ARYNews.tv | Urdu – Har Lamha Bakhabar

Tag: برطانوی شاہی جوڑے

  • برہم شائقین کرکٹ نے ٹوئٹر پر انگلینڈ کو آئینہ دکھا دیا

    برہم شائقین کرکٹ نے ٹوئٹر پر انگلینڈ کو آئینہ دکھا دیا

    کراچی: انگلش ٹیم کے دورۂ پاکستان سے انکار پر شائقین کرکٹ بہت زیادہ برہمی کا اظہار کر رہے ہیں اور مختلف طریقوں سے انگلینڈ کے منافقانہ رویے کو تنقید کا نشانہ بنایا جا رہا ہے۔

    ٹوئٹر پر برطانوی شاہی جوڑے کے دورۂ پاکستان کی تصاویر شیئر کر کے شائقین کرکٹ نے انگلینڈ کو آئینہ بھی دکھا دیا۔

    انگلش ٹیم کے دورۂ پاکستان سے انکار پر بلاشبہ شائقین غم و غصے سے نڈھال ہیں، کرکٹ فینز نے انگلش ٹیم کو آئینہ دکھاتے ہوئے ٹوئٹر پر پاکستان میں برطانوی شاہی جوڑے کی کرکٹ کھیلتی تصاویر شیئر کر دیں۔

    شائقین نے ٹوئٹ کیا کہ جینٹلمین گیم سیاست کی وجہ سے تباہ ہوگیا، شہزادہ ولیم بحفاظت پاکستان میں کرکٹ کھیل سکتے ہیں لیکن انگلینڈ اپنی ٹیم پاکستان نہیں بھیج سکتا۔

    انگلینڈ اور نیوزی لینڈ معروف غیر ملکی کالم نگاروں کے نشانے پر

    خلیج میگزین نے شاہی جوڑے کی تصاویر کے ساتھ طنز کیا کہ مستقبل کے بادشاہ اور ملکہ پاکستان میں محفوظ ہیں، لیکن برطانوی کھلاڑیوں کے لیے ملک محفوظ نہیں۔

    ایک صارف نے شدید طنز کرتے ہوئے اسے پاکستان کے انگلینڈ سے ورلڈ کپ جیتنے کا بدلہ قرار دے دیا، پاکستانی کہتے ہیں کہ کیا شہزادہ شہزادی غیر محفوظ تھے؟ اُس وقت تو برطانیہ نے پاکستان کو محفوظ قرار دیا، ہمیں پاکستان پر فخر ہے۔

    واضح رہے کہ پاکستان کے ساتھ سیریز اور دورے کی منسوخی پر انگلینڈ اور نیوزی لینڈ کو اپنے ہی ملک کے معروف کالم نگاروں نے آڑے ہاتھوں لیا اور کہا دونوں ممالک نے غلط کیا، انگلینڈ نے منافقت کی۔

  • برطانوی شاہی جوڑے کو بھی کرونا ویکسین لگا دی گئی

    برطانوی شاہی جوڑے کو بھی کرونا ویکسین لگا دی گئی

    لندن: برطانوی شہزادہ چارلس اور ان کی اہلیہ نے کرونا ویکسین لگوا لی۔

    تفصیلات کے مطابق پرنس چارلس اور ڈچز آف کورنویل شہزادی کمیلا کو کرونا وائرس کی پہلی ڈوز لگا دی گئی۔

    میڈیا رپورٹس کے مطابق شہزادہ چارلس 72 برس جب کہ ان کی اہلیہ 73 سال کی ہیں، دونوں عمر کے لحاظ سے ویکسین ترجیحی گروپ نمبر 4 میں ہیں، شاہی جوڑے کو ویکسین ان کی باری پر لگائی گئی ہے۔

    یاد رہے کہ شہزادہ چارلس بھی گزشتہ برس کرونا وائرس کا شکار ہو گئے تھے، ان کا ٹیسٹ مثبت آ گیا تھا، جس پر انھیں آئسولیشن میں جانا پڑا تھا، تاہم 7 روز آئسولیشن میں گزارنے کے بعد وہ صحت یاب ہو کر باہر آ گئے تھے۔

    واضح رہے کہ برطانیہ میں 1 کروڑ 20 لاکھ سے زائد افراد کو کرونا ویکسین کی پہلی ڈوز لگائی جا چکی ہے۔

