ARYNews.tv | Urdu – Har Lamha Bakhabar

Tag: برف باری

  • سعودی عرب: تبوک میں برف کا طوفان، ویڈیو دیکھیں

    سعودی عرب: تبوک میں برف کا طوفان، ویڈیو دیکھیں

    ریاض: سعودی عرب کی ریاست تبوک میں برف کے طوفان کے باعث پہاڑیوں نے سفید چادر اوڑھ لی ہے۔

    عرب میڈیا کے مطابق دنیا بھر کے کئی ممالک کی طرح سعودی عرب بھی اس وقت شدید سردی کی لپیٹ میں ہے جہاں برف باری نے قدرت کے حسین رنگ بکھیر دئیے ہیں۔

    تبوک میں خون جما دینے والی سردی میں قدرت کا دلفریب منظر سعودی عرب کی ریاست تبوک میں دیکھنے کو ملا جب طوفانی برف باری اور ہر طرف سفید چادر بکھری نظر آئی۔

    پہاڑوں اور درختوں پر ہر سو پھیلی برف اور سفید کے گالوں سے ڈھکے خوبصورت نظارے کو دیکھ کر لوگ جہاں حیران ہوئے وہیں برف باری کے اس منفرد منظر کو دیکھ کر لطف اندوز بھی ہوئے۔

    مزید پڑھیں: سعودی عرب میں بارشوں اور سیلاب کے باعث 12 افراد ہلاک

    واضح رہے کہ گزشتہ ماہ 31 جنوری کو سعودی عرب میں طوفانی بارشوں اور سیلاب نے تباہی مچادی تھی جس کے نتیجے میں 12 افراد جاں بحق اور متعدد زخمی ہوگئے تھے جبکہ نظام زندگی مفلوج ہوگیا تھا۔

    عرب میڈیا کہنا ہے کہ سیلاب کے باعث 10 افراد تبوک، ایک شخص مدینہ اور ایک شمالی سرحدی علاقے میں ہلاک ہوا جبکہ رسیکیو حکام نے سیلاب میں پھنسے 271 افراد کو زندہ بچا لیا جس میں 137 افراد کو تبوک میں ریسکیو کیا گیا تھا۔

    خیال رہے کہ نومبر 2015 میں سعودی عرب میں شدید بارشوں سے مختلف حادثات و واقعات میں بچوں سمیت بارہ افراد ہلاک اور متعدد زخمی ہوگئے تھے۔

  • گلگت بلتستان: شدید برف باری کے باعث زندگی مفلوج ہوگئی

    گلگت بلتستان: شدید برف باری کے باعث زندگی مفلوج ہوگئی

    دیامر: سردی کی شدید لہر نے گلگت بلتستان کو لپیٹ‌ میں‌ لے لیا، ضلع دیامر میں زندگی مفلوج ہوگئی.

    تفصیلات کے مطابق دیامر کے بالائی علاقوں اور  پہاڑوں پر شدید برف باری کے باعث روزہ مرہ معمولات شدید متاثر ہوئے.

    ضلع دیامر کے علاقوں‌ بٹوگاہ، بابوسر، گوہرآباد، فیئری میڈوسمیت بالائی پہاڑوں پر مسلسل برف باری جاری ہے، داریل، تانگیر، گھینر، گیچھی، تھک نیاٹ کے بالائی علاقے بھی برف باری سے متاثر ہوئے ہیں.

    ضلعی انتظامیہ کے مطابق چلاس میں وقفے وقفے سے بارش کے باعث سردی کی شدت میں اضافہ ہوگیا، برف باری کے باعث رابطہ سڑکیں بند ہوگئیں، صحت کے مسائل اور خوراک کی قلت کا خدشہ پیدا ہوگیا ہے، جس کی وجہ سے عوام کو شدید پریشانی کا سامنا ہے.

    انتظامیہ کے مطابق دیامر، کوہستان کے پہاڑوں علاقوں میں لینڈ سلائیڈنگ کاخدشہ ہے، بارش،برف باری کے دوران شہری غیرضروری سفرسے گریزکریں.

