ARYNews.tv | Urdu – Har Lamha Bakhabar

Tag: برطانوی میڈیا

  • سارا شریف کے قاتل باپ پر جیل میں قیدیوں کا حملہ، حالت تشویشناک

    سارا شریف کے قاتل باپ پر جیل میں قیدیوں کا حملہ، حالت تشویشناک

    لندن: دس سالہ سارہ شریف کے قاتل باپ پر برطانیہ کی جیل میں قیدیوں نے حملہ کردیا، حملے میں عرفان شریف شدید زخمی ہوگئے۔

    برطانوی میڈیا کے مطابق جیل میں قیدیوں کے حملے میں مجرم عرفان شریف شدید زخمی ہوگیا، گلے پر اسٹیل کے ڈبے کا ڈھکن کاٹ کر وار کیا گیا۔

    برطانوی میڈیا کا کہنا ہے کہ لندن کی بیل مارش جیل میں 2 قیدیوں نے سارہ شریف کے والد پر حملہ کیا، جیل اہلکار نے سارہ شریف کے قتل کے مجرم کی جان بچائی۔

    برطانوی میڈیا کا مزید کہنا ہے کہ عرفان شریف پر یکم جنوری کو جیل میں منصوبہ بندی سے حملہ کیا گیا، حملہ آوروں نے مجرم کے  گلے اور چہرے پر وار کیے۔

    واضح رہے کہ سارہ شریف کی لاش 10 اگست 2023 کو برطانیہ میں ووکنگ کے علاقے میں ایک گھر سے ملی تھی جس سے ایک ہی دن قبل ان کے اہل خانہ پاکستان روانہ ہو گئے تھے، سارہ کے والد عرفان شریف، ان کی اہلیہ بینش بتول اور عرفان کے بھائی فیصل ملک پولیس کو اس وقت سے مطلوب تھے۔

    گزشتہ سال ستمبر میں برطانیہ میں بچی کے قتل کے الزام میں والد، سوتیلی ماں اور چچا کو گرفتار کرنے کے بعد مقامی عدالت کے سامنے پیش کیا گیا جن کو عدالت نے ریمانڈ پر جیل بھیج دیا تھا۔

  • ’پاکستان سے شکست توہین آمیز ہے‘ برطانوی میڈیا نے انگش ٹیم کو آڑے ہاتھوں لے لیا

    ’پاکستان سے شکست توہین آمیز ہے‘ برطانوی میڈیا نے انگش ٹیم کو آڑے ہاتھوں لے لیا

     پاکستان کے ہاتھوں سیریز میں ناکامی پر برطانوی میڈیا نے انگش ٹیم کو آڑے ہاتھوں لے لیا۔

    راولپنڈی ٹیسٹ میں پاکستانی اسپنرز کی شاندار بولنگ کی بدولت انگلینڈ کی ٹیم دوسری اننگز میں 112 رنز پر آؤٹ ہوگئی تھی اور پاکستان کو جیت کے لیے 36 رنز کا ہدف ملا جو پاکستان نے ایک وکٹ کے نقصان پر پورا کر لیا۔

    نعمان علی نے سیریز میں 20 اور ساجد خان نے 19 کھلاڑیوں کو آؤٹ کیا جب کہ ساجد خان کو شاندار بولنگ پر انہیں سیریز کا بہترین کھلاڑی قرار دیا گیا۔

     برطانوی میڈیا ڈیلی میل نے لکھا انگلینڈ پاکستان کے ہاتھوں رسوا ہوا، سب سے کم اسکور کے ساتھ سیریز میں زبردست شکست کا سامنا کرناپڑا۔

    بی بی سی نےساجد اور نعمان کی تصویرکے ساتھ لکھا انگلینڈ اسپن سے ہار گیا جبکہ ٹیلی گراف نے بھی انگلش ٹیم کی کلاس لی، اسکائی اسپورٹس نے لکھا بین اسٹوکس کی سائڈ راولپنڈی میں ڈھیر ہوگئی۔

