ARYNews.tv | Urdu – Har Lamha Bakhabar

Tag: بسنت

  • لاہور میں پھر سے بسنت منانے کا فیصلہ

    لاہور میں پھر سے بسنت منانے کا فیصلہ

    لاہور میں بسنت اگلے سال فروری میں منانے کا فیصلہ کیا گیا ہے، بسنت کے ممکنہ انعقاد کے حوالے سے سفارشات تیار کرلی گئیں۔

    تفصیلات کے مطابق لاہور میں پھر سے باقاعدہ طور پر بسنت منائے جائے گی، شاہی قلعے میں بسنت کے ممکنہ انعقاد کے حوالے سے بننے والی کمیٹی نے سفارشات تیار کرلی ہیں، سی سی پی او لاہور صدیق کمیانہ، کمشنر زید بن مقصود، ڈی جی والڈ سٹی کامران لاشاری و دیگر اس کمیٹی میں شریک ہیں۔

    ذرائع نے بتایا کہ بسنت پر استعمال ہونے والی ڈور کے ٹیسٹ پی سی ایس آئی آر لیبارٹری سے کرائے جائیں گے، لیبارٹری سے پاس ہونے والے ٹیسٹ کے نمونہ جات کے مطابق ڈور تیار کی جائے گی۔

    بسنت منانے والے سینکڑوں افراد سلاخوں کے پیچھے

    بسنت سے پہلے جون میں ڈور، پتنگ کی چیکنگ کیلئے کسی مقام پر ریہرسل ہوگی، بسنت کو کامیاب بنانے کیلئے ڈور اور پتنگ فروخت کرنے والوں کی رجسٹریشن ہوگی۔

    ذرائع نے بتایا کہ بسنت کے موقع پر بغیرسیفٹی راڈ موٹرسائیکل پر 2 روز کیلئے پابندی عائد کی جائے گی، بسنت پر چرخی پرپابندی ہوگی، ڈور کے پنے اور ڈھائی تاوا گڈے کی اجازت ہوگی۔

    اس حوالے سے ذرائع کا مزید کہنا تھا کہ بسنت پورے لاہور میں منانے کی اجازت ہوگی، بسنت پر غیرملکی سیاحوں کو بلانے کی حکمت عملی بنائی جائے گی۔

    https://urdu.arynews.tv/lahore-high-court-on-basant-issue/

  • بسنت کے دوران قاتل ڈور نے درجنوں پرندوں کی بھی جان لے لی

    بسنت کے دوران قاتل ڈور نے درجنوں پرندوں کی بھی جان لے لی

    لاہور: صوبہ پنجاب میں بسنت کے تہوار کے دوران پتنگ کی تیز دھار ڈور انسانوں کے ساتھ ساتھ پرندوں کے لیے بھی ہلاکت خیز بن گئی، درجنوں جانور اور پرندے ڈور پھرنے سے شدید زخمی اور ہلاک ہوئے ہیں۔

    تفصیلات کے مطابق صوبہ پنجاب میں بسنت کے تہوار کے دوران پتنگ بازی سے انسانوں کے ساتھ ساتھ بے زبان پرندے بھی محفوظ نہیں، ٹیپو روڈ پر پتنگ کی قاتل ڈور پھرنے سے ننھی چڑیا بے حس و حرکت نیچے آن گری۔

    بسنت کے تہوار کے دوران پتنگ کی تیز دھار ڈور سے متعدد جانور اور پرندے بھی ہلاک ہوتے ہیں۔

    اکثر پرندے ڈور میں پھنسنے سے شدید زخمی بھی ہوجاتے ہیں۔

    راولپنڈی میں 24 فروری کو بسنت کے دوران ہوائی فائرنگ سے 3 افراد بھی جاں بحق ہوگئے تھے۔

  • لاہور: گلے پر ڈور پھرنے سے نوجوان جاں بحق، پولیس حدود کا تنازع

    لاہور: گلے پر ڈور پھرنے سے نوجوان جاں بحق، پولیس حدود کا تنازع

    لاہور: پتنگ بازی کے دوران ساندہ کے علاقے میں گلے پر ڈور پھرنے سے موٹر سائیکل سوار جاں بحق ہو گیا، وزیر اعلیٰ پنجاب عثمان بزدار نے واقعے کا نوٹس لے کر رپورٹ طلب کر لی۔

