کراچی (6 اگست 2025) برطانوی ہائی کمشنر جین میرٹ پاکستان کی قومی فضائی کمپنی (پی آئی اے) کی کپتان بن گئیں۔

اے آر وائی نیوز کے مطابق برطانوی ہائی کمشنر جین میرٹ پی آئی اے کی کپتان بن گئیں اور قومی ایئر لائن کے سی ای او کے ہمراہ کراچی سے اسلام آباد کی پرواز میں سفر کیا۔

اس موقع پر جین میرٹ نے کراچی ایئرپورٹ پر پی آئی اے کے کاؤنٹرز اور مسافروں کے سامان کی اسکیننگ کا بھی معائنہ کیا۔

برطانوی ہائی کمشنر نے اس موقع پر مسرت کا اظہار کیا اور کہا کہ برطانیہ میں پی آئی اے کی پروازوں ی جلد بحالی پر ان کا پاکستان کی قومی ایئر لائن کے طیارے میں سفر کرنا مشن ہے۔

View this post on Instagram

A post shared by UK in Pakistan (@ukinpakistan)

کراچی : پاکستان میں تعینات برطانیہ کی ہائی کمشنر جین میریٹ نے کہا ہے کہ موسمیاتی تبدیلی کے حوالے سے سنجیدہ بنیادوں پر اقدامات کرنے کی ضرورت ہے،بلو اکانومی کو فروغ دیا جارہا ہے۔

کراچی میں نمائندہ اے آر وائی نیوز سے خصوصی گفتگو کرتے ہوئے جین میریٹ کا کہنا تھا کہ پوری دنیا میں موسمی تبدیلی کے اثرات سامنے آرہے ہیں، ماحولیاتی آلودگی کے خاتمے کیلئے سب کو مل کر کردارا ادا کرنا ہوگا۔

برطانوی ہائی کمشنر  نے کہا کہ برطانوی حکومت کی نئی ماحولیاتی پالیسیاں پاکستان کو نئی سمت مہیا کریں گی۔

ہائی کمشنر جین میریٹ کا مزید کہنا تھا کہ کامن ویلتھ کے تمام ممالک میں بلو اکانومی کو فروغ دیا جارہا ہے۔

دبئی میں ہونے والی موسمیاتی تبدیلی کے حوالے سے بونے والی کانفرنس میں کنگ چالز کی سربراہی میں وفد شرکت کرے گا۔

لاہور : مسلم لیگ ن کے قائد نواز شریف نے برطانوی ہائی کمشنر سے ملاقات میں مطالبہ کیا کہ غزہ میں فوری جنگ بندی یقینی بنانے کے لیے اپنا مثبت اور بامعنی کردار ادا کرے۔

تفصیلات کے مطابق مسلم لیگ ن کے قائد نوازشریف سے برطانوی ہائی کمشنر جین میریٹ نے ملاقات کی ، ملاقات میں نوازشریف نے برطانیہ کے ساتھ پاکستان کے تاریخی تعلقات کے حوالے سے گفتگو کی جن میں تجارت اور سرمایہ کاری کا فروغ شامل ہے۔

نواز شریف نےبرطانوی ہائی کمشنرکوشاہ چارلس سوئم کی سالگرہ پرمبارک کاپیغام بھی دیا، ملاقات کے دوران سینیٹر اسحاق ڈار، مریم نواز،مریم اورنگزیب ودیگر لیگی رہنما بھی موجود تھے۔

جین میریٹ نے نواز شریف کے دونوں ممالک کے درمیان تعلقات اورمختلف شعبوں میں تعاون کے فروغ کے لئے ماضی میں اقدامات کوسراہتے ہوئے کہا کہ برطانیہ تجارت اورسرمایہ کاری میں پاکستان کابڑاشراکت دار ہے۔