    مزید پڑھیں: برف کا پراسرارپہیہ، جس نے برطانیہ کو حیرت میں‌ مبتلا کر دیا

    خیال رہے کہ اس وقت ملک بھر میں شردی کی شدید لہر ہے، ملک کے بڑے حصوں میں بارشیں اور برف باری جاری ہے.

    سردی کی شدید لہر سے بالائی علاقے شدید متاثر ہوئے ہیں، گلگت بلتستان کے بالائی علاقوں‌ میں برف باری سے زندگی مفلوج ہوگئی ہے.

  • برفباری اور خراب موسم، لندن میں زرد وارننگ جاری

    برفباری اور خراب موسم، لندن میں زرد وارننگ جاری

    لندن: برفباری اور خراب موسم کے امکان کے سبب لندن میں زرد وارننگ جاری کردی گئی ہے، زرد وارننگ جمعے کی رات تک کے لیے جاری کی گئی ہے۔

    غیرملکی خبررساں ادارے کے مطابق لندن میں برفباری اور خراب موسم کے امکان کے پیش نظر زرد وارننگ جاری کردی گئی ہے، زرد وارننگ کل رات تک کے لیے جاری کی گئی ہے، برطانوی دارالحکومت میں تین سینٹی گریڈ برف پڑنے کا امکان ہے۔

    رپورٹ کے مطابق زرد وارننگ کا اطلاق برطانیہ کے دیگر علاقوں پر بھی کیا گیا ہے، مسافروں اور ڈرائیورز کو خصوصی ہدایات جاری کردی گئی ہیں۔

    دوسری جانب گریٹر مانچسٹر اور گردونواح کے علاقوں کو برفباری نے اپنی لپیٹ میں لے لیا ہے، مانچسٹر میں برف باری کی وجہ سے 200 سے زائد اسکول بند کردئیے گئے ہیں جبکہ مانچسٹر ایئرپورٹ کو بھی پروازوں کے لیے بند کردیا گیا ہے۔

    مزید پڑھیں: امریکا میں سردی کا نصف صدی کا ریکارڈ ٹوٹ گیا، ڈھائی کروڑ افراد متاثر، 12 ہلاک

    رپورٹ کے مطابق سڑکوں پر ٹرانسپورٹ کی آمدورفت کچھ وقت کے لیے بند رہی تاہم مانچسٹر سٹی کونسل کی گاڑیوں نے سڑکوں کو صاف کرنے کا کام جاری رکھا جبکہ مانچسٹر ایئرپورٹ کے رن وے سے بھی برف کو ہٹایا جارہا ہے۔

    علاوہ ازیں مانچسٹر کے ساتھ جڑے علاقوں ٹریفورڈ کونسل، سلفورڈ کونسل، اولڈہم کونسل، اسٹاکپورٹ کونسل، بری کونسل میں 214 اسکول برف کی وجہ سے بند کرنے پڑے اس کے ساتھ لیور پول ایئرپورٹ بھی برفباری کے سبب پروازوں کے لیے بند کرنا پڑا۔

    مانچسٹر پولیس کے مطابق متعدد فون کالیں برف کی وجہ سے موصول ہوئیں کئی ایکسیڈنٹ رپورٹ ہوئے، مانچسٹر پولیس اتھارٹی نے عوام سے اپیل کی ہے کہ سڑکوں پر گاڑی چلاتے ہوئے دوسروں کا خیال رکھیں۔

  • نتھیاگلی: متعدد گاڑیاں برف میں پھنس گئیں، فوجی جوان امداد کے لیے روانہ

    نتھیاگلی: متعدد گاڑیاں برف میں پھنس گئیں، فوجی جوان امداد کے لیے روانہ

    ایبٹ آباد: نتھیاگلی جاتے ہوئے متعدد گاڑیاں برف میں پھنس گئیں، پاک فضائیہ کی ریسکیو ٹیمیں امداد کے لیے روانہ ہوگئیں۔

    تفصیلات کے مطابق ڈی جی آئی ایس پی آر کا کہنا ہے کہ نتھیاگلی کے قریب توحیدآباد میں سیاحوں کے پھسنے کا علم میڈیا رپورٹس سے ہوا، ریسکیوٹیموں کو موقع پر روانہ کردیا گیا ہے۔

