Tag: بشریٰ بی بی

لاہور: وزیر اطلاعات پنجاب عظمیٰ بخاری نے بشریٰ بی بی کے بیان پر ردعمل دیتے ہوئے کہا کہ وہ اپنے بچوں کو بھی مرنے مارنے کے لیے لائیں۔

اے آر وائی نیوز کے مطابق ن لیگی رہنما عظمیٰ بخاری نے نیوز کانفرنس کرتے ہوئے کہا کہ علی امین گنڈا پور قاسم اور سلیمان کو اپنے ساتھ کھڑا کرکے جہاد کے نعرے لگائیں۔

عظمیٰ بخاری نے کہا کہ پی ٹی آئی کے پاس اب دہشت گردی کے سوا کچھ نیا نہیں رہ گیا۔

انہوں نے کہا کہ گنڈاپور آج بانی سے ملاقات کے بعد میڈیا سے گفتگو کیے بغیر چلے گئے یوں لگ رہا ہے کچھ تو ہے جس کی پردہ داری ہے۔

واضح رہے کہ گزشتہ دنوں وزیر دفاع خواجہ آصف نے کہا تھا کہ بانی پی ٹی آئی صرف اسٹیبلشمینٹ سے مذاکرت چاہتے ہیں، ان کی جماعت کے لوگ ڈبل ایجنٹ بنے ہوئے ہیں، ہماری طرف سے مذاکرات کی آفر موجود ہے۔

خواجہ آصف نے پی ٹی آئی قیادت کو پیغام دیتے ہوئے کہا تھا کہ ’’ڈو اورڈائی‘‘ کا مسئلہ ہے تو اپنے بچے بھی لائیں۔

وزیر دفاع نے کہا تھا کہ وزیر اعلیٰ خیبرپختونخوا کی قیادت میں پی ٹی آئی دو مرتبہ وفاق پر حملہ آور ہوئی، علی امین گنڈاپور دونوں بار کارکنوں کو چھوڑ کر بھاگ گئے۔

یاد رہے کہ پی ٹی آئی کی جانب سے 24 نومبر کو اسلام آباد مارچ کی کال دی گئی ہے جبکہ بانی پی ٹی آئی نے اس حوالے سے مذاکرات کی اجازت بھی دے دی ہے۔

پشاور:بانی پی ٹی آئی کی اہلیہ بشریٰ بی بی کا کہنا ہے کہ خدشہ ہے 24 نومبر سے پہلے مجھے گرفتار کیا جائے گا، بانی پی ٹی آئی کا پیغام ہے 24 نومبر کو پوری تیاری کے ساتھ نکلنا ہے۔

تفصیلات کے مطابق چیئرمین پی ٹی آئی بیرسٹرگوہر کی زیرصدارت وزیراعلیٰ ہاؤس میں پی ٹی آئی کا اجلاس ہوا، اجلاس میں علی امین گنڈا پور، شیخ وقاص اکرم،عمرایوب سمیت دیگر نے شرکت کی، پنجاب سے قومی وصوبائی اسمبلی ارکان بھی شریک ہوئے۔

اجلاس میں بشری ٰبی بی نے پردے میں رہ کر پہلی بار خطاب کیا تاہم خطاب کے وقت شرکا کو موبائل بند کرنے کی ہدایات کی گئیں۔

بانی پی ٹی آئی کی اہلیہ نے کہا کہ میراسیاست میں آنے کا کوئی ارادہ نہیں، بانی پی ٹی آئی کا پیغام پہنچانے کے لیے آج آئی ہوں، بانی پی ٹی آئی کا سیاسی پیغام ورکرز تک پہنچانا مشکل ہے۔

انھوں نے بتایا کہ بانی پی ٹی آئی کاپیغام ہے 24 نومبرکوپوری تیاری کے ساتھ نکلنا ہے تاہم خدشہ ہے 24 نومبر سے پہلے مجھے گرفتار کیا جائے گا۔

عمران خان کی اہلیہ نے بانی پی ٹی آئی کی رہائی سے متعلق بات چیت کی، اجلاس میں بانی پی ٹی آئی کی فائنل کال پرسخت احتجاج ریکارڈکرنے کا فیصلہ کیا گیا۔

بانی پی ٹی آئی کی اہلیہ بشریٰ بی بی وزیراعلیٰ کے پروٹوکول میں واپس پشاور پہنچ گئیں، وزیراعلیٰ ہاؤس کی انیکسی میں قیام کریں گی۔