مسلم لیگ ن کے قائد نواز شریف نےبرطانوی حکومت پر زور دیا کہ غزہ میں فوری جنگ بندی یقینی بنانے کے لیے اپنا مثبت اور بامعنی کردار ادا کرے، اسرائیل غزہ میں اسکولوں،اسپتالوں اور شہری آبادیوں پرحملےکررہا ہے۔

پاکستان میں برطانوی ہائی کمشنر جین میریٹ نے پاکستان کے یوم آزادی کے موقع پر پیغام جاری کیا ہے۔

تفصیلات کے مطابق پاکستان میں برطانوی ہائی کمشنر جین میریٹ نے جاری پیغام میں کہا کہ آج ہم آپ کی کامیابیوں کا جشن منا رہے ہیں۔

برطانوی ہائی کمشنر جین میریٹ کا کہنا تھا کہ تمام پاکستانیوں کو یوم آزادی کی مبارکباد پیش کرتی ہوں، برطانیہ اورپاکستان کے تعلقات میں ہونیوالی پیش رفت پر خوشی ہے۔

برطانوی ہائی کمشنر نے مزید کہا کہ انگلینڈ کی کرکٹ ٹیم 2024 میں پاکستان کا دورہ کر ے گی۔

اسلام آباد : برطانوی ہائی کمشنر جین میریٹ کا کہنا ہے کہ امید ہے پاکستان میں وقت پرشفاف الیکشن ہوں گے۔

تفصیلات کے مطابق برطانوی ہائی کمشنر جین میریٹ کی جانب سے بیان میں کہا گیا ہے کہ پاکستان میں آکر بہت اچھا لگا، مارگلہ کی پہاڑیوں پر صبح کے وقت سیر کی ، پاکستان میں بگی میں بیٹھنے کا تجربہ اچھا رہا۔

پاکستان میں انتخابات کے حوالے سے جین میریٹ کا کہنا تھا کہ امید ہے پاکستان میں وقت پر شفاف الیکشن ہوں گے۔

برطانوی ہائی کمشنر کا کہنا تھا کہ برطانیہ اور پاکستان مل کر چیلنجز کا مقابلہ کریں گے ، موسمیاتی تبدیلی کے اثرات اس وقت بڑا چیلنج ہے، موسمیاتی تبدیلی کے اثرات سے بیشترممالک متاثر ہیں، عالمی سطح پر موسمیاتی تبدیلی سےنمٹنےکیلئے پروگرام بنایا گیا ہے۔

انھوں نے کہا کہ اس اقدام کیلئے برطانیہ 11.6 بلین پاؤنڈ کا حصہ ڈال رہا ہے، موسمیاتی تبدیلی سے نمٹنے کیلئے وسائل ابھی بھی ناکافی ہیں۔

برطانوی ہائی کمشنر کا کہنا تھا کہ پاکستان کے طلبہ کو اسکالرشپ بھی دی جارہی ہیں۔

اسلام آباد : وفاقی وزیرخزانہ اسحاق ڈار نے عہدہ سنبھالنے پر برطانوی ہائی کمشنرجین میریٹ کو مبارکباد دی اور کہا کہ پاکستان برطانیہ کو اپنا اہم ترقیاتی پارٹنر سمجھتا ہے۔

تفصیلات کے مطابق نئی برطانوی ہائی کمشنر جین میریٹ نے وفاقی وزیر خزانہ اسحاق ڈارسےاسلام آباد میں ملاقات کی۔

ملاقات میں وزیرخزانہ نےعہدہ سنبھالنے پر برطانوی ہائی کمشنر کو مبارکباد دیتے ہوئے کہا کہ توقع ہے کہ ان کی تقرری سے دو طرفہ تعلقات مزید مستحکم ہوں گے ، پاکستان برطانیہ کو اپنا اہم ترقیاتی پارٹنر سمجھتا ہے۔

برطانوی ہائی کمشنر جین میریٹ کا کہنا تھا کہ برطانیہ پاکستان کے ساتھ مختلف شعبوں میں تعاون کو فروغ دینا چاہتا ہے ۔