Tag: بزنس

کراچی: پاکستان اسٹاک ایکسچینج میں کاروباری ہفتے کے پہلے روز ہنڈرڈانڈیکس میں زبردست تیزی رہی اور کاروبار کا اختتام بھی مثبت انداز میں ہوا۔

تفصیلات کے مطابق پاکستان اسٹاک ایکسچینج میں ٹریڈنگ کے دوران مثبت رجحان دن بھر برقرار رہا، کاروباری ہفتے کے پہلے روز ہنڈرڈانڈیکس میں زبردست تیزی دیکھی گئی۔

سیاسی کشیدگی اور آزادی مارچ کے بعد بے یقینی کی صورتحال سرمایہ کاروں پر اثرانداز نہ ہوسکی، دن بھرمارکیٹ میں899 پوائنٹس کااضافہ ریکارڈ کیاگیا اور تیزی کے باعث انڈیکس 35 ہزار کا ہندسہ عبور کرگیا۔

یہ بھی پڑھیں:‌ اسٹاک ایکسچینج میں تیزی، ڈالر کی قیمت کم ترین سطح پر پہنچ گئی

مجموعی طور پر ہنڈرڈ انڈیکس میں 899پوائنٹس کے اضافہ ریکارڈ کیا گیا جس سے مارکیٹ35ہزار277کی سطح پر بند ہوئی۔

اسی طرح دن بھرمجموعی طور پر341کمپنیز کے شیئرزمیں کاروبار ہوا۔

واضح رہے کہ کاروباری ہفتے کے آخری روز مارکیٹ کے آغاز سے ہی تیزی رہی اور سرمایہ کاروں نے لین دین میں دلچسپی ظاہر کی۔

ٹریڈنگ کے دوران مجموعی طور پر 335 کمپنیوں کے شیئرز خرید و فروخت کے لیے پیش کیے گئے جن میں سے 164 کی قیمتوں میں اضافہ جبکہ 133 کے ریٹ کم ہوئے، اسی طرح 38 کی قیمتوں میں کوئی ردوبدل نہیں ہوا۔

اسلام آباد: مشیرخزانہ عبدالحفیظ شیخ نے کہا ہے کہ اس وقت 30 سے 35 لاکھ تاجر ٹیکس نیٹ سے باہر ہیں، جو شخص بھی کما رہا ہے ہم اس سے ٹیکس لینا چاہتے ہیں۔

تفصیلات کے مطابق آئی ایم ایف کے وفد سے ملاقات کے بعد میڈیا سے بات کرتے ہوئے مشیر خزانہ عبدالحفیظ شیخ نے کہا کہ آئی ایم ایف وفد کےساتھ مذاکرات ہوئے ہیں اور وفد نے معاشی کارکردگی کو سراہا ہے۔

انہوں نے کہا کہ معاشی استحکام نظر آرہا ہے جب کہ ٹیکسوں کا دائرہ وسیع کررہے ہیں، حکومتی آمدن میں اضافہ ریکارڈ کیا گیا اور خسارہ کم ہورہا ہے۔

مشیر خزانہ کا کہنا تھا کہ ٹیکس آمدن بڑھنے سےقرض واپس ادا کرسکیں گے، موجودہ ٹیکس دینےوالوں پر مزید بوجھ نہیں ڈالنا چاہتے جو صفر ٹیکس ادا کررہے ہیں ان سےٹیکس وصول کرنا چاہتے ہیں۔

عبدالحفیظ شیخ نے کہا کہ تاجر برادری ملک کا اہم حصہ ہے ،ان کی وجہ سے معاشی بہتری آئے گی تاہم 30 سے 35 لاکھ تاجر ٹیکس نیٹ سے باہر ہیں، جو بھی کما رہا ہے اس سے ٹیکس لینا چاہتے ہیں۔

ان کا مزید کہنا تھا کہ برآمدات میں اضافے کےلیےبجلی اورگیس پرسبسڈی دےرہے ہیں اور جاری کھاتوں کا خسارہ کم ہوا ہے۔

یہ بھی پڑھیں: آئی ایم ایف کا وفد پاکستان پہنچ گیا، قرض کی دوسری قسط پر مذاکرات ہوں گے

قبل ازیں مشیر خزانہ عبدالحفیظ شیخ سےآئی ایم ایف وفد کی ملاقات ہوئی جس میں سیکریٹری خزانہ نوید کامران، اسپیشل سیکریٹری خزانہ، چیئرمین ایف بی آر شبر زیدی اور معاشی ٹیم کے دیگرارکان بھی موجود تھے۔

آئی ایم ایف وفدکی قیادت مشن ہیڈارنیستو رامریزریگونے کی، ملاقات میں پاکستان کی اقتصادی صورتحال پرتبادلہ خیال کیا گیا۔

مشیر خزانہ نے وفد کو معاشی استحکام کیلئے جاری پیشرفت سے آگاہ کرتے ہوئے بتایا کہ جامع معاشی اور اصلاحاتی پالیسیزکےمثبت نتائج آناشروع ہوگئے۔

آئی ایم ایف حکام کو بریفنگ میں بتایا گیا کہ جولائی تاستمبربرآمدات میں2.4فیصداضافہ ہوا جب کہ مالی سال کےابتدائی 3ماہ میں درآمدات میں22.7فیصدکمی آئی۔