ARYNews.tv | Urdu – Har Lamha Bakhabar

Tag: برطانوی شہزادی

  • شہزادہ ہیری کی حمایت کیوں کی؟ برطانوی شہزادی مشکل میں پڑ گئیں

    شہزادہ ہیری کی حمایت کیوں کی؟ برطانوی شہزادی مشکل میں پڑ گئیں

    لندن: پرنس ہیری کی حمایت نے برطانوی شہزادی یوجین کو مشکل میں ڈال دیا ہے، اور انھیں تنقید کا سامنا کرنا پڑ رہا ہے۔

    تفصیلات کے مطابق ڈچز آف سسیکس اور پرنس ہیری کی اہلیہ میگھن مارکل کی چالیسویں سال گرہ پر شہزادی یوجین نے اپنے انسٹاگرام اکاؤنٹ پر خصوصی اسٹوری شیئر کی، جس میں انھوں نے شاہی خاندان چھوڑنے والے جوڑے کی علی الاعلان حمایت کی۔

    بدھ کے روز شہزادی یوجین نے میگھن کے آرک ویل مانیٹرنگ پروگرام میں رضاکارانہ طور پر حصہ لینے کا بھی اعلان کیا، اور میگھن کے لیے اپنی حمایت پر زور دیا، یہ پروگرام ان خواتین کے لیے ہے جو وبائی امراض کے بعد ملازمتوں میں واپس آنا چاہتی ہیں۔

    اور اب برطانوی شاہی خاندان سے علیحدگی اختیار کرنے والے شہزادہ ہیری کی کزن شہزادی یوجین کو ہیری کی اس حمایت کرنے پر تنقید کا سامنا ہے، بین الاقوامی میڈیا رپورٹ کے مطابق شہزادی یوجین کی جانب سے ہیری کو دی جانے والی عوامی حمایت برطانوی شاہی خاندان کے لیے مزید مشکلات کھڑی کرے گی۔

    شاہی مبصر ڈینیلا ایلسر کا دعویٰ ہے کہ شہزادی یوجین کی عوامی حمایت سسیکس رائلز کے لیے گیم چینجر بن سکتی ہے، یوجین، جو کہ برطانیہ شاہی خاندان کے مقبول افراد میں سے ایک ہیں، واضح طور پرمحل کے معاملات کو متاثر کر سکتی ہیں۔

    انھو ں نے یہ بھی کہا کہ مختلف شاہی افراد نے گزشتہ ہفتے ڈچز آف سسیکس کی 40 ویں سالگرہ کے موقع پر سوشل میڈیا پر آفیشل پوسٹیں شیئر کیں، لیکن صرف یوجین واحد شاہی شخصیت تھیں جنھوں نے انسٹاگرام پر میگھن مارکل کی 40×40 مہم کی تعریف کی اور ان کی درخواست پر ان کے نئے اقدام کا حصہ بنیں۔

    شاہی مبصر کہا اگر یوجنین نے ہیری کی سوانح حیات لکھنےمیں مدد کرنے کا فیصلہ کیا، تو یہ سسیکس کے لیے ایک مکمل گیم چینجر ہوگا اور شاہی محل کے لیے بہت بڑی مشکل کا سبب بنے گا۔

  • برطانوی شہزادی کیٹ‌ مڈلٹن کو کونسے ایموجی پسند ہیں؟

    برطانوی شہزادی کیٹ‌ مڈلٹن کو کونسے ایموجی پسند ہیں؟

    لندن : برطانوی شہزادی کیٹ مڈلٹن نے اپنے پسندیدہ ایموجیز کے حوالے سے بتادیا۔

    غیر ملکی خبر رساں ادارے کے مطابق برطانوی شاہی خاندان کی بڑی بہو کیٹ مڈلٹن اپنے پسندیدہ ایموجیز سے متعلق انکشاف ایک ویڈیو کے دوران اچانک کرگئیں۔

    یہ انکشاف اس وقت ہوا جب وہ اپنا موبائل فون کیمرے کی جانب کرکے ایک مہم سے متعلق پوچھے گئے ہزاروں سوالات دکھارہی تھی۔