    پنڈی ٹیسٹ میں انگلینڈ کو 9 وکٹوں سے شک

  • ٹائٹن آبدوز میں چند گھنٹے کی آکسیجن باقی، تلاشی حتمی مرحلے میں داخل

    ٹائٹن آبدوز میں چند گھنٹے کی آکسیجن باقی، تلاشی حتمی مرحلے میں داخل

    بحر اوقیانوس میں گہرے سمندر میں لاپتہ ہونے والی ٹائٹن  آبدوز میں کچھ گھنٹے کی آکسیجن باقی رہ گئی ہے جبکہ تلاشی کا عمل حتمی مرحلے میں داخل ہوگیا۔

    امریکی کوسٹ گارڈ کے مطابق لاپتہ آبدوز کی تلاش کا عمل حتمی مرحلے میں داخل ہو چکا ہے، آبدوز میں برطانوی وقت کے مطابق 12 بجکر 8 منٹ تک کی آکسیجن باقی ہے۔

    برطانوی میڈیا کے مطابق امریکی کوسٹ گارڈ کا کہنا ہے کہ لاپتا آبدوز کو تلاش کرنےکیلئے ہر ممکن کوشش کر رہے ہیں، فرانسیسی جہاز ڈائیونگ روبوٹ کے ساتھ سرچ زون میں پہنچ گیا۔

    لاپتہ آبدوز میں موجود سیاحوں کے بچنے کے کتنے امکانات ہیں؟ ماہرین نے بتا دیا

    رپورٹ کے مطابق روبوٹ  20 ہزار فٹ کی گہرائی تک جاسکتا ہے، یہ روبوٹ 2 گھنٹے کے اندر ٹائٹنک کے ملبے تک پہنچ سکتا ہے، تاہم ٹائٹن سمندر سطح سے 400 گنا نیچے تہہ میں بیٹھ جانے کا خدشہ ہے۔

    واضح رہے کہ لاپتہ ہونے والی آبدوز میں 5 لوگوں کی موجودگی کا انکشاف ہوا تھا جو سمندر کی تہہ میں ٹائی ٹینک کی باقیات دیکھنے کے لیے ڈھائی لاکھ ڈالر کی خطیر رقم کے عوض روانہ ہوئے تھے، لاپتا آبدوز میں اینگرو کے وائس چیئرمین اور ان کے بیٹے بھی سوار ہیں۔

  • لیجنڈ فٹبالر پیلے کی بیٹی نے والد کی صحت کے حوالے سے اہم بیان جاری کردیا

    لیجنڈ فٹبالر پیلے کی بیٹی نے والد کی صحت کے حوالے سے اہم بیان جاری کردیا

    برازیل کے لیجنڈ فٹبالر پیلے کی بیٹی نے والد کی صحت کے حوالے سے اہم بیان جاری کیا ہے۔

    برطانوی میڈیا کے مطابق لیجنڈ فٹبالر کی ایک بیٹی نے ایک روز قبل برازیلی اخبار میں شائع ہونے والی اس خبر کی تردید کی ہے۔

    برطانوی میڈیا نے گزشتہ روز پیلے کے حوالے سے ایک رپورٹ جاری کیا تھا جس میں بتایا تھا بڑی آنت کےکینسر میں مبتلا پیلےکی حالت انتہائی تشویش ناک ہے اور کیمو تھراپی کے متوقع نتائج نہ آنے پر انہیں ‘زندگی کی اختتامی نگہداشت'(پیلیٹو کیئر) کے وارڈ میں منتقل کر دیا گیا ہے۔

    ایک انٹرویو میں پیلے کی بیٹی کا کہنا تھا کہ یہ انتہائی افسوس کی بات ہےکہ لوگ کہہ رہے ہیں کہ ان کا آخری وقت چل رہا ہے اور وہ پیلیٹو کیئر وارڈ میں داخل ہیں تاہم یقین کریں ایسا کچھ نہیں ہے۔

    دوسری جانب برازیل کے کنگ پیلے کی ایک اور بیٹی کِیلے نے ایک انٹرویو میں بتایا ہےکہ اس کے والد کو تین ہفتے قبل کورونا ہوا تھا جس کے باعث انہیں سانس میں انفیکشن کی شکایت ہوئی، وہ بیمار اور بوڑھے ہیں جب وہ بہتر ہوجائیں گے تو گھر واپس آجائیں گے۔