    ادھر برطانیہ میں کرونا وائرس کے وار جاری ہیں، گزشتہ 24 گھنٹوں کے دوران کرونا انفیکشن سے مزید ایک ہزار افراد جان کی بازی ہار گئے ہیں، پبلک ہیلتھ کا کہنا ہے کہ ایک دن میں کرونا کے 13 ہزار نئے کیسز رپورٹ ہوئے۔

    برطانیہ میں کرونا وائرس کا نیا اسٹرین نہ صرف کیسز میں اضافے کا سبب بنا بلکہ اموات میں بھی اضافہ ہوا ہے۔ برطانیہ میں اب تک کرونا وبا کے دوران 1 لاکھ 14 ہزار 851 افراد ہلاک ہو چکے ہیں جب کہ 39 لاکھ 85 ہزار لوگ وائرس سے متاثر ہوئے.

  • برطانوی شاہی جوڑے کا دورہ پاکستان، برطانوی ہائی کمیشن کا بہتر سیکیورٹی انتظامات پر شکریہ

    برطانوی شاہی جوڑے کا دورہ پاکستان، برطانوی ہائی کمیشن کا بہتر سیکیورٹی انتظامات پر شکریہ

    اسلام آباد :برطانوی ہائی کمیشن نے برطانوی شاہی جوڑے کے دورہ پاکستان کے دوران بہتر سیکیورٹی انتظامات آئی جی اسلام آباد کا شکریہ ادا کرتے ہوئے کہا حکومت پاکستان اور اسلام آباد پولیس کے مشکور ہیں۔

    تفصیلات کے مطابق برطانوی شاہی جوڑے کے کامیاب دورہ پاکستان پر برطانوی ہائی کمیشن نے آئی جی اسلام آبادمحمدعامرذوالفقار کے نام تعریفی خط لکھا ، جس میں شاہی جوڑےکےدورےکےدوران بہترسیکیورٹی انتظامات پرآئی جی کا شکریہ ادا کیا۔

    خط میں کہا گیا پولیس افسران نےان تھک محنت کرکےسیکیورٹی کےبہترانتظامات کئے، حکومت برطانیہ کی طرف سےحکومت پاکستان،اسلام آبادپولیس کے مشکور ہیں اور اسلام آباد پولیس اور اس کے افسران کی خدمات کو قدر کی نگاہ سے دیکھتے ہیں، اسلام آباد پولیس دنیا کی بہترین فورس ہے۔

    یاد رہے چند روز قبل وزیراعظم عمران خان سے ملاقات میں برطانوی ہائی کمشنر تھامس ڈریو نے شاہی جوڑے کے کامیاب دورے اور شانداراستقبال پر اظہار تشکر کیا تھا۔

    مزید پڑھیں :  برطانوی ہائی کمشنرکا شاہی جوڑے کے کامیاب دورے اور شاندار استقبال پر وزیراعظم سے اظہار تشکر

    واضح رہے پانچ روزہ دورے میں شہزاد ولیم اور کیٹ مڈلٹن نے لاہوراسلام آباد اور چترال کا دورہ کیا، کیلاش کی ثقافت دیکھی اور بادشاہی مسجد بھی گئے جبکہ وزیراعظم عمران خان سے اور صدر عارف علوی سے بھی ملاقات کی تھی۔

    پرنس ولیم اور ان کی اہلیہ کیٹ مڈلٹن کی پاکستان آمد پر رائل وزٹ پاکستان کا ٹاپ ٹرینڈ نمبرون پررہا اور، عوام نے حسین شہزادی کیٹ مڈلٹن اور خوبرو شہزادے ولیم کا پاکستان آمد پرشکریہ ادا کیا تھا۔

    دورے میں برطانوی شاہی جوڑے شہزادے ولیم اور اُن کی اہلیہ کیٹ مڈلٹن نے پاکستانی ٹرک آرٹ سے مزین رکشے میں سفر کر کے سب کے دل جیت لیے تھے۔

    آخری روز بھی شہزادہ ولیم اور شہزادی کیٹ میڈلٹن نے لاہور کے ایس او ایس ویلیج میں بچوں کے ساتھ وقت گزار، بچوں کے کمرے میں گئے اور خوب گپ شپ لگائی ، شاہی جوڑے نے اسلام آباد میں کے نائن سینٹر کا دورہ بھی کیا۔

