Tag: برطانیہ

لندن: لندن میں ہونے والے بلدیاتی انتخابات میں ووٹوں کی گنتی جاری ہےِ، پاکستانی نژاد صادق خان مئیرشپ کے لیے جیت کے قریب ترجبکہ برمنگھم سے مریم خان نے کونسلر شپ کے لیے میدان مارلیا۔

اب تک موصول ہونے والےنتائج کے مطابق صادق خان کی جیت کے امکانات روشن ہوتے جارہے ہیں۔ پاکستانی نژاد کی ممکنہ کامیابی کی وجہ سے برطانیہ میں ہونے والے الیکشن میں پاکستانیوں کی دلچسپی بھی بڑھتی جارہی ہے۔

مئیرشپ کے لیے مضبوط امیدوارصادق خان سابقہ وزیر اور پیشہ کے اعتبار سے قانون دان ہیں۔ ان کےوالد برطانیہ میں بس چلایا کرتے تھے۔

متوسط طبقے سے تعلق رکھنے والے صادق کے خان کے مدمقابل کنزرویٹو پارٹی کے امیدوارارب پتی زیک گولڈ اسمتھ ہیں جو کہ تحریک انصاف کے سربراہ عمران خان کی سابقہ اہلیہ جمائما گولڈ اسمتھ کے بھائی ہیں۔ یاد رہےعمران خان نے ان کی انتخابی مہم میں حصہ بھی لیا تھا۔

دوسری جانب برمنگھم سے پاکستانی نژاد مریم خان کونسلر کے لیے منتخب ہو گئی ہیں۔ مریم خان کا تعلق لیبر پارٹی سے ہے۔

اس سے قبل پاکستانی نژاد خاتون رکن پارلیمینٹ بھی منتخب ہو چکی ہیں. برطانوی پارلیمانی نظام میں پاکستانی نژاد امیدواروں کی کامیابی کو دونوں ملک کے باہمی تعلق و تعاون کے لیے خوش آئند تصور کیا جارہا ہے۔

برطانیہ: جونیئرڈاکٹرزہڑتال پرچلے گئے،ایک دن میں ہڑتال کے باعث تیرہ ہزارآپریشن منسوخ کرنےپڑگئے۔

برطانیہ میں جونیئرڈاکٹرزکم تنخواہوں اور شرائط کارپر احتجاج کر رہے ہیں، ڈاکٹروں کی تنظیم اس سےقبل بھی ان معاملات پرکئی مرتبہ احتجاج اور مظاہرےکرچکی ہے۔

جون سے نافذ ہونے والے نئے معاہدے سے متعلق ڈاکٹرز کی تنظیم اورحکومت میں ہونے والے مذاکرات جنوری میں ناکام ہوگئے تھے، ترپن ہزارسےزائد ڈاکٹرزکی ہڑتال کےباعث مریضوں کو شدید مشکلات کاسامناہے۔

یہ پہلاموقع ہے کہ ایمرجنسی میں کام کرنےوالےڈاکٹرزبھی ہڑتال پرہیں،ڈاکٹرزکی غیرمعینہ ہڑتال کےباعث صرف ایک دن میں ہی تیرہ ہزار سےزائد آپریشنز اورایک لاکھ سےزائد اپائنٹمنٹس منسوخ ہوگئے ہیں۔

لندن: برطانیہ اور اسپین میں عوام شام میں فوجی کارروائی کے خلاف اورشامی عوام سے اظہار یکجہتی کے لیے سڑکوں پر نکل آئے۔

لندن اور میڈرڈ میں شام میں فوجی کارروائی کے خلاف ریلیاں نکالی گئیں جس میں عوام کی بڑی تعداد میں شرکت کی۔لندن میں مظاہرین نے وزیراعظم ڈیوڈ کیمرون کی جانب سے شام میں فوجی کارروائی کے فیصلےکی مخالفت کرتے ہوئے کہا کہ شام پہلے ہی دو عالمی طاقتوں کی فوجی کارروائی کاشکار ہے۔

میڈر ڈمیں مظاہرین کا کہنا تھا کہ شام میں فوجی کارروائی کے ذریعے امن قائم کرناممکن نہیں ہے، ریلی میں شامی عوام سے یکجہتی کا اظہار کیا گیا۔