Tag: برطانوی وزیراعظم

لندن: برطانوی وزیراعظم بورس جانسن نے اپوزیشن پارٹیوں کو دعوت دیتے ہوئے کہا کہ آئیں مل کر کرونا وائرس کو شکست دیں۔

تفصیلات کے مطابق برطانوی وزیراعظم بورنس جانسن نے اپوزیشن کودعوت دیتے ہوئے کہا کہ کرونا وائرس کے خلاف پارٹی رہنماؤں کے طور پر ہماری ذمہ داری ہے کہ مل کر کام کریں۔

بورس جانسن کا کہنا تھا کہ تمام اپوزیشن جماعتوں کے رہنما میرے ساتھ بریفنگ میں بیٹھیں، آئندہ ہفتے بریفنگ میں چیف میڈیکل اور چیف سائینٹفک آفیسر موجود ہوں گے۔

برطانوی وزیراعظم کی جانب سے اپوزیشن رہنماؤں کو لکھے گئے خط میں کہا گیا ہے کہ میں آپ کے خیالات اور تجاویز سننا چاہتا ہوں، ملاقات میں آپ کو حکومتی اقدامات سے بھی آگاہ کریں گے۔انہوں نے مزید کہا کہ قومی ایمرجنسی ہے، تمام قومی جماعتوں کو ساتھ لے کر چلیں گے۔

دوسری جانب برطانوی حکومت نے کرونا وائرس کے باعث 4 ہزار قیدیوں کو رہا کرنے کا فیصلہ کیا ہے، رہا کیےگئے قیدیوں کو ٹریکر لگا کر نظر رکھی جائے گی۔

کرونا وائرس: برطانیہ کا 4 ہزار قیدیوں کو رہا کرنے کا فیصلہ

واضح رہے کہ اٹلی اسپین اور امریکا کے بعد فرانس اور برطانیہ میں بھی کرونا وائرس کے حملے جاری ہیں،برطانیہ میں بھی اموات چین سے زیادہ ہوگئی ہیں۔ برطانیہ میں کرونا سے 684 افراد ہلاک ہوگئے۔

لندن: برطانوی وزیراعظم بورس جانسن نے کہا ہے کہ ڈاکٹرز کی ہدایت کے مطابق بخار ختم ہونے تک آئسولیشن میں رہوں گا اور وہیں سے ہی حکومتی امور کی نگرانی جاری رہے گی۔

تفصیلات کے مطابق برطانوی وزیراعظم بورس جانسن نے قوم کے نام پیغام میں کہا کہ خدارا گھر سے باہرمت نکلیں، ویک اینڈ پر موسم اچھا ہوگا، مگر کروناوائرس کے باعث باہر نکلنے کی کوشش ہرگز نہ کریں۔

ان کا کہنا تھا کرونا کی ایک علامت بخار اب بھی مجھ میں موجود ہے، ڈاکٹرز کی ہدایت کے مطابق بخار ختم ہونے تک آئسولیشن میں رہوں گے، شہری احتیاطی تدابیر پر سختی سے عمل کریں۔

خیال رہے کہ گزشتہ روز ٹویٹر پر بورس جانسن نے اپنا ویڈیو پیغام جاری کیا جس میں انہوں نے کہا کہ کرونا وائرس سے ہونے والی ہلاکتوں اور بڑی تعداد میں کیسز رپورٹ ہونے پر میں افسردہ ہوں، دکھ کی اس گھڑی میں متاثرہ افراد اور اُن کے اہل خانہ کے ساتھ یکجہتی کا اظہار کرتا ہوں۔

برطانوی وزیراعظم:‌ ’طبی عملے کے لیے 39 کروڑ 70 لاکھ پاؤنڈز مالیت کی کٹس برآمد کرلیں‘

اُن کا کہنا تھا کہ ہم اپنے اتحاد سے کرونا وائرس کو روک سکتے ہیں، اس کے لیے بس تھوڑی سی احتیاط کرنا ہوگی، عوام حکومتی احتیاطی تدابیر پر عمل کریں اور خود کو گھروں تک محدود کریں جبکہ وقفے وقفے سے ہاتھ بھی دھوتے رہیں۔