    واضح رہے کہ البرٹ آئن اسٹائن اسپتال کی جانب سے پیلےکی صحت کے حوالے سے بتایا تھا کہ انہیں سانس میں انفیکشن کی تشخیص پر اسپتال منتقل کیا گیا، انہیں انفیکشن سے صحت یابی کے لیے اینٹی بائیوٹک دی جارہی ہیں، پیلے کی حالت خطرے سے باہر ہے اور صحت میں معمولی بہتری بھی آرہی ہے تاہم وہ آنے والے دنوں میں اسپتال میں زیر علاج رہیں گے۔

  • ایران نے دبئی کو بھی نشانہ بنانے کی دھمکی دے دی

    ایران نے دبئی کو بھی نشانہ بنانے کی دھمکی دے دی

    تہران: برطانوی میڈیا نے دعویٰ کیا ہے کہ ایران نے دبئی اور اسرائیل کو نشانہ بنانے کی دھمکی دے دی ہے۔

    تفصیلات کے مطابق مشرق وسطیٰ میں امریکا اور ایران کے درمیان جاری سخت ترین کشیدگی میں فریقین میں ایک دوسرے کو دھمکیوں کا سلسلہ جاری ہے، برطانوی میڈیا نے دعویٰ کر دیا ہے کہ ایران نے دبئی اور اسرائیل کو بھی نشانہ بنانے کی دھمکی دی ہے۔

    برطانوی میڈیا کے مطابق امریکا نے کارروائی کی تو ایران دبئی اور اسرائیل کو نشانہ بنا سکتا ہے۔ خیال رہے کہ گزشتہ رات بغداد میں امریکی فوجی اڈوں پر ایرانی حملوں کے بعد پاسداران انقلاب نے بیان میں تنبیہہ کی تھی کہ امریکا خطے سے اپنی افواج نکالے، ورنہ اسرائیل اور امریکی اتحادیوں کو بھی نشانہ بنائیں گے، اگر امریکی اتحادی ممالک سے حملہ ہوا تو اس کا بھی بھرپور جواب دیں گے، آیندہ کسی امریکی حملے کی صورت میں مزید سخت جواب دیا جائے گا۔

    ایران نے امریکا پر جوابی وار کر دیا، فوجی اڈوں پر دو بڑے حملوں میں 80 ہلاک

    غیر ملکی خبر ایجنسی کا کہنا تھا کہ مغربی عراق میں عین الاسد میں واقع فوجی اڈے پر 9 راکٹ گرے، پینٹاگون نے تصدیق کی ہے کہ عراق میں 2 فوجی اڈے ایرانی حملوں کا نشانہ بنے، امریکی، اتحادی افواج پر درجن سے زائد بیلسٹک میزائل فائر کیے گئے، ایرانی میزائلوں کا ہدف الاسد اور اربیل میں واقع فوجی اڈے تھے، حملوں میں نقصانات کا ابتدائی تخمینہ لگایا جا رہا ہے، امریکیوں اور اتحادیوں کے تحفظ کے لیے تمام ضروری اقدامات بھی اٹھائے جا رہے ہیں۔

  • شام میں اتحادی افواج کی کارروائی کے لیے جعلی رپورٹ تیار ہونے کا انکشاف

    شام میں اتحادی افواج کی کارروائی کے لیے جعلی رپورٹ تیار ہونے کا انکشاف

    لندن: مشرق وسطیٰ کے تاریخی ملک شام میں امریکا اور اتحادی افواج کی کارروائی کے لیے جعلی رپورٹ تیار ہونے کا انکشاف ہوا ہے۔

    تفصیلات کے مطابق برطانوی میڈیا کا کہنا ہے کہ اقوام متحدہ کے ایک اہل کار کی شام سے متعلق ای میل لیک ہو گئی ہے جس سے معلوم ہوتا ہے کہ شام میں بشارالاسد کے خلاف کارروائی کے لیے جعلی رپورٹ تیار کی گئی تھی۔

    جعلی رپورٹ میں شامی صدر بشارالاسد پر شام کے علاقے دوما میں زہریلی گیس حملے کا الزام لگایا گیا تھا۔

    سامنے آنے والی یہ نئی اطلاعات درست ہوئیں تو یہ فرانس، برطانیہ اور امریکا کے لیے باعث شرمندگی ہوگا کہ ان ممالک نے کیمیائی ہتھیاروں کے استعمال کو جواز بنا کر شام میں فوجی کارروائی کی۔