    کیٹ نے بتایاکہ جس ایموجی میں دو لڑکیوں کو ایک دوسرے کا ہاتھ تھامے دکھایا ہے وہ ان کا سب سے پسندیدہ ایموجی ہے جو دوستی کی ترجمانی کرتی ہے جبکہ دوسرا پسندیدہ ایموجی پائن ایپل اور حیران کن طور پر تیسرا ایموجی ’غصے والا چہرہ ہے‘۔

    انہوں نے بتایا کہ پسندیدہ ایموجیز کی فہرست میں چوتھے نمبر پر جامنی رنگ کی خلائی مخلوق ہے اور قے کرتا ایموجی ہے جبکہ چھٹے نمبر پر ’کھیرا‘ہے جو واضح کرتا ہے کہ شاہی خاندان صحت بخش غذاوں کو پسند کرتا ہے۔

    برطانوی شہزادی کے پسندیدہ ایموجیز کی فہرست میں آخری ایموجی بادل ہے۔

  • میگھن مارکل کے بچپن کا خواب کیسے پورا ہوا؟ (ویڈیو دیکھیں)

    میگھن مارکل کے بچپن کا خواب کیسے پورا ہوا؟ (ویڈیو دیکھیں)

    لندن: اپنے شوہر کے ساتھ شاہی خاندان چھوڑنے والی برطانوی شہزادی میگھن مارکل کے بارے میں معلوم ہوا ہے کہ انھیں ملکہ بننے کا شوق بچپن ہی سے تھا، اس سلسلے میں ان کے بچپن کی ایک پرانی ویڈیو سامنے آ گئی ہے۔

    تفصیلات کے مطابق میگھن مارکل کے بچپن کی ایک نادر ویڈیو سامنے آئی ہے، جس میں انھوں نے سر پر تاج پہن رکھا ہے، ایسا لگتا ہے کہ میگھن کا شہزادی بننے کا خواب تو پورا ہو گیا ہے لیکن شہزادی بننے کے بعد انھیں اس بات کا بھی احساس ہو چکا ہے کہ شاہی زندگی ان کے لیے نہیں ہے۔

    یہ ویڈیو انٹرنیٹ پر تیزی سے مشہور ہو رہی ہے، جسے ایک برطانوی اخبار نے ڈھونڈ کر نکالا، بچپن کی اس ویڈیو میں سابقہ اداکارہ نے ملکہ کا روپ دھارا ہے، ویسے ہی کپڑے پہن رکھے ہیں اور سر پر تاج رکھا ہے۔

    یہ دراصل بچپن کی میگھا مارکل کی ویڈیو ہے جس میں انھوں نے اپنی بہترین سہیلی نیناکی پریڈی کی سال گرہ میں شرکت کی تھی، اور ایک کھیل کے دوران وہ ملکہ بنیں۔

    اس فوٹیج میں یہ بھی بتایا گیا ہے کہ نیناکی کی والدہ ایک کیمرہ لے کر جب باغ میں داخل ہوئیں تو چپ چپ رہنے والی میگھن نے جوش و خروش میں سب کو اکھٹا کیا اور کہا دیکھو ہم ویڈیو ٹیپ پر ہیں۔

    اس کے بعد وہ کسی فلمی سین کی شوٹنگ سے ایک لمحہ قبل استعمال ہونے والے کلیپر بورڈ کی طرح ہاتھوں سے اشارے کر کے سین کے لیے تیار ہونے کا کہتی ہیں۔

    میگھن کو اس کے بعد فوٹیج میں ملکہ کا کردار ادا کرتے دیکھا جا سکتا ہے، جب کہ ایک سہیلی ان سے کہتی ہے: ملکہ سلامت، کیا اس سلطنت میں مزید کچھ کرنے کے لیے نہیں رہا ہے؟

    میگھن جواب دیتی ہیں کہ ہاں 9 لاکھ کوکیز بناؤ اور میرے لیے ایک اچھا سا لباس تیار کرو۔