تفیصیلات کے مطابق بشریٰ بی بی جو شوہر کی ہدایت پر لاہور آئی تھیں انھیں کے پی حکومت کی جانب سے وزیراعلیٰ کے پروٹوکول میں لاہورسے پشاور پہنچایا گیا، ذرائع نے بتایا کہ بشریٰ بی بی وزیراعلیٰ ہاؤس کی انیکسی میں کچھ دنوں کیلئے قیام کرینگی۔

پارٹی ذرائع نے اس حوالے سے مزید بتایا کہ بشریٰ بی بی 3 روز قبل بانی پی ٹی آئی کی ہدایت پر لاہور پہنچی تھیں۔

اس سے قبل توشہ خانہ 2 ریفرنس میں بانی پی ٹی آئی کی اہلیہ بشریٰ بی بی کی ضمانت کا فیصلہ سپریم کورٹ میں چیلنج کردیا گیا، بانی پی ٹی آئی کی اہلیہ کی ضمانت کے ہائیکورٹ فیصلے کو سپریم کورٹ میں چیلنج کیا گیا ہے۔

درخواست میں موقف اختیار کیا گیا ہے کہ ہائیکورٹ کے ایک جج نے چیمبر میں ضمانت دی، ضمانت میں سپریم کورٹ کے طے کردہ اصولوں کو مد نظر نہیں رکھا گیا۔

یاد رہے اسلام آباد ہائیکورٹ نے بانی پی ٹی آئی کی اہلیہ کی ضمانت منظور کی تھی، جس کے بعد انھیں رہا کیا گیا تھا، عمران خان کی اہلیہ مجموعی طور پر9 ماہ جیل رہیں، ان کو رواں سال 31 جنوری کو توشہ خانہ کیس میں 14 سال قید کی سزا ہوئی تھی۔

سزا کا فیصلہ آنے کے بعد بشری بی بی نے خود جیل میں آکر گرفتاری دی تھی، بعد ازاں ان کو اڈیالہ جیل کے بجائے بنی گالہ منتقل کیا گیا تھا، کمشنر اسلام باد نے بنی گالہ کو سب جیل قرار دیا تھا۔

بانی پی ٹی آئی کی اہلیہ بشریٰ بی بی لاہورپہنچ گئیں، بشریٰ بی بی نےلاہور روانگی سے قبل بانی پی ٹی آئی سے ملاقات کی۔

تفصیلات کے مطابق ذرائع نے بتایا کہ بانی پی ٹی آئی کی ہدایت پر بشریٰ بی بی زمان پارک پہنچیں، بشریٰ بی بی زمان پارک میں قیام کریں گی، بشریٰ بی بی اپنے دانتوں کا چیک اپ کرانے کیلئے لاہور آئی ہیں۔

قریبی ذرائع نے بتایا کہ بشریٰ بی بی کو گزشتہ کئی سال سے مسوڑھے کا درد لاحق ہے، بشریٰ بی بی کو دوران قید عقل داڑھ میں تکلیف کی شکایت ہوئی تھی۔

بانی چیئرمین پاکستان تحریک انصاف کی اہلیہ و سابق خاتون اوّل بشریٰ بی بی کو اسی ماہ کی 24 اکتوبر کو جیل سے رہائی ملی تھی اور وہ پشاور روانہ ہوگئی تھیں۔

بشریٰ بی بی اڈیالہ جیل سے رہائی کے بعد بنی گالہ پہنچی تھیں اور ان کو لاہور کیلیے روانہ ہونا تھا، تاہم پلان میں تبدیلی کے بعد وہ لاہور کے بجائے پشاور چلی گئی تھیں۔

پشاور: پشاور ہائی کورٹ نے بانی پی ٹی آئی کی اہلیہ بشریٰ بی بی کوکسی بھی مقدمے میں گرفتار نہ کرنے کا حکم دے دیا۔

تفصیلات کے مطابق پشاورہائیکورٹ میں بانی پی ٹی آئی کی اہلیہ  بشریٰ بی بی کی مقدمات تفصیل کیلئے دائردرخواست پرسماعت ہوئی۔

جسٹس شکیل احمد،جسٹس صاحبزادہ اسد اللہ پر مشتمل بنچ نےسماعت کی، وکیل درخواست گزار نے کہا کہ چاروں صوبوں میں کیسز درج ہیں، جس پر جسٹس شکیل احمد نے استفسار کیا بشریٰ بی بی کےخلاف خیبر پختونخوا میں تو کوئی کیس نہیں ہوگا؟

وکیل درخواست گزار نے بتایا کہ جی یہاں پر کیس نہیں اس وجہ سے یہاں آئےہیں تو جسٹس اسداللہ نے ریمارکس دیئے یہاں کوئی کیس نہیں توکیا دوسرے صوبوں کیلئے او منی بس دے سکتے ہیں۔

