Tag: بشریٰ بی بی

اسلام آباد: وزیراعلیٰ خیبر پختونخوا علی امین گنڈاپوراور بانی پی ٹی آئی کی اہلیہ بشریٰ بی بی کیخلاف ایک اور مقدمہ درج کرلیا گیا۔

ایس ایچ او تھانہ سیکرٹریٹ کی مدعیت میں بشریٰ بی بی اور وزیر اعلیٰ کےپی علی امین کے خلاف مقدمے کا اندراج کیا گیا ہے، مقدمے میں 7 اے ٹی اے سمیت 20 دفعات شامل کی گئی ہیں، مقدمے میں سینیٹر فیصل جاوید، عاطف خان اور اسد قیصر بھی نامزد ہیں۔

بشریٰ بی بی ڈی چوک کیوں جانا چاہتی تھیں؟ ترجمان نے خاموشی توڑ دی

ایف آئی آر کے متن میں کہا گیا ہے کہ 15 سے 18 ہزار افراد نے بشریٰ بی بی اور علی امین کی قیادت میں ڈی چوک پر حملہ کیا۔

مقدمے کے متن کے مطابق ہجوم کے پاس اسلحہ بھی موجود تھا، مسلح ہجوم میں ریاست مخالف تقاریر بھی چلائی گئیں۔

پشاور: پی ٹی آئی کی سیاسی کمیٹی کے اجلاس میں ممبران نے بشریٰ بی بی کی ریلی میں شمولیت اورڈی چوک کی ضد پر تنقید کی۔

تفصیلات کے مطابق پی ٹی آئی کی سیاسی کمیٹی کے اجلاس کی اندرونی کہانی سامنے آگئی، جس میں بتایا گیا اجلاس بشریٰ بی بی کی تجویزپرطلب کیا گیا، اجلاس کا مقصد دھرنے میں ممبران قومی وصوبائی اسمبلیوں کی کارکردگی کا جائزہ لینا تھا۔

ذرائع نے بتایا کہ اجلاس میں حامد رضا اور سلمان اکرم راجہ کے استعفےکی وجوہات پوچھی گئیں اور ڈی چوک پہنچنے کی وجہ بشریٰ بی بی کو قرار دیا گیا۔

ذرائع کا کہنا تھا کہ ممبران نےبشریٰ بی بی کی ریلی میں شمولیت اورڈی چوک کی ضدپرتنقیدکی جبکہ ممبران قومی وصوبائی اسمبلیوں نے پارٹی قیادت پربھی تنقید کی۔

مزید پڑھیں : ’بشریٰ بی بی نے بے غیرت اور بے شرم جیسے الفاظ کا استعمال کیا‘

ممبران نے کہا پارٹی قیادت کو سنگجانی کا فیصلہ کرکے ریلی روکنی چاہیےتھی، جس پر بیرسٹر گوہر نے اجلاس میں بتایا کہ بانی پی ٹی آئی سنگجانی جانے پرمتفق تھے۔

بشریٰ بی بی نےاپنےاوپرتنقیدکوخاموشی سےسنا جبکہ سلمان اکرم اور حامد رضا نے شکوہ کیا کہ عہدیداروں کی بات نہیں سنی جاتی۔

اجلاس میں علی محمد خان نے بھی اپنے اوپر تنقید پر کہا کہ میں بانی پی ٹی آئی کوجوابدہ ہوں۔

یاد رہے پشاور میں پاکستان تحریک انصاف کےغیررسمی مشاورتی اجلاس میں شرکا نے تحفظات کا اظہار کرتے ہوئے کہا تھا کہ تمام قیادت سے اس حوالے سے بازپرس ہونی چاہیے،صرف اور صرف کارکنوں کی جرات نےدھرنا کامیاب بنایا۔

شرکانے قیادت کی کمزوریوں کاجائزہ لینےکامطالبہ بھی کیا، اجلاس میں علی امین گنڈاپور،عمرایوب،شوکت یوسفزئی ودیگر شریک تھے۔

اجلاس میں احتجاج کے شہدااور زخمیوں کےگھروں کےدورےکافیصلہ کیاگیا، وزیر اعلیٰ علی امین گنڈاپور نے کہا شہدا کے لواحقین کو ایک ایک کروڑ روپے ادا کئے جائیں گے۔

مریم ریاض وٹو نے کہا ہے کہ بشریٰ بی بی غصے میں نہیں تھیں وہ مایوس تھیں کہ کوئی پلاننگ نہیں تھی، وہ ڈی چاک سے اپنی مرضی سے نہیں گئیں۔

اے آر وائی نیوز سے گفتگو کرتے ہوئے ہمشیرہ بشریٰ بی بی مریم ریاض وٹو کا کہنا تھا کہ پارٹی نے سمجھا کہ بشریٰ بی بی کو نکالنا ضروری ہوگا مگر وہ مرضی سے نہیں گئیں، بشریٰ بی بی ڈی چوک سے اپنی مرضی سےنہیں گئیں، پارٹی انھیں روک رہی تھی کہ آپ نے احتجاج میں نہیں جانا۔

