Tag: برطانیہ

لندن: امریکا کے بعد برطانیہ میں بھی بڑا تعلیمی اسکینڈل سامنے آگیا ہے، برطانیہ میں پی ایچ ڈی کے لیے مقالے بکنے لگے۔

غیرملکی خبررساں ادارے کے مطابق چیٹنگ ویب سائٹ کے ذریعے برطانیہ میں پی ایچ ڈی کے مقالے خریدنے کے اسکینڈل نے تہلکہ مچادیا ہے، برطانوی اخبار کا دعویٰ ہے کہ ملک میں آن لائن ملز ہیں جو پی ایچ اڈی کے مقالے 4 لاکھ روپے سے 11 لاکھ روپے میں بیچ رہی ہیں۔

[bs-quote quote=”آکسفورڈ اور کیمبرج یونیورسٹیوں نے جعلی تھیسز والوں کو ڈگری دینے کا الزام مسترد کردیا” style=”style-8″ align=”left”][/bs-quote]

رپورٹ کے مطابق برطانوی صحافی نے بھیس بدل کر کمپنی سے راز اگلوایا، ایک کمپنی نے اقرار کیا کہ ہر سال بارہ ہزار طلبہ مقالے خریدتے ہیں جن میں پچاس آکسفورڈ اور کیمبرج میں پی ایچ ڈی کے طلبہ ہیں۔

آن لائن کمپنیاں فی مقالہ چھ ہزار پاؤنڈ میں فروخت کررہی ہیں، یہ مقالے کینیا کے شہریوں سے لکھوائے جاتے ہیں روزانہ ایک سو جعلی تھیسز کی فروخت نے برطانیہ میں تعلیمی نظام پر سوالیہ نشان لگا دیا ہے۔

اخبار نے مزید لکھا ہے کہ بیچنے کا طریقہ کار یہ ہے کہ آدھی رقم دو، آدھا مقالہ خرید لو، بقیہ رقم میں بقیہ مقالہ خرید لو، استاد کو دکھانے پر پسند نہ آئے تو مقالہ تبدیل کرنے کی سہولت بھی دی جائے گی۔

رپورٹ کے مطابق شیکسپیئر کے ناولوں پر مقالہ ہو یا نفسیاتی امور کے تجزیوں کا مقالہ سب کچھ دستیاب ہوتا ہے، ایک مل نے اعتراف کیا کہ اسے روزانہ 100 آرڈر ملتے ہیں جن میں سے 15 سے 20 پی ایچ ڈی کے مقالوں کے ہوتے ہیں۔

دوسری جانب آکسفورڈ اور کیمبرج یونیورسٹیوں نے جعلی تھیسز والوں کو ڈگری دینے کا الزام مسترد کردیا ہے۔

لندن: برطانوی وزیراعظم کی مشکلات کم نہ ہوسکیں، تھریسامے کی بریگزٹ ڈیل کا مسودہ پارلیمنٹ سے تیسری بار مسترد ہوگیا۔

غیرملکی خبررساں ادارے کے مطابق برطانوی وزیراعظم تھریسامے کی بریگزٹ ڈیل کا مسودہ پارلیمنٹ سے تیسری بار مسترد ہوگیا، مسودے کے حق میں 286 اور مخالفت میں 344 ووٹ ڈالے گئے۔

پارلیمنٹ سے تھریسامے کی تیسری بار ناکامی پر اپوزیشن لیڈر جیرمی کوربن نے برطانوی وزیراعظم سے فوری مستعفی ہونے کا مطالبہ کردیا۔

اپوزیشن لیڈر جیرمی کوربن نے پارلیمنٹ میں گفتگو کرتے ہوئے کہا کہ ملک میں فوری طور پر عام انتخابات کرائے جائیں۔

دوسری جانب یورپین کونسل کے صدر ڈونلڈ ٹسک کا کہنا تھا کہ اگر تھریسامے کو پارلیمنٹ سے ایک اور شکست ہوئی تھی تو میں 10 اپریل کو یورپین کونسل کا ہنگامی اجلاس طلب کروں گا۔

