Tag: بس حادثہ

دیر بالا: خیبر پختون خوا کے علاقے دیر بالا میں دریائے پنجکوڑہ میں گاڑی دریا میں گرنے سے 6 افراد جاں بحق ہو گئے ہیں۔

تفصیلات کے مطابق ایک گاڑی میں سوار افراد گالوم کوہستان سے باڈا جا رہی تھی کہ بریکوٹ کے پہاڑی مقام پر پنجکوڑہ دریا میں جا گری، جس کے نتیجے میں کار میں سوار چھ افراد جاں بحق ہو گئے۔

حادثے کے فوراً بعد مقامی لوگ جائے حادثہ پر اکھٹے ہو کر ریسکیو کا کام کرنے لگے، مقامی افراد نے اپنی مدد آپ کے تحت لاشوں اور کار کو دریا سے کھینچ کر نکالا۔

معلوم ہوا ہے کہ حادثے کا شکار ہونے والی گاڑی شرینگل سے باڈا جا رہی تھی، حادثے میں جاں بحق ہونے والے افراد میں دو بچے بھی شامل ہیں، لاشیں نکالی جانے کے بعد آبائی علاقے روانہ کر دی گئی ہیں۔

یہ بھی پڑھیں:  کوہستان میں جیپ دریائے سندھ میں جاگری، 8 افراد جاں بحق

یاد رہے کہ 12 جولائی کو مانسہرہ، کوہستان میں جیپ دریائے سندھ میں جا گری تھی جس کے نتیجے میں 8 افراد جاں بحق ہو گئے تھے، یہ واقعہ اپر کوہستان میں سیو سے داسو جاتے ہوئے پیش آیا تھا، جاں بحق افراد کا تعلق ایک ہی خاندان سے تھا، اس حادثے کے وقت بھی پولیس اور انتظامیہ نے مقامی لوگوں کے ساتھ مل کر لاشیں نکالی تھیں۔

اسلام آباد: دفتر خارجہ نے کہا ہے کہ سعودی عرب میں پیش آنے والے افسوس ناک ٹریفک حادثے میں جاں بحق ہونے والوں میں پاکستانی بھی شامل ہیں۔

تفصیلات کے مطابق ترجمان دفتر خارجہ نے سعودی عرب حادثے پر بیان جاری کرتے ہوئے کہا کہ حادثے میں ابتدائی اطلاعات کے مطابق 35 افراد جاں بحق ہوئے ہیں، ریاض سے مکہ جانے والی بس میں 39 مسافر سوار تھے، جاں بحق ہونے والے 35 افراد میں پاکستانی بھی شامل ہیں۔

ترجمان نے بتایا کہ حادثے میں بچ جانے والے 4 مسافروں میں ایک پاکستانی شہری اکبر بھی شامل ہے، جب کہ جاں بحق افراد کی صحیح تعداد اور دیگر تفصیلات جلد منظر عام پر آ جائیں گی۔

ترجمان ڈاکٹر فیصل کا کہنا تھا پاکستانی سفارتی مشن کے 3 حکام رابطے کے لیے متعین کر دیے گئے ہیں، جن میں عبد الشکور شیخ، مجید حسین اور طارق محمود شامل ہیں جن سے معلومات کے لیے رابطہ کیا جا سکتا ہے۔

تازہ ترین:  سعودی عرب میں خوفناک ٹریفک حادثہ، 35 افراد جاں بحق

دفتر خارجہ نے رابطہ نمبر بھی جاری کر دیے ہیں، کہا گیا ہے کہ خارجہ کے حکام سے 00966552773332، 0096532347340 پر رابطہ کیا جا سکتا ہے، جب کہ سفارتی حکام سے 00966583723184 پر رابطہ کیا جا سکتا ہے۔

واضح رہے کہ سعودی عرب میں مدینہ منورہ سے 170 کلو میٹر دور ہجرہ روڈ پر بس اور ٹرک میں تصادم کے نتیجے میں 35 افراد جاں بحق جب کہ 4 افراد زخمی ہو گئے تھے، بس اور ٹرک ٹکرانے سے بس میں آگ بھڑک اٹھی تھی۔

سعودی میڈیا کے مطابق حادثے میں جاں بحق ہونے والے افراد کا تعلق افریقی اور ایشیائی ممالک سے ہے۔