Tag: برطانوی وزیراعظم

لندن: بریگزٹ ڈیل منسوخ کرنے کے لیے دس لاکھ افراد نے دستخط کردئیے، درخواست میں مطالبہ کیا گیا ہے کہ آرٹیکل 50 پر عمل درآمد کرتے ہوئے بریگزٹ ڈیل منسوخ کی جائے۔

ڈیلی میل کی رپورٹ کے مطابق بریگزٹ ڈیل کی منسوخی کے لیے اداکار ہیوج گرانٹ، گلوکارہ اینی لینوکس، ٹی وی سائنٹس اور اداکارہ جنیفر سوندرز نے دستخط کیے اور بریگزٹ ڈیل ختم کرنے کا مطالبہ کیا۔

اداکار ہیوج گرانٹ نے کہا ہے کہ ’میں نے بریگزٹ ڈیل کی منسوخی پر دستخط کردئیے ہیں برطانیہ کی عوام کو بھی چاہئے کہ اس مہم میں بڑھ چڑھ کر حصہ لیں۔‘

اداکار ایڈی مرسان نے کہا ہے کہ ٹویٹر پر اپنے مداحوں سے اپیل کی ہے کہ وہ مستقبل کی جنریشن کے لیے بریگزٹ ڈیل کو سپورٹ کریں۔

گلوکارہ اینی لینوکس نے کہا کہ ’میں نے بھی بریگزٹ ڈیل کی منسوخی پر دستخط کردئیے ہیں، دستخطی مہم میں ایک گھنٹے کے دوران 1 لاکھ افراد نے حصہ لیا ہے۔

ڈیل کی منسوخی پر صبح تک 800000 افراد نے دستخط کیے تھے جس کی تعداد بڑھتے ہوئے سہ پہر 3 بجے تک دس لاکھ تک جاپہنچی ہے۔

مزید پڑھیں: بریگزٹ ڈیل: تھریسامے کی یورپی یونین سے ڈیڈ لائن میں توسیع کی درخواست

برطانوی وزیراعظم تھریسامے کی جانب سے بریگزٹ ڈیل میں ناکامی کا ذمہ دار پارلیمنٹ کو ٹھہرانے کے بعد سے ڈیل کی منسوخی کی درخواست پر دستخط مہم میں اضافہ ہوتا جارہا ہے۔

ڈیل منسوخی پر دستخط مہم میں صرف برطانیہ سے تعلق رکھنے والے افراد ہی حصہ لے سکتے ہیں۔

واضح رہے کہ برطانوی وزیراعظم تھریسامے پہلے ہی کہہ چکی ہیں کہ اگر بریگزٹ ڈیل میں توسیع جون کو ہونی ہے اگر جون میں بریگزٹ ڈیل نہیں ہوئی وہ عہدے سے مستعفی ہوجائیں گی۔

لندن: برطانوی وزیراعظم تھریسامے کے خلاف عدم اعتماد ناکام ہوگئی‌، تھریسامے بریگزٹ ڈیل پاس نہ کرواسکیں لیکن حکومت بچانے میں‌ کامیاب ہوگئیں۔

غیرملکی خبررساں ادارے کے مطابق برطانوی وزیراعظم تھریسامے کے خلاف عدم اعتماد پر پارلیمنٹ میں بحث ہوئی، تحریک عدم اعتماد پر اراکین پارلیمنٹ کی ووٹنگ میں تحریک عدم اعتماد ناکام ہوگئی۔

برطانوی وزیراعظم تھریسامے کی حمایت میں 325 اور مخالفت میں 306 ووٹ آئے۔

برطانوی وزیراعظم تھریسامے نے کام جاری رکھنے کا اعلان کردیا اور اراکین پارلیمنٹ کی جانب سے اظہار اعتماد پر ان کا شکریہ ادا کیا۔

تھریسامے بریگزٹ ڈیل پاس نہ کرواسکیں لیکن حکومت انہوں نے بچالی ہے، تھریسامے نے پارلیمانی جماعتوں کو دعوت دی ہے کہ مل کر مسئلے کا حل نکالتے ہیں۔

اپوزیشن لیڈر نے کہا کہ حکومت کو گزشتہ رات کے نتائج پر اقتدار سے الگ ہوجانا چاہئے تھا، بریگزٹ پر عوامی خواہشات کو مدنظر رکھا جائے۔

مزید پڑھیں: بریگزٹ ڈیل مسترد، تھریسامے کو تاریخی شکست

واضح رہے کہ گزشتہ سال 13 دسمبر کو بھی برطانوی وزیراعظم تھریسامے کے خلاف اپوزیشن کی تحریک عدم اعتماد ناکام ہوئی تھی جس کے بعد تھریسامے یورپی یونین کے سربراہی اجلاس میں شرکت کے لیے برسلز روانہ ہوگئی تھیں۔

یاد رہے کہ 62 سالہ تھریسا مے نے برطانیہ کی یورپی یونین سے علیحدگی کے لیے ہونے والے ریفرنڈم میں، اس کے خلاف ووٹ دیا تھا۔

گزشتہ روز برطانوی وزیراعظم تھریسامے نے بریگزٹ کے معاملے پر پارلیمان کا اعتماد کھودیا، ہاؤس آف کامنزنے بریگزٹ ڈیل مسترد کردی۔

پارلیمنٹ نے یورپی یونین سے کی جانے والی بریگزٹ ڈیل کی مخالفت میں فیصلہ دے دیا، ڈیل کے حق میں 202 جبکہ مخالفت میں 432 ووٹ پڑے، 118 حکومتی ممبران نے بھی ڈیل کے خلاف ووٹ دیا تھا۔