    برطانوی شاہی مہمان پانچ روزہ دورہ مکمل کرنے کے بعد برطانیہ روانہ ہوئے، دورہ کے آخری تقریب میں انہوں نے وفاقی دارالحکومت میں آرمی سینٹر کا بھی دورہ کیا اور خیبر رائفل ملٹری پوسٹ کے بارے میں بریفنگ حاصل کی تھی۔

  • بادشاہی مسجد کا دورہ ، شہزادی کیٹ نے احترام میں سرڈھانپ لیا

    بادشاہی مسجد کا دورہ ، شہزادی کیٹ نے احترام میں سرڈھانپ لیا

    لاہور : برطانوی شاہی جوڑے کی بادشاہی مسجد آمد پر امام مولاناعبدالخبیرآزادنےمعزز مہمانوں کااستقبال کیا ، شہزادی کیٹ نے مسجد کے احترام میں اپنا سرڈھانپ لیا۔

    تفصیلات کے مطابق برطانوی شاہی جوڑے نے بادشاہی مسجد کا دورہ کیا ، معزز مہمانوں کی آمد پر ریڈ کارپٹ بچھایا گیا اور مسجد کے امام مولانا عبدالخبیر آزاد نے شہزادہ ولیم اورشہزادی کیٹ مڈلٹن کا استقبال کیا۔

    اس موقع پر شہزادی کیٹ مڈلٹن نے ہرے رنگ کا لباس زیب تن کیا اور مسجد کے احترام میں اپنا سر ڈھانپ رکھا تھا، برطانوی شاہی جوڑےنےبادشاہی مسجدکے مختلف حصوں کاجائزہ لیا۔

    اس سے قبل برطانوی شاہی جوڑے نے نیشنل کرکٹ اکیڈمی کا دورہ کیا تھا، جہاں چئیرمین پی سی بی احسان مانی، پی سی بی آفیشلز اوراسکول کے بچوں نے شاہی جوڑے کا استقبال کیا۔

    مزید پڑھیں :  شاہی جوڑا بھی کرکٹ کا شوقین، نیشنل کرکٹ اکیڈمی میں بیٹنگ کے جوہر

    شہزادہ ولیم اور شہزادی کیٹ مڈلٹن نے قومی اور نوجوان کرکٹرز کے ساتھ کرکٹ کا رنگ بھی خوب جمایا اور کرکٹ کے خوب جوہر دکھائے ، شہزادہ ولیم نے چھکے لگائے جبکہ شہزادی بھی پیچھے نہ رہی اور زور دار شاٹس لگائے۔

    شاہی جوڑے نے ایس اوایس ولیج کا دورہ کیا تھا ، جہاں وہ بچوں میں گھل مل گئے، شاہی جوڑے نے بچوں کو سلام کیا اورتین یتیم بچوں کی سالگرہ کا کیک بھی کاٹا جبکہ بچوں کی بنائی تصاویر کو بھی سراہا۔

    یاد رہے پاکستانی روایتی سفید شلوارقمیض میں ملبوس برطانوی شہزادی اورشہزادہ زندہ دلان شہر لاہور پہنچے تو جہاں گورنراور وزیراعلیٰ پنجاب نے ان کا ریڈ کارپٹ استقبال کیا۔

    برطانوی شاہی جوڑےسےگورنراوروزیراعلیٰ پنجاب نے ایئرپورٹ لاؤنج میں ملاقات کی، وزیراعلیٰ پنجاب نےشہزادہ ولیم کوزیتون کی لکڑی سےبنی چھڑی اور پینٹگ اورشہزادی کیٹ میڈلٹن کو شال تحفے میں دی۔ گورنر پنجاب چوہدری محمد سرور نے بھی معزز مہمانوں کو تحائف پیش کیے۔

  • برطانوی شاہی جوڑے کی گورنر اور وزیراعلیٰ پنجاب سے ملاقات

    برطانوی شاہی جوڑے کی گورنر اور وزیراعلیٰ پنجاب سے ملاقات

    لاہور : برطانیہ کے شہزادے ولیم اور شہزادی کیٹ میڈلٹن سے وزیراعلیٰ پنجاب سردار عثمان بزدار اور گورنر پنجاب چوہدری محمد سرور نے ملاقات کی اور  شہزادہ ولیم کو زیتون کی لکڑی سے بنی روایتی چھڑی اور پینٹنگ جبکہ کیٹ میڈلٹن کو شال تحفے میں دی۔