    ڈی جی آئی ایس پی آر کے مطابق آرمی، فضائیہ کی ریسکیوٹیمیں سول انتظامیہ کی مدد کریں گی، ریسکیوٹیموں کے پاس ادویات اور خوراک موجود ہے۔

    برفباری، گاڑیاں اسٹارٹ نہ ہونے سے سڑک بلاک ہے، متاثرہ سڑک کو کلیئر کرنے کی کوشش کی جارہی ہے، گاڑیوں میں ایندھن بہت محدود مقدار میں بچا ہے۔

    دوسری جانب برف میں پھنسے سیاح نے ویڈیو پیغام جاری کرتے ہوئے کہا ہے کہ گاڑیوں میں فیملیاں اور بچے موجود ہیں، گاڑیوں میں ایندھن بہت محدود مقدار میں بچاہے۔

    محصور سیاح کا کہنا تھا کہ 5گھنٹے سے توحیدآباد میں پھنسے ہوئے ہیں، ہمیں ریسکیو کیا جائے۔

  • وادیٔ کاغان میں برف باری، سیاحوں کی بڑی تعداد پہنچنا شروع

    وادیٔ کاغان میں برف باری، سیاحوں کی بڑی تعداد پہنچنا شروع

    مانسہرہ: ملک کے خوب صورت سیاحتی مقامات کاغان اور شوگران ویلی میں برف باری کے بعد موسم مزید سرد اور حسین ہو گیا، سیاحوں کی بڑی تعداد تفریح کے لیے پہنچنا شروع ہو گئی۔

    تفصیلات کےمطابق مانسہرہ کے سیاحتی مقامات وادئ کاغان اور شوگران میں حالیہ برف باری نے وادیوں کے حسن کو چار چاند لگا دیے، جس سے لطف اندوز ہونے کے لیے سیاح بھی کھنچے چلے آ رہے ہیں۔

    [bs-quote quote=”ہمارے سیاحتی مقامات کا حسن سوئٹزر لینڈ سے کم نہیں ہے۔” style=”style-7″ align=”left” color=”#dd3333″ author_name=”سیاح”][/bs-quote]

    شوگران پہنچنے والے سیاحوں کو برف کی سفید چادر اوڑھے حسین وادیوں نے اپنے سحر میں جکڑ لیا ہے۔

    سیاحوں نے شوگران کے ٹھنڈے موسم میں رباب کی دھنیں چھیڑ دیں، ساتھی سیاح جھوم اٹھے، سیاحوں کا کہنا ہے کہ ہمارے سیاحتی مقامات کا حسن سوئٹزر لینڈ سے کم نہیں ہے۔

    وادیٔ کاغان آنے والے سیاحوں کا کہنا ہے کہ ونٹر ٹور ازم کے فروغ کے لیے حکومت کی جانب سے خصوصی توجہ کی ضرورت ہے۔

    دریں اثنا ملک کے بالائی علاقوں میں روئی کے گالوں کی برسات جاری ہے، برف پوش وادیوں کا حسن مزید نکھر گیا ہے، بلوچستان والوں پر بھی قدرت مہربان ہو گئی، محکمہ موسمیات نے کراچی سمیت ملک کے بیش تر شہروں میں بارش کی پیش گوئی کی ہے۔

    اسکردو، کالام، مالم جبہ، سوات، دیر، چلاس اور وادی نیلم میں بھی پہاڑوں پر برف باری جاری ہے، جس کی وجہ سے جنت نظیر وادیوں کے حسن کو چار چاند لگ گئے ہیں۔

    یہ بھی پڑھیں:  بارش کا نیا سسٹم داخل، کراچی اور بلوچستان میں‌ ایمرجنسی نافذ

    بارش اور برف باری سے بلوچستان بھی ٹھنڈا ٹھار ہو گیا، زیارت میں برف باری نے ہر منظر دل کش بنا دیا، درخت اور پہاڑ برف میں چھپ گئے۔