    تفصیلات کے مطابق پنجاب کے شہر لاہور میں قاتل ڈور نے ایک اور شہری کی جان لے لی، نوجوان موٹر سائیکل پر جا رہا تھا کہ پتنگ کی ڈور گلے پر پھرنے سے وہ جاں بحق ہو گیا۔

    ڈی آئی جی آپریشنز نے واقعے کا نوٹس لیتے ہوئے ایس پی اقبال ٹاؤن سے رپورٹ طلب کی، جب کہ وزیر اعلیٰ پنجاب نے بھی نوجوان کی ہلاکت کا نوٹس لیا اور واقعے پر اظہار افسوس کرتے ہوئے کہا کہ واقعے کی تحقیقات کر کے غفلت کے ذمہ داروں کا تعین کیا جائے۔

    وزیر اعلیٰ کا کہنا تھا کہ پابندی کے باوجود پتنگ بازی کا واقعہ نا قابل برداشت ہے، پتنگ بازی پر پابندی کے قانون پر سختی سے عمل درآمد یقینی بنایا جائے۔ وزیر اعلیٰ نے جاں بحق نوجوان کے خاندان سے دلی ہم دردی کا بھی اظہار کیا۔

    ادھر گردن پر ڈور پھرنے سے نوجوان کی ہلاکت کے واقعے پر پولیس حدود کا تنازع بھی کھڑا ہوا، پولیس کا کہنا تھا کہ نوجوان کی گردن پر رومال سے ثابت ہوتا ہے کہ ڈور کہیں اور پھری، زخمی حالت میں آنے والا موٹر سائیکل سوار ساندہ میں گر کر جاں بحق ہوا۔

    بعد ازاں دونوں علاقوں کے ایس پیز کے درمیان حدود کے تعین پر جھگڑا ختم ہوا۔ پولیس کا کہنا ہے کہ رواں سال پتنگ بازی ایکٹ کی خلاف ورزی پر 2189 مقدمات درج کیے جا چکے ہیں۔

  • پنجاب میں پتنگ بازی سے مزید 4 افراد شدید زخمی، وزیر اعلیٰ کا نوٹس

    پنجاب میں پتنگ بازی سے مزید 4 افراد شدید زخمی، وزیر اعلیٰ کا نوٹس

    فیروزوالا: صوبہ پنجاب میں پتنگ بازی پر پابندی کے باوجود ضلع شیخوپورہ کے علاقے فیروزوالا میں پتنگ کی ڈور پھرنے سے چار افراد شدید زخمی ہو گئے۔

    تفصیلات کے مطابق پابندی عاید ہونے کے باوجود پنجاب میں پتنگ بازی جاری ہے، فیروزوالا کے کوٹ عبدالماک میں چار افراد گلے میں پتنگ کی ڈور پھرنے سے شدید زخمی ہو کر اسپتال پہنچ گئے۔

    وزیرِ اعلیٰ پنجاب عثمان بزدار نے کوٹ عبدالمالک میں پتنگ بازی کے واقعات کا نوٹس لے لیا، پتنگ بازی کے سلسلے میں غفلت برتنے پر ایس ایچ او تھانہ فیکٹری ایریا کو معطل کر دیا گیا۔

    وزیرِ اعلیٰ پنجاب نے پابندی کے باوجود پتنگ بازی کے واقعات پر برہمی کا اظہار کرتے ہوئے اعلان کیا کہ پتنگ بازی پر متعلقہ تھانے کے ایس ایچ او کے خلاف ایکشن لیا جائے گا۔

    وزیر اعلیٰ عثمان بزدار نے کہا کہ جس تھانے کی حدود میں پتنگ بازی ہوگی، اس علاقے کے ایس ایچ او کے خلاف ایکشن لیا جائے گا۔

    یہ بھی پڑھیں:  بسنت منانے کی اجازت اگلے سال دی جائے گی

    پنجاب کے وزیرِ اعلیٰ نے متعلقہ حکام کو سختی سے ہدایت کی کہ پتنگ بازی کی پابندی کے قانون پر سختی سے عمل درآمد کرایا جائے۔

    خیال رہے کہ 2 فروری کو لاہور ہائی کورٹ نے بسنت منانے کے اعلان کے خلاف درخواستوں پر تحریری حکم نامے میں کہا تھا کہ پنجاب حکومت نے یقین دہانی کرائی ہے کہ رواں برس بسنت منانے کی اجازت نہیں دے گی، متوازن اور سنجیدہ فیصلوں کے بعد ہی بسنت کی اجازت دی جائے گی۔

