Tag: برطانیہ

لندن : برطانیہ نے اپنے شہریوں کے لئے سفری وارننگ جاری کردی ، جس میں شہریوں کو اسرائیل اور مقبوضہ فلسطینی علاقوں کے سفر سے گریز کرنے کی ہدایت کی ہے۔

تفصیلات کے مطابق اسرائیل اور حماس کشیدگی کے باعث برطانیہ نے ٹریول ایڈوائزری جاری کر دی، جس میں برطانوی حکومت نے کہا کہ اسرائیل اور مقبوضہ فلسطینی علاقوں کے سفر سے گریز کریں۔

برطانیہ نے پہلے ہی غزہ کا سفر کرنے سے برطانوی شہریوں کو منع کیا تھا تاہم اب اسرائیل میں سفر سے گریز کی ہدایت جاری کی ہیں۔

خیال رہے آپریشن الاقصی فلڈ کا تیسرا دن ہئے ، حماس نے غزہ پر اسرائیل کی مسلسل بمباری کے باجود مزید چار ہزار چار سو راکٹ داغ دیے۔

اسرائیل کا جدید ترین آئرن ڈوم دفاعی نظام ناکام ہوگیا جبکہ اتل ابیب اور اشکیلون میں بہت سے گھر مٹی کا ڈھیر بن گئے ہیں۔

اسرائیل کے آٹھ قصبوں میں گھمسان کی لڑائی جاری ہے، اسرائیلی فوج کے ترجمان نے تسلیم کیا ہے حماس کے جنگجوؤں نے کئی فوجیوں اور عام شہریوں کو یرغمال بنا لیا ہے اور غزہ کے قریب اسرائیلی علاقوں پر حماس کا کنٹرول برقرار ہے۔

تل ابیب میں افراتفری کا عالم ہے، فلسطین پر قبضہ کرنے والے اپنے ہی ملک سے بھاگ رہے ہیں، پروازیں بند ہونے کے باوجود ایئرپورٹ پر لوگوں کا ہجوم ہے۔

حماس کے ترجمان نے خبردار کیا ہے کہ نیتن یاہو کی ایک غلطی اسرائیلیوں کو ان کی زندگیوں سے محروم کردے گی، اسرائیل جان لے کہ اس کے تصور سے کہیں زیادہ اسرائیلی باشندے حماس کی قید میں ہیں۔

لندن : برطانیہ نے روس اور یوکرین کی جنگ کے دوران یوکرین کی مدد کیلئے اپنے فوجیوں کو بھیجنے سے انکار کردیا۔

برطانوی وزیراعظم رشی سوناک نے میڈیا سے گفتگو کرتے ہوئے کہا کہ برطانیہ اپنے فوجیوں کو یوکرین نہیں بھیجے گا کیونکہ یہ وقت مناسب نہیں ہے کہ برطانوی افواج یوکرین جائیں۔

غیر ملکی خبر رساں ادارے کی رپورٹ کے مطابق رشی سوناک نے کہا کہ کسی بھی صورت برطانوی فوجی موجودہ تنازعہ میں لڑنے کے لیے یوکرین نہیں بھیجے جائیں گے۔

برطانوی وزیراعظم نے وضاحت کرتے ہوئے کہا کہ برطانوی وزیردفاع جو کہہ رہے تھے ان کا مطلب یہ تھا کہ مستقبل میں ایک دن یہ ممکن ہو سکتا ہے کہ ہم یوکرینی فوجیوں کی تربیت یوکرین میں کریں، لیکن یہ ایک طویل مدتی چیز ہے، فلحال ابھی موجودہ حالات میں ایسا ہونا ممکن نہیں ہے۔

یاد رہے اس سے قبل برطانیہ کے اعلیٰ دفاعی اہلکار گرانٹ شیپس نے ٹیلی گراف کو پہلے بتایا تھا کہ برطانیہ کی وزارت دفاع یوکرین کی سرزمین پر یوکرین کے فوجیوں اور افسران کو تربیت دینے کے لیے برطانوی فوجیوں کو تعینات کرنے کے امکان پر غور کر رہی ہے تاہم اب برطانوی وزیراعظم نے اس امکان کو فوری مسترد کرتے ہوئے کہا ہے کہ برطانیہ موجودہ حالات میں اپنی فوج یوکرین ہرگز نہیں بھیج سکتا۔