ماسکو: روس کا کہنا ہے کہ اس کے طیاروں اور جنگی کشتیوں نے ایک برطانوی جنگی بحری جہاز کو روسی پانیوں سے دور رکھنے کے لیے حملہ کیا ہے۔
تفصیلات کے مطابق روس کے طیاروں اور بحری جہازوں نے برطانیہ کی جنگی بحری جہاز پر حملہ کیا ہے، میڈیا رپورٹس میں کہا گیا ہے کہ 20 سے زائد روسی طیاروں اور 2 کوسٹ گارڈ کشتیوں نے کریمیا کے مقام پر برطانوی جنگی بحری جہاز کو نشانہ بنایا ہے۔
روسی وزیر دفاع کی جانب سے جاری بیان میں کہا گیا ہے کہ برطانوی جہاز روس کی سمندری حدود میں داخل ہوا تھا، جسے وارننگ دینے کے لیے اس کے قریب طیاروں سے بم گرائے گئے تھے۔
دوسری جانب برطانیہ کے وزرات خارجہ کی جانب سے جاری بیان میں روسی حملے کا انکار کیا گیا ہے، بیان میں کہا گیا کہ ان کا بحری جہاز یوکرین کے سمندروں میں تھااور اس پر کوئی حملہ نہیں ہوا، بلکہ تین میل دور روسی جہاز مشقیں کر رہے تھے۔
Farewell to HMS DEFENDER 🇬🇧
Thank you for a fantastic time in Odesa 🇺🇦
Fair winds and following seas. ⚓🌊#StrongerTogether pic.twitter.com/xVSGKdNL4X
— UK in Ukraine 🇬🇧🇺🇦 (@UKinUkraine) June 22, 2021
رپورٹس کے مطابق روس کا کہنا ہے کہ اس کے جنگی بحری جہازوں نے بحیرہ اسود میں بدھ کو برطانوی جنگی جہاز کو کریمیا کے قریب اپنے پانیوں سے دور ہٹانے کے لیے تنبیہی فائر کیے اور طیاروں سے بم گرائے گئے۔
واضح رہے کہ سرد جنگ کے بعد پہلی مرتبہ ہے کہ ماسکو نے نیٹو کے جنگی جہاز کو روکنے کے لیے براہ راست گولہ بارود کے استعمال کا اعتراف کیا ہے، جو کہ روس اور مغرب کے مابین بڑھتے ہوئے تناؤ کے درمیان فوجی واقعات کے بڑھتے ہوئے خطرے کی عکاسی کرتے ہیں۔