  • فیصل آباد: کیمیکل ڈور سے طالب علم کی ہلاکت کے خلاف طلبہ سراپا احتجاج

    فیصل آباد: کیمیکل ڈور سے طالب علم کی ہلاکت کے خلاف طلبہ سراپا احتجاج

    فیصل آباد: پتنگ کی قاتل ڈور سے جاں بحق طالب علم کی موت پر طلبہ سراپا احتجاج بن گئے، مظاہرین نے سمندری روڈ بلاک کر دیا۔

    تفصیلات کے مطابق فیصل آباد میں دو دن قبل کیمیکل ڈور سے طالب علم کی ہلاکت کے خلاف طلبہ سراپا احتجاج بن گئے، طلبہ نے احتجاجاً سمندری روڈ بلاک کر دیا۔

    [bs-quote quote=”پتنگ بازی پر فوری طور پر مکمل پابندی لگائی جائے۔” style=”style-7″ align=”left” color=”#dd3333″ author_job=”مظاہرین کا مطالبہ”][/bs-quote]

    21 سال کے جوان بیٹے کی موت پر وقاص کی والدہ شدید صدمے سے دوچار ہو گئیں۔

    جواں سال طالب علم وقاص کے گلے پر پتنگ کی ڈور پھر گئی تھی، جس کے باعث وہ جاں بر نہیں ہو سکا اور جان گنوا بیٹھا۔

    نوجوان کی ہلاکت کے خلاف طلبہ نے سمندری روڈ پر احتجاج کیا، مظاہرین نے مطالبہ کیا کہ پتنگ بازی پر فوری طور پر مکمل پابندی لگائی جائے۔

    غم سے نڈھال وقاص کی والدہ کا کہنا تھا کہ گھر کا ایک ہی کفیل تھا وہ بھی چھین لیا گیا ہے۔

    یہ بھی پڑھیں:  فیصل آباد: پتنگ کی قاتل ڈور نے ایک اور نوجوان کی جان لے لی

    دریں اثنا ترجمان پنجاب حکومت شہباز گل نے وقاص کے اہلِ خانہ سے ملاقات کی، ان کا کہنا تھا پولیس کی نا اہلی کے باعث کیمیکل ڈور بنتی ہے، آئندہ بسنت منانے کی اجازت نہیں ہوگی۔

    خیال رہے کہ پنجاب میں ایک سال کے دوران پتنگ بازی کے مختلف واقعات میں 18 افراد جاں بحق ہو چکے ہیں۔ یہ بھی یاد رہے کہ پنجاب میں‌ پتنگ اڑانے پر پابندی عائد ہے تاہم پتنگ بازی تا حال روکی نہیں‌ جا سکی ہے۔

  • فیصل آباد: پتنگ کی قاتل ڈور نے ایک اور نوجوان کی جان لے لی

    فیصل آباد: پتنگ کی قاتل ڈور نے ایک اور نوجوان کی جان لے لی

    فیصل آباد: پتنگ کی قاتل ڈور ایک اور وار کر گئی، 21 سال کا ایک نوجوان گلے پر ڈور پھرنے کے باعث جان سے ہاتھ دھو بیٹھا۔

    تفصیلات کے مطابق پنجاب کے شہر فیصل آباد کے علاقے رحمانیہ روڈ پر گلے پر ڈور پھرنے سے اکیس سال کا نوجوان جاں بحق ہو گیا۔

    [bs-quote quote=”کیمیکل ڈور سے جاں بحق ہونے والا وقاص تھرڈ ایئر کا طالب علم تھا۔” style=”style-7″ align=”left” color=”#dd3333″][/bs-quote]

    ریسکیو ذرائع نے بتایا کہ ہرچرن پورہ کا رہائشی وقاص موٹر سائیکل پر جا رہا تھا کہ اڑتی پتنگ کی ڈور کی زد میں آ گیا۔

    اے آر وائی نیوز کے مطابق کیمیکل ڈور سے جاں بحق ہونے والا وقاص تھرڈ ایئر کا طالب علم تھا، نوجوان کو زخمی حالت میں الائیڈ اسپتال لایا گیا تھا جہاں وہ دم توڑ گیا۔

    آئی جی پنجاب امجد جاوید سلیمی کے فیصل آباد میں پتنگ بازی اور ہوائی فائرنگ کے واقعات کے نوٹس کے بعد CPO فیصل آباد نے رپورٹ پیش کر دی۔

