Tag: برطانوی اخبار

  • ریحام خان نے کپتان کی زندگی جہنم بنادی تھی، برطانوی اخبار کا دعویٰ

    ریحام خان نے کپتان کی زندگی جہنم بنادی تھی، برطانوی اخبار کا دعویٰ

    لندن : عمران خان اورریحام میں علیحدگی کا سبب جاننے کے لئے تجسس بڑھنے لگا، برطانوی اخبار ڈیلی میل نے دعویٰ کیا ہے کہ ریحام خان نے کپتان کی زندگی جہنم بنادی تھی اور وہ بیڈ روم میں پالتو کتوں کے آنے کے بھی خلاف تھیں۔

    عمران خان اور ریحام کی شادی خبر پہلے چرچا عام بنی پھر لگ بھگ دس ماہ میں ہی دونوں کی راہیں جدا ہوگئیں، ہر اک کو فکر آخر ایسا کیوں ہوا، سب ہی اداس ہوگئے، سوالات کے جواب کی کھوج میں برطانوی اخبار ڈیلی میل متحرک ہوا اور کئی انکشافات کرڈالے۔

    برطانوی اخبار نے اپنی رپورٹ میں دعوی کیاکہ عمران خان نے ریحام کو ایس ایم ایس کے ذریعے طلاق دی، دونوں میں کئی معاملات پر تلخیاں رہیں، ریحام نے کپتان کے پالتوں کتوں کا کمرے میں داخلہ بند کردیا تھا اہلیہ کا یہ فیصلہ کپتان کو سخت ناپسند تھا۔

    The couple broke up amid furious rows over everything from his friends to her attempts to ban his beloved dogs (pictured) from the bedroom

    برطانوی اخبار کے مطابق ریحام کواس بات پر بھی اعتراض تھاکہ کپتان کاسابقہ اہلیہ جمائماسے قریبی تعلق تاحال کیوں قائم ہے، اس کے ساتھ ریحام نے گھرآنے والے مہانوں کے لئےاصول بھی بنا ڈالے تھے۔

    ان کی چھوٹی بیٹی ان کے پاس ہی تھی جبکہ بڑی بیٹی اور بیٹے کو آنے جانے پرکوئی روک ٹوک نہ تھی، عمران خان کے بھانجوں کے بنی گالہ آنے پر پابندی عائد کردی گئی تھی۔

    اخبار نے انکشاف کیا کہ عمران خان کو ریحام کے سیاست میں کردار ادا کرنے کی خواہش پر بھی تشویش تھی۔

  • آئی ایس آئی نے بھارتی فوج کا منصوبہ خاک میں ملادیا، برطانوی اخبار

    آئی ایس آئی نے بھارتی فوج کا منصوبہ خاک میں ملادیا، برطانوی اخبار

    لندن: برطانوی اخبار نے انکشاف کیا ہے کہ آئی ایس آئی نے سرحدوں پر بھارتی فوج کی تعیناتی کا منصوبہ حاصل کرکے بھارتی عزائم کو خاک میں ملا دیا۔

    برطانوی اخبار کے مطابق بھارت نے گذشتہ سال فروری میں سرحد پر فوج کی تعیناتی کا منصوبہ بنایا تھا، آئی ایس آئی نے منصوبہ حاصل کرکے بھارتی سازش کوناکام بنا دیا، بھارتی منصوبے کے بعد پاکستان نے سرحدوں پرفوج تعینات کردی۔

    بھارتی آرمی چیف نے منصوبے کے افشاء ہونے پر فوجیوں کی دوبارہ تعیناتی کی منصوبہ بندی کی ہدایت کی لیکن چند گھنٹوں کے اندر یہ منصوبہ بھی آئی ایس آئی کے پاس تھا، جس نے بھارتی فوج میں کھلبلی مچا دی۔

    بھارتی میڈیا نے اعلی حکام کے حوالے سے یہ بھی انکشاف کیا ہے کہ آئی ایس آئی کو اس وقت کے آرمی چیف بکرم سنگھ اور وزیرِ دفاع اے کے انتھونی کے درمیان ہونے والی گفتگو کا بھی علم تھا۔

    بھارتی فوج نے پاکستان کی خفیہ ایجنسی آئی ایس آئی کو آپریشنل تفصیلات لیک کرنے والے سینئر بھارتی فوجی افسر کی نشان دہی کی جس کا کورٹ مارشل کردیا گیا۔ اس منصوبے کے افشاء ہونے کے بعد پورے سائوتھ بلاک کی سیکورٹی بڑھا دی گئی اور سی سی ٹی وی کیمرے نصب کردیے گئے۔

  • لندن میں قائم پاکستانی سفارت خانے کے اہلکار سنگین جرائم میں ملوث

    لندن میں قائم پاکستانی سفارت خانے کے اہلکار سنگین جرائم میں ملوث

    لندن : برطانوی اخبار نے دعویٰ کیا ہے کہ لندن میں قائم پاکستانی سفارت خانے کے اہلکار سنگین جرائم میں ملوث ہیں۔

    برطانوی اخبار انڈیپنڈنٹ نے لندن میں قائم پاکستانی سفارتی عملےپرسنگین الزامات عائدکرتے ہوئے کہا ہے کہ سفارت خانے کے اہلکار خاتون پردست درازی اور بچےکےاغوا میں ملوث ہیں، برطانوی حکومت نے پاکستان سےان افرادسے مزید تفتیش کے لئے ان کاسفارتی استثنیٰ  ختم کرنےکی درخواست کی ہے، برطانوی حکومت پاکستانی سفارتی عملےکےافرادسےمزیدتفتیش کرنا چاہتی ہے، برطانوی حکومت  کی درخواست پرپاکستانی حکومت نےجزوی طورپرایک کیس میں استثنیٰ ختم کردیا ہے، غیرملکی سفارت کاروں کی فہرست سے متعلق بھی برطانوی اخبار نے انکشاف کیے ہیں جو جرائم میں ملوث ہیں۔