    پارٹی میں ایک اور بچہ کہتا ہے: ملکہ میگھن، کیا میں گھوم پھر سکتی ہوں؟ میگھن جواب دیتی ہے ہاں بالکل، اور اس کے بعد وہ دس منٹ کا وقفہ دیتی ہیں لیکن یہ دس منٹ کا وقفہ فوراً ہی ختم ہو جاتا ہے۔

    فوٹیج میں میگھن ادھر ادھر پھر کر چیخ کر ہدایات دیتی نظر آتی ہیں ’تیزی سے کام کرو‘۔ ایک بچی مداخلت کر کے کہتی ہے ملکہ سلامت زبردست پارٹی رہی۔

    میگھن جواب میں کہتی ہیں: اوہ مجھے بہت خوشی ہوئی کہ آپ کو پارٹی پسند آئی۔

  • برطانوی شہزادی بھی پاکستانی فالودے کی دلدادہ نکلیں

    برطانوی شہزادی بھی پاکستانی فالودے کی دلدادہ نکلیں

    بریڈ فورڈ: برطانوی شہزادی کیٹ مڈلٹن بھی پاکستانی فالودے کی دلدادہ نکلیں، شہزادی نے بڑے شوق سے پاکستانی فالودہ کھایا۔

    تفصیلات کے مطابق شہزادہ ولیم اور شہزادی کیٹ مڈلٹن نے بریڈفورڈ میں واقع پاکستانی ریسٹورنٹ کا دورہ کیا، اس موقع پر وہاں موجود شہریوں نے ان کا پرتپاک استقبال کیا اور گلدستہ پیش کیا۔

    ریسٹورنٹ میں شاہی جوڑے نے عملے کی مدد سے خود فالودہ تیار کیا اور بڑے شوق سے کھایا، اس دوران اسٹاف انہیں مکمل معلومات فراہم کرتا رہا۔

    ریسٹورنٹ میں شاہی جوڑے سے باکسر عامر خان نے ملاقات کی اور ان کی آمد کا شکریہ ادا کیا، شاہی جوڑے نے خوشگوار موڈ میں وہاں موجود لوگوں میں گھل مل گئیں جب کہ پاکستانی کچن کے اسٹاف سے ملاقات بھی کی۔

  • برطانوی شہزادی کیٹ اپنے بچوں کی تربیت ساس کی طرح‌ کرنے کی خواہش مند

    برطانوی شہزادی کیٹ اپنے بچوں کی تربیت ساس کی طرح‌ کرنے کی خواہش مند

    لندن: برطانوی شہزادی کیٹ مڈلٹن نے اس خواہش کا اظہار کیا ہے شاہی خاندان کے دو  شہزادے اور ایک شہزادی دیگر بچوں کی طرح عام زندگی بسر کریں۔

    برطانوی میڈیا رپورٹ کے مطابق شہزادہ ولیم کی اہلیہ اس بات کی خواہش مند ہیں کہ پرنس جورج، شہزادی شارلٹ اور پرنس لوئیس زندگی کو حقیقی انداز سے گزاریں اور تینوں وہی تجربات حاصل کریں جو عام بچوں کرتے ہیں۔

    برطانوی میڈیا نے دعویٰ کیا ہے کہ 37 سالہ شہزادی ہرگز نہیں چاہتیں کہ اُن کے بچے شاہی خاندان کے دیگر افراد کی طرح پرتعیش زندگی بسر کریں کیونکہ کیٹ مڈلٹن کا ماننا ہے کہ اگر انہوں نے ایسی زندگی گزاری تو حقیقی زندگی میں بہت پیچھے رہ جائیں گے۔

    شاہی خاندان کے ذرائع کا کہنا ہے کہ شہزادہ  ولیم بھی اپنی اہلیہ کی خواہش سے متفق ہیں اور وہ اس بات کو مہرِ ثبت کرچکے۔

