ARYNews.tv | Urdu – Har Lamha Bakhabar

Tag: برفباری

  • امریکا کی 25 ریاستوں میں شدید برفباری کا الرٹ جاری

    امریکا کی 25 ریاستوں میں شدید برفباری کا الرٹ جاری

    امریکا کی مشرقی ریاستیں ان دنوں طاقت ور موسم سرما کے طوفان کی زد میں ہیں، حکام نے آدھی ریاستوں میں شدید برف باری کی وارننگ جاری کردی ہے۔

    غیر ملکی ذرائع ابلاغ کے مطابق مغربی کنساس سے میری لینڈ، ڈیلاویئر اور ورجینیا تک 25 ریاستوں میں شدید برفباری سے 6 کروڑ افراد متاثر ہوسکتے ہیں۔

    امریکی میڈیا کا کہنا ہے کہ کچھ علاقوں میں 40 میل فی گھنٹہ یخ بستہ ہوائیں چلنے اور 10 سالوں میں سب سے زیادہ 15 انچ سے زائد برف پڑنے کی پیش گوئی کی گئی ہے۔

    غیر ملکی میڈیا کا کہنا ہے کہ امریکا کی ریاست کنساس کی ہائی وے پر ایک روز میں 50 ٹریفک حادثات ہوئے ہیں، جن میں 20 افراد زخمی ہوچکے جبکہ حکام نے لوگوں کو غیر ضروری سفر نہ کرنے کی ہدایت کردی ہے۔

    واضح رہے کہ گزشتہ ہفتے برطانیہ میں بھی شدید برفباری اور بارش سے بڑے پیمانے پر نقصان کا الرٹ جاری کردیا گیا تھا۔

    رپورٹس کے مطابق برطانیہ میں 30 سینٹی میٹر تک برفباری متوقع ہے جبکہ دیہی علاقوں کی بجلی منقطع ہونے کا بھی امکان ہے۔

    چیشائر اور سومر سیٹ میں درجہ حرارت منفی 5 ڈگری تک گرگیا ہے، برفانی صورتحال کے باعث لنکن شائر میں حادثے میں 7ماہ کا بچہ دم توڑ گیا۔

    میٹ آفس کی جانب سے ہدایت جاری کی گئی ہے کہ ڈرائیورز سفر سے پہلے مکمل تیاری رکھیں، فاصلے کا خیال اوربرف سے بچاؤ کاسامان ساتھ رکھیں۔

    برطانیہ میں درجہ حرارت منفی 10 تک گرنے کی پیشگوئی

    میٹ آفس کے مطابق برفانی بارش جم کر سطح پر خطرناک برف کی تہہ بنا سکتی ہے، جنوبی انگلینڈکی کونسلز نے موسمی صورتحال کے پیش نظر ہنگامی اقدامات کرلیے ہیں۔

  • برطانیہ میں درجہ حرارت منفی 10 تک گرنے کی پیشگوئی

    برطانیہ میں درجہ حرارت منفی 10 تک گرنے کی پیشگوئی

    لندن: برطانیہ میں شدید برفباری اور بارش سے بڑے پیمانے پر نقصان کا الرٹ جاری کردیا گیا ہے، سڑکوں پر ٹریفک جام، ریلوے اور فضائی سفر میں تاخیر یا منسوخی کا بھی خدشہ ہے۔

    بین الاقوامی خبر رساں ادارے کی رپورٹ کے مطابق برطانیہ میں 30 سینٹی میٹر تک برفباری متوقع ہے جبکہ دیہی علاقوں کی بجلی منقطع ہونے کا بھی امکان ہے۔

    رپورٹس کے مطابق چیشائر اور سومر سیٹ میں درجہ حرارت منفی 5 ڈگری تک گرگیا ہے، برفانی صورتحال کے باعث لنکن شائر میں حادثے میں 7ماہ کا بچہ دم توڑ گیا۔

    اسکاٹ لینڈ کے دیہی علاقوں میں درجہ حرارت منفی 10 ڈگری تک جاسکتا ہے، جبکہ ویلز، سینٹرل انگلینڈ میں ہفتہ کی شام 6 بجے سے اتوار کی دوپہر تک موسم کی وارننگ جاری کردی گئی ہے۔

    میٹ آفس کے مطابق شمالی برطانیہ کیلئے ہفتہ کی رات 9 بجے سے اتوار کی رات تک وارننگ جاری رہے گی، برفانی طوفان اورتیز ہواؤں سے خطرناک حالات پیدا ہونے کا خطرہ ہے۔

