Tag: برطانیہ کی خبریں

لندن: برطانوی حکومت نے ملک میں عبادت گاہوں کی سیکورٹی کے لیے فنڈنگ بڑھانے کا اعلان کر دیا ہے، وزیرِ داخلہ نے بتایا کہ عبادت گاہوں کے تحفظ کے لیے 5 ملین پاؤنڈ کا نیا فنڈ جاری ہوگا۔

برطانوی وزیرِ داخلہ ساجد جاوید کا کہنا ہے کہ اب برطانیہ میں بھی مسلمان خود کو غیر محفوظ سمجھ رہے ہیں، مسلمانوں کو تحفظ فراہم کریں گے، جس کے لیے نیا فنڈ مختص کرنے کا فیصلہ کیا گیا ہے۔

وزیرِ داخلہ نے نیوزی لینڈ کے شہر کرائسٹ چرچ میں دو مساجد پر آسٹریلوی شہری کی جانب سے خوف ناک حملے پر کہا کہ یہ ہماری روایات پر حملہ ہے۔

خیال رہے کہ گزشتہ روز برطانوی وزیر سیکورٹی نے برطانیہ میں بھی مسلمانوں پر کرائسٹ چرچ کے طرز پر حملوں کے خطرے کا انکشاف کرتے ہوئے کہا تھا کہ حکومت عبادت گاہوں کے تحفظ کے سلسلے میں نئے فنڈز مختص کرنے کے بارے میں سوچ رہی ہے۔

یہ بھی پڑھیں:  برطانیہ میں مسلمانوں پر کرائسٹ چرچ کی طرح حملوں کا خطرہ ہے، برطانوی وزیر

بین ویلس کا کہنا تھا کہ دائیں بازو کے شدت پسند گروہ مسلمانوں پر حملے کر سکتے ہیں، اس لیے حکومت نے انتہائی دائیں بازو اور نیو نازی گروپ کے خلاف کریک ڈاؤن شروع کر دیا ہے۔

انھوں نے برطانیہ میں انتہائی دائیں بازو کے لوگوں کی تعداد میں اضافے پر برطانوی حکومت کی تشویش کا بھی ذکر کیا اور کہا کارڈف میں شدت پسندوں کے خلاف آپریشن میں کئی گرفتاریاں بھی ہوئی ہیں۔

لندن: برطانوی وزیر سیکورٹی بین ویلس نے انکشاف کیا ہے کہ برطانیہ میں بھی مسلمانوں پر کرائسٹ چرچ کے طرز پر حملوں کا خطرہ ہے۔

تفصیلات کے مطابق برطانوی وزیر سیکورٹی بین ویلس نے انکشاف کیا ہے کہ برطانیہ میں بھی نیوزی لینڈ طرز کا حملہ ہو سکتا ہے۔

بین ویلس کہا کہنا تھا کہ دائیں بازو کے شدت پسند گروہ مسلمانوں پر حملے کر سکتے ہیں، اس لیے ہم رائٹ ونگ اور نیو نازی گروپ کے خلاف کریک ڈاؤن کر رہے ہیں۔

انھوں نے کہا کہ برطانیہ میں انتہائی دائیں بازو کے لوگوں کی تعداد میں اضافہ ہو رہا ہے جس پر برطانوی حکومت کو تشویش ہے۔ کارڈف میں انتہائی دائیں بازو کے شدت پسندوں کے خلاف آپریشن میں کئی گرفتاریاں بھی ہوئی ہیں۔

یہ بھی پڑھیں:  برطانیہ: سرے کی مساجد کی سیکورٹی سخت کر دی گئی، ایک حملہ آور گرفتار

خیال رہے کہ گزشتہ جمعے کو نیوزی لینڈ کے شہر کرائسٹ چرچ میں مساجد پر حملے کرنے والے دہشت گرد سے منسلک افراد کے گھروں پر آسٹریلیا میں چھاپے مارے گئے ہیں۔

آسٹریلوی پولیس نے نیو ساؤتھ ویلز کے علاقے سینڈی بیچ اور لارنس میں دو گھروں پر چھاپا مار کارروائی کی، ایک گھر برینٹن ٹیرینٹ کی ہم شیرہ کا ہے۔

یہ بھی پڑھیں:  آسٹریلوی پولیس کا کرائسٹ چرچ واقعے میں ملوث‌ دہشت گرد کے گھر پر چھاپہ

پولیس کا کہنا تھا کہ مذکورہ گھروں پر سرچ آپریشن کا مقصد ایسے شواہد اکھٹے کرنا تھا جو نیوزی لینڈ پولیس کو کرائسٹ چرچ واقعے کی تحقیقات میں معاونت فراہم کر سکیں۔

واضح رہے کہ کرائسٹ چرچ واقعے کے بعد برطانیہ کی سرے اور سسکیس کاؤنٹی میں بھی پولیس کی جانب سے مساجد کی حفاظت کو یقینی بنانے کے لیے اقدامات اٹھائے گئے۔