    تفصیلات کے مطابق برطانوی شاہی جوڑا لاہور پہنچا تو ایئرپورٹ لاؤنج میں وزیراعلیٰ پنجاب سردار عثمان بزدار اور گورنر پنجاب چوہدری محمد سرور سے ملاقات کی، برطانوی ہائی کمشنر تھامس ڈریو بھی اس موقع پر موجود تھے۔

    ملاقات میں شہزادہ ولیم کو زیتون کی لکڑی سے بنی روایتی چھڑی اور پینٹنگ کا تحفہ پیش کیا گیا جبکہ وزیراعلیٰ نے شہزادی کیٹ میڈلٹن کو شال تحفے میں دی۔

    وزیراعلیٰ پنجاب عثمان بزدار نے کہا آپ کا دورہ پاکستان اور برطانیہ کے درمیان تعلقات کے فروغ میں معاون ثابت ہوگا۔ برطانیہ کا بین الاقوامی ترقیاتی ادارہ (ڈیفڈ) پنجاب کے مختلف شعبوں میں تعاون فراہم کر رہا ہے۔

    عثمان بزدار کا کہنا تھا کہ حکومت سماجی شعبوں کی پائیدار ترقی پر یقین رکھتی ہے۔پاکستان خصوصاً پنجاب کے سماجی شعبہ کی بہتری کیلئے برطانیہ کے گراں قدر تعاون کو تحسین کی نظر سے دیکھتے ہیں۔

    شاہی جوڑا لاہورمیں مختلف مقامات ایس اوایس ولیج ، نیشنل کرکٹ اکیڈمی اوربادشاہی مسجد کا دورہ کرے گا۔

    شاہی جوڑے کی لاہورآمد کے موقع پر سیکیورٹی کے سخت انتظامات کیے گئے ہیں، ائیرپورٹ سے گورنر ہاؤس سمیت بادشاہی مسجد، ایس اوایس ویلیج، نیشنل کرکٹ اکیڈمی اور شوکت خانم اسپتال تک چھ ہزار سے زائد سکیورٹی اہلکار تعینات ہیں۔

    گذشتہ روز برطانوی شہزادہ ولیم اورکیٹ کا چترال میں شاہی استقبال کیا گیا ، شاہی مہمانوں کو روایتی چغہ، چترالی ٹوپی شال،اورشہزادی ڈیانا کے انیس سو اکیانوے کے دورے کا یادگاری البم بھی پیش کیا گیا۔

    پرنس ولیم اور کیٹ مڈلٹن نے بروغل نیشل پارک اور بمبوریت کا بھی دورہ کیا۔

    اس سے قبل منگل کی رات شاہی جوڑے کے اعزارمیں اسلام آبادمونومنٹ پر عشائیےکا اہتمام کیاگیا تھا۔ ولیم اورکیٹ نے رکشےمیں انٹری دی، شہزادے نے شیروانی اور شہزادی نے میکسی پہن رکھی تھی۔ شہزادہ شہزادی نے صدر عارف علوی اور وزیراعظم عمران خان سے بھی ملاقات کی تھی۔

  • شہزادہ ولیم اور شہزادی کیٹ کی لاہور آمد پر پرتپاک استقبال

    شہزادہ ولیم اور شہزادی کیٹ کی لاہور آمد پر پرتپاک استقبال

    اسلام آباد : برطانوی شہزادہ ولیم اورشہزادی کیٹ میڈلٹن لاہور پہنچ گئے ،شاہی جوڑے کا استقبال گورنر اور وزیراعلیٰ پنجاب نے کیا، اس موقع پر سیکیورٹی کے سخت انتظامات کیے گئے ہیں۔

    تفصیلات کے مطابق شہزادہ ولیم اور شہزادی کیٹ مڈلٹن لاہور کے دورے پر پہنچے تو وزیراعلیٰ پنجاب عثمان بزدار اور گورنرپنجاب چوہدری سرور نے شاہی جوڑے کا لاہورائیرپورٹ پر پرتپاک استقبال کیا، بچیوں نے شہزادہ ولیم اورشہزادی کیٹ میڈلٹن کو گلدستے پیش کئے۔

    کیٹ مڈلٹن پاکستانی ڈیزائنر کی تیار کردہ سفید شلوار قمیض میں بے حد حسین نظرآئی ، ںشاہی جوڑا لاہورمیں مختلف مقامات ایس اوایس ولیج ، نیشنل کرکٹ اکیڈمی اوربادشاہی مسجد کا دورہ کرے گا۔