    میٹ آفس کی جانب سے ہدایت جاری کی گئی ہے کہ ڈرائیورز سفر سے پہلے مکمل تیاری رکھیں، فاصلے کا خیال اوربرف سے بچاؤ کاسامان ساتھ رکھیں۔

    2024 میں کتنے تارکین وطن ڈوب کر ہلاک ہوئے؟

    میٹ آفس کے مطابق برفانی بارش جم کر سطح پر خطرناک برف کی تہہ بنا سکتی ہے، جنوبی انگلینڈکی کونسلز نے موسمی صورتحال کے پیش نظر ہنگامی اقدامات کرلیے ہیں۔

  • پہاڑی علاقوں میں برفباری، سیاحوں کیلئے گائیڈ لائنز جاری

    پہاڑی علاقوں میں برفباری، سیاحوں کیلئے گائیڈ لائنز جاری

    پشاور : پہاڑی علاقوں میں برفباری کے باعث سیاحوں کیلئے گائیڈ لائنز جاری کردی گئیں، جس میں ضروری اشیا ساتھ رکھنے اور گرم کپڑوں کے استعمال کی ہدایت کی گئی ہے۔

    تفصیلات کے مطابق خیبرپختونخوا کے پہاڑی علاقوں میں برفباری کے آغاز کے ساتھ ہی سیاحوں کیلئے گائیڈ لائنز جاری کردی گئیں۔

    ترجمان ٹورازم اتھارٹی نے کہا ہے کہ سیاح سیاحتی مقامات کا رخ کرنے سے قبل ضروری اشیا ساتھ رکھیں اور برف باری والے مقامات کیلئے سنو چین اور گرم کپڑوں کااستعمال کریں۔

    ترجمان نے کہا کہ سیاح سفر پر روانہ ہونے سے قبل ٹورازم ہیلپ لائن 1422 سے معلومات بھی حاصل کر سکتے ہیں، ٹورازم پولیس کے جوان کیلاش سمیت مختلف سیاحتی مقامات پر ڈیوٹی سر انجام دے رہے ہیں۔

    ترجمان کا کہنا تھا کہ 2025کی پہلی برف باری وادی کیلاش اورکالام میں شروع ہوئی ہے، چترال لوئر کے پہاڑوں نے بھی سفید چادر اوڑھ لی ہے۔

    خیال رہے سوات کی وادی کالام میں طویل خوشک سالی کےبعد برف باری نے وادی کا حسن دوبالا کردیا، جس سے سردی کی شدت میں بھی اضافہ ہوگیا۔

    محکمہ موسمیات کا کہنا ہے آئندہ چوبیس گھنٹے تک برفباری وقفے وقفے سے جاری رہے گی جبکہ مقامی انتظامیہ کا کہنا ہےشہری موسم کو دیکھتے ہوئے وادی کا رخ کریں، برف باری کی وجہ سےٹریفک کی روانی متاثر ہے اورمسافروں کو سفری مشکلات کاسامنا بھی کرنا پڑرہا ہے۔

  • شدید سردی کی پیشگوئی : بالائی علاقوں میں برفباری

    شدید سردی کی پیشگوئی : بالائی علاقوں میں برفباری

    ملک کے بالائی علاقے آج بھی یخ بستہ ہواؤں اور شدید سردی کی لیپٹ میں رہیں گے، اسکردو میں پارہ منفی دس ڈگری تک جانے کا امکان ہے۔

    آج چترال ،دیر، سوات، کشمیر، گلگت بلتستان میں ہلکی بارش اور پہاڑوں پر برفباری متوقع ہے۔

    محکمہ موسمیات کے مطابق کراچی، کوئٹہ، لاہور ، اسلام آباد، پشاور سمیت ملک کے بیشتر اضلاع میں موسم سرد اور خشک رہے گا، پنجاب کے وسطی اور میدانی علاقوں میں صبح دھند چھائی رہے گی۔

    شدید سردی

    علاوہ ازیں موسم کا حال بتانے والوں کا کہنا ہے کہ شہر قائد میں آج کم سے کم درجہ حرارت 10.5ڈگری سینٹی گریڈ ریکارڈ کیا گیا، کراچی میں آئندہ 24 گھنٹوں کے دوران موسم سرد اور خشک رہے گا۔

    آئندہ 24 گھنٹوں میں 5سے 20 کلومیٹر فی گھنٹہ کی رفتار سے شمال مشرقی سمت سے ہوائیں چلنے کا بھی امکان کا ہے جس سے سردی کی شدت میں اضافہ متوقع ہے۔