    کوئٹہ میں کالی گھٹاؤں نے رنگ جما دیا، ٹپ ٹپ برستی بوندوں نے سردی کی شدت بڑھا دی، مستونگ، گوادر، پسنی اور چمن میں بھی رم جھم نے موسم کو مزید سرد کر دیا۔

  • ملک بھرمیں بارش کے نئے سلسلے کا آج سے آغازہوگا

    ملک بھرمیں بارش کے نئے سلسلے کا آج سے آغازہوگا

    کراچی: محکمہ موسمیات نے ملک کے مختلف علاقوں میں آج سے بارش اور برف باری کے نئے سلسلے کی پیش گوئی کردی۔

    تفصیلات کے مطابق محکمہ موسمیات کا کہنا ہے کہ آج شام سے ملک میں مغربی ہواؤں کا کم دباؤ داخل ہوگا اور ملک بھر میں بارش کے نئے سلسلے کا آج سے آغاز ہوگا۔

    محکمہ موسمیات کے مطابق راولپنڈی، فیصل آباد، پشاور، مردان، ڈی آئی خان، کوئٹہ، ژوب، لاہور، اور اسلام آباد میں بارش کا امکان ہے جبکہ مری، گلیات، سوات، کشمیر اور گلگت بلتستان میں برفباری کی پیش گوئی ہے۔

    دوسری جانب شہر قائد میں آج بادل چھائے رہیں گے، اس کے کراچی سمیت سندھ بھرمیں 2 روز تک بوند اباندی کا امکان ہے۔

    یاد رہے کہ گزشتہ روز گلگت، استور، نگر، غذر، ہنزہ اور بلتستان ڈویژن میں ہونے والی برف باری سے سردی کی شدت میں اضافہ ہوگیا تھا۔

    محکمہ موسمیات کے مطابق برف باری کی وجہ سے ضلع نگر میں شاہراہ قراقرم پر ٹریفک کی روانی بھی متاثر رہی۔ استور شاہراہ بھی برف باری کی وجہ سے ٹریفک کے لیے بند ہوگئی تھی۔

  • یورپ میں بھی سردی کا راج برقرار، جرمنی میں شدید برف باری سے نظام زندگی منجمد

    یورپ میں بھی سردی کا راج برقرار، جرمنی میں شدید برف باری سے نظام زندگی منجمد

    میونخ: یورپ میں تا حال سردی کا راج برقرار ہے، جرمنی میں شدید برف باری کے باعث نظام زندگی منجمد ہو گیا ہے۔

    تفصیلات کے مطابق یورپ کو بھی شدید سردی، تیز ہواؤں اور برف باری نے اپنی لپیٹ میں لے لیا ہے، چین میں بھی برف باری کے بعد نظارے مزید حسین ہو گئے۔

    [bs-quote quote=”سوئیٹزر لینڈ، آسٹریا اور پولینڈ میں بھی برف باری ہو رہی ہے۔” style=”style-7″ align=”left” color=”#dd3333″][/bs-quote]

    جرمنی کے شہر میونخ میں شدید برف باری کا سلسلہ جاری ہے، دریا جمنے لگے، ہر شے برف سے ڈھک گئی۔

    برف باری کے باعث ٹریفک کا نظام درہم برہم ہو گیا، موٹر ویز پر منظر دھندلا گئے، گاڑیوں کی طویل قطاریں لگ گئیں۔

    میونخ ائیر پورٹ پر مسافر پھنس گئے، برف باری کے باعث متعدد پروازیں منسوخ ہو گئیں، محکمہ موسمیات نے مزید برف باری کی وارننگ جاری کر دی۔

    جنوبی اٹلی کے ساحل پر بھی اچانک برف گرنے سے ماحول شدید سرد ہو گیا ہے، جس کی وجہ سے گزشتہ چار دن سے زندگی سخت مشکل ہو گئی ہے، دوسری طرف برف نے ساحل کو اس طرح سے ڈھک دیا ہے کہ مقامی لوگ دیکھ کر حیران ہو گئے ہیں۔