    شاہی جوڑے کی لاہورآمد کے موقع پر سیکیورٹی کے سخت انتظامات کیے گئے ہیں، ائیرپورٹ سے گورنر ہاؤس سمیت بادشاہی مسجد، ایس اوایس ویلیج، نیشنل کرکٹ اکیڈمی اور شوکت خانم اسپتال تک چھ ہزار سے زائد سکیورٹی اہلکار تعینات ہیں۔

    نیشنل کرکٹ اکیڈمی کے دورے پر چیئرمین پی سی بی احسان مانی ،چیف ایگزیکٹو شاہی جوڑے کا استقبال کریں گے جبکہ شہزاہ ولیم ، شہزادی کیٹ مڈلٹن برٹش ہائی کمیشن کا دوستی پروگرام کرکٹ میچ دیکھیں گے۔

    شہزادہ ولیم اورشہزادی کیٹ مڈلٹن کرکٹ تقریب میں انعامات تقسیم کریں گے ، سابق کپتان وقاریونس ، اظہر علی ، شاہین شاہ آفریدی، حسن علی تقریب میں شامل ہوں گے ، شاہی جوڑہ کرکٹرز کے ساتھ تبادلہ خیال بھی کرے گا جبکہ عروج ممتازاورثنامیر ویمن کرکٹرز کی نمائندگی کریں گی۔

    دوسری جانب لاہور میں برطانوی شاہی جوڑے کی آمدپر سیکیورٹی اور ٹریفک پلان تیار کر لیا گیا ہے ، پولیس زرائع کے مطابق شاہی جوڑے کو لاہور میں صدارتی پروٹوکول دیا جائے گا، سیکیورٹی پر پولیس کے 7 ہزار جوان اور ٹریفک پولیس کے چھ سو وارڈنز روٹ پر تعینات ہیں۔

    شاہی جوڑے کی اپنی سیکیورٹی ان کے ساتھ چلے گی، ایلیٹ فورس شاہی قافلے کے اسکواڈ کا حصہ ہو گی جبکہ تاریخی مقامات شاہی جوڑے کی آمد سے قبل عام عوام کے لیے بند ہوں گے۔ شاہی جوڑے کے تمام روٹ پر اسنائپرز بھی تعینات کیے جائیں گے ، وزٹ والے مقامات کو اسپیشل برانچ کلئیر کروائے گی ۔سراغ رساں کتوں کی مدد سے دورے کے مقامات کو کلئیر کیا جائے گا۔

    وزیراعلیٰ پنجاب عثمان بزدار نے کہا ہے کہ معزز مہمانوں کو پاکستان کے دل لاہور آنے پرخوش آمدید کہتےہیں اور شہزادہ اورشہزادی کادل کی گہرائیوں سےخیرمقدم کرتےہیں، پاکستانی عوام کےدلوں میں برطانوی شاہی خاندان کیلئےبہت احترام ہے۔

    مزید پڑھیں : شہزادہ ولیم اور شہزادی کیٹ مڈلٹن چترال پہنچ گئے

    عثمان بزدار کا کہنا تھا کہ لیڈی ڈیانا کے دورے کی یادیں آج بھی پاکستانیوں کےذہنوں پرنقش ہیں، شہزادہ،شہزادی کادورہ دونوں ملکوں کےتعلقات میں فروغ کیلئےمعاون ہوگا، دورےسےدونوں ملکوں کے تعلقات میں مزید مضبوطی آئے گی۔

    گذشتہ روز برطانوی شہزادہ ولیم اورکیٹ کا چترال میں شاہی استقبال کیا گیا ، شاہی مہمانوں کو روایتی چغہ، چترالی ٹوپی شال،اورشہزادی ڈیانا کے انیس سو اکیانوے کے دورے کا یادگاری البم بھی پیش کیا گیا۔

    پرنس ولیم اور کیٹ مڈلٹن نے بروغل نیشل پارک اور بمبوریت کا بھی دورہ کیا۔

    اس سے قبل منگل کی رات شاہی جوڑے کے اعزارمیں اسلام آبادمونومنٹ پر عشائیےکا اہتمام کیاگیا تھا۔ ولیم اورکیٹ نے رکشےمیں انٹری دی، شہزادے نے شیروانی اور شہزادی نے میکسی پہن رکھی تھی۔ شہزادہ شہزادی نے صدر عارف علوی اور وزیراعظم عمران خان سے بھی ملاقات کی تھی۔