وکیل نے کہا دوسرے صوبوں میں مقدمات ہوں تو یہاں سے حفاظتی ضمانت لےسکتےہیں ، جس پر جسٹس صاحبزادہ اسد اللہ کا کہنا تھا کہ دائرہ اختیار میں آئےتوالگ بات ہےاورلایاجائےتوالگ بات ہے، کے پی میں کیس نہیں ہے تو پنجاب، بلوچستان اور سندھ کیلئےحفاظتی ضمانت دے سکتے ہیں۔

قاضی انور ایڈوکیٹ نے بتایا کہ ہائیکورٹ کی جانب سےپہلےبھی عدالتی ضمانتیں دی گئی ہیں تو جج کا کہنا تھا کہ یہ نہیں کہناچاہتےکہ حفاظتی ضمانت نہیں دے رہے صرف معاونت لینا چاہتے ہیں۔

جسٹس شکیل احمد نے ریمارکس دیے آرٹیکل 199 میں دائر اختیار کا لفظ استعمال ہوا ہے، قاضی صاحب سے ہم سیکھنا چاہتے ہیں اس لیےسوالات کرتےہیں۔

عدالت نے بانی پی ٹی آئی کی اہلیہ کو کسی بھی مقدمےمیں گرفتارنہ کرنےکاحکم دیتے ہوئے کہا کہ اٹارنی جنرل آفس مقدمات تفصیل سےمتعلق تفصیلی رپورٹ جمع کرائے۔

پشاور ہائیکورٹ کا اٹارنی جنرل آفس کو 14 دن میں رپورٹ جمع کرانے کا حکم دے دیا۔

اسلام آباد : پی ٹی آئی رہنما ڈاکٹر بابر اعوان کا کہنا ہے کہ بشریٰ بی بی اور علیمہ خان کو پارٹی عہدہ دینا ہے یا نہیں بانی فیصلہ کریں گے۔

تفصیلات کے مطابق پی ٹی آئی رہنما ڈاکٹر بابر اعوان نے اے آر وائی نیوز کے پروگرام اعتراض ہے میں گفتگو کرتے ہوئے کہا کہ حکومت کی نالائقی، نظام کی ناکامی پر بحث ہونی چاہیے، دیگر مسائل پربات کرکےعوام کے مسائل سے توجہ ہٹا دی جاتی ہے، گیس کے زائد بل آ رہے ہیں، مہنگائی کی وجہ سے لوگ سبزیاں نہیں پکاسکتے۔

27ویں ترمیم کے حوالے سے پی ٹی آئی رہنما کا کہنا تھا کہ جس طرح 26ویں ترمیم منظورکرائی گئی ویسےہی 27ویں ترمیم منظور کرائی جائےگی، رات کی تاریکی میں آنےوالی ترامیم سےعوام کو کوئی دلچسپی نہیں ہے۔

انھوں نے کہا کہ ایران پرحملہ ہوا اس پربحث کرنی چاہیے لیکن27ویں ترمیم پر بات کی جارہی ہے، 27ویں ترمیم کے علاوہ بھی دیگر مسائل ہیں جس پر بحث ہوسکتی ہے۔

پی ٹی آئی میں اختلاقات کی تردید کرتے ہوئے ان کا کہنا تھا کہ پی ٹی آئی کے اندرکوئی لڑائی نہیں ہے نہ اتحاد کمزور ہوا ہے، پی ٹی آئی کے رہنما مضبوطی کے ساتھ پارٹی کے ساتھ کھڑےہیں، کہا جاتا تھا ڈی چوک پر کوئی نہیں آسکتا لیکن وہاں ہزاروں کارکن جمع ہوئے، اس وقت پی ٹی آئی سےزیادہ متحد اور کوئی پارٹی نہیں ہے۔

رہنما پی ٹی آئی نے بتایا کہ میں نےکہا تھا بانی پی ٹی آئی کی رہائی کےلیے دسمبر تک انتظار کریں، پی ٹی آئی نے ثابت کردیا ہےکہ ملک کی منظم ترین جماعت ہے۔

پارٹی عہدوں کے حوالے سے ان کا کہنا تھا کہ بشریٰ بی بی اور علیمہ خان کو پارٹی عہدہ دیناہےیانہیں بانی فیصلہ کریں گے، بانی پی ٹی آئی جس کو عہدہ دیں گے کارکنان اس کے ساتھ ہوں گے، بانی پی ٹی آئی جس کو بھی عہدہ دیں انہیں کارکردگی دکھانی پڑےگی۔