    رپورٹ کے مطابق سال 2019 میں اب تک پتنگ بازوں کے خلاف کائٹ فلائنگ ایکٹ کے تحت کاروائی کرتے ہوئے مجموعی طور پر 1077 مقدمات درج کر کے 1103 ملزمان کو گرفتار کیا جا چکا ہے۔

    خیال رہے کہ حکومتِ پنجاب نے پتنگ اڑانے پر پابندی عائد کی ہوئی ہے، آئے دن خطرناک ڈور کے باعث بچے اور نوجوانوں کی اموات واقع ہو رہی ہیں۔

    یہ بھی پڑھیں:  پتنگ بازی پرپابندی کے قانون پرعملدرآمد یقینی بنایا جائے‘ عثمان بزدار

    پولیس کی جانب سے آئے روز پتنگ بازوں کے خلاف کریک ڈاؤن بھی جاری ہے، تاہم پابندی اور پولیس ریڈز کے با وجود صوبے بھر میں پتنگ بازی عروج پر ہے۔

  • فیصل آباد : بسنت کے دوران ہوائی فائرنگ، 5افراد جاں بحق، وزیراعلیٰ کا سخت نوٹس

    فیصل آباد : بسنت کے دوران ہوائی فائرنگ، 5افراد جاں بحق، وزیراعلیٰ کا سخت نوٹس

    فیصل آباد : مختلف علاقوں میں بسنت کے دوران ہوائی فائرنگ سے خاتون سمیت پانچ افراد جاں بحق ہوگئے، سات ملزمان کو گرفتار کرکے مقدمہ درج کرلیا گیا، وزیراعلیٰ پنجاب نےآئی جی سے رپورٹ طلب کرلی۔

    تفصیلات کے مطابق فیصل آباد کے مختلف علاقوں میں بسنت منانے کے دوران منچلوں کی ہوائی فائرنگ سے خاتون سمیت پانچ افراد جاں بحق ہوگئے، نوجوانوں نے کلاشنکوف سمیت جدید اسلحے سے فائرنگ کی۔

    پولیس نے کارروائی کرتے ہوئے مختلف علاقوں سے ہوائی فائرنگ کے الزام میں سات افراد کو گرفتار کرکے ان کے قبضے سے اسلحہ برآمد کرلیا۔ وزیراعلیٰ پنجاب عثمان بزدار نے فیصل آبادمیں پتنگ بازی اور فائرنگ سے ہلاکتوں کے واقعات کا سختی سے نوٹس لے لیا، وزیراعلیٰ پنجاب نےآئی جی سے واقعات کی مکمل رپورٹ طلب کرلی۔

    وزیر اعلیٰ ہاؤس سے جاری بیان میں عثمان بزدار نے فائرنگ سے ہونے والے جانی نقصان پر دکھ اورافسوس کا اظہار کیا ہے ان کا کہنا ہے کہ پابندی کے باوجود پتنگ بازی اور ہوائی فائرنگ کے واقعات افسوسناک ہیں، غفلت کے ذمہ داروں کا تعین کرکے کارروائی کا آغاز کیا جائے۔

    وزیراعلیٰ پنجاب کا مزید کہنا ہے کہ پولیس حکام پتنگ بازی پر پابندی کے قانون پرعمل درآمد یقینی بنائیں، ایسے واقعات کا رونما ہونا پولیس کی کارکردگی پر سوالیہ نشان ہے۔

  • راولپنڈی اور گرد و نواح میں پابندی کے باوجود پتنگ بازی

    راولپنڈی اور گرد و نواح میں پابندی کے باوجود پتنگ بازی

    راولپنڈی: پنجاب حکومت کی جانب سے بسنت نہ منانے کے فیصلے کے باوجود راولپنڈی شہر اور گرد و نواح میں پتنگ بازی جاری ہے۔

    تفصیلات کے مطابق صوبہ پنجاب میں پتنگ بازی پر پابندی کے باوجود راولپنڈی اور گرد و نواح میں پتنگ بازی کی جا رہی ہے۔

    [bs-quote quote=”تھانہ نیو ٹاؤن، تھانہ وارث خان، پیر ودھائی سول لائن کے علاقوں میں پتنگ بازی کی جا رہی ہے۔” style=”style-7″ align=”left” color=”#dd3333″][/bs-quote]