  • برطانوی شاہی جوڑے کا اسلام آباد کے ماڈل کالج فارگرلز کا دورہ

    برطانوی شاہی جوڑے کا اسلام آباد کے ماڈل کالج فارگرلز کا دورہ

    اسلام آباد : برطانوی شہزادہ ولیم اور ان کی اہلیہ شہزادی کیٹ میڈلٹن ماڈل کالج فار گرلز کا دورہ کیا اور بچوں میں گھل مل گئے، برطانوی شاہی جوڑےکوپاکستان میں نظام تعلیم سے متعلق بریف کیا گیا۔

    تفصیلات کے مطابق برطانوی شاہی جوڑے ماڈل کالج فار گرلز پہنچا ، جہاں کالج انتظامیہ نے شہزادہ ولیم اور شہزادی کیٹ مڈلٹن کا استقبال کیا، اس موقع پر برطانوی شہزادی کیٹ مڈلٹن نے نیلے رنگ کا شلوار قمیض زیب تن کر رکھا تھا۔

    شہزادہ ولیم اور شہزادی کیٹ مڈلٹن بچوں میں گھل مل گئے اور اسکول میں ریاضی کی کلاس کا معائنہ کیا، برطانوی شاہی جوڑےنےاسکول کے مختلف حصے دیکھے اور انھیں پاکستان میں نظام تعلیم سے متعلق بریف کیا گیا۔

    برطانوی شاہی جوڑا ماحولیات کےحوالے سے تقریب میں شرکت کرے گا اور صدر مملکت عار ف علوی اور وزیراعظم عمران خان سے بھی ملاقاتیں کریں گا، عمران خان شاہی جوڑے کے اعزاز میں ظہرانہ بھی دیں گے۔

    مزید پڑھیں : برطانوی شاہی جوڑا آج صدر مملکت اور وزیراعظم عمران خان سے ملاقات کرے گا

    خصوصی مہمان شام 6 بجے پاکستان مونومنٹ کا بھی دورہ کریں گے اور رات برطانوی ہائی کمیشن میں قیام کریں گے۔

    یاد رہے گذشتہ رات برطانوی شہزادہ ولیم اور ان کی اہلیہ شہزادی کیٹ میڈلٹن پاکستان پہنچے تو وزیرخارجہ شاہ محمود قریشی نے استقبال کیا ، روایتی لباس میں ملبوس بچوں نے برطانوی شاہی جوڑے کو گل دستہ پیش کئے۔

    شاہ محمودقریشی کا کہنا تھا کہ شاہی جوڑے کا دورہ پاکستان تاریخی اہمیت کا حامل ہے، ان کی آمد سے پاکستان کا مثبت چہرہ سامنے آئے گا اور دو طرفہ تعلقات مزید مستحکم ہوں گے۔

    ملکہ برطانیہ الزبتھ دوئم کے بڑے پوتے شہزادہ ولیم اور ان کی اہلیہ شہزادی کیٹ مڈلٹن 14 تا 18 اکتوبر پاکستان کے دورے پر ہیں، 16 اکتوبر کو جوڑا لاہور جائے گا، جہاں وہ شوکت خانم اسپتال، بادشاہی مسجد اور مینار پاکستان سمیت تاریخی جگہیں دیکھیں گے، 17 اکتوبر کو شاہی مہمان چترال کے لیے روانہ ہوں گے۔

    ذرایع دفتر خارجہ کے مطابق برطانوی شاہی جوڑا 18 اکتوبر کو دوپہر ڈیڑھ بجے نور خان ائیر بیس سے وطن واپس روانہ ہو جائے گا۔

    خیال رہے کہ شہزادہ ولیم اور شہزادی کیٹ میڈلٹن کا یہ پہلا دورہ پاکستان ہے۔

  • برطانوی شاہی جوڑے کی پاکستان آمد پر رکشے سجا دیئے گئے

    برطانوی شاہی جوڑے کی پاکستان آمد پر رکشے سجا دیئے گئے

    اسلام آباد : برطانوی شاہی جوڑے کو پاکستان آمد پر سوشل میڈیا پر پرنس ولیم اور کیٹ مڈلٹن کےہیش ٹیگ ٹاپ ٹرینڈمیں شامل ہوگئے ہیں جبکہ جوڑے کو خوش آمدید کہنے کے لئے رکشے برطانوی اور پاکستانی جھنڈے سے سجا دیئے گئے۔