دوسری جانب تھریسامے کا کہنا تھا کہ غیریقینی میں گزرنے والا ہر دن برطانیہ کو نقصان دے رہا ہے، اب بھی حکومت کو پارلیمنٹ کا اعتماد حاصل ہے۔

لندن: بریگزٹ ڈیل کے لیے کشمکش میں مبتلا برطانوی وزیراعظم تھریسامے نے عام انتخابات میں حصہ نہ لینے کا اعلان کردیا۔

برطانوی میڈیا کے مطابق وزیراعظم تھریسامے نے عدم اعتماد پر رائے شماری سے قبل پارٹی اراکین سے خطاب کرتے ہوئے کہا کہ عام انتخابات میں حصہ نہ لینے کا اعلان کردیا۔

دوسری جانب برطانوی وزیراعظم کی پارٹی لیڈر شپ کے لیے ووٹنگ کا عمل شروع ہوگیا ہے، کنزرویٹو پارٹی کی سربراہ، وزیراعطم برقرار رہنے کے لیے 159 ووٹ درکار ہیں۔

پارٹی کے 187 ایم پیز کا کھلے عام تھریسامے کی حمایت کا اعلان کیا ہے، خفیہ رائے شماری کا عمل برطانوی وقت کے مطابق رات 8 بجے تک جاری رہے گا، رات 9 بجے تک برطانوی وزیراعظم کے مستقبل کا فیصلہ متوقع ہے۔

مزید پڑھیں: بریگزٹ: ہرگزرتا لمحہ تاریخ رقم کررہا ہے

تھریسامے کے خلاف عدم اعتماد کی صورت میں کنزرویٹو پارٹی نئے لیڈر کا انتخاب کرے گی، لیڈر شپ دوڑ میں سابق میئر لندن بورس جناسن، وزیر داخلہ ساجد جاوید بھی شریک ہیں۔

اقتدار کی اس دوڑ میں مائیکل گوو، ڈومینک گریو، جریمی ہنٹ بھی فیورٹ قرار دئیے جارہے ہیں۔

برطانوی میڈیا رپورٹس کے مطابق عدم اعتماد کا ووٹ حاصل کرنے کی صورت میں ایک سال تک قیادت چیلنج نہیں ہوسکے گی، تھریسامے اعتماد کی صورت میں نئی لیڈر شپ کی دوڑ میں شامل نہیں ہوسکیں گی، کم ووٹوں کی اکثریت پر بھی روایات کے تحت تھریسامے مستعفی ہونا پسند کریں گی۔

ادھر کنزرویٹو پارٹی کے رہنما گراہم براڈی نے دعویٰ کیا تھا کہ بریگزٹ ڈیل پر وزیراعظم کے حامی اراکین نے بھی ہماری حمایت کی ہے ہمیں مطلوبہ اراکین کی حمایت حاصل ہوگئی ہے اور آج پارلیمنٹ اجلاس میں کسی بھی وقت قرارداد پیش کردی جائے گی۔

واضح رہے کہ 2016 میں برطانوی عوام نے یورپی یونین نے انخلاء پر ہونے والے ریفرنڈم میں یورپی یونین سے علیحدگی کے حق میں ووٹ دیا تھا اور اس عمل کو 2019 کے ابتدا تک مکمل کرنا تھا۔

لندن: برطانوی وزیراعظم تھریسامے نے کہا ہے کہ بریگزٹ پلان سے یورپی تارکین وطن کی آمد کا سلسلہ رک جائےگا۔

غیرملکی خبررساں ادارے کے مطابق برطانوی وزیراعظم تھریسامے نے کہا ہے کہ بریگزٹ پلان سے یورپی تارکین وطن کی غیرضروری آمد کا سلسلہ رک جائے گا اور صرف ہنرمندی کی بنیاد پر ہی تارکین وطن کی آمد ممکن ہوسکے گی۔

برطانوی وزیراعظم نے کہا کہ یورپی انجینئرز کو سڈنی کے انجینئرز یا دہلی کے سافٹ ویئر ڈیولپرز پر فوقیت حاصل نہیں رہے گی۔

دوسری جانب یورپی یونین کے 27 ارکان برسلز میں اپنے اجلاس میں برطانیہ کے ساتھ مستقبل کے تعلقات کے حوالے سے اعلامیے پر کام کررہے ہیں۔

برطانیہ کی یورپی یونین سے علیحدگی کے حوالے سے ہونے والے معاہدے پر شدید تنقید کا سلسلہ جاری ہے، جس میں برطانیہ اور یورپی یونین کے مستقبل کے تعلقات کی سطح کا تعین کیا جائے گا۔

اس بات پر بھی قیاس آرائیوں کا سلسلہ جاری ہے کہ تھریسامے کے خلاف عدم اعتماد کی درخواستوں کی تعداد 48 تک پہنچ سکے گی یا نہیں کیونکہ عدم اعتماد کی تحریک کے لیے مطلوبہ 48 ارکان کی حمایت ضروری ہے۔

مزید پڑھیں: حکومت گری تو بریگزٹ کا عمل رک جائے گا، برطانوی وزیراعظم

واضح رہے کہ تھریسامے نے گزشتہ روز تاجر رہنماؤں کو یقین دلایا ہے کہ ان کے پلان سے منصفانہ مائیگریشن سسٹم وجود میں آئے گا جس سے برطانیہ کے نوجوانوں کو ملازمتوں کے بہتر اور وافر مواقع میسر آئیں گے۔

یاد رہے کہ برطانوی وزیر اعظم پر ٹوری پارٹی کے ممبران کی جانب سے دباؤ ڈالا جا رہا ہے کہ وہ اس ڈیل میں تبدیلیاں لے کرآئیں ، بعض کی جانب سے یہ بھی کہا جارہا ہے کہ اس ڈیل سے بہتر تھا کہ کوئی ڈیل نہ ہوتی۔