مریم ریاض نے بتایا کہ کل سیاسی میٹنگ میں گفتگو ہوئی بیرسٹرسیف نے جھوٹ بولا کہ بانی پی ٹی آئی سنگجانی پر رضامند ہیں۔

انھوں نے بتایا کہ بشریٰ بی بی نے کہا قیادت نہیں لےکر جانا چاہتی تو ورکرز کیساتھ چلی جاؤں گی، پریس کانفرنس سے متعلق بھی بشریٰ بی بی کو نہیں بتایا گیا تھا، بشریٰ بی بی نے سیاسی کمیٹی اجلاس میں کہا قیادت کہاں تھی جب بانی کی کال تھی۔

ہمشیرہ بشریٰ بی بی نے کہا کہ پہلے یہ کہا جارہا تھا کہ بشریٰ بی بی نے خود ڈی چوک جانے کا فیصلہ کیا، فائنل کال کی تاریخ کا اعلان علیمہ خانم کے ذریعے بانی پی ٹی آئی نے کیا تھا۔

بانی پی ٹی آئی نے ہی بشریٰ بی بی کو کہا تھا کہ آپ نے ڈی چوک جانا ہے، بیرسٹر گوہر اور بیرسٹرسیف بانی پی ٹی آئی پر دباؤ ڈال رہے تھے کہ سنگجانی پرٹھیک ہے۔

’بشریٰ بی بی نے بے غیرت اور بے شرم جیسے الفاظ کا استعمال کیا‘

مریم ریاض نے کہا کہ بانی پی ٹی آئی کی جیل میں ویڈیو بنانے کی باتیں بھی غلط ہے، بشریٰ بی بی پر غلط بات ڈالی جارہی ہے، غلط الزام لگایا جارہا ہے۔

راولپنڈی : بانی پی ٹی آئی، بشریٰ بی بی، علی امین گنڈاپور اور دیگر کیخلاف راولپنڈی میں دو نئے مقدمے درج کرلئے گئے۔

تفصیلات کے مطابق 24 نومبر کے احتجاج کے خلاف  بانی پی ٹی آئی، بشریٰ بی بی، علی امین گنڈاپور اور دیگر کیخلاف راولپنڈی میں مزید 2 درج مقدمات  کرلئے گئے۔

پچھتر ملزمان میں علیمہ خان، عمر ایوب، حماد اظہر، اسد قیصر، عارف علوی بھی نامزد ہے۔

ملزمان پر الزام ہے انہوں نے ریاستی اداروں کے خلاف کارکنوں کو احتجاج پر اکسایا، عوام کی زندگیوں کو خطرے میں ڈالا، سرکاری و نجی املاک کو نقصان پہنچایا، سڑکیں بند کرکے پولیس سے مزاحمت کی، عوام میں خوف و ہراس پھیلایا جس کے نتیجے میں پنجاب پولیس کا ایک اہلکار مبشر حسن شہید ہوا جبکہ متعدد پولیس اہلکار زخمی ہوئے۔

مقدمات میں عمران خان پر الزام ہے انہوں نے اڈیالہ جیل سے 24 نومبر کے پر تشدد احتجاج کی کال دی، پارٹی لیڈرز کو احتجاج کی منصوبہ بندی کرنے کی ہدایات جاری کیں جبکہ ملزمان نے دفعہ 144 کے نفاذ کے باوجود امن و امان میں خلل ڈالا اور ریاست کے خلاف کارکنوں کو پرتشدد احتجاج پر اکسایا۔

دوسری جانب راولپنڈی پولیس نے پاکستان تحریک انصاف کی مرکزی قیادت سمیت سینکڑوں کارکنان کے خلاف مختلف تھانوں 24 نومبر کے پر تشدد احتجاج کے خلاف اب تک 9 مقدمات درج کرلئے گئے۔

مقدمات میں عمران خان ، بشری بی بی، علی امین گنڈا پور، عمر ایوب، عارف علوی، علیمہ خان، اسد قیصر، شیخ وقاص اکرم سمیت متعدد رہنماوں کو نامزد کیا گیا ہے۔

پی ٹی آئی رہنماوں پر الزام ہے انہوں نے کارکنوں کو پرتشدد احتجاج پر اکسایا، مظاہرین نے سرکاری املاک کو نقصان پہنچایا، پولیس اہلکاروں پر حملے کئے جس کے نتیجے میں ایک پولیس اہلکار شہید متعدد زخمی ہوگئے۔

ترجمان راولپنڈی پولیس کے مطابق پی ٹی آئی کے 24 نومبر کے پرتشدد احتجاج کے خلاف تھانہ نیوٹاون، تھانہ دھمیال، تھانہ ٹیکسلا، تھانہ صادق آباد، تھانہ صدر واہ اور تھانہ نصیر آباد میں درج کئے گئے ہیں۔