    یہ بھی پڑھیں:  شام میں اسرائیلی طیاروں کی بمباری، 23 افراد جاں بحق

    واضح رہے کہ شام میں بشارالاسد کے مفادات پر امریکا اور اتحادیوں سمیت اسرائیل کی جانب سے بھی حملے جاری ہیں، تین دن قبل بھی شام میں ایرانی اور شامی فوجی تنصیبات پر اسرائیلی جنگی طیاروں نے بم باری کی جس کے نتیجے میں 23 افراد جاں بحق ہوئے۔

    اپریل 2018 میں دوما میں ہونے والے حملے کو اقوام متحدہ کے مبصرین نے کیمیائی حملہ قرار دیا تھا جس کی بنیاد پر امریکا، برطانیہ اور فرانس نے شواہد کا انتظار کیے بغیر ہی شام پر حملہ کر دیا تھا۔ فرانس کے صدر ایمانوئل میخواں کا کہنا تھا کہ فرانس کے پاس شواہد ہیں کہ شام کے شہر دوما میں کیمیائی ہتھیار یا کم از کم کلورین کا استعمال کیا گیا ہے اور یہ ہتھیار بشار الاسد کی حکومت نے استعمال کیے ہیں۔

  • سعودی عرب میں قیدیوں کو جسمانی و ذہنی تشدد کا سامنا، برطانوی میڈیا

    سعودی عرب میں قیدیوں کو جسمانی و ذہنی تشدد کا سامنا، برطانوی میڈیا

    ریاض : برطانوی ذرائع ابلاغ کا دعویٰ ہے کہ ’سعودی عرب کے سیاسی قیدیوں کو دوران حراست جسمانی و ذہنی تشدد کا نشانہ بنایا جارہا ہے‘۔

    تفصیلات کے مطابق برطانوی خبر رساں ادارے دی گارجین ایک رپورٹ شائع کی ہے جس میں بتایا گیا ہے کہ سعودی عرب کے حکام شاہ سلمان بن عبدالعزیز نے صحافی جمال خاشقجی کے قتل کے الزام میں گرفتار کیے گئے دو سو سے زائد افرادکی گرفتاری کے حکم نامے کا جائزہ لینے کا حکم بھی دیا ہے۔

    غیر ملکی خبر رساں ادارے کا کہنا تھا کہ سعودی جیلوں میں قید افراد کو جسمانی و ذہنی تشدد کا نشانہ بنانے کے طبی معائنے کی رپورٹ شاہ سلمان کو پیش کی جائے گی۔

    برطانوی اخبار نے دعویٰ کیا ہے کہ رپورٹ دیکھنے کے بعد امکان ہے کہ شاہ سلمان جسمانی تشدد کا نشانہ بنائے جانے والے قیدیوں کی رہائی کا حکم دے دیں۔

    غیر ملکی میڈیا کا کہنا ہے کہ جسمانی و ذہنی تشدد کا شکار 60 سے زائد قیدیوں کے طبی معائنے کا حکم شاہ سلمان کی جانب سے دیا گیا تھا۔

    اخبار کا کہنا تھا کہ سعودی ولی عہد کی جانب سے قیدیوں کے طبی معائنے پر اعتراض کیا گیا تھا لیکن شاہی عدالت نے پھر بھی طبی معائنے کی رپورٹ تیار کی۔

    غیر ملکی میڈیا کی رپورٹ کے مطابق جیلوں میں قید افراد شدید طبی مسائل کا شکار ہیں اور قیدیوں کو غذائی کمی کا سامنا بھی کرنا پڑ رہا ہے۔

    گزشتہ دو برسوں سے سعودی عرب سے متعلق رپورٹس موصول ہوتی رہی ہیں جس میں سیاسی قیدیوں، سماجی کارکنوں کو ماورائے قانون گرفتار کیا جارہا ہے۔

    مزید پڑھیں : سعودیہ میں قید خواتین رضاکاروں کو جنسی زیادتی اور تشدد کا نشانہ بنایا جارہا ہے، ایمنسٹی انٹرنیشنل