    یاد رہے کہ پرنس ولیم اور کیٹ مڈلٹن کے سب سے بڑے بیٹے کا نام پرنس جورج ہے جن کی عمر 6 برس اسی طرح دوسرے نمبر پر شہزادی شارلٹ ہیں جن کی عمر چار برس اور سب سے چھوٹے پرنس لوئیس ہیں جن کی عمر ایک برس ہے۔

    رپورٹ میں دعویٰ کیا گیا ہے کہ کیٹ مڈلٹن چاہتی ہیں کہ جیسے اُن کی ساس لیڈی ڈیانا نے شاہی روایات کے برعکس اپنے بچوں کی حقیقی معنوں میں تربیت کی وہ بھی اسی طرح کریں۔

    کیٹ اس بات کو بخوبی جانتی ہیں کہ اُن کے خاوند شہزادہ ولیم اپنی والدہ شہزادی ڈیانا سے کتنا پیار کرتے ہیں۔ شاہی خاندان کے ذرائع کا کہنا ہے کہ مڈلٹن کا کہنا ہے کہ جیسے ولیم اور ہیری نے عام اسکول میں پڑھا، دوست بنائے ، اُن ہی کی طرح زندگی بسر کی ایسے ہی اُن کے تینوں بچے بھی کریں۔

  • برطانوی شہزادی دورہ پاکستان کے ذکر پر جذباتی ہوگئیں

    برطانوی شہزادی دورہ پاکستان کے ذکر پر جذباتی ہوگئیں

    لندن : برطانوی شہزادی کیٹ میڈلٹن نے پہلی بار انسٹاگرام پر دورہ پاکستان کی یادوں کی تصاویر کو پُرمسرت جذبات کے ساتھ پوسٹ کیا اور پیغام میں بتایا کہ کس طرح ایس او ایس ویلیج بچوں کو فیملی ماحول فراہم کررہا ہے۔

    تفصیلات کے مطابق برطانوی شہزادی کیٹ میڈلٹن نے ایسا کچھ کیا ہے جو اس سے پہلے کبھی نہیں کیا تھا، کیٹ میڈلٹن نے پہلی بار برطانوی شاہی محل کے انسٹاگرام اکاؤنٹس سے دورہ پاکستان سے متعلق پُرمسرت جذبات کا اظہار کیا۔

    کیٹ مڈلٹن نے ‘انسٹا گرام’ پر لاہور کے ایس او ایس ویلیج کے دورے کی تصویر کے ساتھ ساتھ ایک ویڈیو بھی شیئر کی، جس میں شہزادہ ولیم اور کیٹ میڈلٹن یتیم بچوں کے ساتھ گفتگو کرتے، ہنستے ہنساتے، کھیلتے اور پڑھاتے ہوئے نظر آئے۔

    تصاویر کے ساتھ کیٹ مڈلٹن نے اپنے پیغام میں کہا "ایس او ایس ویلیج کا ماحول بالکل گھر جیسا ہے، جس میں خاندان کے تمام افراد ایک ساتھ محبت سے رہتے ہیں اور ایک دوسرے کے دکھ سکھ کا خیال رکھتے ہیں۔” ان میں سے بہت سے بچے بہت تکلیف دہ حالات سے گزر کر یہاں پہنچے ہیں۔ لیکن یہاں ان کی ہر طرح سے دیکھ بھال کی جارہی ہے اور انھیں آگے بڑھنے کا موقع دیا جارہا ہے۔

    اس سے دو روز قبل برطانوی شہزادی کیٹ مڈلٹن نے دورہ پاکستان کے بعد سی این این کو پہلے خصوصی انٹرویو میں کہا تھا پاکستان میں سب کچھ بہت اچھا رہا، دلکش نظاروں کا جواب نہیں، پاکستانی لوگوں کی مہمان نوازی، ثقافت نے ہمیں بہت زیادہ متاثر کیا۔

    کیٹ مڈلٹن کا کہنا تھا کہ ایس او ایس ولیج دیکھنا چاہتی تھی، میں اپنے شوہر کے ساتھ وہاں گئی، ایس او ایس ولیج مستقبل کے حوالے سے بچوں کو مدد فراہم کر رہے ہیں، وہاں بہت ساری خواتین موجود تھیں جو بہت ہی مثبت کردار ادا کر رہی تھیں۔

