Tag: بریڈ ہوگ

پاکستان کے ون ڈے ٹیم کے کپتان محمد رضوان کی انگریزی کا مذاق اڑانے پر آل رائونڈر عامر جمال نے سابق اسپنر بریڈ ہوگ کو آڑے ہاتھوں لےلیا۔

پاکستان ٹیم کے آل رائونڈر عامر جمال نے سابق آسٹریلوی اسپنر بریڈ ہوگ کو آئینہ دکھاتے ہوئے ان کے طرز عمل پر شدید تنقید کی ہے، قومی کرکٹر عامرجمال نے بریڈ ہوگ کی جانب سے محمد رضوان کی انگریزی کا مذاق بنانے پر ان کےلیے سوشل میڈیا پوسٹ شیئر کی ہے۔

عامر جمال نے اپنے پیغام میں بریڈ ہوگ کو ایک کرکٹر کے طور پر مخاطب کرتے ہوئے کہا کہ انٹرنیشنل کرکٹرکو محمد رضوان کی انگریزی کا مذاق بنانے پر آپ کو شرم آنی چاہیے۔

انھوں نے بریڈ ہوگ کو یاد دلایا کہ محمد رضوان کی مادری زبان انگریزی نہیں ہے بلکہ یہ تو ان کی تیسری زبان ہے۔

عامر جمال نے آسٹریلوی اسپنر کو کھری کھری سناتے ہوئے کہا کہ آپ کرکٹ کے بجائے سوشل میڈیا پر مسخرہ پن کریں، آپ کےفالوورز بھی بڑھیں گے، عامر کی پوسٹ کو کافی لوگ لائیک کررہے ہیں۔

آسٹریلیا کے سابق لیگ اسپنر بھی چیمپئنزٹرافی میں بھارت کو ملنے والے فائدے پر بول پڑے، محمد شامی کی ایڈوانٹیج والی بات کا بھی حوالہ دیا۔

تجربہ کار آسٹریلوی اسپنر بریڈ ہوگ ان سابق کرکٹرزکے ہم زبان ہو گئے ہیں جنھوں نے دبئی میں چیمپیئنز ٹرافی کے تمام میچز کھیلنے کا فائدہ اٹھانے پر بھارتی ٹیم کو آڑے ہاتھوں لیا ہے، ہوگ نے کہا کہ آپ ایک مقام پر کھیل رہے ہیں، آپ نے وہاں اپنے تمام میچ کھیلے اور حالات سے ہم آہنگ ہوگئے۔

بریڈ ہوگ نے کہا کہ بھارتی ہیڈ کوچ گوتم گمبھیر کا اپنے بیان میں کہنا تھا کہ کسی کو شکایت نہیں کرنی چاہیے کیونکہ یہ ہمارے لیے بھی ایک غیر جانبدار مقام ہے۔

روہت چیمپئنزٹرافی میں ‘بھارت کو فائدہ’ دینے کی باتوں پر بالآخر سچ زبان پر لےآئے

سابق آسٹریلوی اسپنر نے کہا کہ لیکن پھر محمد شامی نے ان کی بات کی نفی کی اور کہا کہ دبئی میں کھیلنے سے ان کی بولنگ میں مدد ملی ہے اور ایک مخصوص مقام پر کھیلنے سے بھارت کو فائدہ ہوا ہے۔

خیال رہے کہ چیمپئنز ٹرافی میں بھارت کو ‘ایڈوانٹیج’ دینے کی باتیں ہرطرف سے سامنے آئیں، آسٹریلوی کپتان پیٹ کمنز، ناصر حسین، مائیکل ایتھرٹن نے بھارت کو فائدہ دینے پر کھل کر اظہار خیال کیا تھا، جس کے بعد میڈیا میں ایک نئی بحث چھڑ گئی تھی۔

https://urdu.arynews.tv/van-der-dussen-india-have-advantage/