  • جنوبی کوریا، برف باری کا 100 سالہ ریکارڈ ٹوٹ گیا

    جنوبی کوریا، برف باری کا 100 سالہ ریکارڈ ٹوٹ گیا

    سیئول: جنوبی کوریا میں نظام زندگی منجمد ہو گیا ہے، ماہِ نومبر کے دوران برف باری کا سو سالہ ریکارڈ ٹوٹ گیا۔

    تفصیلات کے مطابق جنوبی کوریا میں نومبر کے دوران برفباری کا سو سالہ ریکارڈ ٹوٹ گیا ہے، دارالحکومت سیئول ونٹر لینڈ میں تبدیل ہو گیا، اور مشرقی ہائی ویز پر ٹریفک حادثات میں 2 افراد ہلاک، جب کہ عمارتوں اور تعمیراتی سائٹس سے گرنے والے ملبے سے 10 راہ گیر زخمی ہو گئے۔

    رن وے برف میں چھپ گیا، دو سو زائد پروازیں منسوخ اور تاخیر کا شکار ہو گئیں، ٹرین کا پہیہ بھی جام ہو گیا، 90 فیری سروسز معطل ہو گئیں، اور بجلی کی فراہمی بھی معطل ہو گئی۔

    محکمہ موسمیات نے آئندہ دنوں میں مزید برف باری کے خدشے کے پیشِ نظر الرٹ جاری کر دیا ہے، اب تک 6.5 انچ تک برف پڑ چکی ہے، سیئول میں 1972 کے بعد یہ سب سے زیادہ برف باری ہے، 4.9 انچ برف پڑی تھی۔

  • برطانیہ کے مختلف علاقے شدید برف باری سے ونڈر لینڈ میں تبدیل ہو گئے

    برطانیہ کے مختلف علاقے شدید برف باری سے ونڈر لینڈ میں تبدیل ہو گئے

    لندن: برطانیہ میں برف باری اور سردی کی شدید لہر نے ہر شے کو منجمد کر دیا ہے، دھند، برف باری اور یخ بستہ ہواؤں نے پارہ نقطہ انجماد سے گرا دیا۔

    تفصیلات کے مطابق برطانیہ کے مختلف علاقوں میں موسمِ سرما کی پہلی برف باری سے علاقہ ونڈرلینڈ کا منظر پیش کر رہا ہے، شاہراہیں برف سے ڈھک گئی ہیں۔

    برطانیہ برفانی طوفان کی لپیٹ میں ہے، انگلینڈ، اسکاٹ لینڈ اور شمالی آئرلینڈ کے علاقے برف سے ڈھک گئے ہیں، برف باری سے نظامِ زندگی مفلوج ہو گیا ہے، سردی کی لہر نے ہر شے کو منجمد کر دیا ہے، درخت، پودے، راستے، گاڑیاں اور گھر غرض ہر شے برف سے ڈھک گئی ہے۔

    شمالی اسکاٹ لینڈ، شمالی انگلینڈ اور شمالی آئرلینڈ کے کچھ حصوں، مِڈ لینڈز اور مشرقی ویلز میں تاحال یلو وارننگ الرٹ ہے۔ برف باری اور شدید سردی کے سبب یارک شائر اور ڈربی شائر سمیت ویلز اور اسکاٹ لینڈ کے علاقے سب سے زیادہ متاثر ہوئے ہیں۔

    220 سے زائد اسکلول بند اور ٹرانسپورٹ کا نظام مفلوج ہو گیا ہے، متعدد پروازیں بھی منسوخ ہو گئیں، حکام نے شہریوں کو غیر ضروری سفر سے گریز کی ہدایت جاری کی ہے، محکمہ موسمیات کے مطابق برف باری کا سلسلہ آئندہ دو روز تک جاری رہنے کا امکان ہے۔

  • بلوچستان میں بارش، برفباری کا نیا سلسلہ شروع

    بلوچستان میں بارش، برفباری کا نیا سلسلہ شروع

    کوئٹہ: بلوچستان میں کوئٹہ سمیت مختلف علاقوں میں ایک بار پھر بارش اور برفباری کا نیا سلسلہ شروع ہو گیا۔

    چمن شہر اور گرد و نواح میں رات سے بارش کا سلسلہ جاری ہے، قلعہ عبداللّٰہ، گلستان، جنگل پیر علیزئی، پشین، خانوزئی، تربت، پنجگور، خاران اور چاغی میں بھی بادل برسے۔

    بلوچستان کے مختلف علاقوں میں بارش اور برفباری سے ٹھنڈ مزید بڑھ گئی ہے، زیارت، توبہ اچکزئی، شیلاباغ، کان مہترزئی، توبہ کاکڑی، خواجہ عمران سمیت پہاڑی علاقوں میں برفباری ہو رہی ہے۔