ترجمان کا کہنا تھا کہ تمام مقدمات میں دہشت گردی کی دفعات سمیت تعزیرات پاکستان کی 14 دفعات شامل کی گئی ہیں، مقدمات میں اقدام قتل، کارسرکار میں مداخلت، پولیس کے ساتھ مزاحمت، سرکاری املاک پر حملے اور پولیس اہلکاروں کو زخمی و شہید کرنے کی دفعات بھی شامل کی گئی ہیں۔

مانسہرہ : بانی پی ٹی آئی کی اہلیہ بشریٰ بی بی اور وزیراعلیٰ کے پی علی امین خان گنڈاپور مانسہرہ پہنچ گئے، آج آئندہ کا لائحہ عمل دیں گے۔

تفصیلات کے مطابق وزیراعلیٰ کے پی علی امین خان گنڈاپور اسلام آباد سے مانسہرہ پہنچ گئے ، بشریٰ بی بی اور عمر ایوب بھی وزیراعلیٰ کے پی کے ہمراہ مانسہرہ پہنچے۔

سینئرنائب صدرہزارہ ڈویژن تیمورسلیم سواتی نے کہا ہے کہ پی ٹی آئی رہنماوں کی جانب سے آج صبح11بجے تحریک انصاف سیکرٹریٹ میں پریس کانفرنس متوقع ہیں، جس میں پی ٹی آئی پر بربریت کیخلاف آئندہ کا لائحہ عمل دیں گے۔

اس سے قبل وزیراعلیٰ کے پی اور بانی پی ٹی آئی کی اہلیہ بشریٰ بی کی ہری پور سے پشاور روانہ ہونےکی اطلاع پر مکھنیال،ہزارہ موٹروے اور دیگرمرکزی شاہراؤں پر ایف سی کی نفری تعینات کردی گئی تھی۔

مزید پڑھیں : بشریٰ بی بی اور گنڈاپور کے فرار ہونے کی اطلاع

اس کے علاوہ پنجاب کو ملانے والے تمام انٹرچینج کو سیل کرکے ایف سی تعینات کردی گئی تھی۔

خیال رہے قانون نافذ کرنے والے اداروں نے پاکستان تحریک انصاف (پی ٹی آئی) کے مظاہرین کے خلاف بلیو ایریا اور اطراف میں گرینڈ آپریشن شروع کیا تو بشریٰ بی بی اور وزیراعلیٰ کے پی کے فرار ہونے کی اطلاعات سامنے آئیں۔

آئی جی اسلام آباد نے پولیس فورس کو ہدایت کی تھی کہ بشریٰ بی بی کوکسی صورت اسلام آباد کی حدود سے باہر نہ جانے دیا جائے۔

اسلام آباد : بانی پی ٹی آئی کی اہلیہ بشریٰ بی بی کی بہن مریم ریاض وٹو خدشہ ظاہر کیا کہ  بشریٰ بی بی کو زبردستی اغوا کر کے لے جایا گیا۔

تفصیلات کے مطابق بانی پی ٹی آئی کی اہلیہ بشریٰ بی بی کی بہن مریم ریاض وٹو نے سماجی رابطے کی ویب سائٹ ایکس پر ویڈیو بیان میں کہا کہ رات کو گاڑیوں پر فائرنگ کے بعد بشریٰ بی بی سے رابطہ منقطع ہوگیا، کچھ لوگ کہہ رہے ہیں کہ بشریٰ بی بی گرفتار ہوگئی ہیں جبکہ کچھ کہہ رہے ہیں بشریٰ بی بی کے پی پہنچ گئی ہیں۔

ان کا کہنا تھا کہ بشریٰ بی بی کے پی میں ہوتیں تو خیریت سے متعلق فیملی سے رابطہ کرتیں، مجھے لگتا ہے بشریٰ بی بی کو زبردستی اغوا کرکے لے جایا گیا۔

مریم ریاض نے مزید بتایا کہ دھرنے کا مومنٹم بنا ہوا تھا، وہ بانی پی ٹی آئی سے غداری کر کے وہاں سے کبھی نہیں جاتی، انھوں نے ہی مومنٹم بنایا ہوا تھا تو ان کو وہاں سے ہٹانا ضروری تھا، بانی پی ٹی آئی نے دھرنے کو ختم کرنے کا حق کسی کو نہیں دیا تھا۔

مزید پڑھیں : بشریٰ بی بی اور گنڈاپور کے فرار ہونے کی اطلاع

خیال رہے قانون نافذ کرنے والے اداروں نے پاکستان تحریک انصاف (پی ٹی آئی) کے مظاہرین کے خلاف بلیو ایریا اور اطراف میں گرینڈ آپریشن شروع کیا تو بشریٰ بی بی اور علی امین گنڈاپور کے فرار ہونے کی اطلاعات سامنے آئیں۔

آئی جی اسلام آباد نے پولیس فورس کو ہدایت کی تھی کہ بشریٰ بی بی کوکسی صورت اسلام آباد کی حدود سے باہر نہ جانے دیا جائے۔