واضح رہے کہ مہلک وائرس سے برطانیہ میں بھی ہلاکتوں میں اضافہ دیکھنے میں آیا ہے۔

لندن: برطانوی وزیراعظم بورس جونسن نے مسلسل کروناوائرس کے مریضوں سے ہاتھ ملانے کا اعتراف کرلیا۔

غیرملکی خبررساں ادارے کی رپورٹ میں کہا گیا ہے کہ ممکنہ طور پر کروناوائرس کے مریضوں سے ہاتھ ملانے کے باعث وبائی مرض برطانوی وزیراعظم میں منتقل ہوا، بورس جانسن نے مریضوں سے مصافحہ کرنے کا اعتراف کرلیا۔

انہوں نے اعتراف کیا ہے کہ وہ گزشتہ ہفتوں کروناوائرس کے مریضوں سے ملے اور مصافحہ بھی کیا۔ بورس جونسن کا کروناوائرس ٹیسٹ مثبت آنے کے بعد انہوں نے اب سیلف آئسولیشن اختیار کرلی ہے۔

مارچ میں اپنے ایک بیان میں برطانوی وزیراعظم کا کہنا تھا کہ انہیں کروناوائرس کا خوف مریضوں سے ملنے اور مصافحہ کرنے سے نہیں روک سکتا۔ اسپتال کے دورہ کے موقع پر انہوں نے ہر ایک کرونامریض سے ہاتھ ملایا تھا۔

برطانوی وزیراعظم بورس جانسن بھی کورونا وائرس کا شکار

خیال رہے کہ برطانوی وزیراعظم بورس جانسن کرونا وائرس کا شکار ہوچکے ہیں، جس کے بعد وہ قرنطینہ میں چلے گئے، بورس جانسن کا کہنا ہے کہ ویڈیو کانفرنس کےذریعے اپنی حکومتی ذمہ داری نبھاتا رہوں گا۔

یاد رہے برطانیہ میں کرونا کے مریضوں کی تعداد 11,658 ہو گئی جبکہ وائرس سے ہلاکتوں کی تعداد 578 تک جا پہنچی ہے، گزشتہ چوبیس گھنٹوں میں 113 ہلاکتیں ہوئیں۔ این ایچ ایس اب تک 104,866 افراد کے ٹیسٹ کر چکا ہے، جبکہ گزشتہ چوبیس گھنٹوں میں 2129 نئے کیسز سامنے آئے، طبی ماہرین نے خبردار کیا ہے کہ آئندہ دو سے تین ہفتوں میں وائرس کا پھیلاؤ بڑے پیمانے پر بڑھے گا۔

لندن : برطانوی وزیراعظم بورس جانسن کا کہنا ہے کہ سماجی تقریبات سے دور رہا جائے، غیر ضروری سفر نہ کیا جائے۔

تفصیلات کے مطابق لندن میں برطانوی وزیراعظم بورس جانسن نے پریس بریفنگ کے دوران کہا کہ برطانوی شہری بارز ، کلبز، تھیٹرز جانے سےگریز کریں۔

بورس جانسن کا کہنا تھا کہ غیرضروری روابط روک دیں، جتنا ممکن ہوگھروں سے کام کریں، سماجی تقریبات سے دور رہا جائے، غیرضروری سفر نہ کیا جائے۔

کرونا وائرس: برطانیہ کی اپنے شہریوں کو 30 ممالک کا سفر نہ کرنے کی ہدایت

دوسری جانب برطانوی حکومت نے کرونا وائرس کے پیش نظر نئی ٹریول ایڈوائزری جاری کی ہے جس کے تحت برطانوی شہریوں کو 30 ممالک کا سفر نہ کرنے کی ہدایت کی گئی ہے۔

پاکستان برطانیہ کی حالیہ ٹریول ایڈوائزری میں شامل نہیں اور برطانوی شہری پاکستان کا سفر کر سکتے ہیں۔ کرونا وائرس کے پیش نظر برٹش ایئر ویز اپنی 75 فیصد پروازیں پہلے ہی بند کرچکا ہے۔

کرونا وائرس، برطانیہ میں بلدیاتی انتخابات ایک سال کے لیے ملتوی

یاد رہے کہ دو روز قبل برطانوی الیکشن کمیشن نے کرونا وائرس کے پیش نظر بلدیاتی انتخابات کو ایک سال کے لیے ملتوی کرنے کا اعلان کیا تھا۔