Tag: برکس ممالک

امریکا کے نئے صدر ڈونلڈ ٹرمپ نے برکس ممالک، جن میں بھارت، چین، روس، برازیل اور جنوبی افریقہ شامل ہیں، کو سخت وارننگ جاری کردی ہے۔

بین الاقوامی خبر رساں ادارے کی رپورٹ کے مطابق ڈونلڈ ٹرمپ نے وارننگ دی ہے کہ امریکی ڈالر کے غلبہ کو چیلنج کرتے ہوئے اپنی کرنسی لانچ کی تو 100 فیصد ٹیرف نافذ کردیا جائے گا، انہوں نے یہ بیان اپنے سوشل میڈیا پلیٹ فارم ’ٹروتھ سوشل‘ پر ایک پوسٹ میں دیا۔

سابق صدر کا کہنا تھا کہ برکس ممالک امریکی ڈالر کی اہمیت کو کم کرنے کی کوششوں میں مصروف ہیں، اگر وہ نئی کرنسی کا اجراء یا کسی اور کرنسی کی حمایت کریں گے تو انہیں امریکی بازار سے آؤٹ کردیں گے۔

اُن کا مزید کہنا تھا کہ امریکا اس خطرے کو خاموشی سے نہیں دیکھے گا اور سخت ترین اقدامات کرے گا۔

ٹرمپ کا کہنا تھا کہ برکس ممالک کی جانب سے اپنی کرنسی بنانے کا مقصد عالمی تجارت میں امریکی ڈالر پر انحصار کو کم کرنا ہے۔ روس اور چین پہلے ہی یوان اور دیگر مقامی کرنسیوں میں تجارت کر رہے ہیں اور اب یہ گروپ ایک مشترکہ کرنسی کے ذریعے امریکی ڈالر کی برتری کو کم کرنے میں مصروف ہے۔

ماہرین کا اس حوالے سے کہنا ہے کہ اگر برکس ممالک اپنی کرنسی لانچ کرتے ہیں، تو یہ امریکی ڈالر کے غلبہ کو کمزور کر سکتا ہے اور امریکہ کی اقتصادی طاقت کے لئے نقصان دہ ہوسکتا ہے۔

امریکہ کی عالمی معاشی برتری کی ایک بڑی وجہ اس کے ڈالر کی اہمیت ہے، جو اگر کم ہوئی تو امریکی معیشت کو ناقابل تلافی نقصان پہنچنے اندیشہ ہے۔

واشنگٹن میں فضائی حادثہ ایک المیہ ہے کوئی زندہ نہیں بچ سکا، امریکی صدر ٹرمپ

واضح رہے کہ چین اور روس پہلے ہی امریکی ڈالر سے دور ہونے کی حکمت عملی پر کام کر رہے ہیں اور ہندوستان اور برازیل بھی مقامی کرنسیوں کے استعمال کو فروغ دینے کی کوششوں میں مصروف ہیں۔