لندن: برطانیہ کی کاؤنٹی سرے میں ایک شخص کو چاقو زنی کی واردات کرتے ہوئے گرفتار کر لیا گیا ہے، حملہ آور نے چاقو سے ایک شخص کو زخمی کر دیا۔

تفصیلات کے مطابق سرے کے علاقے میں چاقو زنی کی واردات میں ایک شخص زخمی ہو گیا ہے، پولیس نے حملہ آور کو چاقو سمیت گرفتار کر لیا ہے۔

سرے کے علاقے میں مذکورہ واردات کے بعد مساجد کی سیکورٹی سخت کر دی گئی ہے۔

پولیس نے کہا ہے کہ حملہ آور وائٹ سپرامیسی (سفید فام نسل کی برتری کی سوچ) سے متاثر ہے۔ پولیس نے مذکورہ شخص کو دہشت گرد قرار دے دیا۔

خیال رہے کہ جمعے کے دن مسلمانوں کے خلاف نیوزی لینڈ کے شہر کرائسٹ چرچ میں ہونے والے خوف ناک دہشت گردی کے واقعے کے بعد سرے کاؤنٹی میں پولیس نے تمام مساجد کا خصوصی دورہ کر کے سیکورٹی کو یقینی بنایا۔

یہ بھی پڑھیں:  سانحہ نیوزی لینڈ: دنیا بھر میں سوگ، ترکی میں غائبانہ نمازِ جنازہ کی ادائیگی

برطانیہ کے دیگر کاؤنٹیز میں بھی پولیس نے مساجد کی سیکورٹی کا جائزہ لیا، سرے اور سسیکس کے چیف سپرنٹنڈنٹ نے کہا کہ ہم اپنے مسلم کمیونٹیز اور ان تمام مسلمانوں کے ساتھ کھڑے ہیں جو نیوزی لینڈ کے دہشت گردانہ حملے سے صدمے اور خوف کی حالت کا شکار ہیں۔

خیال رہے کہ برطانیہ میں چاقو زنی کی وارداتوں میں بہت اضافہ ہو چکا ہے، پولیس ان وارداتوں کو قابو کرنے کی کوشش میں لگی ہے، تاہم نوجوان لڑکوں میں چاقو زنی کے جرائم میں اضافہ ہوتا جا رہا ہے۔

لندن: ایک طبی رپورٹ میں کہا گیا ہے کہ برطانوی نوجوانوں میں کینسر جیسے موذی اور مہلک مرض کو شکست دینے کی شرح میں اضافہ ہو گیا ہے۔

تفصیلات کے مطابق پبلک ہیلتھ انگلینڈ کی ایک رپورٹ میں بتایا گیا ہے کہ ہڈیوں اور خون کے کینسر میں مبتلا ہونے والے نوجوان کینسر کو شکست دے کر صحت یاب ہو رہے ہیں۔

[bs-quote quote=”کینسر سے صحت یابی کی شرح لڑکوں کی نسبت لڑکیوں میں زیادہ ہے۔” style=”style-7″ align=”left” color=”#dd3333″ author_name=”رپورٹ”][/bs-quote]

رپورٹ کے مطابق طبی تحقیق کے لیے جن نوجوانوں کو چنا گیا تھا ان کی عمریں 13 سے 24 سال کے درمیان تھی، اس ایج گروپ کے بارے میں کہا جاتا ہے کہ اس میں کینسر کی شرح کینسر کے مجموعی مریضوں کی تعداد کا بہ مشکل ایک فی صد بنتی ہے۔

رپورٹ میں کہا گیا ہے کہ 2001 سے 2015 کے دوران برطانیہ میں ہر سال 2 ہزار 397 نوجوان کینسر میں مبتلا ہوئے اور ان کی زیادہ تعداد 19 سے 24 سال کے ایج گروپ میں تھی۔

یہ بھی کہا گیا ہے کہ کینسر سے بچنے کی وجوہ میں علاج تک رسائی کی سہولت بھی شامل ہے، چناں چہ کم آمدنی والے علاقوں میں نوجوانوں میں کینسر سے بچنے کی شرح کم ہے۔

رپورٹ میں یہ بھی انکشاف کیا گیا ہے کہ کینسر سے صحت یابی کی شرح لڑکوں کی نسبت لڑکیوں میں زیادہ ہے۔

یہ بھی پڑھیں:  روز کھائی جانے والی یہ اشیا کینسر کو جنم دے سکتی ہیں

اس سلسلے میں ٹین ایج کینسر ٹرسٹ نامی تنظیم کا کہنا ہے کہ علاج میں بہتری اس لیے آئی کیوں کہ نوجوانوں کو باقاعدہ طور پر ایک علیحدہ گروپ تسلیم کیا گیا جس کے بعد ان پر اسی تناظر میں توجہ دی گئی اور نیا علاج دریافت کیا گیا۔

ٹرسٹ کے سربراہ کا یہ بھی کہنا ہے کہ نوجوانوں میں کینسر کی بڑھتی ہوئی شرح قابلِ تشویش ہے۔