اسلام آباد : الیکشن کمیشن نے بروقت انتخابی نتائج کے حصول کے لیے جدید وائریس ڈیوائس کے ساتھ چار مختلف موبائل نٹ ورک کی سمز بھی آر اوز کو دینے کا فیصلہ کرلیا۔
تفصیلات کے مطابق ملک بھر میں عام انتخابات کی تیاریاں جاری ہے ، 8 فروری کو بروقت نتائج کیلئے الیکشن کمیشن متحرک ہوگیا۔
الیکشن کمیشن کی جانب سے ملک بھرمیں آراوز کو انٹرنیٹ فراہمی کے لیے کام جاری ہے اور پی ٹی سی ایل کی ٹیمیں آر اوز کے دفاتر میں آپیٹکل فائبرز بچھانے میں مصروف ہیں۔
ذرائع نے بتایا کہ الیکشن کمیشن کی 859 آر اوز کو جدیدوائرلیس ڈیوائس کی فراہمی جاری ہے جبکہ وائرلیس ڈیوائس کیساتھ 4مختلف موبائل نیٹ ورک کی سمزبھی دینے کا فیصلہ کیا گیا ہے۔
ذرائع کا کہنا ہے کہ 4سمزآراوزکو بروقت رابطےکی سہولت فراہمی میں معاونت کریں گی اور ہرآراو اپنےعلاقےمیں دسیتاب نیٹ ورک کےمطابق سم استعمال کرے گا۔
ذرائع نے مزید کہا کہ ٹیمز کی جانب سےفائبرآپٹیکل بچھانے کا کام کل تک مکمل ہونے کا امکان ہے۔