    رپورٹس کے مطابق سوئیٹزر لینڈ، آسٹریا اور پولینڈ میں بھی برف باری ہو رہی ہے۔

    یہ بھی پڑھیں:  بالائی علاقوں میں 5 فٹ تک برف باری، راستے بند، لوگ مشکلات کا شکار

    ادھر چین کے شمال مغربی علاقوں میں بھی جہاں خون جما دینے والی سردی ہے وہاں برف باری کے بعد قدرت کے نظارے مزید نکھر گئے ہیں، برف سے ڈھکا گاؤں دیکھ کر لوگ حیران ہو گئے۔

    خیال رہے کہ پاکستان کے بالائی علاقوں میں بھی شدید برف باری ہو رہی ہے، سیاحتی مقام ناران میں 4 فٹ، جب کہ شوگران میں 3 فٹ تک برف پڑ چکی ہے، مالم جبہ میں ڈھائی فٹ اور اسکردو میں 4 سے 5 فٹ برف باری ریکارڈ کی گئی ہے۔

  • بالائی علاقوں میں 5 فٹ تک برف باری، راستے بند، لوگ مشکلات کا شکار

    بالائی علاقوں میں 5 فٹ تک برف باری، راستے بند، لوگ مشکلات کا شکار

    ناران/اسکردو: ملک کے بالائی علاقوں میں سردی میں شدید اضافہ ہو گیا ہے، متعدد علاقوں میں برف باری جاری ہے، تین سے پانچ فٹ تک برف باری ریکارڈ کی جا چکی ہے۔

    تفصیلات کے مطابق ملک کے بالائی سرد علاقوں میں کئی کئی فٹ برف باری کے بعد راستے بند اور سفر دشوار ہو چکا ہے، برف باری سے لوگ مشکلات کا شکار ہو گئے ہیں۔

    [bs-quote quote=”شمالی علاقوں میں برف باری کے بعد کے حسین نظاروں نے شہریوں کو سحر زدہ کر کے رکھ دیا۔” style=”style-7″ align=”left” color=”#dd3333″][/bs-quote]

    سیاحتی مقام ناران میں 4 فٹ، جب کہ شوگران میں 3 فٹ تک برف پڑ چکی ہے، مالم جبہ میں ڈھائی فٹ اور اسکردو میں 4 سے 5 فٹ برف باری ریکارڈ کی گئی ہے۔

    اسکردو میں پارہ منفی آٹھ تک گر گیا، شہر کا دیگرعلاقوں سے زمینی رابطہ بھی منقطع ہو گیا ہے۔

    دیر، کالام، شانگلہ، مری، گلیات میں بھی لوگوں کی مشکلات میں اضافہ ہو گیا ہے، ایوبیہ اور نتھیا گلی میں رابطہ سڑکیں بند ہوگئی ہیں۔

    ادھر پنجاب میں فوگ کا روگ برقرار ہے، موٹر وے ایم ون پر شدید دھند کی وجہ سے حد نگاہ صفر ہوگئی، موٹر وے ایم ون پشاور سے رشکئی تک بند کر دی گئی ہے۔

    برف باری کے بعد حسین نظارے

    دوسری جانب پاکستان کے شمالی علاقوں میں برف باری کے بعد کے حسین نظاروں نے شہریوں کو سحر زدہ کر کے رکھ دیا ہے، اسکردو کے پہاڑ سفید دو شالا اوڑھے موسم کی دل کشی بڑھا رہے ہیں۔

    یہ بھی پڑھیں:  ملک میں سردی کا راج، پارہ منفی 11 ڈگری سینٹی گریڈ تک گرنے کا امکان

    ادھر شانگلہ کی وادی کے حسن سے بھی موسم سرما کی دل فریبی جھلکنے لگی ہے، آسمان سے جیسے روئی کے گالوں کی برسات ہو رہی ہو، ہری بھری وادیاں بھی سفید ہو گئی ہیں۔

    شانگلہ کے پہاڑوں نے بھی برف کی چادر اوڑھ لی، دلکش موسم کے سحر میں بچے بھی گرفتار ہو گئے، بڑوں کے ساتھ بچے بھی برف میں اٹھکھیلیاں کھیلتے دکھائی دیتے ہیں۔