    کوژک ٹاپ اور دوبندی میں اب تک 4 انچ برف پڑ چکی ہے، جہاں رابطہ سڑکوں سے برف صاف کرنے کے لیے روڈ کلیئرنس آپریشن جاری ہے، انتظامیہ کی جانب سے شہریوں کو کوئٹہ چمن شاہراہ پر غیر ضروری سفر سے گریز کی ہدایت کی گئی ہے۔

  • کیلیفورنیا میں 8 فٹ کی برفباری، سیکڑوں گاڑیاں جان لیوا حالات میں پھنس گئیں

    کیلیفورنیا میں 8 فٹ کی برفباری، سیکڑوں گاڑیاں جان لیوا حالات میں پھنس گئیں

    کیلیفورنیا: امریکی ریاستوں کیلیفورنیا اور نیواڈا میں برفانی طوفان اور شدید برفباری کی وجہ سے نظام زندگی درہم برہم ہو گیا ہے، کیلیفورنیا کے کچھ علاقوں میں 8 فٹ تک برفباری ہوئی ہے، اور سیکڑوں گاڑیاں جان لیوا حالات میں پھنس گئی ہیں۔

    غیر ملکی میڈیا رپورٹس کے مطابق امریکی محکمہ موسمیات نے کہا ہے کہ ہفتے کے آخر میں آنے والے برفانی طوفان نے کیلیفورنیا اور نیواڈا کے کچھ حصوں کو شدید متاثر کیا ہے، یہ طوفان کم از کم منگل تک جاری رہنے کی توقع ہے، جب کہ مزید برفباری کی بھی پیشگوئی ہے۔

    امریکی ریاست کیلیفورنیا میں شدید برف باری سے ہر شے پر سفیدی چھا گئی ہے، 6 فٹ تک برف پڑ چکی ہے، اور کہیں کہیں آٹھ فٹ تک برف گری، جس کی وجہ سے دونوں ریاستوں میں بڑی سڑکیں بند ہیں، ڈونر پاس پر ٹریفک جام ہو گیا، اور سیکڑوں گاڑیاں جان لیوا حالات میں پھنس کر رہ گئی ہیں۔

    برفباری کی وجہ سے لوگ بھی گھروں میں محصور ہو گئے ہیں، ریاست بھر میں خراب موسم کے باعث بجلی کی فراہمی بھی تعطل کا شکار ہے، اور ہزاروں افراد کو پریشانیوں کا سامنا ہے۔ واضح رہے کہ پیر کو چار ریاستوں میں موسم سرما کے طوفان کی وارننگ جاری کی گئی تھی، جن میں کیلیفورنیا، اوریگون، آئیڈاہو اور کولوراڈو شامل تھیں۔

    اسکائی نیوز کے مطابق برفانی طوفان نے مغربی امریکا میں بڑے پیمانے پر مشکلات پیدا کی ہیں، کئی ریاستیں موسلا دھار بارش اور 100 میل فی گھنٹہ سے زیادہ کی رفتار سے چلنے والی ہواؤں سے متاثر ہوئی ہیں، کیلیفورنیا کی میڈیرا کاؤنٹی میں برفانی طوفان کے ایک خوف ناک بگولے نے ایک پرائمری اسکول پر بھی ملبہ گرایا جس سے اسکول کو کافی نقصان پہنچا۔

    برفباری اور برفانی طوفان سے پیدا ہونے والے حالات کی وجہ سے رینو اور سیکرامنٹو کے درمیان انٹراسٹیٹ 80 ہائی وے پر سیکڑوں گاڑیاں پھنس گئی ہیں، جس کی وجہ سے حکام کو 100 میل تک یہ مصروف سڑک بند کرنی پڑی، حکام کے مطابق کئی حادثات کی اطلاعات ہیں۔

  • ملک کے پہاڑی علاقوں میں آج برفباری کا امکان، بارشیں

    ملک کے پہاڑی علاقوں میں آج برفباری کا امکان، بارشیں

    اسلام آباد: محکمہ موسمیات نے کہا ہے کہ آج ہفتہ کو خیبر پختون خوا، اسلام آباد، بالائی پنجاب میں بارش اور پہاڑوں پر برفباری کا امکان ہے۔

    تفصیلات کے مطابق موسمیات نے پیش گوئی کی ہے کہ شمالی بلوچستان، کشمیر اور گلگت بلتستان میں بیش تر مقامات پر بارش اور پہاڑوں پر برفباری متوقع ہے، بالائی خیبر پختون خوا، اسلام آباد، بالائی پنجاب، کشمیر، جی بی میں کہیں کہیں پر ژالہ باری کی توقع ہے۔

