برطانیہ کی حکومت نے ملکی اخبارات کی ملکیت بیرون ممالک کے حاصل کرنے یا ان پر اثر انداز ہونے پر آئندہ چند ہفتوں میں پابندی کا منصوبہ تیار کرلیا ہے۔
بین الاقوامی خبر رساں ادارے کی رپورٹ کے مطابق وزیر ثقافت لارڈ پارکینسن کی جانب سے اس بات کی تصدیق کی گئی ہے کہ ایسا بل پیش کیا جائے گا کہ بیرون مملکت برطانیہ کے اخبارات کی ملکیت، ان پر اثر انداز ہونے یا کنٹرول رکھنے کے قابل نہیں رہ سکیں گے۔
واضح رہے کہ ریڈ برڈ آئی ایم آئی نامی ادارے جس کے 75 فیصد فنڈ کے مالک امارات کے نائب صدر شیخ منصور بن زیاد النہیان ہیں۔
اُن کی جانب سے برطانیہ کے نامور اخبارات ٹیلی گراف اور اسپیکٹیٹر کا کنٹرول حاصل کرنے کیلئے خود کو پیش کیا گیا تھا، جسے کچھ ارکان پارلیمنٹ کی جانب سے اشتعال انگیز عمل قرار دیا گیا تھا۔
روس کے صدارتی انتخابات، ممکنہ نئے صدر کا نام سامنے آگیا؟
یہی نہیں برطانیہ کے انڈی پینڈینٹ اخبار جیسے برطانیہ کے کئی خبر رساں اداروں کی جزوی ملکیت غیرملکیوں کے پاس ہے، ان اخباروں پر نئی پابندی کا اطلاق نہیں ہوگا۔