    تفصیلات کے مطابق پاکستان میں برطانوی ہائی کمیشن سماجی رابطے کی ویب سائٹ ٹوئٹر پر برطانوی جوڑے کو خوش آمدید کہنے کے لیے راولپنڈی اور لاہور میں رکشوں کو نقش و نگار، تصاویر اور عبارات سے آراستہ کرنے کی ایک ویڈیو بھی شیئر کی۔

    رکشوں پر پاکستان اور برطانیہ کے جھنڈے کو انتہائی خوبصورتی سے پینٹ کیا گیا ہے جبکہ رکشوں پر شاہی جوڑے کے لیے خیر مقدمی کلمات کے ساتھ ساتھ موروں کی تصاویر بنائی گئی ہیں۔

    دوسری جانب شاہی جوڑے کی پاکستان آمد پر پاکستانی پرجوش ہے ، پرنس ولیم اور کیٹ مڈلٹن کےہیش ٹیگ ٹاپ ٹرینڈمیں شامل ہوگئے، صارفین اپنے اپنے انداز میں برطانوی شاہی جوڑے کو خوش آمدید کہہ رہے ہیں۔

    پاکستانی کرکٹر محمد حفیظ نے لکھا کہ وہ برطانوی شاہی جوڑے کو اپنے پیارے ملک پاکستان میں خوش آمدید کہتے ہیں اور شاہی خاندان سے ملنے کے اعزاز کا انتظار کر رہے ہیں۔

    خیال رہے شاہی جوڑا پانچ روزہ دورےپرآج شب پاکستان پہنچ رہا ہے، برطانوی شاہی جوڑے کی شانداراستقبال کی تیاریاں مکمل کرلی گئیں ہیں، وفاقی وزراء، دفترخارجہ اوربرطانوی ہائی کمیشن کے حکام شاہی جوڑے کا ریڈ کارپٹ استقبال کریں گے، گارڈآف آنر بھی پیش کیا جائے گا۔

    برطانوی شاہی جوڑے کے دورہ پاکستان پر پاکستانی قوم کی تیاریاں عروج پر ہیں، راولپنڈی اور لاہور میں رکشوں کو خیر مقدمی پینٹنگز سے سجا دیا گیا۔

  • پاکستانی مصورہ برطانوی شاہی جوڑے کو پاکستان آمد پر کیا تحفہ دیں گی؟

    پاکستانی مصورہ برطانوی شاہی جوڑے کو پاکستان آمد پر کیا تحفہ دیں گی؟

    اسلام آباد : پاکستانی مصورہ رابعہ ذاکر کا ایک اور شاہکار تیارہوگیا،رابعہ نے برطانوی پرنس ولیم اور کیٹ میڈلٹن کی شادی کی پورٹریٹ تیار کرلیا ہے ، جو شاہی مہمانوں کو پاکستان آمد پر تحفے میں دیں گی۔

    تفصیلات کے مطابق پاکستانی مصورہ رابعہ ذاکر نے دوہفتوں کی مسلسل محبت سے شہزادے اور شہزادی کی تصویر کینونس میں اتار کر حقیقت کا رنگ بھر دیا ، پورٹریٹ میں رائل چہروں کو بنانے کے لئے مصورہ کو یورپی ْآرٹسٹ سے مشاورت کرنا پڑی۔

    رابعہ نے برطانوی پرنس ولیم اور کیٹ میڈلٹن کی شادی کی پورٹریٹ تیار کرلی ، پورٹریٹ شاہی مہمانوں کو پاکستان آمد پر تحفے میں دیں گی۔

    رابعہ ذاکر نے کہا پورٹریٹ میں مسکراتے چہرے بنانا آئل پینٹنگ میں مشکل کام تھا، آنجہانی شہزادی لیڈی ڈیانا کے بیٹے پاکستان آمد خوشی کی بات ہے، میری منفرد پورٹریٹ برطانوی رائل فیملی کو پاکستانی قوم سے محبت کاناحساس دلائے گی۔