    چترال، دیر، سوات، کوہستان، شانگلہ، بونیر، ایبٹ آباد، مانسہرہ، ہری پور، صوابی، مردان، پشاور، چارسدہ، نوشہرہ، باجوڑ، خیبر، مہمند، کرم، کوہاٹ، وزیرستان میں گرج چمک کے ساتھ بارش اور پہاڑوں پر برفباری متوقع ہے، جب کہ کرک، لکی مروت، بنوں، ڈیرہ اسماعیل خان میں آندھی چلنے کا بھی امکان ہے۔

    ملک کے بالائی علاقوں میں بارش، پہاڑوں پر برفباری، سیاح پھنس گئے

    راولپنڈی، اٹک، چکوال، جہلم، میانوالی، بھکر، سرگودھا، فیصل آباد، جھنگ، ٹوبہ ٹیک سنگھ، ملتان، کوٹ ادو، لیہ، راجن پور، ڈی جی خان، رحیم یار خان، صادق آباد، خان پور، ساہیوال، بہاولپور، بہاولنگر، گجرات، منڈی بہاؤالدین، گوجرانوالہ، سیالکوٹ، نارووال، حافظ آباد، اوکاڑہ، لاہور، اور قصور میں بارش متوقع ہے جب کہ مری، گلیات اور گرد و نواح میں آندھی اور گرج چمک کے ساتھ بارش اور شدید برفباری کا امکان ہے۔

    بلوچستان میں بیشتر اضلاع میں موسم سرد اور خشک جب کہ شمالی اضلاع میں شدید سرد رہے گا، کوئٹہ، زیارت، ژوب اور بارکھان میں مطلع جزوی ابر آلود رہنے، چند مقاما ت پر بارش کی توقع ہے۔ محکمہ موسمیات کے مطابق سندھ کے بیشتر اضلاع میں موسم خشک رہے گا۔

  • ملک کے بالائی علاقوں میں بارش، پہاڑوں پر برفباری، سیاح پھنس گئے

    ملک کے بالائی علاقوں میں بارش، پہاڑوں پر برفباری، سیاح پھنس گئے

    سوات: مالم جبہ میں شدید برفباری کے باعث سیاح پھنس گئے، گزشتہ 10 گھنٹے سے محصور 6 سیاحوں کو ریسکیو کرلیا گیا۔

    اے آر وائی نیوز کے مطابق ریسکیو 1122 نے سیاحوں کو محفوظ مقام پر منتقل کردیا ہے، اس وقت ضلعی انتظامیہ، پی ڈی ایم اے، ریسکیو 1122 اور متعلقہ ادارے الرٹ ہیں۔

    ڈی سی سوات نے سیاحوں سے محتاط سفر کرنے کی ہدایت کی ہے، ایمرجنسی کی صورت میں ڈپٹی کمشنر سوات کنٹرول روم اور ریسکیو 1122 سے رابطہ کرنے کا کہا ہے۔

    اس کے علاوہ گجرات شہر اور گردو نواح میں سردی کی شدت میں اضافہ ہوگیا ہے، جبکہ وقفے وقفے سے بارش کا سلسلہ بھی جاری ہے۔

    کالام میں 4فٹ، مالم جبہ میں 3فٹ برف پڑ چکی ہے، بالائی سوات نے برف کی سفیدچادراوڑھ لی ہے، برفباری سے جنت نظیر وادی سوات کی خوبصورتی میں مزید اضافہ ہوگیا ہے۔

    چلاس دیامر کے بالائی علاقوں میں وقفے وقفے سے بارش، برفباری کا سلسلہ جاری ہے، بابوسر ٹاپ، بٹوگاہ ٹاپ، فئیری میڈو، نانگاہ پربت پر بھی برفباری جاری ہے۔

    چلاس میں سب ڈویژنزداریل اور تانگیر میں بارش اور پہاڑوں برفباری کی صورتحال ہے، جبکہ شہر اور گردو نواح میں رات گئے سے ہلکی ہلکی بارش کاسلسلہ جاری ہے۔

    کوہستان کے پہاڑی علاقوں میں بارش سے متاثر ہونے والی شاہراہ قراقرم مختلف مقامات پربند کردی گئی ہے، جبکہ اپرکوہستان کے علاقے سازین، لوٹرکے مقام پربارشوں سے لینڈسلائیدنگ کی صورتحال ہے۔