    خیال رہے کہ رواں برس جنوری کے اختتام پر برطانیہ کی انسانی حقوق کی غیر سرکاری تنظیم ایمنسٹی انٹرنیشنل نے سعودی عرب سے متعلق اپنی حالیہ رپورٹ میں کہا تھا کہ ریاست سعودی عرب کے صوبے جدہ کی دھابن جیل میں قید انسانی حقوق کی عملبرداروں کو دوران حراست جنسی زیادتی، تشدد اور دیگر ہولناک زیادتیوں کا نشانہ بنایا جارہا ہے۔

    مزید پڑھیں : سعودیہ میں‌ قید خواتین رضاکاروں کی پہلی مرتبہ عدالت میں پیشی

    یاد رہے کہ سعودی عرب نے انسانی حقوق کی علمبردار متعدد خواتین کو ایک برس قبل سعودی حکومت کے خلاف اور خواتین کی آزادی کےلیے آواز اٹھانے پر گرفتار کیا تھا جن میں سے دس رضاکار خواتین کو 13 مارچ عدالت میں پیش کیا گیا ہے۔

  • سعودی صحافی جمال خاشقجی کی باقیات مل گئیں: برطانوی میڈیا کا بڑا دعویٰ

    سعودی صحافی جمال خاشقجی کی باقیات مل گئیں: برطانوی میڈیا کا بڑا دعویٰ

    لندن: برطانوی میڈیا کی جانب سے سعودی عرب کے سینئرصحافی جمال خاشقجی کی باقیات ملنے کا دعویٰ سامنا آیا ہے.

    تفصیلات کے مطابق برطانوی میڈیا نے یہ خبر جاری کی ہے کہ جمال خاشقجی کی لاش کے ٹکڑے سعودی قونصل خانے سے ملے ہیں.

    موصولہ اطلاعات کے مطابق جمال خاشقجی کی لاش کے ٹکڑے سعودی قونصلرجنرل کے گھر سے ملے، جنھیں باغ میں دفنا دیا گیا تھا.

    باقیات فارنسک سرچ کے دوران ملیں. جمال خاشقجی کا چہرہ مسخ شدہ تھا اور جسم کئی حصوں میں بٹا ہوا تھا.

    برطانوی میڈیا کی اس خبر کی سعودی یا ترک حکومت کی جانب سے تاحال تصدیق تا تردید نہیں کی گئی.

    سعودی افسران نے جمال خاشقجی کے قتل کی منصوبہ بندی کی ، ترک صدر طیب اردوان

    یاد رہے کہ آج ترک صدر طیب اردگان نے اپنے ایک بیان میں کہا تھا کہ سعودی صحافی کو دو اکتوبر ہی کو قتل کردیا گیا تھا، سعودی افسران نےقتل کی منصوبہ بندی کی تھی.

    ان کا مزید کہنا تھا کہ 15افرادکی ٹیم الگ الگ وقت پراستنبول میں سعودی قونصلیٹ پہنچی، جمال خاشقجی ایک بج کر 8 منٹ پر قونصل خانے میں گئے ، پھر واپس نہیں آئے، جمال خاشقجی کی منگیتر نے ترک حکام کو 5بج کر 50منٹ پر  آگاہ کیا اور منگیتر کی درخواست پرترک حکام نے تحقیقات شروع کیں۔

  • لندن : دہشت گرد حملوں میں‘7افراد ہلاک‘متعدد زخمی

    لندن : دہشت گرد حملوں میں‘7افراد ہلاک‘متعدد زخمی

    لندن :برطانوی دارالحکومت میں لندن برج اوربارو مارکیٹ میں دہشت گردی کے واقعات میں7 افراد ہلاک جبکہ متعدد زخمی ہوگئے ہیں۔

    تفصیلات کےمطابق پہلے واقعے میں لندن برج پر تیز رفتار گاڑی راہگیروں پر چڑھ گئی جس کے نتیجے میں 20 افراد زخمی ہوئے تاہم واقعے کے بعد لندن برج کو ٹریفک کے لیے بند کردیا گیا ہے اور برج کے قریب ریلوے اسٹیشن کو بھی بند کردیا گیا۔

    برطانوی پولیس کے مطابق گاڑی سے 3 افراد نے اتر کر لوگوں پر فائرنگ کی اور چاقوؤں سے حملہ کیا جس سے خوفزدہ ہو کر وہاں موجود کئی افراد نے دریا میں چھلانگیں لگا دیں۔

