برلن:جرمنی کے دارالحکومت برلن میں فیشن ویک کے چوتھے اور آخری روز بھی ماڈلز دلکش ملبوسات کی نمائش کیلئے ریمپ پر آکر جلوے بکھیرتی رہیں۔
برلن فیشن ویک کے چوتھے روزموسِم سرما اور خزاں کے لئے تیار کردہ ملبوسات نے ریمپ پر بہار کے رنگ بکھیر دیئے، شوخ و چنچل ماڈلز نے معروف فیشن ڈیزائنر مارینا کے تیار کردہ دیدہ زیب لباس زیب تن کر کے کیٹ واک کی ۔
مارینا اپنے ہی ڈيزائن کردہ کپڑے پہن کر ریمپ پر جلوہ گر ہوئيں تو حاضرین داد دیئے بنا نہ رہ سکے ۔
برلن کی سخت سردی میں چار دن تک بہار کے رنگ بکھیرنے والا فیشن ویک اپنے اختتام کو پہنچ گیا۔
برلن میں جاری رنگارنگ فیشن ویک کے مارک کین شو میں موسم سرما کے ملبوسات کی نمائش کی گئی، شو میں مشہور اداکاراؤں کیٹی ہومز اور لیزہرلے نے بھی شرکت کی۔
