 منزلہ دی ایڈریس ڈاؤن ٹاؤن ہوٹل میں آگ لگ گئی جس نے دیکھتے ہی دیکھتے عمارت کی 20 منزلوں کو اپنی لپیٹ میں لے لیا، ہوٹل میں نئے سال کی آمدپرآتشبازی کی جانی تھی۔
مقامی میڈیا کے مطابق واقعے میں عمارت کا ایک حصہ مکمل طور پر جل چکا ہے اور آگ پر قابو پانے کی کوششیں جاری ہیں۔
بیجنگ: چین میں بادلوں کو چھوتی ہوئی بلند وبالا عمارت شنگھائی ٹاور کو دنیا کی دوسری بلند ترین عمارت کا اعزاز حاصل ہوگیا۔
دنیا کی دوسری بلنددی شنگھائی ٹاور ترین عمارت آخرکار مکمل ہوگئی ہے جس کے ساتھ ہی اسے دنیا کی دوسری بلند ترین عمارت ہونے کا اعزاز بھی حاصل ہوگیا ہے۔
ایک سو بیس منزلہ شنگھائی ٹاور کا افتتاح اگلے سال کیا جائے گا، یہ عمارت دفاتر٬ دکانوں٬ عوامی مقامات کے علاوہ تین سو بیس کمروں کے حامل ایک ہوٹل پر مشتمل ہوگی اور یہ دنیا کا سب سے بلند ترین ہوٹل ہوگا، اس وقت دنیا کی سب سے بلند ترین عمارت برج خلیفہ ہے۔