In view of the rejection of the Withdrawal Agreement by the House of Commons, I have decided to call a European Council on 10 April. #Brexit

— Donald Tusk (@eucopresident) March 29, 2019

اس سے قبل برطانوی وزیراعظم کو بریگزٹ ڈیل میں پارلیمنٹ سے ووٹنگ پر 149 کے مقابلے میں 230 ووٹ سے شکست ہوئی تھی۔

واضح رہے کہ 27 مارچ کو بریگزٹ پر تھریسامے کی حکومت کو ایک اور ناکامی سامنا کرنا پڑا تھا، برطانوی اراکین پارلیمنٹ نے بریگزٹ کا اختیار وزیراعظم تھریسامے سے چھین لیا تھا۔

مزید پڑھیں: بریگزٹ ڈیل ناکام، 29 مارچ آگئی بریگزٹ نہ ہوسکا

یاد رہے کہ بریگزٹ ڈیل میں پارلیمنٹ سے ناکامی کے بعد برطانوی وزیراعظم تھریسامے نے مستعفی ہونے کا عندیہ دے دیا تھا۔

برطانوی وزیراعظم تھریسامے کا کنزرویٹو پالیمنٹری گروپ سے خطاب کرتے ہوئے کہنا تھا کہ بریگزٹ پر ہونے والے آئندہ مذاکرات میں حصہ بھی نہیں لوں گی۔

خیال رہے کہ بریگزٹ ڈیل کے بارہا مسترد ہونے کے باعث ریفرنڈم کے ذریعے طے شدہ تاریخ پر برطانیہ کا یورپی یونین سے انخلاء ممکن نہیں ہوسکا ہے۔

لندن: جنوبی لندن میں نوجوان لڑکے لڑکیوں پر مشتمل گینگ نے دکاندار کو بہیمانہ تشدد کا نشانہ بنا ڈالا۔

غیرملکی خبررساں ادارے کے مطابق جنوبی لندن کی فڈوے سپر مارکیٹ میں گزشتہ رات نوجوان لڑکے لڑکیوں پر مشتمل گروہ نے دکاندار کو تشدد کا نشانہ بنایا جس کے سبب دکان میں موجود کھانے پینے کی اشیاء سڑک پر بکھر گئیں۔

سی سی ٹی وی فوٹیج میں دیکھا جاسکتا ہے کہ گینگ کس طرح دکاندار پر تشدد کررہا ہے جبکہ دکاندار ان سے بچنے کی کوشش کررہا ہے۔

گینگ کے افراد جب بھاگنے لگے تو دکاندار نے ایک لڑکے کو پکڑ لیا تو وہ اپنے ساتھی کو چھڑانے کے لیے واپس آئے اور اس پر پھر تشدد شروع کردیا تاہم دکاندار کی جانب سے اسٹور کی اشیا ان پر ماری گئیں تو وہ بھاگنے پر مجبور ہوگئے۔

قریبی دکانداروں نے بھی 7 سے 8 افراد مشتمل گینگ سے اسے بچانے میں مدد کی اور ملزمان کو بھاگنے پر مجبور کیا۔

ملزمان کی گرفتاری عمل میں آئی ہے یا نہیں یہ واضح نہیں ہوسکا، جنوبی لندن میں تشدد کے اس واقعے کی وجہ سے شہری خوف و ہراس میں مبتلا ہوگئے اور پولیس سے پیٹرولنگ بڑھانے کا مطالبہ کیا۔

مزید پڑھیں: برطانیہ، 30 سالہ شخص کو قتل کرنے والے 8 ملزمان گرفتار

قریبی رہائشی خاتون جوناما نے کہا کہ کوئی کسی کی اپنی دکان میں گھس کر اس پر کس طرح تشدد کرسکتا ہے یہ بالکل ایسے ہی کہ کوئی گینگ آپ کے گھر میں گھس کرآپ کو تشدد کا نشانہ بناسکتا ہے۔

ایک اور شہری کا کہنا تھا کہ مذکورہ دکاندار نے بڑی محنت سے اپنے کاروبار کو بڑھایا اور اس گینگ نے اس کے سرمائے کو ضائع کردیا۔