    خیال رہے برطانوی شہزادے ولیم کی اہلیہ اور ڈچز آف کیمبرج کیٹ مڈلٹن دورہ پاکستان مکمل کر کے برطانیہ پہنچ چکے ہیں، دونوں نے مسلسل پانچ دنوں تک پاکستان میں قیام کیا۔

    مزید پڑھیں:  دورہ پاکستان کے بعد برطانوی شہزادی کا پہلا انٹرویو

    یاد رہے 17 اکتوبر کو ولیم اور کیٹ نے دورہ پاکستان میں پہلی بار ایس او ایس ویلیج کا دورہ کیا تھا ، جو ان کے ٹور پروگرام کا حصہ تھا۔ تاہم جب 17 اکتوبر کو دورہ لاہور سے واپسی پر موسم کی خرابی کے باعث ہوائی جہاز کو ہنگامی لینڈ کرنا پڑی اور شاہی جوڑے کو ایک اور رات لاہور میں قیام کرنا پڑا۔

    بعد ازاں 18 اکتوبر کو شہزادہ ولیم اور کیٹ نے ایک بار پھر ایس او ایس ویلیج جانے کا فیصلہ کیا تھا، جہاں  بچوں کے ساتھ وقت گزار، بچوں کے کمرے میں گئے اور خوب گپ شپ لگائی۔

    گذشتہ روز برطانوی شاہی محل نےشاہی جوڑے کے دورہ پاکستان کی جھلکیوں پر مبنی ویڈیو جاری کی تھی ، یہ ویڈیو شاہی محل کی جانب سے شکریہ پاکستان کے ٹائٹل سے ٹوئٹر پر شیئر کی گئی، جس میں شہزادہ ولیم اورکیٹ مڈلٹن کوثقافتی رنگون سے سجے رکشے میں سوار بھی دیکھا جاسکتا ہے۔

  • برطانوی شہزادی کے مشرقی ملبوسات نے دھوم مچادی

    برطانوی شہزادی کے مشرقی ملبوسات نے دھوم مچادی

    اسلام آباد: برطانوی شہزادی کے مشرقی ملبوسات نے دھوم مچادی ، پاکستانی ڈیزائنر نےبھی کیٹ مڈلٹن کا لباس ڈیزائن کرنےپر فخر کیا۔

    تفصیلات کے مطابق برطانوی شہزادی پاکستان کے رنگوں میں رنگ گئی اور ان کا مشرقی انداز پاکستانیوں کو خوب بھایا اور سب کے دلوں پر چھا گیا۔

    پاکستان آمد پر برطانوی شہزادی نے آسمانی رنگ کا انتخاب کیا اور دورہ پاکستان کا آغاز اسکول کے دورے سے کیا ، جہاں انھوں نے پاکستانی ڈیزائنرماہین خان کا ڈیزائن کیا ہوا نیلے رنگ کا شلوار قمیض پر ڈوپٹہ بھی اوڑھا، جس پر ڈیزائنرماہین خان نے سوشل میڈیا پر فخریہ ٹوئٹ کیا۔


    جس کے بعد وزیراعظم کی جانب سے عشایئے میں شہزادی کیٹ نے کیتھرین واکر کی ڈیزائن کردہ سبز رنگ کی قمیض اور پاکستانی برانڈ کا ڈوپٹہ پہنا۔

    فیشن آئیکون کیٹ مڈلٹن نے اسلام آباد کی تقریب کیلئے سبز لباس چنا اورپرنس ولیم نے کراچی کے ڈیزائنر کی شیروانی پہنیں ، نعمان عارفین کا کہنا ہے شیروانی صرف دوروز میں تیار کی۔

    برطانوی شہزادی نے چترال میں ویسے ہی روایتی چترالی ہیٹ پہنی ، جیسی شہزادی ڈیانا نے 1991 میں دورہ پاکستان کے دوران پہنی تھی۔