    پولیس کی غفلت کے باعث پتنگ فروشوں اور پتنگ بازوں کو کھلی چھٹی مل گئی ہے۔

    میڈیا رپورٹس کے مطابق گزشتہ ہفتے بھی قاتل ڈور نے 3 افراد کی جان لے لی تھی، اس وقت مختلف تھانوں کی حدود میں پتنگ بازی عروج پر ہے۔

    اے آر وائی نیوز کے مطابق تھانہ بنی، تھانہ نیو ٹاؤن، تھانہ وارث خان، پیر ودھائی سول لائن کے علاقوں میں پتنگ بازی کی جا رہی ہے۔

    خیال رہے کہ آج لاہور ہائی کورٹ نے بسنت منانے کے اعلان کے خلاف درخواستوں پر تحریری حکم نامے میں کہا ہے کہ پنجاب حکومت نے یقین دہانی کرائی ہے کہ رواں برس بسنت منانے کی اجازت نہیں دے گی، متوازن اور سنجیدہ فیصلوں کے بعد ہی بسنت کی اجازت دی جائے گی۔

    یہ بھی پڑھیں:  پنجاب حکومت اس سال بسنت منانے کی اجازت نہیں دے گی،عدالتی فیصلہ

    تاہم عدالت میں پنجاب حکومت نے واضح کیا کہ صوبے میں بسنت بہ طور ثقافتی اور معاشی تہوار منایا جاتا ہے۔

    دوسری طرف درخواست گزار کا کہنا تھا کہ بسنت خونی کھیل ہے، پابندی کے باوجود اجازت دی جا رہی ہے، عدالت بسنت پر پابندی کے قانون اور عدالتی فیصلے پر عمل درآمد کا حکم دے۔

  • پنجاب حکومت اس سال بسنت منانے کی اجازت نہیں دے گی،عدالتی فیصلہ

    پنجاب حکومت اس سال بسنت منانے کی اجازت نہیں دے گی،عدالتی فیصلہ

     لاہور: لاہور ہائی کورٹ نے بسنت منانے کے اعلان کے خلاف درخواستوں پر تحریری حکم نامے میں کہا ہے کہ پنجاب حکومت  نے یقین دہانی کرائی ہے کہ رواں برس بسنت منانے کی اجازت نہیں دے گی، متوازن اورسنجیدہ فیصلوں کے بعدہی بسنت کی اجازت دی جائے گی۔

    تفصیلات کے مطابق لاہورہائی کورٹ نے پنجاب میں بسنت منانے کے اعلان کے خلاف درخواستوں پرفیصلہ جاری کردیا، تحریری حکم نامے میں کہا گیا ہے کہ  پنجاب حکومت  کی جانب سے یقین دہانی کرائی گئی  کہ اس سال بسنت منانے کی اجازت نہیں دے گی، پنجاب حکومت نے واضح کیابسنت بطور ثقافتی اورمعاشی تہوارمنایاجاتاہے۔

    حکم نامے میں کہا گیا ہے کہ پنجاب حکومت کےمطابق نئی قانون سازی کے لیے تجاویز زیرغورہیں۔ فیصلے میں مزید کہا گیا کہ پنجاب حکومت نے یقین دہانی کروائی کہ بسنت سے قبل شہریوں کے جان و مال کے تحفظ کی گارنٹی دی جائے گی، بسنت منانے کی اجازت سے قبل تمام اسٹیک ہولڈرز سے مشاورت کی جائے گی اور حکومت متوازن اور سنجیدہ فیصلوں کےبعدہی بسنت کی اجازت دے گی۔

    مزید پڑھیں : اگر مستقبل میں بسنت منانی ہے، تو حکومت تمام احتیاطی تدابیر اختیار کرے: لاہور ہائی کورٹ

    عدالتی حکم نامے کے مطابق تمام درخواست گزاروں کو حکومتی نقطہ نظرپرکوئی اعتراض نہیں، پنجاب حکومت کے بیان پر درخواستیں نمٹائی جاتی ہیں۔

    یاد رہے 24 جنوری کو ہائی کورٹ نے بسنت کے خلاف درخواستیں نمٹا دیں تھیں ، عدالت نے واضح کیا تھا کہ اگر مستقبل میں‌ بسنت منانی ہے، تو حکومت کو تمام احتیاطی تدابیر اختیار کرنی ہوں گی۔

