اوٹاوا: کینیڈا مین بشنوی گینگ کو دہشت گرد تنظیم قراردینے کا مطالبہ کردیا گیا ، بشنوی گینگ بھارتی انٹیلی جنس کے لیے کام کرتا ہے اور حالیہ برسوں میں کینیڈا میں متعدد قتل کی وارداتوں میں ملوث رہا ہے۔
تفصیلات کے مطابق کینیڈین حکام نے بھارت سے منسلک خطرناک منظم جرائم پیشہ نیٹ ورک بشنوی گینگ کو دہشت گرد تنظیم قرار دینے کا مطالبہ کیا ہے، جس پر کینیڈا کے وفاقی اور صوبائی رہنماؤں کی حمایت سامنے آ رہی ہے۔
غیر ملکی خبر ایجنسی کے مطابق کینیڈین حکام کا کہنا ہے کہ بشنوی گینگ بھارتی انٹیلی جنس کے لیے کام کرتا ہے اور حالیہ برسوں میں کینیڈا میں متعدد قتل کی وارداتوں میں ملوث رہا ہے۔ 2023 میں خالصتان رہنما ہردیپ سنگھ نجر کا قتل بھی اسی گینگ کے کارندے راکی کی نگرانی میں کیا گیا تھا۔
رپورٹ ک میں کہنا تھا کہ گینگ نے حالیہ دنوں میں برامپٹن اور برٹش کولمبیا میں بھارتی نژاد افراد کے قتل کی ذمہ داری قبول کی۔ مئی میں برامپٹن کے ہر جیت سنگھ دھدہ کو دفتر کے باہر فائرنگ سے قتل کیا گیا اور چند گھنٹوں بعد گینگ نے فیس بک پر اس کی ذمہ داری لی۔.
ایک ماہ بعد برٹش کولمبیا اور برامپٹن میں مزید دو بھارتی نژاد بزنس مین قتل کر دیے گئے۔
کینیڈین حکام نے کہا کہ بشنوی گینگ بھتہ خوری، تشدد اور دیگر سنگین جرائم میں ملوث ہے۔
برٹش کولمبیا کے وزیراعلیٰ ڈیوڈ ایبی اور البرٹا کی وزیراعلیٰ ڈینیئل اسمتھ نے گینگ کو دہشت گرد تنظیم قرار دینے کا مطالبہ کیا ہے، جبکہ البرٹا کے وزیرِ پبلک سیفٹی مائیک ایلس اور کینیڈین کنزرویٹو رہنماؤں کے ساتھ ساتھ برامپٹن کے میئر پیٹرک براؤن نے بھی اس اقدام کی حمایت کی ہے۔
بشنوی گینگ کا سربراہ لارنس بشنوی جیل سے عالمی سطح پر 700 سے زائد شوٹرز کو کنٹرول کرتا ہے۔ یہ گینگ پنجابی گلوکار سدھو موسے والا کے قتل کی ذمہ داری بھی قبول کر چکا ہے۔
اس کے علاوہ بھارتی گلوکار اے پی ڈھلوں، گپی گریوال کے گھروں پر حملے، سری (بی سی) کے بزنس مین ساتیش کمار کو دوملین ڈالر بھتہ نہ دینے پر فائرنگ کا نشانہ بنانے کے واقعات میں بھی ملوث رہا ہے جبکہ بھارتی کامیڈین کپل شرما کے کیفےپرفائرنگ کی ذمہ داری بھی گینگ نے قبول کی تھی۔