    دوسری جانب بارو مارکیٹ اور ووکس ہال میں فائرنگ اور چاقو سے حملوں کی اطلاعات بھی موصول ہوئیں۔برطانوی میڈیا کے مطابق بارو مارکیٹ اور ووکس ہال میں 2 حملہ آور مارے گئے جبکہ حملوں میں ملوث ایک شخص کو ووکس ہال سے گرفتار کرلیا گیا ہے۔

    برطانوی دارالحکومت لندن میں تشدد کے واقعات کے بعد برطانوی وزیراعظم تھریسامے نے سیکیورٹی اجلاس طلب کرلیا۔ انہوں نے کہا کہ لندن واقعات کو ممکنہ دہشت گردی کے طور پر دیکھا جارہا ہے۔

    ادھرلندن حملوں کے ردعمل میں امریکی صدر ڈونلڈ ٹرمپ نے قومی سلامتی کے اداروں کو بریفنگ میں کہا ہے کہ برطانیہ کی ہر قسم کی مدد کے لیے تیار ہیں تاہم امریکی شہریوں کو چوکنااور مضبوط رہنا ہوگا۔انہوں نے کہا کہ تحفظ کےلیے ضروری ہے سفری پابندیوں کا اطلاق ہو۔

    مانچسٹر ایرینا میں خودکش دھماکہ‘22افراد ہلاک‘59 زخمی

    واضح رہےکہ گزشتہ ماہ مانچسٹر ایرینا میں کنسرٹ کے دوران ہونے والےخود کش دھماکے کے نتیجے میں 22 افراد ہلاک اور 59 سے زائد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • بیرون ملک میرا کوئی بینک اکاؤنٹ نہیں ہے، عمران خان

    بیرون ملک میرا کوئی بینک اکاؤنٹ نہیں ہے، عمران خان

    لندن: تحریک انصاف کے چیئرمین عمران خان نے کہا ہے کہ پاناما پیپزر کی بدولت یہ پہلی مرتبہ ہوا ہے کہ پاکستانی وزیر اعظم کو پہلی بار وضاحت کی ضرورت پڑی کہ انکے پاس دولت کہاں سے آئی ہے۔

    دنیابھرمیں پاناماپیپرزکی گونج جاری ہے لندن میں عمران خان نے پاناما پیپرزکے انکشافات پر برطانوی میڈیا کو اپنا موقف دے دیا۔

    پی ٹی آئی چیئرمین عمران خان کا کہنا تھا کہ پاناما پیپرزکےانکشافات کی بدولت یہ پہلی مرتبہ ہواکہ پاکستانی وزیراعظم کو اپنی دولت کے بارےمیں وضاحت کرناپڑی۔

    ایک سوال پرچیئرمین تحریک انصاف نےکہا پاناما پیپرز پر سپریم کورٹ کےجج کی سربراہی میں کمیشن کامطالبہ کرنا انکا حق ہے۔

    عمران خان نے کہا کہ انکا تمام پیسہ پاکستان میں ہے، بیرون ملک ان کا کوئی بینک اکاؤنٹ نہیں۔

    عمران خان نے کہا کہ وزیراعظم کےبچوں کےپاس آف شورکمپنیوں کیلئے سرمایہ کہاں سےآیا؟ کپتان نے لندن میں فرانزک ایکسپرٹس سےملاقات کر کے پاکستان آنے کی دعوت بھی دے دی۔

    دوسری جانب پانچ ججز کے انکار کے بعد بالآخر جسٹس ریٹائرڈ سرمد جلال عثمانی کمیشن کی سربراہی کیلئے رضامند ہوگئے۔تاہم ذرائع کے مطابق انہوں نے کمیشن کی سربراہی کیلئے دو شرائط عائدکی ہیں۔

    پہلی شرط یہ ہےکہ تمام جماعتیں کمیشن کی سربراہی پر اعتماد کریں، دوسری شرط کے مطابق کمیشن میں کسی بھی فریق کو مداخلت کی اجازت نہیں ہوگی اور کمیشن کے ٹی او آرز میری مرضی کے مطابق طے ہوں گے۔