    درخواست گزار شیراز ذکاء نے کہا کہ پتنگ بازی کے خلاف ایکٹ بن گیا، مگر رولز نہیں بنے، بسنت خونی کھیل ہے، پابندی کے باوجود اجازت دی جارہی ہے، عدالت بسنت پر پابندی کے قانون اور عدالتی فیصلے پر عمل درآمد کا حکم دے۔

    خیال رہے حکومت پنجاب نے بسنت نہ منانے کا فیصلہ کیا تھا ، عبدالعلیم خان کا کہنا تھا کہ محفوظ بسنت کی تیاری کے لئے 4 سے 6 ماہ کی ورکنگ درکار ہے، ادارے ذمے داریاں پوری کریں، تو ایسی سرگرمیاں ہوسکتی ہیں۔

    مزید پڑھیں : حکومت پنجاب نے بسنت نہ منانے کا فیصلہ

    سینئر وزیر نے کہا کہ ڈور، پتنگ کی تیاری رجسٹرڈ اور باقاعدہ نظام وضع ہونا چاہیے، تب ہی یہ فیصلہ ہوسکتا ہے، دھاتی تار کے استعمال، قوانین کی خلاف ورزی پر ایکشن ہوگا، بسنت نہ منانے کا فیصلہ عوامی مفاد میں کر رہے ہیں۔

    واضح رہے کہ چند روز قبل پنجاب حکومت کی جانب سے بسنت منانے کا عندیہ دیا گیا تھا، جس کے بعد اس موضوع پر ایک بحث شروع ہوگئی تھی ، کچھ حلقوں کی جانب سے حفاظتی اقدامات نہ ہونے کے باعث اس فیصلے کو تنقید کا نشانہ بنایا گیا تھا۔

  • اگر مستقبل میں بسنت منانی ہے، تو حکومت تمام احتیاطی تدابیر اختیار کرے: لاہور ہائی کورٹ

    اگر مستقبل میں بسنت منانی ہے، تو حکومت تمام احتیاطی تدابیر اختیار کرے: لاہور ہائی کورٹ

    لاہور: ہائی کورٹ نے بسنت سے متعلق کیس میں واضح کیا ہے کہ اگر مستقبل میں‌ بسنت منانی ہے، تو حکومت کو تمام احتیاطی تدابیر اختیار کرنی ہوں گی.

    تفصیلات کے مطابق ہائی کورٹ نے بسنت کے خلاف درخواستیں نمٹا دیں، جسٹس شکیل الرحمان خان نے درخواستوں کی سماعت کی  تھی.

    دوران سماعت درخواست گزار صفدر شاہین پیرزادہ نے کہا کہ سپریم کورٹ کے فیصلے پر آج تک عمل نہیں ہوا، جو توہین عدالت ہے، سپریم کورٹ بسنت کے حوالے سے گائیڈ لائن دے چکی ہے۔

    درخواست گزار شیراز ذکاء نے کہا کہ پتنگ بازی کے خلاف ایکٹ بن گیا، مگر رولز نہیں بنے، بسنت خونی کھیل ہے، پابندی کے باوجود اجازت دی جارہی ہے، عدالت بسنت پر پابندی کے قانون اور عدالتی فیصلے پر عمل درآمد کا حکم دے.

    پنجاب حکومت کی جانب سے جواب داخل کروایا گیا، اس موقع پر سرکاری وکیل نے کہا کہ صوبائی یا ضلعی حکومتیں بسنت نہیں منا رہی، پتنگ بازی پر مکمل پابندی ہے.

    مزید پڑھیں: کیا لاہور کے آسمان پر پتنگیں رنگ بکھیریں گی؟

    عدالت نے سوال کیا کہ اگر پابندی ہے، تو خلاف ورزی کرنے والوں کے خلاف کیا کارروائی ہوئی، کیا کہیں یہ ڈیٹا موجود ہے کہ پتنگ بازی پر آج تک کتنوں کے خلاف کارروائی ہوئی، اس بات کا کیوں انتظار کیا جاتا ہے کہ انسانی جانوں کا ضیاع ہو، تب پابندی پر عمل درآمد ہو گا.

    عدالت نے کہا کہ حکومت نے بسنت نہ منانے کے حوالے سے واضح موقف اختیار کیا ہے، اگر مستقبل میں بسنت منانی ہوئی. تو حکومت تمام احتیاطی تدابیر اختیار کرے گی.