    محکمہ موسمیات کا کہنا ہے کہ آئندہ 24 گھنٹوں میں گلگت بلتستان اور کشمیر میں مزید بارش اور پہاڑوں پر برف باری کا امکان ہے۔

  • ایبٹ آباد: شدید برف باری کے باعث راستہ بند، سیاح پھنس گئے

    ایبٹ آباد: شدید برف باری کے باعث راستہ بند، سیاح پھنس گئے

    ایبٹ آباد: ملک کے بالائی علاقوں میں برف باری کا سلسلہ جاری ہے، ایبٹ آباد کے سیاحتی مقامات گلیات اور ٹھنڈیانی میں برف باری میں شدت آگئی.

    تفصیلات کے مطابق گلیات اور  ٹھنڈیانی میں‌برف باری کے باعث راستے بند ہوگئے. نتھیا گلی میں سیاح پھنسے ہوئے ہیں۔

    [bs-quote quote=”گلگت بلتستان کے بالائی علاقوں میں شدید برف باری سےاسکردو کا ملک سے فضائی اور زمینی رابطہ معطل ہو گیا” style=”style-7″ align=”left”][/bs-quote]

    چترا ل اور گرد و نواح میں بھی برف باری سے سردی کی شدت میں اضافہ ہوگیا، گلگت بلتستان کے بالائی علاقوں میں شدید برف باری سےاسکردو کا ملک سے فضائی اور زمینی رابطہ معطل ہو گیا۔

    اسکردو میں چار سے پانچ فٹ برف باری ریکارڈ کی گئی، پارہ منفی نو تک گر گیا.

    دوسری جانب آزاد کشمیر اور شانگلہ  کی وادیوں نے برف کی چادر اوڑھ لی ہے۔

    مزید پڑھیں: کے 2 کی چوٹی کے بارے میں حیران کن انکشاف

    برف باری کے باعث اسکردوکادیگرعلاقوں سے زمینی رابطہ منقطع ہوگیا. مری میں برف باری کے بعد سیاحوں کا رش بڑھ گیا.

    پنجاب کے مختلف علاقوں میں گزشتہ رات سے بارش کا سلسلہ وقفے وقفے سے جاری ہے.

    لاہور، گجرات، فیصل آباد سمیت پنجاب کے مختلف شہروں میں بارش کے بعد ٹھنڈ میں اضافہ ہوگیا ہے.

  • محکمہ موسمیات نے بارش کی نوید سنادی

    محکمہ موسمیات نے بارش کی نوید سنادی

    اسلام آباد: محکمہ موسمیات نے ملک کے مختلف حصوں میں کل سے بارش کی نوید سنادی جس کے بعد سردی میں اضافے کا امکان ہے۔

    تفصیلات کے مطابق محکمہ موسمیات کا کہنا ہے کہ آج ملک کے بیشتر علاقوں میں موسم سرد اور خشک رہے گا تاہم گلگت بلتستان میں چند مقامات پر بارش اور پہاڑوں پر برفباری کا امکان ہے۔

    شمالی بلوچستان میں چند مقامات پر بارش اور پہاڑوں پر ہلکی برفباری کی بھی پیشگوئی کی گئی ہے۔

    محکمہ موسمیات کا کہنا ہے کہ کل سے منگل تک ملک کے مختلف حصوں میں بارش کا امکان ہے جن میں اسلام آباد، راولپنڈی، لاہور، گوجرانوالہ، ساہیوال، سرگودھا، بہاولپور، ملتان اور ڈیرہ غازی خان شامل ہیں۔

    اتوار، پیر اور منگل کو پشاور، مالا کنڈ، کوہاٹ، ہزارہ اور مردان میں بارش کا امکان ہے جبکہ اسی عرصے کے دوران مری، گلیات اور کشمیر میں برفباری کی پیشگوئی بھی کی گئی ہے۔

    محکمہ موسمیات کا کہنا ہے کہ سکھر اور مکران ڈویژن میں بھی بارش کا امکان ہے جبکہ پیر کے روز صوبہ سندھ کے دارالحکومت کراچی میں بھی بارش ہوسکتی ہے۔