گلوکار راحت فتح علی خان کی تشدد کی ویڈیو سامنے آنے کے بعد ان کے ستارے گردش میں آگئے، برطانوی بادشاہ چارلس کی چیرٹی برٹش ایشین ٹرسٹ نے راحت فتح علی خان سے اپنی وابستگی ختم کردی ہے۔
ترجمان برٹش ایشین ٹرسٹ کا اس حوالے سے کہنا ہے کہ راحت فتح علی خان کی تشدد والی ویڈیو دیکھ کر قطع تعلق کرنے کا فیصلہ کیا ہے۔
ترجمان کے مطابق حالات کچھ بھی ہوں، کسی بھی قسم کا تشدد ناقابل برداشت ہے، بدسلوکی شدید مذمت کرتے ہیں۔
ایشین برٹش ٹرسٹ کی بنیادکنگ چارلس نے رکھی تھی اور انہوں نے 2017 میں ٹرسٹ کے عشائیے میں راحت فتح علی خان کو برٹش ایشین ٹرسٹ کا سفیر مقرر کیا تھا۔
واضح رہے کہ گلوکار راحت فتح علی خان کی ایک ویڈیو وائرل ہوئی تھی، جس میں وہ 27 جنوری کی رات اپنے ملازم نوید حسنین کو تشدد کا نشانہ بنا رہے تھے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ عالمی شہرت یافتہ گلوکار راحت فتح علی خان اپنی بوتل کے بارے میں پوچھتے رہے۔
مذکورہ ویڈیو سامنے آنے کے بعد راحت فتح علی خان کے ملازم کا بیان بھی سامنے آیا جس میں نوید حسنین نے کہا تھا کہ راحت فتح علی خان میرے استاد ہیں، جو بھی چل رہا ہے یہ سب جھوٹ ہے۔
فائزہ خان کی کشمیر میں سیر و تفریح کی ویڈیو وائرل
ملازم کی جانب سے کہا گیا تھا کہ راحت فتح علی خان ہمارے مرشد ہیں، ہمیں مار سکتے ہیں اور ڈانٹ بھی سکتے ہیں، جس بوتل کی بات ہو رہی ہے اس میں خان صاحب کے مرشد پاک کا پڑھا ہوا پانی تھا، وہ بوتل میں کہیں رکھ کر بھول گیا تھا۔
