Tag: برطانوی محکمہ برائے ٹرانسپورٹ

  • پاکستان سے براہ راست برطانیہ جانے والی پروازوں کی بحالی کا امکان روشن

    پاکستان سے براہ راست برطانیہ جانے والی پروازوں کی بحالی کا امکان روشن

    اسلام اباد : برطانوی محکمہ برائے ٹرانسپورٹ کے سربراہ پیٹر رابنسن اسلام آباد پہنچ گئے ، وہ کل ڈی جی سمیت سی اے اے انتظامیہ سے ملاقات کریں گے۔

    تفصیلات کے مطابق پاکستان سے براہ راست برطانیہ جانے والی پروازوں کی بحالی کے معاملے پر برطانوی محکمہ برائے ٹرانسپورٹ کے سربراہ پیٹر رابنسن اسلام آباد پہنچ گئے ، پیٹر رابنسن ایوی ایشن سیکیورٹی انٹرنیشنل آپریشنز میں ایوی ایشن سیکیورٹی معاونت کے سربراہ ہیں۔

    برطانیہ پروازوں بحالی

    یہ دورہ حالیہ پاکستان سول ایویشن بل اور پاکستان ائرپورٹس اتھارٹی بل کی منظوری کے تناظر میں عمل میں آرہا ہے۔

    ترجمان سی اے اے نے بتایا کہ پاکستان کی طرف سے یہ قانون سازی برطانیہ سمیت بین الاقوامی ایویشن حلقوں کی جانب سے درخواست کے بعد کی گئی، پیٹر رابنسن کل 2 اگست کو ڈی جی سمیت سی اے اے انتظامیہ سے اسلام آباد میں ملاقات کریں گے۔

    ترجمان کا کہنا تھا کہ مسٹر رابنسن سول ایویشن ڈپٹی ڈی جی ریگولیٹری سے بھی ملاقات کریں گے، ان کے دورہ میں ایوی ایشن ڈویڑن میں سیکرٹری ایویشن سے ملاقات بھی شامل ہے، ملاقاتوں میں رسمی روابط کے مسودے پر تبادلہ خیال ہوگا۔

    ،ترجمان سی اے اے کا کہنا ہے کہ مسٹر رابنسن 3 اگست کو اسلام آباد ائرپورٹ کا دورہ بھی کریں گے، اس کے علاوہ تربیت، معاونت اور آلات کے ذریعیپاکستان کو ایوی ایشن سیکیورٹی امداد کی فراہمی پر بھی غور ہوگا۔

    برطانوی محکمہ ٹرانسپورٹ کے حالیہ دورہ اسلام آباد ائرپورٹ کے تناظر میں مستقل کے لائحہ عمل پر بھی بات چیت ہوگی۔