    پاکستانی مصورہ کا کہنا تھا کہ شاہی جوڑے کو پورٹریٹ ماضی کی یاد بھی دلائے گی ، غیر ملکی مہمانوں کو پورٹریٹ ہمیشہ بلامعاوضہ اور بلالالچ فراہم کی، پاکستان کی خوبصورت پہنچان بنانے میں میری پینٹنگ حصہ ڈال رہی ہیں۔

    مزید پڑھیں : پاکستانی آرٹسٹ کا پرنس ولیم اور کیٹ مڈلٹن کیلئے تحفہ

    اس سے قبل پاکستانی آرٹسٹ وقاص شائق نے سماجی رابطے کی ویب سائٹ ٹوئٹر پر برطانوی شاہی جوڑے شہزادہ ولیم اور ڈچز آف کیمبرج کیٹ مڈلٹن کے لئے پینسل سے پورٹریٹ کا تحفہ تیار کرنے کی ویڈیو شیئر کر کے انھیں پاکستان آمد پر خوش آمدید کہا۔

    خیال رہے شاہی جوڑا پانچ روزہ دورےپرآج شب پاکستان پہنچ رہا ہے، برطانوی شاہی جوڑے کی شانداراستقبال کی تیاریاں مکمل کرلی گئیں ہیں، وفاقی وزراء، دفترخارجہ اوربرطانوی ہائی کمیشن کے حکام شاہی جوڑے کا ریڈ کارپٹ استقبال کریں گے، گارڈآف آنر بھی پیش کیا جائے گا۔

  • برطانوی شاہی جوڑے کا بچے کی پیدائش کو لوگوں سے دور رکھنے کا اعلان

    برطانوی شاہی جوڑے کا بچے کی پیدائش کو لوگوں سے دور رکھنے کا اعلان

    برمنگھم : برطانوی شہزادے ہیری اور ان کی اہلیہ میگھن مارکل نے اعلان کیا ہے وہ بچے کی پیدائش کو لوگوں کی نظروں سے دور رکھنا چاہتے ہیں، جس کی تصدیق شاہی محل نے بھی کردی ہے۔

    تفصیلات کے مطابق برطانوی شاہی جوڑے نے بچے کی پیدائش کو لوگوں سے دور رکھنے کا فیصلہ کیا ہے ، شاہی خاندان کی جانب سے جاری بیان میں اس بات کی تصدیق کی ہے کہ میگھن مارکل بچے کو ہسپتال میں جنم نہیں دیں گی بلکہ ان کے ہاں پہلے بچے کی پیدائش کو لوگوں کی نظروں سے دور رکھا جائے گا۔

    رپورٹ کے مطابق شاہی خاندان کا کہنا تھا کہ شہزادہ ہیری اور میگھن مارکل اپنے پہلے بچے کی پیدائش کو نجی رکھنا چاہتے ہیں اور وہ نہیں چاہتے کہ ان کے ہاں ہونے والا پہلا بچہ دنیا میں آتے ہی میڈیا کی توجہ بن جائے۔

    خیال رہے برطانوی شہزادے ہیری اور ان کی اہلیہ میگھن مارکل کے ہاں آئندہ ماہ تک پہلے بچے کی پیدائش کا امکان ہے۔

    یاد رہے چند روز قبل شہزاداہ ہیری اور میگن مرکل نے 5گھنٹے 45منٹ میں 3.2ملین فالوورز بناکرانسٹاگرام کی تاریخ کا ورلڈ ریکارڈ قائم کر ڈالا تھا۔

    مزید پڑھیں :  شہزاداہ ہیری اور میگن مرکل نے انسٹاگرام کی تاریخ کا ورلڈ ریکارڈ قائم کر ڈالا

    واضح رہے کہ رواں برس 19 مئی کو برطانوی شاہی خاندان کے چھوٹے شہزادے ہیری اور امریکی اداکارہ میگھن مرکل رشتہ ازدواج میں منسلک ہوئے تھے، دونوں کی شادی کو سال کی سب سے بڑی شادی قرار دیا گیا تھا۔

    شہزادہ ہیری اور میگھن مرکل کی شادی کو جدید و قدیم روایات کا حسین امتزاج قرار دیا گیا تھا، ان کی شادی کی تقریب دیکھنے کے لیے ایک لاکھ سے زائد افراد موجود تھے جبکہ شادی کی تقریبات کو دنیا بھر میں براہ راست کروڑوں لوگوں نے دیکھا تھا۔