    کنگسٹن پیلس سےبھی ٹک ٹک میں آمد اورشاندار استقبال پر ٹوئٹ کیاگیا جبکہ آئرش ولاگر نے شاہی جوڑے کی تصویر شیئر کرتے ہوئے لکھا ان دونوں نے روایتی مشرقی لباس کا میلہ لوٹ لیا۔

  • برطانوی شہزادی یوجین کی شادی، شاہی بیگوں کی آن لائن فروخت

    برطانوی شہزادی یوجین کی شادی، شاہی بیگوں کی آن لائن فروخت

    لندن : برطانوی شہزادی یوجین اور عام شہری جیک بروکس بینک کی شادی میں شریک مہمانوں نے شاہی محل سے تحفے میں ملنے والے ہینڈ بیگز آن لائن فروخت کرنا شروع کردئیے۔

    تفصیلات کے مطابق ملکہ برطانیہ کی پوتی اور ملکہ بننے کی نویں امیدوار شہزادی یوجین اور عام شہری جیک بروکس بینک کی شادی میں شرکت کرنے والے مہمانوں کو تحفے میں دئیے گئے ہینڈ بیگ آن لائن فروخت ہورہے ہیں۔

    برطانوی خبر رساں ادارے کا کہنا تھا کہ شاہی شادی میں شرکت کرنے والے مہمانوں نے تقریباً ایک درجن ہینڈ بیگ آن لائن ویب سائٹ ’ای بے‘ پر ایک ہزار پاؤنڈ میں فروخت کے لیے لگائے گئے ہیں۔

    مقامی میڈیا کا کہنا ہے کہ برطانیہ کے ونڈسر پیلس کی جانب سے پرنسس آف یارک کی عروسی میں شریک 12 سو مہمانوں میں تقسیم کیے گئے تھے۔

    برطانوی نشریاتی ادارے کا کہنا ہے کہ ونڈسر پیلس کی جانب سے بیگز میں فریج میگنیٹ، پانی کی بوتل، چھوٹی ڈبل روٹی، چاکلیٹ کا سکہ اور بغیر آستین والا کوٹ شامل تھا۔

    شاہی محل کی جانب سے شادی میں شریک مہمانوں کو دئیے جانے والے بیگز کو فروخت کرنے کے لیے ویب سائٹ پر دئیے گئے اشتہار پر لکھا تھا کہ ’آج موقع ہے کہ برطانوی شاہی تاریخ کا ایک حصّہ آپ خریدیں‘۔

    برطانوی خبر رساں ادارے کا کہنا تھا کہ جمعے کے روز ونڈسر محل میں منعقد ہونے والی شادی کی تقریب میں 850 نجی مہمانوں نے شرکت کی تھی جنہیں تحفے میں بیگ نہیں دئیے گئے تھے، 850 مہمانوں میں برطانیہ کی مشہور ماڈل کارا ڈیلی ونگنی اور گلوکار روبی ولیم بھی شریک تھے۔

    غیر ملکی میڈیا کا کہنا تھا کہ شاہی بیگز شہزادی یوجین کی شادی میں شرکت کرنے والے 2640 عام مہمانوں میں تقسیم کیے گئے تھے، تحفے میں دئیے گئے بیشتر بیگز 1 ہزار پاؤنڈ میں فروخت ہوچکے ہیں۔

    خیال رہے کہ گذشتہ روز برطانوی شہزادے ہیرے اور امریکی اداکارہ میگھن مرکل کے رشتہ ازدواج میں منسلک ہونے کے 5 ماہ بعد ملکہ برطانیہ کی پوتی اور شہزادہ اینڈریو کی چھوٹی بیٹی شہزادی یوجین اپنے قریبی دوست اور عام شہری کی دلہن بنیں تھیں۔

    برطانوی خبر رساں ادارے کا کہنا تھا کہ پرنسس آف یارک کہلائی جانے والی 28 سالہ شہزادی یوجین دوست جیک بروکس بینک کے ساتھ رشتہ ازدواج میں منسلک ہوئیں تھیں جو ونڈسر محل کے سینٹ جارج چیپل میں منعقد ہوئی تھی۔

