Tag: بس

نوشہرہ: صوبہ خیبر پختونخواہ میں اکبر پورہ کے قریب بس کھائی میں گرنے سے 5 افراد جاں بحق جبکہ متعدد افراد زخمی ہوگئے۔

تفصیلات کے مطابق خیبر پختونخواہ میں موٹروے پر جبہ داؤد زئی میں مسافر بس کھائی میں گرنے سے 5 افراد جان کی بازی ہار گئے، حادثے میں متعدد افراد زخمی ہوگئے۔

ریسکیو حکام کہنا ہے کہ جائے حادثہ پر امدادی کارروائیاں جاری ہیں، حادثے میں زخمی ہونے والے افراد کو قریبی اسپتالوں میں منتقل کیا جا رہا ہے۔

پولیس کا کہنا ہے کہ حادثے میں جاں بحق افراد کی لاشوں کو قانونی کارروائی کے بعد ورثا کے حوالے کیا جائے گا۔حکام نے بتایا کہ حادثے کی شکار ہونے والی کوچ لاہور سے پشاور جا رہی تھی۔

اس سے قبل ہفتے کی صبح سمندری سے آٹھ افراد کار میں موٹروے رجانہ انٹرچینج سے لاہور جا رہے تھے، تیزرفتاری کے باعث کار ڈرائیور سے بے قابو ہو کر آگے جانے والے ٹرک سے ٹکرا گئی تھی۔

حادثے میں ڈرائیور سمیت 4 افراد موقع پر ہی جاں بحق ہوگئے تھے جبکہ 4 افراد زخمی ہوئے تھے۔

لورالائی: ٹرک اور کار میں ٹکر،5 افراد جاں بحق

یاد رہے کہ گزشتہ ہفتے صوبہ بلوچستان کے علاقے لورالائی میں ٹرک اور کار میں تصادم ہوا جس کے نتیجے میں 5 افراد جاں بحق جبکہ 3 زخمی ہوگئے تھے۔

گوادر: صوبہ بلوچستان میں مکران کوسٹل ہائی وے پر بس کھائی میں جا گری جس کے نتیجے میں 9 افراد جاں بحق جبکہ متعدد افراد زخمی ہوگئے۔

تفصیلات کے مطابق بلوچستان میں مکران کوسٹل ہائی وے پر بس حادثے کا شکار ہوگئی جس کے نتیجے میں 9 افراد جان کی بازی ہار گئے جبکہ متعدد افراد زخمی ہوگئے۔

ریسکیو حکام کے مطابق اوڑمارہ سے کراچی جانے والی بس کوسٹل ہائی وے پر بزی ٹاپ کے قریب بریک فیل ہونے کے باعث گہری کھائی میں جا گری۔ حادثے میں زخمی ہونے والے افراد کو طبی امداد کے لیے اسپتال منتقل کر دیا گیا۔

گوادر میں بس کو حادثہ، 9 افراد جاں بحق

اس سے قبل گزشتہ ماہ گوادر میں بس کھائی میں گرنے سے 9 افراد جاں بحق جبکہ متعدد زخمی ہوئے تھے۔ بس گوادر سے کراچی جا رہی تھی کہ بزی ٹاپ کے قریب حادثے کا شکار ہوگئی تھی۔

بلوچستان میں ٹریفک حادثہ، 7 افراد جاں بحق

یاد رہے کہ رواں سال اگست میں بلوچستان کے ضلع قلعہ عبداللہ میں مسافر کوچ اور پک اپ میں تصادم کے نتیجے میں 7 افراد جان کی بازی ہار گئے جبکہ ایک مسافر زخمی ہوگیا تھا۔