  • میگھن مرکل کے سفید بال کی نشاندہی کرنے پر برطانوی جریدہ تنقید کی زد میں

    میگھن مرکل کے سفید بال کی نشاندہی کرنے پر برطانوی جریدہ تنقید کی زد میں

    لندن: یوں تو برطانوی شاہی خاندان کی ہر سرگرمی میڈیا کی توجہ کا مرکز بن جاتی ہے جس میں عام افراد بھی دلچسپی لیتے ہیں تاہم حال ہی میں ایک بین الاقوامی جریدے کو برطانوی شہزادے ہیری کی منگیتر میگھن مرکل کے سیفد بال کی نشاندہی کرنے پر سخت تنقید کا نشانہ کرنا پڑا۔

    میری کلائر نامی بین الاقوامی جریدے پر اس وقت بری طرح تنقید کی گئی جب جریدے نے برطانوی شہزادے ہیری کی منگیتر میگھن مرکل کے متعلق بریکنگ نیوز شائع کی کہ ان کے سر پر ایک عدد سفید بال موجود ہے۔

    ادارے کی جانب سے شائع کیے جانے والے مضمون میں مرکل کی تصویر کو واضھ کر کے ان کے سفید بال کی نشاندہی کی گئی۔

    تاہم جریدے کی اس حرکت کو ٹوئٹر صارفین نے سخت احمقانہ قرار دیا۔

    لوگوں نے کہا کہ وہ جریدے پر اس قسم کی خبر دیکھ کر سخت حیران ہیں۔

    بعد ازاں جریدے نے اس خبر کو سوشل میڈیا سے ڈیلیٹ کردیا تاہم ویب سائٹ پر یہ خبر تاحال موجود ہے۔

    یہ پہلی بار نہیں جب شاہی خاندان سے متعلق کسی خبر پر جریدے کو تنقید کا نشانہ بنایا جارہا ہو۔

    اس سے قبل حال ہی میں چند برطانوی اخبارات اور ویب سائٹ نے شہزادی کیٹ مڈلٹن کے لباس پر قیاس آرائیاں شروع کردی تھیں کہ شہزادی گزشتہ کئی دنوں سے نیلے رنگ کے ملبوسات زیب تن کر رہی ہیں، ہوسکتا ہے اس طرح وہ اشارہ دے رہی ہیں کہ ان کا تیسرا ہونے والا بچہ لڑکا ہے۔

    شہزادی سے متعلق اس خبر کو بھی مذاق اور تنقید کا نشانہ بنایا گیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • برطانوی شہزادی کیٹ مڈلٹن خوش لباس شخصیات میں سرفہرست

    برطانوی شہزادی کیٹ مڈلٹن خوش لباس شخصیات میں سرفہرست

    برطانوی شہزادی کیٹ مڈلٹن نے گزشتہ تین سال کی طرح اس سال بھی خوش لباس شخصیات میں سرفہرست رہنے کا اعزاز برقرار رکھا۔

    وينيٹي فيئر ميگزين نے سال دو ہزار چودہ کے لئے خوش لباس افراد کی فہرست جاری کر دی ہے، جس ميں برطانوی شہزادی کیٹ میڈلٹن مسلسل چوتھے سال بھی سرفہرست ہیں ۔

    دیگر خوش لباسوں میں آسکر ایوارڈ یافتہ کیٹ بلانشیٹ ، اور اداکارہ لوپیتا نیونگ بھی شامل ہیں، لوپیتا نیونگ کو پہلی بار خوش لباس افراد کی فہرست ميں جگہ ملی ہے جبکہ کیٹ بلانشیٹ کا نام فہرست میں دو سری بار شامل کیا گیا ہے۔

    ہالی ووڈ اداکارہ ایما واٹسن ، مشیل ڈوکری نیل پیٹرک اور معروف موسیقار فیرل ولیم کو بھی انتہائی خوش لباس قرار ديا گيا ہے۔